Notice

  "From the Karen National Political Dialogue to ward the Political Will of the Karen National"  

  "From the Karen National Political Dialogue to establish a Federal Democratic Union"  

  • English
  • Karen
  • Myanmar

Activity Detail

Districts

တၢ်လီၤကရၢကရိ ဒုးအိၣ်ထီၣ်က့ၤ ဟီၣ်ကဝီၤတနီၤ လၢတအိၣ်ဒံးလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢတၢ်ပြးအဖီလၥ်


လါမ့ၤ ၂၂ သီ, ၂၀၂၁ နံၣ်
ဖဲလါမ့ၤ ၁၂-၁၉ သီ, ၂၀၂၁ နံၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်ရ့ၣ်ချၢၣ်လွံၢ်ထူၣ်, ဆီထံးကီၢ်ဆၣ် တီခိၣ်ရိၣ်မဲဒီး လီၤကရၢကရိ ဒုးအိၣ်ထီၣ်က့ၤ ကရူၢ်လၢအလီၤမၢ်တ့ၢ်တနီၤ လၢ ၁၉၇၄ နံၣ် (တဲၥ်လွံၢ်တဲၥ်အစိၤ) ဒီး ဆီလီၤပၥ်လီၤက့ၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢတၢ်ပြးန့ၣ်လီၤ.
ကရူၢ်လၢ တၢ်က့ၤဒုးအိၣ်ထီၣ်ကဒါက့ၤအီၤတဖၣ် မ့ၢ်ဝဲ ထံခ့လိၥ်ကရူၢ်, ကျီသူခံကရူၢ်, ယၥ်လၣ်ပှၢ်ကရူၢ် တဖၣ်န့ၣ်လီၤ. ဟံၣ်ခိၣ်ခဲလၢၥ်အိၣ် (၁၈၈) ပှၤနီၣ်ဂံၢ်ခဲလၢၥ်အိၣ်ဝဲ (၇၆၃) ဂၤ န့ၣ်လီၤ. ကရူၢ်သ့ၣ်တဖၣ်အံၤ တၢ်ပၥ်လီၤက့ၤ ကရူၢ်ခိၣ်နၢ်ဒီး ဒူသဝီခိၣ်နၢ်တဖၣ် လၢကတီခိၣ်ရိၣ်မဲက့ၤတၢ်ဒ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၥ်လီၤကျဲသနူ အိၣ်အသိးန့ၣ်လီၤ.
ကရူၢ်ဒူသဝီသ့ၣ်တဖၣ်အံၤ တၢ်ပၥ်လီၤဒီး ဒုးအိၣ်ထီၣ်က့ၤဝဲ ခိၣ်နၢ်လၢကတီခိၣ်ရိၣ်မဲတၢ် တပတီၢ်ဘၣ်တပတီၢ် ဒ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်နဲၣ်ကျဲအိၣ်ဝဲအသိး န့ၣ်လီၤ. လီၤဆီဒၣ်တၢ် မုၢ်မဆါတနံၤအံၤ သုးမီၤစိရိၤ ဟံးန့ၢ်ဆူၣ်လံ တၢ်စိတၢ်ကမီၤအဃိ တၢ်ကဘၣ်မၤဆှဲမၤလဲက့ၤ တၢ်ပၢတၢ်ပြး ခဲအံၤအါတက့ၢ် ထံဖိကီၢ်ဖိတဖၣ်န့ၣ် အဲၣ်ဒိးဒုးတီခိၣ်ရိၣ်မဲအသးလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်တီခိၣ်ရိၣ်မဲအဖီလၥ် အဃိလီၤ. တၢ်လီၤဟူးဂဲၤတဘျီညါအံၤန့ၣ် ကီၢ်ဆၣ် သုးရ့ၣ် အတၢ်ပၥ်ဖှိၣ်မၤသကိးတၢ်ဒီး ဒုးကဲထီၣ်ဘၣ်က့ၤဝဲဒၣ် ဂ့ၤဂ့ၤန့ၣ်လီၤ.