Notice

  "From the Karen National Political Dialogue to ward the Political Will of the Karen National"  

  "From the Karen National Political Dialogue to establish a Federal Democratic Union"  

  • English
  • Karen
  • Myanmar

News

News

ကီၢ်ပယီၤ သုးမီၤစိရိၤ ဟံန့ၣ်ဆူၣ် တၢ်စိတၢ်ကမီၤတဖုအံၤ ဟူးဂၤ ဒီး စဲထီၣ်ဝဲလၢ ကီၢ်ရ့ၣ်ချၢၣ်လွံၢ်ထူၣ် တၢ်ပၢဟီၣ်ကဝီၤ

ယူၤလံ ၁၂ သီ ၂၀၂၁ နံၣ် သူလ့ၤတၢ်စီၣ်
ယူၤလံ ၁၁ သီ ၂၀၂၁ နံၣ် ဂီၤ ၉း၀၀ နၣ်ရ့ၣ် အဆၢကတီၢ် သုးမီၤစိရိၤ တၢ်တီခိၣ်ရိၢ်မဲအဖီလၥ် ခလရ ၉၆ တဖုအံၤ ဘၣ်တၢ်တီခိၣ်ရိၢ်မဲအီၤလၢ ငွ့ၢ်လ့ဖိ (တပ်ခွဲမူး) တဂၤအံၤ တီခိၣ်ရိၢ်မဲဒီး ဟဲထီၣ်ဝဲ (၈) ဂၤဒီးက့ၢ်ဂီၤလၢပှဲၤ ဖဲဆီထံးကီၢ်ဆၣ် (ကီၢ်ရ့ၣ်ချၢၣ်လွံၢ်ထူၣ်) တၢ်ပၢ ကၠဲးထံယိလ့, ထံ၀ၣ်ဘှ့ခံ ဟီၣ်ကဝီၤတၢ်လီၢ်န့ၣ်လီၤ.
တၢ်ဂ့ၢ်တခီ မ့ၢ်အဟဲကွၢ်က့ၤ အစခါလီၢ်လံ (ကၠီးထးကၠံစခါ) လၢအဟးကွံၥ် ဖဲ ၂၀၁၉ နံၣ် အပူၤန့ၣ်လီၤ. စခါအံၤ ဟဲအိၣ်သူၣ်လီၤအသးလၢ (၁၉၈၈) နံၣ် လံၤလံၤလံန့ၣ်လီၤ. စးထီၣ်ဖဲ ၂၀၁၉ နံၣ်တုၤ ၂၀၂၁ နံၣ် ယူၤလံ ၁၁ သီအနံၤန့ၣ် တၢ်ဘၢၣ်စၢၤကယံၥ် ၂ နံၣ် လၢအတဟဲအိၣ်ဝဲဒၣ်န့ၣ်လီၤ.
လၢတၢ်ဂ့ၢ်အံၤအဖီခိၣ် "သုးတဖုအံၤ ဟဲဒီးတဲဝဲလၢ သါဟဲကွၢ်က့ၤဒၣ် သါစခါလီၢ်လံၤတဖျၢၣ် လၢသါဟဲအိၣ်တ့ၢ် အပူၤကွံၥ်န့ၣ်လီၤ. မ့ၢ်ဒၣ်အဟဲကွၢ်က့ၤ တၢ်အိၣ်သးသ့ၣ်တဖၣ် ဒီး တၢ်လီၢ်တၢ်ကျဲသ့ၣ်တဖၣ်လီၤ." လီၢ်ကဝီၤထံဖိကီၢ်ဖိ တပၥ်ဖျါအမံၤတဂၤ တဲဝဲန့ၣ်လီၤ.
ခီဖျိအသးလၢအပူၤကွံၥ် လါယူၤ ၂၃ သီ ၂၀၂၁ နံၣ် ကီၢ်ပယီၤသုး ဟံန့ၣ်ဆူၣ်တၢ်စိတၢ်ကမီၤ သုးနီၣ်ဂံၢ် (တမ ၄၄ လက်အောက်ခံ ခမရ ၄၀) လၢအိၣ်လၢ ဘံလံ (ကီၢ်ရ့ၣ်ဒူသထူၣ်) သုးကလၢၤတဖၣ် ဟဲထီၣ်စ့ၢ်ကီးဝဲလၢ ဆီထံးကီၢ်ဆၣ် ဟီၣ်ကဝီၤ သဲးခီထၣ်တၢ်လီၢ်ပူၤတဖၣ်လီၤ.
ယူၤလံ ၁၀ သီ ၂၀၂၁ နံၣ်န့ၣ် ကီၢ်ပယီၤသုး ဟံန့ၣ်ဆူၣ်တၢ်စိတၢ်ကမီၤ သုးနီၣ်ဂံၢ် (ခမရ ၄၂၀), ခမရ (၁၀၁), ခမရ (၁၀၄), ခလရ (၂၂) သုးတဖၣ်အံၤ ဟဲထီၣ်ဝဲလၢ (သထိုခရိုင်, ကျိုက်ထိုမြို့နယ်) ခမီးခွ့ၢ်, ဘျါဒ့, ကိးကး, တၢ်လီၢ်ဟီၣ်ကဝီၤ သ့ၣ်တဖၣ်န့ၣ်လီၤ. တၢ်လီၢ်သ့ၣ်တဖၣ်အံၤ ဘူးဒီးဟီၣ်ကဝီၤဆၢလၢ ကၠဲးထိၢ်ကီၢ်ဆၣ် ဒီး ဆီထံးကီၢ်ဆၣ် န့ၣ်လီၤ
ခီဖျိလၢ ကီၢ်ပယီၤသုးမီၤစိရိၤ တၢ်ဟူးတၢ်ဂဲၤ အိၣ်ဒီးဟးထီၣ်ဟးလီၤဒ်အံၤအဃိ ကဲထီၣ်တၢ်ပျံၤတၢ်ဖုး တၢ်ဘၣ်ယိၣ်ဘၣ်ဘှီဒိၣ်ဒိၣ်လၢ လီၢ်ကဝီၤထံဖိကီၢ်ဖိသ့ၣ်တဖၣ် အဂီၢ်န့ၣ်လီၤ. သုးဟံန့ၣ်ဆူၣ် တၢ်စိတၢ်ကမီၤတဖုအံၤ ဖဲအဟဲထီၣ်တဘျီလၢ်လၢ် လၢတၢ်လီၢ်သ့ၣ်တဖၣ်န့ၣ် ထံဖိကီၢ်ဖိတဖၣ် ဘၣ်ဃ့ၢ်အိၣ်ကဒုလၢ တၢ်လီၢ်အဂၤ လၢသးသမူ တၢ်ဘံၣ်တၢ်ဘၢ အဂီၢ်န့ၣ်လီၤ.