Notice

  "From the Karen National Political Dialogue to ward the Political Will of the Karen National" 

  "From the Karen National Political Dialogue to establish a Federal Democratic Union" 

  • English
  • Karen
  • Myanmar

တၢ်ဂ့ၢ်အလၢအပှဲၤ

ဝဲၤကျိၤတဖၣ်

တၢ်အကျိၤအကျဲလၢ အဟ့ၣ်က့ၤ တၢ်စံးဆၢ တဘျီဃီ ဆူ ပှၤလၢ အတူၢ်ဘၣ် သွံၣ်ထံးမုၣ်ခွါ တၢ်စုဆူၣ်ခီၣ်တကး လၢကညီကီၢ်စဲၣ်အဂီၢ် အလံၥ်နဲၣ်ကျဲ တၢ်မၤလိ

တၢ်အကျိၤအကျဲလၢ အဟ့ၣ်က့ၤ တၢ်စံးဆၢ တဘျီဃီ ဆူ ပှၤလၢ အတူၢ်ဘၣ် သွံၣ်ထံးမုၣ်ခွါ တၢ်စုဆူၣ်ခီၣ်တကး လၢကညီကီၢ်စဲၣ်အဂီၢ် အလံၥ်နဲၣ်ကျဲ တၢ်မၤလိ

လါ အီးကထိဘၢၣ် ၂၈-၃၀ သီ ၂၀၁၉ နံၣ်


လီၢ်ခၢၣ်သး ကညီပိၥ်မုၣ်ကရၢ တီခိၣ်ရိၣ်မဲ ဒီး မၤဝဲ တၢ်အကျိၤအကျဲလၢ အဟ့ၣ်က့ၤ တၢ်စံးဆၢ တဘျီဃီ ဆူ ပှၤလၢအတူၢ်ဘၣ် သွံၣ်ထံးမုၣ်ခွါ တၢ်စုဆူၣ်ခီၣ်တကး လၢကညီကီၢ်စဲၣ်အဂီၢ် လံၥ်နဲၣ်ကျဲ တၢ်မၤလိ တကတီၢ် ဖဲလါအီးကထိဘၢၣ် ၂၈ သီတုၤ ၃၀ သီ ၂၀၁၉ နံၣ် န့ၣ်လီၤ. တၢ်မၤလိအံၤ ဘၣ်တၢ်မၤအီၤဖဲ မဲၢ်တီၢ်တၢ်ဆါဟံၣ်ဝဲၤဒၢး ဒီး ဘၣ်တၢ်တီခိၣ်ရိၣ်မဲအီၤလၢ ကညီပိၥ်မုၣ်ကရၢ ဒီး ပှၤလၢအဟ့ၣ်တၢ်သိၣ်လိတခီ မ့ၢ်ဝဲ ပှၤဂ့ၢ်ဝီ ၀ဲၤကျိၤမူဒါခိၣ် သရၣ်မုၣ်နီၢ်ဒါမုၣ် န့ၣ်လီၤ.


တၢ်မၤလိတဘျီအံၤ အတၢ်ပညိၣ်မ့ၢ်ဝဲ လၢကညီကီၢ်စဲၣ်ပူၤ ပှၤလၢအတူၢ်ဘၣ် သွံၣ်ထံးမုၣ်ခွါ တၢ်စုဆူၣ်ခီၣ်တကး သ့ၣ်တဖၣ် ကသ့ၣ်ညါဘၣ်ဝဲ တၢ်အကျိၤအကျဲလၢ ကဘၣ်လဲၤပၥ်ဖျါထီၣ်ဝဲ ဒ်လဲၣ် ဒီး ကရူၢ်ကရၢလၢ အဘၣ်ထွဲတဖၣ် ကသ့ၣ်ညါဝဲလၢ ကဘၣ်ဆီၣ်ထွဲမၤစၢၤ ပှၤတူၢ်ဘၣ်တၢ်အံၤ ဒ်လဲၣ်အဂ့ၢ်န့ၣ်လီၤ. ဒ်န့ၣ်အသိး ပှၤလၢအတူၢ်ဘၣ်တၢ် သ့ၣ်တဖၣ် ကဒိးန့ၢ်ဘၣ်ဝဲ တၢ်တီတၢ်တြၢ်, တၢ်ကဟုကယၥ်, တၢ်ဆီၣ်ထွဲမၤစၢၤ ဒီး ပှၤလၢ အမၤကမၣ်တၢ်တဖၣ် တၢ်ကဟံးထီၣ်အီၤ ဂ့ၢ်ဝီ ဒ်သဲစးတၢ်ဘျၢ အိၣ်အသိး ကသ့အဂီၢ်န့ၣ်လီၤ.


တၢ်မၤလိတဘျီအံၤ ပှၤလၢအဟံးမူဒါလၢ တၢ်သိၣ်လိတဖၣ် မ့ၢ်ဝဲ သရၣ်မုၣ် နီၢ်ဒါမုၣ် (ကညီပိၥ်မုၣ်ကရၢ) သိၣ်လိဘၣ်ဃး တၢ်အကျိၤအကျဲလၢ အဟ့ၣ်က့ၤတၢ်စံးဆၢတဘျီဃီ ဆူ ပှၤလၢအတူၢ်ဘၣ် သွံၣ်ထံးမုၣ်ခွါ တၢ်စုဆူၣ်ခီၣ်တကး လၢကညီကီၢ်စဲၣ်အဂီၢ် အလံၥ်နဲၣ်ကျဲ, သရၣ်မုၣ် နီၢ်လွဲထူစ့ (ကညီတၢ်ဆီၣ်ထွဲမၤစၢၤ သဲစးဝဲၤကျိၤ) ဟ့ၣ်ခီဟ့ၣ်နီၤဘၣ်ဃး သဲးစးတၢ်သိၣ်တၢ်သီတဖၣ်, သရၣ်မုၣ် နီၢ်ဖီဂ့ၤထူ (ကညီပိၥ်မုၣ်ကရၢ) ဟ့ၣ်ခီဟ့ၣ်နီၤဘၣ်ဃး တၢ်ဒီသဒၢ ဖိသၣ် သ့ၣ်တဖၣ်န့ၣ်လီၤ. 


တၢ်အကျိၤအကျဲလၢ အဟ့ၣ်က့ၤတၢ်စံးဆၢ တဘျီဃီ ဆူ ပှၤလၢ အတူၢ်ဘၣ် သွံၣ်ထံးမုၣ်ခွါ တၢ်စုဆူၣ်ခီၣ်တကး လၢကညီကီၢ်စဲၣ်အဂီၢ် အလံၥ်နဲၣ်ကျဲ တဘ့ၣ်အံၤ တၢ်မၤဖျါထီၣ် အမိၢ်လံၤမိၢ်ပှၢ် ကန့ၢ်အဂီၢ် ကညီတၢ်ကရၢကရိတဖၣ် ကသ့ဖီၣ်လိၥ်အစု ဒီး မၤသကိးတၢ် ဘူးဘူးတံၢ်တံၢ် ဒီး ကနၢ်ပၢၢ်ဝဲ လံၥ်နဲၣ်ကျဲတဘ့ၣ်အံၤ ဘျဲးဘျဲးဘျီးဘျီးအဂီၢ် တၢ်ဟ့ၣ်တၢ်မၤလိ မ့ၢ်ဝဲ အခီၣ်ထံးကတၢၢ်တဘျီ လီၤ အဂ့ၢ်န့ၣ် သရၣ်မုၣ် နီၢ်ဒါမုၣ် စံးဝဲဒၣ်န့ၣ်လီၤ.


တၢ်ကရၢ်ကရိ ခၢၣ်စးလၢ အဟဲထီၣ်တၢ်မၤလိတဖၣ် မ့ၢ်ဝဲ KECD, DOI, KYO, KLAC, KHRG, KWO, MTC, BPHWT, KDHW and BMA ခၢၣ်စးခဲလၢၥ် (၂၂) ဂၤန့ၣ်လီၤ.


ကညီပိၥ်မုၣ်ကရၢ မ့ၢ်ကရၢတဖုလၢ အဟူးဂဲၤလၢ ကညီပိၥ်မုၣ်ပိၥ်မၢၤတဖၣ် အတၢ်ခွဲးတၢ်ယၥ် ဒီး အတၢ်ဖံးတၢ်မၤတဖၣ် ဘၣ်တၢ်သ့ၣ်ညါ ပၥ်ပနီၣ်အီၤလၢ ကညီကမျၢၢ်တဖၣ် တကးဘၣ် ထံဂုၤကီၢ်ဂၤ တၢ်ကရၢကရိတဖၣ် သ့ၣ်ညါပၥ်ပနီၣ် ကညီပိၥ်မုၣ်ကရၢ အတၢ်ဖံးတၢ်မၤတဖၣ် စ့ၢ်ကီးန့ၣ်လီၤ.

ပူၤကွံၥ်တယံၥ်ဒံးဘၣ်

တၢ်ဂ့ၢ်တၢ်ကျိၤလၢ တၢ်ဟံးန့ၢ် အအါကတၢၢ်တဖၣ်

ပူၤကွံၥ်တယံၥ်ဒံးဘၣ်

တၢ်ဘိးဘၣ်သ့ၣ်ညါ