Notice

  "From the Karen National Political Dialogue to ward the Political Will of the Karen National" 

  "From the Karen National Political Dialogue to establish a Federal Democratic Union" 

  • English
  • Karen
  • Myanmar

တၢ်ဂ့ၢ်အလၢအပှဲၤ

ကီၢ်ရ့ၣ်တဖၣ်

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သး ခိၣ်နၢ် ဒီး တီအူကီၢ်ရ့ၣ်, သုးက့ (၂) ခိၣ်နၢ်တဖၣ် တၢ်ထံၣ်လိၥ်အိၣ်သကိး

ဖဲ ၂၀၁၉ နံၣ် လါအီးကထိဘၢၣ် ၂၆ သီတုၤ ၂၇ သီအနံၤန့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သးခိၣ်နၢ် ဒီး တီအူကီၢ်ရ့ၣ်, သုးက့ (၂) ခိၣ်နၢ်တဖၣ် မၤဝဲတၢ်ထံၣ်လိၥ်အိၣ်သကိးတကတီၢ် ဖဲ တီအူကီၢ်ရ့ၣ်, ထိၣ်လွံၢ်ဝါကၠိ န့ၣ်လီၤ.

တၢ်ထံၣ်လိၥ်တၢၣ်ပီၣ်တဲသကိး တဘျီအံၤ လီၢ်ခၢၣ်သး ခိၣ်နၢ်လၢ အပၣ်ဃုၥ်ပၣ်ဂီၢ်တဖၣ် မ့ၢ်ဝဲ ပဒိၣ်စီၤတၢ်ဒိၣ်မူ (နဲၣ်ရွဲၣ်ခိၣ်ကျၢၢ်), ပဒိၣ်စီၤလးထိ (နဲၣ်ရွဲၣ်ခိၣ်ကျၢၢ်သဃဲၤ ၂) ပဒိၣ်စီၤတီနံ (ထံဂုၤကီၢ်ဂၤဝဲၤကျိၤခိၣ်), ပဒိၣ်စီၤဆၢဂ့ၤ (လီၢ်ခၢၣ်သးထီဘိကမံးတံၥ်), ဒီး သုးခိၣ်စီၤတူတူလ့ တဖၣ်န့ၣ်လီၤ. လၢတီအူကီၢ်ရ့ၣ်တကပၤ ခိၣ်နၢ်လၢအဟဲထီၣ် တၢ်ထံၣ်လိၥ်အိၣ်သကိးတဖၣ် မ့ၢ်ဝဲ တီအူကီၢ်ရ့ၣ် ခိၣ်နၢ်ဘၣ်မူဘၣ်ဒါတဖၣ် ဒီး သုးက့ ၂ ခိၣ်နၢ်ဘၣ်မူဘၣ်ဒါတဖၣ် ဟဲထီၣ်ဝဲဒၣ်န့ၣ်လီၤ.

တၢ်ထံၣ်လိၥ်တၢၣ်ပီၣ်သကိး ၂ သီအံၤ တၢ်ဂ့ၢ်ခိၣ်တီလၢ တၢ်တဲသကိးတဖၣ် မ့ၢ်ဝဲ

(၁) တကီၢ်ခါ တၢ်ဂဲၤလိၥ်လၢ ထံလီၢ်ကီၢ်ပူၤ တၢ်မုၥ်တၢ်ခုၣ် အတၢ်လဲၤကျဲ အဖီခိၣ် တၢ်အိၣ်သးဒီး တၢ်ကီတၢ်ခဲလၢ တၢ်ဘၣ်ကွၢ်ဆၢမဲၥ်အီၤတဖၣ်

(၂) ကလုၥ်ဒူၣ်လၢ အဆဲးလီၤမံၤလၢ တၢ်ပတုၥ်တၢ်ခး လံၥ်ဃံးဃၥ်အပူၤတဖၣ် အတၢ်ဘၣ်ကွၢ်ဆၢမဲၥ် ဒီး တၢ်တၤတၢ်ဒီးအီၤတဖၣ်

(၃) လၢတၢ်ဃဲၣ်လီၤဘှါလီၤ တၢ်သဘံၣ်သဘုၣ် အဖီခိၣ် ကီၢ်ပဒိၣ် ဒီး ကီၢ်ပယီၤ သုးမုၢ်ဒိၣ် သ့ၣ်တဖၣ် အတၢ်ပၥ်သး, ထံရူၢ်ကီၢ်သဲးဂ့ၢ်ဝီ အဖီခိၣ် ကီၢ်ပဒိၣ် အတၢ်ပၥ်သး, ကလုၥ်ဒူၣ်တဖၣ် တၢ်ထံၣ်လိၥ်တၢၣ်ပီၣ်တဲသကိးအဖီခိၣ် တၢ်အိၣ်သးတဖၣ်, ခ့ၣ်အဲၣ်ယူၣ် အတၢ်မုၢ်လၢ်ကွၢ်စိလၢ တၢ်ဂဲၤလိၥ်လၢ ထံလီၢ်ကီၢ်ပူၤ တၢ်မုၥ်တၢ်ခုၣ် အဂ့ၢ်အကျိၤသ့ၣ်တဖၣ် န့ၣ်လီၤ.

(၄) ဒ်သိး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်သူၣ်ထီၣ်ဆီလီၤ ကဃံးဃီၣ်ဒီၣ်အဂီၢ် တၢ်ကြၢးမၤအီၤဒ်လဲၣ် အဂ့ၢ်အကျိၤတဖၣ်

(၅) တီအူကီၢ်ရ့ၣ်ပူၤ တၢ်ဂ့ၢ်ကီလၢ တၢ်ဘၣ်ကွၢ်ဆၢမဲၥ်အီၤတဖၣ် တၢ်ပၥ်ဖျါ တၢၣ်ပီၣ်တဲသကိးအီၤန့ၣ်လီၤ.

ဒ်တၢ်ဂ့ၢ်ခိၣ်တီလၢ တၢ်တဲသကိးအီၤတဖၣ် အသိး ဒ်သိးကီၢ်ရ့ၣ်, သုးက့တဖၣ် အတၢ်သူၣ်ထီၣ်ဆီလီၤ ကဂၢၢ်ကျၢၤ ခၢၣ်သနၢၣ်အဂီၢ် တၢ်တၢၣ်ပီၣ် တဲသကိး တၢ်ပၥ်လီၤတၢ်မၤရဲၣ်ကျဲၤ ဒ်သိး တၢ်ကီတၢ်ခဲလၢ အဟဲပၢၢ်ထီၣ်တဖၣ် တၢ်ဃဲၣ်လီၤဘှါလီၤအီၤ ကန့ၢ်အဂီၢ်န့ၣ်လီၤ.


လါအီးကထိဘၢၣ် ၂၆-၂၇, ၂၀၁၉ နံၣ်

ပူၤကွံၥ်တယံၥ်ဒံးဘၣ်

တၢ်ဂ့ၢ်တၢ်ကျိၤလၢ တၢ်ဟံးန့ၢ် အအါကတၢၢ်တဖၣ်

ပူၤကွံၥ်တယံၥ်ဒံးဘၣ်

တၢ်ဘိးဘၣ်သ့ၣ်ညါ