Notice

  "From the Karen National Political Dialogue to ward the Political Will of the Karen National" 

  "From the Karen National Political Dialogue to establish a Federal Democratic Union" 

  • English
  • Karen
  • Myanmar

တၢ်ဂ့ၢ်အလၢအပှဲၤ

ကီၢ်ရ့ၣ်တဖၣ်

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် အတၢ်ဘိးဘၣ်သ့ၣ်ညါ ဘၣ်ဃး (Covid 19) တၢ်ဆါ ဒီး တၢ်နဲၣ်လီၤလၢ တၢ်ကဘၣ်လူၤပိၥ်မၤထွဲအီၤတဖၣ်

ဘၣ်ဃးဒီး (Covid 19) ခိၣ်ရိၣ်နၢ်တၢ်ဆါ အံၤဒ်တၢ်အိၣ်ဆူၣ်အိၣ်ချ့ ကရၢ အတၢ်နဲၣ်လီၤပၥ်ဖျါအသိး တၢ်မ့ၢ်တလူၤပိၥ်ထွဲအီၤဘၣ်ဒီး ခ့ၣ်အဲၣ်ယူၣ် - ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ကီၢ်ရ့ၣ်နဲၣ်ရွဲၣ်ပဒိၣ်စီၤလံးစတၢၣ် ပၥ်ဖျါထီၣ်ဒီးနဲၣ်လီၤဝဲလၢ လီၢ်ကဝီၤခိၣ်နၢ်တဖၣ်ကဟံထီၣ်ဂ့ၢ်ဝီလီၤတံၢ်လီၤဆဲး ဒ်လီၢ်ကဝီၤ တၢ်သိၣ်တၢ်သီအိၣ်အသိးန့ၣ်လီၤ.

ပှၤလၢ အအိၣ်ဆိးလၢ ခ့ၣ်အဲၣ်ယူၣ် - ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ်အပူၤတဖၣ် ဘၣ်ဃးဒီး(Covid 19)ခိၣ်ရိၣ်နၢ်တၢ်ဆါအံၤ ဒ်တၢ်အိၣ်ဆူၣ်အိၣ်ချ့ ကရၢတဖၣ် အတၢ်နဲၣ်လီၤအသိး တၢ်ကဘၣ်လူၤပိၥ်ထွဲမၤထွဲအီၤန့ၣ်လီၤ. ပှၤလၢအဟဲက့ၤလၢ တၢ်ချၢတဖၣ် လၢတၢ်အိၣ်ခိးကွၢ် တၢ်ဆါအဂီၢ် ကဘၣ်အိၣ်လၢ တၢ်လီၢ်လီၤဆီလၢ တဆံလွံၢ်သီအတီၢ်ပူၤန့ၣ်လီၤ. မ့ၢ်တလူၤပိၥ်ထွဲတၢ်နဲၣ်လီၤတဖၣ်ဘၣ်န့ၣ် ကဘၣ်လီၤဘၣ်လၢ တၢ်ပၢၤဃၥ်အပူၤ တဆံယဲၢ်သီန့ၣ်လီၤ. ဒ်သိးတၢ်ကလူၤပိၥ်မၤထွဲဲ တၢ်နဲၣ်လီၤတဖၣ်အဂီၢ် ခ့ၣ်အဲၣ်ယူၣ် - ကညီဒီကလုၥ်စၢဖှိၣ်ကရၢ လီၢ်ကဝီၤခိၣ်နၢ် ဘၣ်မူဘၣ်ဒါတဖၣ် ကတီခိၣ်ရိၣ်မဲကွၢ်ထွဲစၢၤန့ၣ်လီၤ.

ထံဖိကီၢ်ဖိကမျၢၢ်လၢ အအိၣ်ဆိးလၢ ဒူပျၥ်ယၥ်ကီၢ်ရ့ၣ်ပူၤတဖၣ် ဘၣ်ဃးဒီးတၢ်ဒီသဒၢ တၢ်ဆါ (Covid 19) တၢ်ဆါအံၤ တၢ်ကပၥ်အီၤဒ်အမ့ၢ် ကလုၥ်ဂ့ၢ်ဝီတၢ်မၤတခါဒီး တၢ်ကပၥ်ဖှိၣ်မၤသကိးတၢ်အဂီၢ် ကီၢ်ရ့ၣ်ခိၣ်နၢ်တဖၣ် ဟ့ၣ်သဆၣ်ထီၣ်ဝဲ ကမျၢၢ်သ့ၣ်တဖၣ်န့ၣ်လီၤ. ဒူပျၥ်ယၥ်ကီၢ်ရ့ၣ် ဆူၣ်ချ့မၤစၢၤဝဲၤကျိၤစ့ၢ်ကီး ဘၣ်ဃး (Covid 19)တၢ်ဆါအံၤ တၢ်ကဒီသဒၢအီၤတုၤလီၤတီၤလီၤအဂီၢ် ဝဲၤကျိၤအံၤ လီၤဟ့ၣ်စ့ၢ်ကီး တၢ်သိၣ်လိလၢ အဘၣ်ဃးဒီး တၢ်တြီဆၢဒီသဒၢ (Covid 19) တၢ်ဆါအံၤ အဂ့ၢ်ဆူကီၢ်ရ့ၣ်ပူၤ ကရၢဘၣ်ထွဲတဖၣ်န့ၣ်လီၤ.

ဒူပျၥ်ယၥ်ကီၢ်ရ့ၣ်ပူၤ ကီၢ်ဆၣ်ဒ်အမ့ၢ် ဝီၢ်ရ့ၣ်ကီၢ်ဆၣ်, နိၣ်တကီကီၢ်ဆၣ်, ကြုၢ်တုကီၢ်ဆၣ်ဒီး ကီးကရံးကီၢ်ဆၣ်တဖၣ် ကမျၢၢ်လၢ အဟဲက့ၤလၢ တၢ်ချၢတဖၣ် လၢတၢ်ခိးကွၢ် တၢ်ဆါအဂီၢ် ကီၢ်ဆၣ်တဘ့ၣ်စုၥ်စုၥ်အပူၤတၢ်ပၥ်လီၤ ဆီန့ၢ်တၢ်လီၢ်ခံတီၤန့ၣ်လီၤ. ကီၢ်ဆၣ်ပတီၢ် ဆူၣ်ချ့မၤစၢၤဝဲၤကျိၤစ့ၢ်ကီး လၢတၢ်တြီဆၢဒီသဒၢ (Covid 19)တၢ်ဆါအဂီၢ် ဟးလီၤဟ့ၣ်စ့ၢ်ကီး တၢ်သ့ၣ်ညါနၢ်ပၢၢ် ဆူဒူသဝီပတီၢ်လၢ အဘၣ်ဃးဒီးတၢ်တြီဆၢ ဒီသဒၢ (Covid 19) တၢ်ဆါအံၤန့ၣ်လီၤ. တၢ်မ့ၢ်ထံၣ်န့ၢ် ပှၤဆါလၢ တၢ်တယးကွၢ်ကမ့ၢ်ဘၣ်ဖုး (Covid 19) တၢ်ဆါန့ၣ် ဆူၣ်ချ့မၤစၢၤ ဝဲၤကျိၤပၥ်လီၤဃၥ်စ့ၢ်ကီး တၢ်ရဲၣ်တၢ်ကျဲၤလၢ တၢ်ကဘၣ်ဆှၢခီဖျိအီၤ တဆီဘၣ်တဆီဒ်လဲၣ်န့ၣ်လီၤ. ခ့ၣ်အဲၣ်ယူၣ် - ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် တၢ်ပၢဟီၣ်ကဝီၤပူၤ ပှၤ လၢအဘၣ်ကူဘၣ်ဂၥ်ဒီး (Covid 19)တၢ်ဆါအံၤ တအိၣ်ဒံးဝဲနီတဂၤဘၣ်အဂ့ၢ် သ့ၣ်ညါဘၣ်န့ၣ်လီၤ.

တၢ်မ့ၢ်ထံၣ်န့ၢ်ပှၤဆါလၢ တၢ်တယးကမ့ၢ်ဝဲ (Covid 19) တၢ်ဆါန့ၣ် လီတဲစိနီၣ်ဂံၢ်လၢလၥ်တဖၣ် တၢ်ဆဲးကျိးအီၤသ့န့ၣ်လီၤ.

၀၉-၇၇၆၄၇၆၀၁၆ (ကီၢ်ရ့ၣ်ဝဲၤဒၢး)
၀၉-၆၈၁၈၆၆၇၂၀ (ကီၢ်ရ့ၣ်-ဆူၣ်ချ့မၤစၢၤဝဲၤကျိၤခိၣ်
၀၉-၇၈၀၈၀၅၀၆၇, ၀၉-၄၅၈၇၁၃၃၂၈ (နိၣ်တကီကီၢ်ဆၣ်)
၀၉-၇၇၄၂၉၁၅၈၅ (ကြုၢ်တုကီၢ်ဆၣ်) ၀
၉-၇၆၀၅၀၂၄၃၁, ၀၉-၄၉၃၃၈၂၀၀, ၀၉-၄၅၄၉၂၄၄၁၅, ၀၉-၇၉၈၀၈၂၆၅၅ (ဝီၢ်ရ့ၣ်ကီၢ်ဆၣ်)
၀၉-၄၄၃၆၇၃၀၉၉, ၀၉-၄၉၇၇၄၀၃၂ (ကီးတရံးကီၢ်ဆၣ်)

လါမးရှး ၃၀ သီ ၂၀၂၀ နံၣ်

ပူၤကွံၥ်တယံၥ်ဒံးဘၣ်

တၢ်ဂ့ၢ်တၢ်ကျိၤလၢ တၢ်ဟံးန့ၢ် အအါကတၢၢ်တဖၣ်

ပူၤကွံၥ်တယံၥ်ဒံးဘၣ်

တၢ်ဘိးဘၣ်သ့ၣ်ညါ