Notice

  "From the Karen National Political Dialogue to ward the Political Will of the Karen National"  

  "From the Karen National Political Dialogue to establish a Federal Democratic Union"  

  • English
  • Karen
  • Myanmar

Details of the Activity

  • Home
  • Activity
  • Details of the Activity
Headquarters

ကေအဲန်ယူ-ကရင်အမျိုးသားအစည်းအရုံး၊ဗဟို၌ ၂၇၆၄ ခုနှစ်၊ ကရင်အမျိုးသားနှစ်သစ်ကူးနေ့ အခမ်းအနားကျင်းပပြုလုပ်

၂၀၂၄ ခုနှစ်၊ ဒီဇင်ဘာလ (၃၀) ရက်၊ကေအဲန်ယူ-ဗဟို။
ယနေ့ ၂၇၆၄ ခုနှစ်၊ သလေလဆန်း (၁)ရက်နေ့ ၌ကျရောက်သော ကရင်အမျိုးသားနှစ်သစ်ကူးနေ့အား ဂုဏ်ပြုခြင်း အခမ်းအနားတစ်ရပ်ကို ကေအဲန်ယူ-ကရင်အမျိုးသားအစည်းအရုံး၊ ဗဟို၌ ကျင်းပပြုလုပ်ခဲ့သည်။
အခမ်းအနားတွင် ကေအဲန်ယူ-ကရင်အမျိုးသားအစည်းအရုံး၊ တွဲဖက်အတွင်းရေးမှူး (၂) ပဒို စောလှထွန်းမှ အဖွင့်မိန့်ခွန်းပြောကြာပြီးနောက် ကရင်အမျိုးသား နှစ်သစ်ကူးနေ့ဖြစ်ပေါ်လာပုံနှင့် ကရင်အမျိုးသားအလံတော်ဖြစ်ပေါ်လာပုံတို့အား ဖတ်ကြားခြင်း၊ ၂၇၆၄ ခုနှစ် ကရင်အမျိုးသားနှစ်သစ်ကူးနေ့သို့ပေးပို့သော ကေအဲန်ယူ-အမျိုးသားအစည်းအရုံး ဥက္ကဋ္ဌ ၏ မိန့်ခွန်းနှင့် ပေးပို့လာသော သဝဏ်လွှာများဖတ်ကြားခြင်းများပြုလုပ်ခဲ့သည်။
အခမ်းအနားသို့ ကေအဲန်ယူ-ကရင်အမျိုးသားအစည်းအရုံး၊ တွဲဖက်အတွင်းရေးမှူး (၁) ပဒိုစောသောသီဘွဲ၊ ကေအဲန်ယူ-ဗဟိုအလုပ်အမှုဆောင်ကော်မတီဝင် ပဒိုနော်ဒါးဒါး၊ ကေအဲန်ယူ-ဗဟိုအမြဲတမ်းကော်မတီဝင် ပဒိုစောသမိန်ထွန်း၊ ကရင်အမျိုးသားလွတ်မြောက်ရေးတပ်မတော် တွဲဖက်စစ်ရေးချုပ် ဗိုလ်မှူးချုပ် စဖါးလုံးဟိန်း နှင့် Australian Karen Organization (AKO) ဥက္ကဋ္ဌ စောလွင်ဦးတို့ တက်ရောက်၍ နှစ်သစ်ကူး နှုတ်ခွန်းဆက်စကားများနှင့် အားပေးစကားများပြောကြားခဲ့သည်။
အဆိုပါအခမ်းအနားတွင် ကရင်အမျိုးသားရိုးရာဒုံးအကများဖြင့် ကပြဖျော်ဖြေခြင်းများ၊ အားကစားပွဲကျင်းပခြင်းများပြုလုပ်ခဲ့ကြပြီး အခမ်းအနားသို့ ခေါင်းဆောင်ကြီးများ နှင့် ဧည့်သည်တော်များ စုစုပေါင်း လူဦးရေ (၁၅၀) ကျော်တက်ရောက်အားပေးခဲ့သည်။

Related Activity

Search

Recent Video