ကရင်အမျိုးသားအစည်းအရုံး (ဗဟို) ဌာနချုပ်၌ (၇၆) နှစ်မြောက် ကရင့်တော်လှန်ရေးနေ့ အထိမ်းအမှတ် အခမ်းနားအား အောင်မြင်စွာ ကျင်းပပြုလုပ်ပြီးစီး

ကရင်အမျိုးသားအစည်းအရုံး (ဗဟို) ဌာနချုပ်၌ (၇၆) နှစ်မြောက် ကရင့်တော်လှန်ရေးနေ့ အထိမ်းအမှတ် အခမ်းနားအား အောင်မြင်စွာ ကျင်းပပြုလုပ်ပြီးစီး

ဇန်နဝါရီလ (၃၁) ရက်၊ ၂၀၂၅ ခုနှစ်၊ ကေအဲန်ယူ−ဗဟို။

ကေအဲန်ယူ-ကရင်အမျိုးသားအစည်းအရုံး (ဗဟို) ဌာနချုပ် နေရာတစ်နေရာ၌ ယနေ့ ဇန်နဝါရီလ (၃၁) ရက်နေ့တွင်ကျရောက်သည့် ကရင့်တော်လှန်ရေးနေ့အထိမ်းအမှတ် အခမ်းအနားအား အောင်မြင်စွာ ကျင်းပ ပြုလုပ်ပြီးစီးခဲ့ပါသည်။

အစီအစဥ်အရ အခမ်းနားမှူး ဆရာစောဆာလားမှူးမှ အခမ်းနားအစီစဥ်အားဖတ်ကြားပေးအပြီး ကရင် အမျိုးသား အလံတော် နှင့် တော်လှန်ရေးလုပ်ဆောင်ကြသူများအား အလေးပြုခြင်းဖြင့် အခမ်းအနား စတင် ခဲ့ကြသည်။

(၇၆) နှစ်ပြည့် ကရင့်တော်လှန်ရေးနေ့အား ဂုဏ်ပြုသော အနေဖြင့် ကရင်လူငယ်မျိုးဆက်သစ်ကျောင်းမှ လူငယ်မျိုးဆက်သစ်များက အခမ်းအနားသို့ တတ်ရောက်ရှိကာ ''ထာဝရတည်စေကော်သူးလေ'' ဟူသော တေးသီချင်းဖြင့် သီဆိုဂုဏ်ပြုခဲ့ကြသည်

အခမ်းအနားသို့ ကရင်အမျိုးသားအစည်းအရုံး (ဗဟို) မှ ခေါင်းဆောင်ဖြစ်သည့် ဥက္ကဌ ပဒိုစောကွယ်ထူးဝင်း နှင့် ကရင်အမျိုးသားလွတ်မြောက်ရေးတပ်မတော် (K.N.L.A) ၏ စစ်ဦးစီးချုပ် ဗိုလ်ချုပ်ကြီး စောဂျော်နီ တို့မှာ တက်ရောက်ပြီး မိန့်ခွန်းစကားပြောကြားခဲ့သည်။

ထို့အနောက်အခမ်းနားအားတတ်ရောက်လာသည့် ဗဟိုအမြဲတမ်းကော်မတီဝင်တစ်ဦးဖြစ်သည့် ပဒို-စောသမိန်ထွန်းအား ကရင့်တော်လှန်ရေးနေ့ (၇၆) နှစ်ပြည့်အခမ်းအနားတွင် ကရင်အမျိုးသားအစည်းအရုံး အနေဖြင့် ဂုဏ်ပြုဆုချီးမြင့်ခဲ့ကြပြီး (KNLA) (KWO) မှပေးပို့သည့် (၇၆)နှစ်ပြည့်ကရင့်တော်လှန်ရေးနေ့ ဂုဏ်ပြုသဝဏ်လွှာများအား တာဝန်ရှိသူများက ဖတ်ကြားခဲ့ကြသည်။

ထို့အပြင်အခမ်းအနားသို့ ကရင်အမျိုးသားအစည်းအရုံး (ဗဟို) ခေါင်းဆောင်များဖြစ်သည့် အထွေထွေ အတွင်းရေးမှူး(၂) ပဒို- စောလှထွန်း၊ ကရင်အမျိုးသားလွတ်မြောက်ရေးတပ်မတော် (ဗဟို) မှ ခေါင်းဆောင် တပ်မှူး တပ်ဗိုလ်များ၊ တပ်မဟာ(၇) တပ်မဟာမှူး ဗိုလ်မှူးကြီး စောဒီးကွယ် ၊ တပ်မဟာ(၇) ရုံးထိုင်မှူး ဗိုလ်မှူး ဘထူး၊ ရဲဘော်များအပါဝင် ဒေသခံ ပြည်သူများ ပါဝင်တက်ရောက်ဂုဏ်ပြုခဲ့ကြကာ အစီအစဥ်အရ ကရင် အမျိုးသားသီချင်းအားသီဆိုပြီး အခမ်းအနားအား အောင်မြင်စွာ ပိတ်သိမ်းပြီးဆုံးခဲ့ပါသည်။