ဆက်လက်ပြီးတော့ ကေအဲန်ယူ ညောင်လေးပင်ခရိုင်၊ ဆောထိမြို့နယ်၊ အင်းဗလာကျေးရွာအုပ်စု၊ တက်ရောက်လာသော လူထုကိုယ်စားလှယ် တီးအေးခိုင်ကို မေးမြန်းပြီး ယခုလိုပြန်လည်ဖြေကြားခဲ့သည်။

" ကေအဲန်ယူက NCA လမ်းကြောင်း နှင့်ပတ်သက်လျှင် အားပေးတယ်၊ လူထုတွေကလည်း အကုန်လုံးပါဝင်တယ်၊ ဒါပေမယ့် အစည်းအဝေး၊ သင်တန်း၊ အသိပညာပေးတို့ပြုလုပ်လျှင် လူထုတွေက တက်ရောက်ဖို့ အကြောက်ကြတယ် ဘာဖြစ်လို့လဲဆိုတော့ သူတို့ ဒီအစည်းအဝေး၊ ဒီသင်တန်း၊ ဒီအသိပညာပေးကို တက်ရောက်လျှင် တပ်မတော်က သူတို့ကို စောင့်ကြည့်တာတို့၊ မှတ်သားထားတာတို့ ပြုလုပ်မှာကို ကြောက်ကြတယ်။ ကျွန်တော်တို့ကျေးရွာအုပ်စုက အစိုးရအုပ်ချုပ်နယ်မြေ ပိုများတာကြောင့်ဖြစ်တယ်။ တစ်ခုခုဖြစ်လာလျှင် သူတို့ကို အရေးယူမှာကြောက်ကြတယ်။ အခုလုပ်တာက ပြည်သူလူထုအတွက်လုပ်တာဖြစ်တယ် လူထုက NCA လမ်းကြောင်းကို အကုန်လုံးသိရမယ်၊ ကျွန်တော်က လူထုကိုယ်စားပြုတက်ရောက်လာရတဲ့အတွက် ပြန်လည်ပြီးရှင်းပြရတာဖြစ်တယ်။ ကေအဲန်ယူက NCA လမ်းကြောင်းအတိုင်း သွားတယ်၊ စစ်တပ်က အမှားမိလုပ်လျှင် ဖြစ်စေ၊ ကေအဲန်ယူ လက်နက်ကိုင်အဖွဲ့က အမှားလုပ်မိလျှင်ဖြစ်စေ လူထုက တင်ပြရတယ်၊ လူထုက အဖွဲ့နှစ်ဖွဲကို ပြန်ပြီးထိန်းချုပ်ရတယ် အဲဒီနှစ်ဖွဲ့က အမှားလုပ်မိလျှင် ပြန်ပြီးထောက်ပြရတယ်၊ လူထုအတွက်ပြုလုပ်တာဖြစ်တဲ့အတွက် အမှန်မှန်က NCA အတိုင်းဆိုလျှင် နှစ်ဖက်စလုံးက အကောင်အထည်ဖော်ရမှာ ဖြစ်တယ် သို့သော် အစိုးရဘက်က ဘာကိုမှ အကောင်အထည်မဖော်သေးဘူး ကေအဲန်ယူဘက်က လူထုအခွင့်အရေးတွေရရှိဖို့အတွက် မြေယာနဲ့ပတ်သက်တဲ့အခွင့်အရေးဖြစ်စေ၊ လူထုတွေရဲ့ခံစားချက်တွေကို ပြန်လည်တင်ပြခွင့်ရှိတယ် လျှော်ကျေးအတွက် ရသင့်ရထိုက်တဲ့အခွင့်အရေးဖြစ်စေ စတဲ့အရာတွေကို စားရင်းပြုစုပေးပြီး အကောင်အထည်ဖော်လုပ်ဆောင်နေတာတွေရှိတယ်။ ကျွန်တော်တို့က လူထုတွေကိုပိုပြီးပြန်လည်ရှင်းပြမယ် ပြီးတော့ စည်းစည်းလုံးလုံးနဲ့ လုပ်စေချင်တယ်" ဟု ပြောတယ်။

ဆက်လက်ပြီး အစည်းအဝေးကို တက်ရောက်လာသော ကေအဲန်ယူ ညောင်လေးပင်ခရိုင်၊ မုန်းမြို့နယ်၊ နတ်သံကွင်းကျေးရွာအုပ်စု၊ ကရင်လူမှုရေးရာကော်မတီ စောစိပတရယ် အား ယခုလိုပြောကြားခဲ့သည်။

"ကျွန်တော်တို့ ကရင်လူမှုရေးရာအဖွဲ့က ကျေးရွာသို့ NCA စာချုပ်ပါအချက်အလက်များနှင့် အပစ်အခတ်ရပ်စဲရေး/ခိုင်မာရေးအကြောင်းကို အသိပညာပေးရာတွင် မည်သည့်အခက်အခဲပြဿနာများ မရှိပါဘူး ဒါပေမယ့်တစ်ခုတော့ရှိတယ် ပြည်သူလူထုက နိုင်ငံရေးနှင့်ပတ်သက်ပြီး ဘာကိုမှနားမလည်တာရှိတယ် သို့သော် ကျွန်တော်တို့က တဖြည်းဖြည်းဆွဲခေါ်သွားရမယ်။ အရေးကြီးဆုံးက NCA စာချုပ်နဲ့ပတ်သက်ပြီး နှစ်ဖက်အဖွဲ့အစည်းက ဘာတွေကို သဘောတူညီထားတာလဲဆိုတာ လူထုက သိရှိပြီး နားလည်သဘောပေါက်လျှင် လူထုအတွက်၊ ပြည်တွင်း ငြိမ်းချမ်းရေးလုပ်ငန်းစဉ်အတွက် ပိုပြီးတော့ အကျိုးရှိလာမယ်။ အဲဒါကြောင့် လူထုတွေရဲ့ခေါင်းထဲကို ဒါတွေကို ရိုက်ထည့်ဖို့ နှစ်ကြိမ်သုံးကြိမ် သွားပြီး အသိပညာပေးတွေလုပ်တယ်။ COVID-19 ရောဂါကြောင့် Covid-19 စည်းမျည်းစည်းကမ်းအတိုင်း လုပ်ဆောင်ရတာဖြစ်လို့ တစ်ကြိမ်လျှင် လူဦးရေ အကန့်အသတ်နဲ့ ခေါ်ဆောင်ရတာဖြစ်လို့ စိတ်ကျေနပ်မှုတော့ မရှိဘူးပေါ့။ ကျွန်တော်တို့ အသိပညာပေးတွေကို စလုပ်ပြီးကတည်းက လူထုတွေက နိုင်ငံရေးနဲ့ပတ်သက်ပြီး နားလည်သဘောပေါက်လာတယ်။ တချို့တွေဆို ကျွန်တော်တို့နဲ့ ပူးပေါင်းပါဝင်ကြတယ်။ ဒီအပစ်အခတ်ရပ်စဲရေး/ခိုင်မာရေးဟာ အရေးအကြီးဆုံးလို့ ကျွန်တော်မြင်တယ် ဘာဖြစ်လို့လဲဆိုတော့ ယခုပြည်တွင်းအခြေအနေဟာ ပြည်သူလူထုက ငြိမ်းချမ်းရေးလုပ်ငန်းစဉ်ဟာ ငြိမ်းချမ်းပြီလို့မြင်တယ်။ ကျွန်တော်တို့က ပြည်တွင်းငြိမ်ချမ်းရေးလုပ်ငန်းစဉ်၊ နိုင်ငံရေးသဘောတူညီချက်တွေ၊ နိုင်ငံရေးတွေ့ဆုံဆွေးနွေးပွဲတွေဟာ လူထုအတွက် အာမခံချက်မရှိသေးဘူး၊ တည်ငြိမ်မှုမရှိသေးဘူးလို့ လူထုတွေကို ချပြရတယ်။ အဲဒါကြောင့် ဒါဟာအရေးအကြီးဆုံးမို့ ကျွန်တော်တို့က နိုင်ငံငြိမ်းချမ်းရေးအတွက် အပစ်အခတ်ရပ်စဲရေး/ခိုင်မာရေးနှင့် ပတ်သက်ပြီး သိသင့်သိထိုက်တယ်၊ ပူးပေါင်းပါဝင်သင့်တယ်၊ တွန်းအားပေးသင့်တယ်။ ပြီးတော့ ငြိမ်းချမ်းရေးလုပ်ငန်းစဉ်တွင် လူထုက မပါမဖြစ်ဘူးလို့ ကျွန်တော်တို့က အဲလိုခံယူထားတယ်။ ဒါတွေလုပ်ဆောင်နေတာဟာ ငြိမ်းချမ်းရေးလုပ်ငန်းစဉ်အတွက် ခြေလှမ်းတစ်လှမ်းသာ ရှိသေးတယ် ဒါပေမယ့် အာမခံချက်ရှိသော၊ တည်ငြိမ်မှုရှိသော လူထုဘဝလုံခြုံမှုအတွက် မည်သည့်တစ်စုံတစ်ရာကိုမျှ အကောင်အထည်ဖော်လုပ်ဆောင်သေးတာ မရှိတဲ့အတွက် လူထုတွေက ယနေ့မျက်မှောက်ကာလ နိုင်ငံရေးအခြေအနေတွေကို တိတိကျကျ သဲသဲကွဲကွဲ သိရှိနားလည်သဘောပေါက်လျှင် သူတို့တွေနဲ့လက်တွဲပြီး လုပ်ဆောင်ရမှာ ပိုပြီးတော့လွယ်ကူမှာဖြစ်တယ်လို့" ပြောကြားခဲ့သည်။