သုးခိၣ်ကျၢၢ်ဖိ စီၤမဲအ့ၣ်စ့ၣ် အဂ့ၢ်ဖုၣ်ကိၥ်

၂၀၂၁ နံၣ် လါဒံၣ်စ့ဘၢၣ် ၁၃ သီ
သုးခိၣ်ကျၢၢ်ဖိ စီၤမဲအ့ၣ်စ့ၣ် နုၥ်လီၤမၤတၢ်ပၢၢ်ဆၢ ဒ်သုးဖိတဂၤအသိး ဟ့ၣ်လီၤအသးလၢ တၢ်ပၢၢ်ဆၢတၢ်မၤအပူၤ ဒ်တၢ်ပၢၢ်ဆၢဟ့ၣ်အီၤမူဒါအသိး တဂ့ၢ်လိၥ်ဝဲဘၣ် ကျဲးစၢးဟ့ၣ်လီၤအသး လၢတၢ်ပၢၢ်ဆၢတၢ်မၤအပူၤ မ့ၢ်ဘၣ်ကွၢ်ဆၢၣ်မဲၥ်ဒီး တၢ်ကီတၢ်ခဲ, တၢ်ဃံးတၢ်စ့ၤအကလုၥ်ကလုၥ် ဘၣ်ဆၣ်သနၣ်က့ တစူၥ်ကွံၥ်ညိကွံၥ် တၢ်ပၢၢ်ဆၢအတၢ်မၤဘၣ် ဒီး မၤတၢ်ပၢၢ်ဆၢ တုၤအမူဒါလၢပှဲၤဝဲတစု န့ၣ်လီၤ. အဝဲစးထီၣ်နုၥ်လီၤတၢ်ပၢၢ်ဆၢ လၢသုးဝဲၤလီၢ်ခိၣ်သ့ၣ် ဒီး တၢ်ဟ့ၣ်အီၤမူဒါလၢ ကဘၣ်ကဲဝဲ သုးခိၣ်ကၠီၣ်မၠးသါ အ (Personal Assistant) န့ၣ်လီၤ. တကတီၢ်ဃီ ဘၣ်ဟံးဃုၥ်မူဒါလၢ ဝဲၤဒၢးတကပၤ ဒီး တၢ်ဟ့ၣ်အီၤမူဒါလၢ (Staff Captain) န့ၣ်လီၤ. ဖဲ ၁၉၆၃ နံၣ် အဝဲက့ၤလီၤဟံးက့ၤမူဒါလၢ သုးက့ ၂ တကပၤ ဒီး ဖဲ ၁၉၇၀ နံၣ် ဘၣ်တၢ်သုးထီၣ်အလီၢ်အလၤဆူ သုးခိၣ်အပတီၢ် ဒီး ဖဲ ၁၉၇၇ နံၣ်န့ၣ် ဘၣ်တၢ်ဟ့ၣ်အီၤမူဒါဒ် ဒုးယၤခိၣ်တဂၤအသိး န့ၣ်လီၤ. ဖဲ ၁၉၉၂ နံၣ်န့ၣ် ဘၣ်တၢ်ဟ့ၣ်အီၤမူဒါဒ် သုးက့ခိၣ်တဂၤအသိးန့ၣ်လီၤ. ဖဲ ၂၀၁၀ နံၣ်အလီၢ်ခံ အဝဲဟဲက့ၤထီၣ်ဟံးက့ၤမူဒါလၢ သုးဝဲၤလီၢ်ခိၣ်သ့ၣ် ဒီး ဘၣ်တၢ်ဟ့ၣ်အီၤမူဒါလၢ သုးရိၣ်မဲခိၣ် (၁) တကတီၢ်ဃီ ဟံးဃုၥ်မူဒါလၢ (UNFC) (DAB) သုးကမံးတံၥ်နဲၣ်ရွဲၣ်န့ၣ်လီၤ. ဖဲ ၁၂ သီ လါဒံၣ်စ့ဘၢၣ် ၂၀၂၁ နံၣ်အနံၤန့ၣ် အဝဲမံမုၥ်လၢခရံၥ်ပူၤဒီး ပၥ်လီၤတဲၥ်တ့ၢ် အဟံၣ်ဖိဃီဖိ ဃုၥ်ဒီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ န့ၣ်လီၤ. သုးခိၣ်ကျၢၢ်ဖိ စီၤမဲအ့ၣ်စ့ၣ် အတၢ်လဲၤပူၤကွံၥ်အံၤ မ့ၢ်တၢ်လီၤမၢ်ဖးဒိၣ်လၢ ဟံၣ်ဖိဃီဖိအဂီၢ် တကးဘၣ် မ့ၢ်တၢ်လီၤမၢ်ဖးဒိၣ်လၢ ကညီတၢ်ပၢၢ်ဆၢအဂီၢ်န့ၣ်လီၤ.