ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဟီၣ်ကဝီၤပူၤ ၂၀၂၂ နံၣ် လါစဲးပထ့ဘၢၣ် တလါကတီၢ်ပူၤ တၢ်ဒုးကစီၣ်

၂၀၂၂ နံၣ်, လါအီးကထိဘၢၣ် (၇) သီ ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤပူၤ ၂၀၂၂ နံၣ် လါစဲးပထ့ဘၢၣ် တလါအကတီၢ်ပူၤ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢ (BGF) အသုးသ့ၣ်တဖၣ် အဘၢၣ်စၢၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲခဲလၢၥ် (၃၃၃) ဘျီ ဒီး သုးမီၤစိရိၤအသုးသံဝဲ (၃၆၀) ဂၤ ဒီး ဘၣ်ဒိဝဲ (၂၆၄) ဂၤန့ၣ်လီၤ. ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ တခီ ဟ့ၣ်လီၤအသးသမူလၢ ထံကီၢ်ဒီးကလုၥ်ဂီၢ် (၇) ဂၤ ဒီး ဘၣ်ဒိဝဲ (၃၇) ဂၤန့ၣ်လီၤ.

သုးမီၤစိရိၤအသုး ဟဲခးလီၤတၢ်လၢ ကဘီယူၤအဃိမ့ၢ်ဂ့ၤ, ခးလီၤကျိဖးဒိၣ်လၢ ကမျၢၢ်ဖိအဒူသဝီ တၢ်အိၣ်တၢ်ဆိးလီၢ်ကျဲအဃိမ့ၢ်ဂ့ၤ ဘၣ်သံဝဲကမျၢၢ် (၆) ဂၤ, ဘၣ်ဒိဝဲ (၁၁) ဂၤန့ၣ်လီၤ.