Notice

  "From the Karen National Political Dialogue to ward the Political Will of the Karen National"  

  "From the Karen National Political Dialogue to establish a Federal Democratic Union"  

  • English
  • Karen
  • Myanmar

News

News
သုးက့ (၆) ဟီၣ်ကဝီၤပူၤ တသီအကတီၢ်ပူၤ တၢ်ဒုးကဲထီၣ် (၃) ဘျီ ဒီး သုးမီၤစိရိၤအသုးသံဝဲ (၈) ဂၤ ဒီး ဘၣ်ဒိဝဲ (၂၄) ဂၤ

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဒူပျၥ်ယၥ်ကီၢ်ရ့ၣ် သုးက့ (၆) ဟီၣ်ကဝီၤပူၤ တသီအကတီၢ်ပူၤ တၢ်ဒုးကဲထီၣ် (၃) ဘျီ ဒီး သုးမီၤစိရိၤအသုးသံဝဲ (၈) ဂၤ ဒီး ဘၣ်ဒိဝဲ (၂၄) ဂၤ
၂၀၂၂ နံၣ်, လါနိၣ်ဝ့ဘၢၣ် (၂၄) သီ, ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဒူပျၥ်ယၥ်ကီၢ်ရ့ၣ် သုးက့ (၆) ကြုၢ်တုကီၢ်ဆၣ် ဟီၣ်ကဝီၤပူၤ ဖဲ ၂၀၂၂ နံၣ် လါနိၣ်ဝ့ဘၢၣ်ထီၣ် (၂၂) သီအနံၤ ဂီၤခီ (၈း၀၀) အဆၢကတီၢ် ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးရ့ၣ် (၂၇) သုးတဖၣ် ဘၣ်သဂၢၢ်ခးလိၥ်သးဒီး သုးမီၤစိရိၤအသုး (တမ-၁၁) စုဒုၣ်တီၤဖီလၥ် (ခမရ-၂၁၅) အသုးတဖၣ် ဖဲလါတကီမုၢ်ထီၣ် ကလိကၠံကစၢၢ်ကဆူးန့ၣ်လီၤ. တၢ်ဘၣ်သဂၢၢ်ခးလိၥ်သးဘျီဝဲအံၤ သုးမီၤစိရိၤအသုး သံဝဲ (၃) ဂၤ ဒီး ဘၣ်ဒိဝဲ (၇) ဂၤန့ၣ်လီၤ. မ့မ့ၢ်လၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် တကပၤ ဘၣ်ဒိတပျၥ်ဝဲ ခဲလၢၥ် (၄) ဂၤန့ၣ်လီၤ.
ကီးတရံးကီၢ်ဆၣ် သုးရ့ၣ် (၂၇) ဒုးယၤဟီၣ်ကဝီၤပူၤ သုးမီၤစိရိၤအသုးရ့ၣ် (၃) ဘ့ၣ် လၢအမ့ၢ်ဝဲ (တမ-၄၄ စုဒုၣ်တီၤဖီလၥ် ခမရ-၂, ခမရ-၂၀၇, ခမရ-၁၀၇) သ့ၣ်တဖၣ် ပၥ်ဖှိၣ်ထီၣ်အသး ဒီး ဖဲဂီၤခီ (၉း၁၀) အဆၢကတီၢ် ဟဲထီၣ်ခးဝဲ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးရ့ၣ် (၂၇) သုးဒ့ (၂) Cobra သုးကျိၤ အိၣ်တၢ်အလီၢ် ဒီး Cobra သုးကျိၤခိၣ်နၢ် သိၣ်ဒူသ့ၣ်တဖၣ် ခီၣ်ဆၢခးက့ၤဝဲ သုးမီၤစိရိၤအသုး လၢတၢ်သူၣ်ဒူသးဒူအပူၤန့ၣ်လီၤ. ဖဲဟါခီ (၄း၀၀) အဆၢကတီၢ် သုးမီၤစိရိၤအသုး ခမရ-၂ သ့ၣ်တဖၣ် လဲၤထီၣ်ဝဲဆူ ဘျၢၢ်ဒိၣ်ခံကစၢၢ်ခီၣ်ထံး ယူးတရံၣ်ကျိး ဒီး ထံကမါဟီၣ်ကဝီၤ ဒီး ဘၣ်ဝဲဖဲ Cobra အသိလ့ၣ်တခိၣ်, ကမျၢၢ်အသိလ့ၣ်တခိၣ် ဟဲက့ၤအဖၢမုၢ် ဒီး တၢ်ဘၣ်သဂၢၢ်ခးလိၥ်သး ကဲထီၣ်ကဒီးဝဲတဘျီန့ၣ်လီၤ. တၢ်ဒုးခံဘျီလၢၥ် သုးမီၤစိရိၤအသုး သံဝဲခဲလၢၥ် (၅) ဂၤ ဒီး ဘၣ်ဒိဝဲခဲလၢၥ် (၁၇) ဂၤန့ၣ်လီၤ.
ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးရ့ၣ် (၂၇) Cobra သုးကျိၤ ဘၣ်သဂၢၢ်ခးလိၥ်သးဒီး သုးမီၤစိရိၤအသုး လၢတၢ်ဒုး (၃) ဘျီလၢၥ်အကတီၢ်ပူၤ ပပှၤဟ့ၣ်လီၤအသးသမူလၢ ထံကီၢ်ဒီးကလုၥ်ဂီၢ် ခဲလၢၥ် (၃) ဂၤ, အကျါပၣ်ဃုၥ်ဒီး သုးပိၥ်မုၣ် (၂) ဂၤ ဒီး ဘၣ်ဒိဝဲခဲလၢၥ် (၁၁) ဂၤ ဒီး ကမျၢၢ်ဘၣ်ဒိစ့ၢ်ကီးဝဲ (၁) ဂၤန့ၣ်လီၤ.
ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးရ့ၣ် (၂၇) ဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် သုးခိၣ်ဒိၣ်ဂီၢ်ဂ့ၢ် စီၤနၢၤဒါထူ (ကိး) ဘိၣ်ယၣ်နဲၣ် ဒီး လၢသုးရ့ၣ် (၂၇) သုးရ့ၣ်ခိၣ် အတၢ်တီခိၣ်ရိၣ်မဲအဖီလၥ် သုးဒ့သ့ၣ်တဖၣ် သုးကျိၤသ့ၣ်တဖၣ် အဒုးယၤဟီၣ်ကဝီၤပူၤ တၢ်ဘၣ်သဂၢၢ်ခးလိၥ်သး ဒီး သုးမီၤစိရိၤအသုးသ့ၣ်တဖၣ် အိၣ်ဝဲတပယူၥ်ဃီန့ၣ်လီၤ. စးထီၣ် ၂၀၂၂ နံၣ်လါနိၣ်ဝ့ဘၢၣ်ထီၣ်တသီ ဒီး တုၤလါနိၣ်ဝ့ဘၢၣ် (၂၄) သီအနံၤ တၢ်ဒုးဖးဒိၣ်, တၢ်ဒုးဖိ, တၢ်ဒုးစဲးပြဲး ခဲလၢၥ်ကဲထီၣ်ဝဲ (၂၁) ဘျီ ဒီး သုးမီၤစိရိၤအသုးသံဝဲ (၃၃) ဂၤ ဒီး ဘၣ်ဒိဝဲ (၃၈) ဂၤန့ၣ်လီၤ. သုးမီၤစိရိၤအသုး သံဒီးဘၣ်ဒိ လၢပမၤလီၤတံၢ်အီၤတန့ၢ်ဒံးဘၣ်တဖၣ် အိၣ်စ့ၢ်ကီးဝဲဒၣ်န့ၣ်လီၤ.