News
(၁၅) သီအကတီၢ်ပူၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤပူၤ တၢ်ဒုးကစီၣ်
ခ့ၣ်အဲၣ်ယူၣ်-လီၢ်ခၢၣ်သး ၁၇-၁၁-၂၀၂၁ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤပူၤ သုးမီၤစိရိၤအသုး, သုးခိးကီၢ်ဆၢအသုး သ့ၣ်တဖၣ် ဟူးဂဲၤအါထီၣ်ဝဲ ဒုးယၤဂ့ၢ်ဝီအတၢ်ရဲၣ်တၢ်ကျဲၤအဃိ လၢ (၁၅) သီအကတီၢ်ပူၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲလၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢအသုး အဘၢၣ်စၢၤခဲလၢၥ်အိၣ်ဝဲ (၈၇) ဘျီ ဒီး သုးမီၤစိရိၤအသုး သံဝဲ (၆၉) ဂၤအကျါပၣ်ဃုၥ်ဒီး သုးရ့ၣ်ခိၣ် (၁) တဂၤ, သုးခိၣ်စိတဂၤ ဒီး ဘၣ်ဒိဝဲ (၆၉) ဂၤအကျါပၣ်ဃုၥ်စ့ၣ်ကီးဒီး သုးခိၣ်စိ (၁) ဂၤန့ၣ်လီၤ.သုးမီၤစိရိၤအသုးသ့ၣ်တဖၣ် ခးလီၤဝဲကျိဖးဒိၣ် လၢကမျၢၢ်ဖိအဒူသဝီပူၤ, ကမျၢၢ်ဖိအတၢ်ဖံးအီၣ်မၤအီၣ်လီၢ်ကျဲ လၢ (၁၅) သီအကတီၢ်ပူၤ အိၣ်ဝဲ (၃၁) ထံၣ် ဒီး ကမျၢၢ်ဖိသံဝဲ (၁) ဂၤ ဒီး ဘၣ်ဒိဝဲ (၄) ဂၤန့ၣ်လီၤ. ...
News
လါနိၣ်ဝ့ဘၢၣ်ထီၣ် (၁) သီတုၤ (၁၁) သီ ကတီၢ်ပူၤ သုးမီၤစိရိၤအသုး, သုးခိးကီၢ်ဆၢအသုး တၢ်မၤထီဒါ ဟီၣ်ခိၣ်ဖိခွဲးယၥ် ဒီး တၢ်ဒုးကစီၣ် ခ့ၣ်အဲၣ်ယူၣ်-လီၢ်ခၢၣ်သး ၁၅-၁၁-၂၀၂၁
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ် သုးက့ (၁), ကီၢ်ရ့ၣ်တီအူ သုးက့ (၂), မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤပူၤ သုးမီၤစိရိၤအသုး ဒီး သုးခိးကီၢ်ဆၢအသုးသ့ၣ်တဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤ ဒီး လီၢ်ကဝီၤတၢ်ဒိၣ်စိ တကးဘၣ် မၤဘၣ်ဒိဃုၥ်စ့ၢ်ကီးဝဲ ဟီၣ်ခိၣ်ဖိခွဲးယၥ် တၢ်မၤသ့ၣ်တဖၣ်န့ၣ်လီၤ.၅-၁၁-၂၀၂၁ နံၤ, ခ့ၣ်အဲၣ်ယူၣ် ဖၣ်အၣ်ကီၢ်ဆၣ် အဟီၣ်ကဝီၤပူၤ သုးမီၤစိရိၤအသုး ခမရ (၄၀၉) ပၥ်ဖှိၣ်ထီၣ်အသး ဒီး သုးခိးကီၢ်ဆၢ BGF-၁၀၁၄ အသုးသ့ၣ်တဖၣ် ဒီး ဟဲထီၣ်ဝဲဆူ မဲးပူၣ်သဝီဃၢၤ ဒီး ခးလီၤဝဲကျိဖးဒိၣ်ဆူ မဲးပူၣ်သဝီပူၤ ဒီး လီၤဘၣ်ဝဲ စီၤခၠံးဝ့အဟံၣ်, အဟံၣ်ခိၣ်လီၤပှီၢ်ကွံၥ်ဝဲ တကပၤန့ၣ်လီၤ.၆-၁၁-၂၀၂၁ နံၤ ခ့ၣ်အဲၣ်ယူၣ် ဖၣ်အၣ်ကီၢ်ဆၣ် အဟီၣ်ကဝီၤပူၤ သုးမီၤစိရိၤ အထံသုး အိၣ်ဖဲဃိၣ်လိၥ်ကျိ တိၤဆၢလၥ်တဖၣ် ဟဲထီၣ်ဝဲဒီးကဘီထံဒုးသုး ဆူမဲၢ်တရီလ့ ဒီး ခးနါစိၤကျိဖးဒိၣ် အထံၣ် (၃၀) အဃိ ကမျၢၢ်ဖိလၢ အိၣ်ဘူးဒီး မဲၢ်တရီလ့ တၢ်လီၢ်သ့ၣ်တဖၣ် ဘၣ်ပျံၤဘၣ်ဖု... ...
News
၂၀၂၁ နံၣ်, လါအီးကထိဘၢၣ် တလါအကတီၢ်ပူၤ တၢ်ဒုးကဲထီၣ်ဝဲ လၢကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢအသုး အဘၢၣ်စၢၤ
ခ့ၣ်အဲၣ်ယူၣ်-လီၢ်ခၢၣ်သး ၅-၁၁-၂၀၂၁ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ်, သုးက့ (၁) ဟီၣ်ကဝီၤ, တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၄၇) ဘျီ ဒီး သုးမီၤစိရိၤအသုး သံဝဲခဲလၢၥ် (၉၅) ဂၤ, ဘၣ်ဒိဝဲ (၈၀) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်တီအူ, သုးက့ (၂) ဟီၣ်ကဝီၤ တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၅) ဘျီ ဒီး သုးမီၤစိရိၤအသုး သံဝဲခဲလၢၥ် (၃၀) ဂၤ, ဘၣ်ဒိဝဲ (၉) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ချၢၣ်လွံၢ်ထူၣ်, သုးက့ (၃) ဟီၣ်ကဝီၤ တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၆) ဘျီ ဒီး သုးမီၤစိရိၤအသုး သံဝဲခဲလၢၥ် (၁၇) ဂၤ, ဘၣ်ဒိဝဲ (၃၀) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤ တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၂၀၄) ဘျီ ဒီး သုးမီၤစိရိၤအသုး သံဝဲခဲလၢၥ် (၉၃) ဂၤ, ဘၣ်ဒိဝဲ (၉၆) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူပျၥ်ယၥ... ...
News
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်, သုးက့ (၁) ဟီၣ်ကဝီၤပူၤ သုးမီၤစိရိၤအတၢ်ဟူးတၢ်ဂဲၤ ဒီး တၢ်မၤထီဒါ ပှၤဂ့ၢ်ဝီခွဲးယၥ်တဖၣ်
၂၀၂၁ နံၣ်, လါအီးကထိဘၢၣ် ၂၃ သီ, ခ့ၣ်အဲၣ်ယူၣ်-လီၢ်ခၢၣ်သးဖဲလါအီးကထိဘၢၣ် ၂၁ သီ အနံၤန့ၣ် သုးမီၤစိရိၤအသုး စကခ (၈) စုတီၤဖီလၥ် ခမရ (၄၀၆), သုးကျိၤနီၣ်ဂံၢ် (၂) လၢအဘၣ်တၢ်တီခိၣ်ရိၣ်မဲအီၤလၢ သုးခိၣ်ဒိၣ်ဖိ ကၠီၣ်ထိည့ ဂံၢ်ဘါ (၂၂) ဂၤ ဒီး သုးခိးကီၢ်ဆၢ (BGF-1013) လၢအဘၣ်တၢ်တီခိၣ်ရိၣ်မဲအီၤလၢ သုးခိၣ်ဂီၢ်ဂ့ၢ် ၀ၣ်သိ ဂံၢ်ဘါ (၃၀) ဂၤတဖၣ် ဒ်သိးကနုၥ်လီၤဟူးဂဲၤလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, သုးက့-၁, ဘ့လ့ကီၢ်ဆၣ် ဟီၣ်ကဝီၤပူၤအဂီၢ် စးထီၣ်ဟးထီၣ်ဝဲလၢ တးပီသုးကလၢၤန့ၣ်လီၤ. ဖဲစးထီၣ်ဟးထီၣ်လၢ တးပီသုးကလၢၤပူၤအခါ ကိးန့ၢ်ဆူၣ်ဝဲ သဝီဖိ ၅ ဂၤ လၢကလဲၤဃုၥ်တၢ်ဒီးအီၤ ဒီး ဒုးနဲၣ်အဝဲသ့ၣ်အကျဲ, တကးဘၣ် လၢကပၥ်သဝီဖိတဖၣ်လၢ အဝဲသ့ၣ်အတၢ်ဒီသဒၢ အဂီၢ်န့ၣ်လီၤ.သုးတဖုအံၤ ဖဲအလဲၤတုၤလၢ ကါမဲသဝီအခါ ခးသံဝဲဒၣ် ကါမဲသဝီဖိ နီၢ်မံၣ်စါအ့ အပနၢ် (၁) ဒုန့ၣ်လီၤ. တၢ်န့ၣ်ဝံၤအလီၢ်ခံ ဂုၥ်န့ၢ်ဆူၣ်ဝဲ လီတဲစိ (၂) ဖျၢၣ် လၢသဝီဖိ (၂) ဂၤအအိၣ်ဝံ... ...
News
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, မုၢ်တြီၢ်ကီၢ်ရ့ၣ်, သုးက့ ၅ တၢ်ဒုးအကစီၣ် လၢ ၂၀ သီ အတီၢ်ပူၤ
၂၀၂၁ နံၣ်, လါအီးကထိဘၢၣ် ၂၃ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, မုၢ်တြီၢ်ကီၢ်ရ့ၣ်, သုးက့ ၅ တၢ်ပၢဟီၣ်ကဝီၤပူၤ ကီၢ်ဆၣ်လၢအမ့ၢ် လူၤသီကီၢ်ဆၣ်, ဘုသိၣ်ကီၢ်ဆၣ် ဒီး ဒွဲၣ်လိကီၢ်ဆၣ် ဟီၣ်ကဝီၤတဖၣ် သုးမီၤစိရိၤအသုး ဒီး သုးခိးကီၢ်ဆၢတဖၣ် ဟူးဂဲၤဝဲ သုးဂ့ၢ်ဝီတၢ်ရဲၣ်တၢ်ကျဲၤ ဒီး မၤထီဒါခါပတၥ်ဝဲ ပှၤဂ့ၢ်ဝီခွဲးယၥ် အိၣ်ဝဲဒၣ်န့ၣ်လီၤ. လၢတၢ်န့ၣ်အဃိ သုးက့နီၣ်ဂံၢ် (၅), ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA) ဒီး ကညီဒီကလုၥ် ဂၢၤသးကရၢ (KNDO) သိၣ်ဒူသ့ၣ်တဖၣ် လၢတၢ်ဒီသဒၢလီၤဟီၣ်ကဝီၤ ဒီး ဒီသဒၢထံဖိကီၢ်ဖိကမျၢၢ်တဖၣ်အဂီၢ် တၢ်ဒုးကဲထီၣ်ဝဲဒၣ် ဒီး သုးမီၤစိရိၤအသုးတဖၣ် ကိးမုၢ်နံၤဒဲးန့ၣ်လီၤ. လၢသုးက့ ၅ ဟီၣ်ကဝီၤပူၤ သုးမီၤစိရိၤအသုးရ့ၣ် ဟူးဂဲၤဝဲ (၂၇) ရ့ၣ် ဒီး သုးခိးကီၢ်ဆၢ (BGF) သုးရ့ၣ် ၂ ရ့ၣ် န့ၣ်လီၤ.စးထီၣ် လါအီးကထိဘၢၣ် ၁ သီ, တုၤ လါအီးကထိဘၢၣ် ၂၀ သီ, လၢအသီ ၂၀ အတီၢ်ပူၤ တၢ်ဒုးကဲထီၣ်ဝဲ ခဲလၢၥ် ၁၂၃ ဘျီ ဒ... ...
News
လၢ ၁၄ သီအတီၢ်ပူၤ တၢ်ဒုးအကစီၣ်
လၢ ၁၄ သီအတီၢ်ပူၤ တၢ်ဒုးအကစီၣ်လါအီးကထိဘၢၣ် ၁၆ သီ, ၂၀၂၁ နံၣ်, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢဟီၣ်ကဝီၤပူၤ စးထီၣ် လါအီးကထိဘၢၣ် ၁ သီ ဒီး တုၤလၢခဲအံၤန့ၣ် သုးမီၤစိရိၤအသုးတဖၣ် မၤအါထီၣ်ဝဲ အသုးတၢ်ဟူးတၢ်ဂဲၤအဖီခိၣ် တၢ်ဘၣ်သဂၢၢ်ခးလိၥ်သး ဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA), ကညီဒီကလုၥ်ဂၢၤသးကရၢ (KNDO) အိၣ်ထီၣ်ဝဲ ကိးနံၤဒဲးန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်, သုးက့ (၁) ဟီၣ်ကဝီၤပူၤ စးထီၣ်တလါအံၤ လါအီးကထိဘၢၣ် ၁ သီတုၤ ၁၄ သီ, လၢ (၁၄) သီအကတီၢ်ပူၤ တၢ်ဒုးကဲထီၣ်ဝဲ ၁၉ ဘျီ ဒီး သုးမီၤစိရိၤအသုး သံဝဲခဲလၢၥ် ၃၁ ဂၤ ဒီး ဘၣ်ဒိဝဲ ၂၅ ဂၤန့ၣ်လီၤ. သုးမီၤစိရိၤအသုး လၢအသံတဖၣ်အကျါ ပၣ်ဃုၥ်ဝဲဒၣ်ဒီး သုးခိၣ်ဖိ တဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တီအူကီၢ်ရ့ၣ် သုးက့ ၂ ဟီၣ်ကဝီၤပူၤ တၢ်ဒုးကဲထီၣ်ဝဲ ၅ ဘျီ ဒီး သုးမီၤစိရိၤအသုး သံဝဲခဲလၢၥ် (၃၀) ဂၤ ဒီး ဘၣ်ဒိဝဲ (၉... ...