News
တၢ်ခးလိၥ်သး ကဲထီၣ်လၢ ကညီတၢ်ထူၣ်ဖျဲးသုးမုၢ်ဒိၣ် ဒီး သုးမီၤစိရိၤအသုးအဃိ သုးမီၤစိရိၤအသုး သံဝဲ ၁ ဂၤ ဒီး ဘၣ်ဒိဝဲ ၁ ဂၤအဂ့ၢ်
၂၀၂၁ နံၣ်, လါအီးကထိဘၢၣ် ၈ သီ, ဒူသထူၣ်ကီၢ်ရ့ၣ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ဖၣ်အၣ်ကီၢ်ဆၣ်, (ကျုံမသွယ်) ကရူၢ် ဟီၣ်ကဝီၤ တၢ်ခးလိၥ်သး ကဲထီၣ်ဝဲလၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် ဒီး သုးမီၤစိရိၤအသုးတဖၣ် ဖဲလါအီးကထိဘၢၣ် ၆ သီ, ဟါခီ ၆ နၣ်ရံၣ် ၃၀ မံးနံး အဆၢကတီၢ်န့ၣ်လီၤ. တၢ်ခးလိၥ်သး ကဲထီၣ်တဘျီအံၤ လၢကညီတၢ်ထူၣ်ဖျဲး သုးမုၢ်ဒိၣ်တကပၤ သုးထံးမ့ၢ်ဝဲ သုးရ့ၣ် ၁ အပှၤ ဒီး လၢသုးမီၤစိရိၤအသုးထံးတကပၤ မ့ၢ်ဝဲ စကခ (၈) စုတီၤဖီလၥ် ခမရ-၄၀၉ သုးတဖၣ်န့ၣ်လီၤ.တၢ်ခးလိၥ်သးတဘျီအံၤ သုးမီၤစိရိၤအသုးတကပၤ သံဝဲ ၁ ဂၤ ဒီး ဘၣ်ဒိဝဲ ၁ ဂၤန့ၣ်လီၤ. မ့မ့ၢ် ကညီတၢ်ထူၣ်ဖျဲးသုးမုၢ်ဒိၣ် တကပၤ တၢ်ဘၣ်ဒိဘၣ်ထံး တအိၣ်ဝဲဘၣ်အဂ့ၢ် ခ့ၣ်အဲၣ်ယူၣ်-ဖၣ်အၣ်ကီၢ်ဆၣ် တၢ်ကစီၣ်ဒီးတၢ်ဘိးဘၣ်ရၤလီၤဝဲၤဒ့ ပှၤဘၣ်မူဘၣ်ဒါတဖၣ် ပၥ်ဖျါဝဲဒၣ်န့ၣ်လီၤ.ဒ်န့ၣ်အသိး ဖဲလါအီးကထိဘၢၣ် ၃ သီအနံၤစ့ၢ်ကီး ကညီတၢ်ထူၣ်ဖျဲးသုးမုၢ်ဒိၣ် သုးက့ (၁), သုးရ့ၣ် (၁) သုးဖိတဖၣ် ခိးခးဝဲ မီၤစိ... ...
News
သုးမီၤစိရိၤ တမၤထွဲ အလံၥ်ဘိးဘၣ်ရၤလီၤ လၢကပတုၥ်အါထီၣ် တၢ်ဒုး လၢ (၅) လါကတီၢ်ပူၤအဃိ တၢ်ဘၣ်သဂၢၢ်ခးလိၥ်သး ဆဲးအိၣ်ထီၣ်ကဒီးဝဲ
၂၀၂၁ နံၣ်, လါအီးကထိဘၢၣ် ၇ သီ, ခ့ၣ်အဲၣ်ယူၣ်-လီၢ်ခၢၣ်သးသုးမီၤစိရိၤ လၢအဟံးန့ၢ်ဆူၣ် တၢ်စိတၢ်ကမီၤတဖၣ် ဘိးဘၣ်ရၤလီၤဝဲလၢ အတၢ်ကစီၣ်သန့အပူၤ လၢကမၤအါထီၣ်ဝဲ တၢ်ပတုၥ်တၢ်ဒုး (၅) လါတီၢ်ပူၤ စးထီၣ် ၂၀၂၁ နံၣ် လါအီးကထိဘၢၣ် (၁) သီအနံၤ တုၤ ၂၀၂၂ နံၣ် လါဖ့ၤဘြူၤအါရံၤ (၂၈) သီအနံၤန့ၣ်လီၤ. သုးမီၤစိရိၤ အတၢ်ဘိးဘၣ်ရၤလီၤ လၢကပတုၥ်တၢ်ဒုးအံၤ မ့ၢ်ဒၣ်တၢ်ရၤလီၤလၢ တအိၣ်ဒီးတၢ်မၤထွဲဘၣ် န့ၣ်လီၤ. သုးမီၤစိရိၤအသုး လၢအိၣ်လၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢဟီၣ်ကဝီၤပူၤတဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤ ဒီး တၢ်မၤထီဒါ ဟီၣ်ခိၣ်ဖိခွဲးယၥ် တပယူၥ်ဃီန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ကီးတရံးကီၢ်ဆၣ် ဟီၣ်ကဝီၤပူၤ ဖဲ ၂၀၂၁ နံၣ် လါအီးကထိဘၢၣ်ထီၣ် (၁) သီအနံၤ သုးမီၤစိရိၤအသုး လၢအမ့ၢ် (ခလရ-၂၃၁) အသုးတဖၣ် ခးလီၤဝဲကျိဖးဒိၣ် လၢ ကီးနွဲၣ်သဝီပူၤ ဒီး ဘၣ်ဒိဝဲကမျၢၢ်ဖိတဂၤ လၢအမံၤမ့ၢ်ဝဲ နီၢ်မးခၠ့ၣ် တကးဒံးဘၣ် ဘ... ...
News
၂၀၂၁ နံၣ်, လါစဲးပထ့ဘၢၣ် တလါကတီၢ်ပူၤ တၢ်ကစီၣ်ပၥ်ဖှိၣ်
၂၀၂၁ နံၣ်, လါအီးကထိဘၢၣ် ၄ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢဟီၣ်ကဝီၤပူၤ သုးမီၤစိရိၤအသုး လၢဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤ ဒီး မၤဘၣ်ဒိ ကမျၢၢ်ခွဲးယၥ်သ့ၣ်တဖၣ် မ့ၢ်ဝဲ စကခ (၈), စကခ (၁၃), တပ်မ (၄၄), ခမရ (၄၀၅-၄၀၆-၄၀၉-၂၀၇-၂-၃၄၉-၅၉၀-၅၉၈-၅၉၉-၄၁၄-၅၆၁-၅၄၉-၄၃၂-၅၅၇-၄၀၇-၄၀၁-၄၀၄-၂၉၇) ခလရ (၅၃-၆၀-၂၆၄) ဒီး သုးခိးကီၢ်ဆၢ (BGF) သုးရ့ၣ် ၁၀၁၁-၁၀၁၃- ၁၀၁၄-၁၀၁၉-၁၀၂၁) သ့ၣ်တဖၣ်န့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်ရ့ၣ်ဒူသထူၣ် သုးက့ (၁) ဟီၣ်ကဝီၤပူၤ တၢ်ဒုးအကလုၥ်ကလုၥ် ကဲထီၣ်ဝဲလၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA), ကညီဒီကလုၥ်ဂၢၤသးကရၢ (KNDO) ဒီး သုးမီၤစိရိၤအသုး သုးခိးကီၢ်ဆၢ (BGF) တဖၣ်အဘၢၣ်စၢၤ ခဲလၢၥ်အိၣ်ဝဲ (၂၇) ဘျီ ဒီး သုးမီၤစိရိၤအသုး သံဝဲ (၇၃) ဂၤဘၣ်ဒိဝဲ (၆၃) ဂၤန့ၣ်လီၤ.သုးမီၤစိရိၤအသုး သိလ့ၣ်ဟးဂီၤဝဲ ခဲလၢၥ် (၇) ခိၣ် စ့ၢ်ကီးန့ၣ်လီၤ. သုးမီၤစိရိၤအသုးတဖၣ်... ...
News
လၢတသီအတီၢ်ပူၤ သုးမီၤစိရိၤအသုး သံဒီးဘၣ်ဒိ အိၣ်ဝဲ (၅၀) ဘျဲၣ်အဂ့ၢ်
၂၀၂၁ နံၣ်, လါအီးကထိဘၢၣ် ၃ သီ, ခ့ၣ်အဲၣ်ယူၣ်-လီၢ်ခၢၣ်သးဒ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, မုၢ်တြီၤကီၢ်ရ့ၣ်, သုးက့ (၅) ဝဲၤဒၢးတၢ်မၤနီၣ်မၤဃါအိၣ်အသိး ဖဲ လါစဲးပထ့ဘၢၣ် ၃၀ သီအနံၤန့ၣ် တၢ်ဒုးကဲထီၣ်ဝဲ ၆ ဘျီ လၢကညီဒီကလုၥ် တၢ်ထူၣ်ဖျဲးသုးမုၢ်ဒိၣ် ဒီး သုးမီၤစိရိၤအသုးတဖၣ် အဘၢၣ်စၢၤန့ၣ်လီၤ. ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးထံးလၢ အဘၣ်သဂၢၢ်ခးလိၥ်သးဒီး ဒုၣ်ဒါတဖၣ် မ့ၢ်ဝဲ သုးရ့ၣ် (၁၀၂), သုးဒ့ (၁) ဒီး သုးဒ့ (၂) ဒီး မ့မ့ၢ်လၢ သုးမီၤစိရိၤအသုးတဖၣ်တခီ မ့ၢ်ဝဲ စကခ (၈) စုတီၤဖီလၥ် ခမရ (၄၀၈), သုးတဖၣ်န့ၣ်လီၤ. တနံၤဃီအတီၢ်ပူၤ တၢ်ဒုးကဲထီၣ်ဝဲ ၆ ဘျီ ဒီး သုးမီၤစိရိၤအသုးတကပၤ သံဝဲ ၂၃ ဂၤ ဒီး ဘၣ်ဒိဝဲ ၃၀ အဂၤန့ၣ်လီၤ. သုးမီၤစိရိၤအသုး လၢအဘၣ်ဒိတဖၣ်အကျါ ပၣ်ဃုၥ်ဝဲဒၣ်ဒီး သုးရ့ၣ်ခိၣ်ပတီၢ် ၂ ဂၤ အဂ့ၢ် သ့ၣ်ညါဘၣ်န့ၣ်လီၤ. မ့မ့ၢ်လၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် တကပၤ တၢ်သံတၢ်ပှၢ် တအိၣ်ဝဲဘၣ်အဂ့ၢ် သ့ၣ်ညါဘၣ်န့ၣ်လီၤ.ခီဖျိလ... ...
News
သုးမီၤစိရိၤ အသဝီသးပှၢ်တဖၣ် ဆီၣ်သနံးဝဲ ဒူဖိသဝီဖိတဖၣ် အိၣ်ထီၣ်ဝဲအဂ့ၢ်
သုးမီၤစိရိၤ အသဝီသးပှၢ်တဖၣ် ဆီၣ်သနံးဝဲ ဒူဖိသဝီဖိတဖၣ် အိၣ်ထီၣ်ဝဲအဂ့ၢ်၂၀၂၁ နံၣ်, လါစဲးပထ့ဘၢၣ် ၂၇ သီ. ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် ဒီး မူကီၢ်ဆၣ် ဟီၣ်ကဝီၤပူၤ ဒူသဝီကမျၢၢ်တဖၣ် ဘၣ်တၢ်မၤဃံးအါထီၣ်အါထီၣ် တနံၤဘၣ်တနံၤန့ၣ်လီၤ. ပှၤလၢအမၤဃံး, မၤပျံၤမၤဖုး ဒူသဝီကမျၢၢ်တဖၣ် မ့ၢ်ဝဲ သဝီသးပှၢ်တဖၣ် လၢအဘၣ်တၢ်ဆီလီၤပၥ်လီၤအီၤလၢ သုးမီၤစိရိၤ အတၢ်ပၢတၢ်ပြးဖီလၥ် တဖၣ် န့ၣ်လီၤ.ဖဲ လါစဲးပထ့ဘၢၣ် ၂၆ သီအနံၤန့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ်, ပဒဲကီကရူၢ်, ပဒဲကီသဝီ သုးမီၤစိရိၤအသဝီသးပှၢ် စိမၠ့ၣ်အူ လဲၤဝဲဒၣ်လၢ (တုံးတံတၥး) သဝီ ဒီး ကိးအိၣ်ဖှိၣ်ဝဲ ဒူဖိသဝီဖိတဖၣ်န့ၣ်လီၤ. လၢတၢ်အိၣ်ဖှိၣ်တဘျီအံၤ သုးမီၤစိရိၤအသဝီသးပှၢ် စိမၠ့ၣ်အူ စံးဘၣ်သဝီဖိတဖၣ်လၢ "တၢ်ကဘၣ်မၤဝဲ ဟံၣ်ဒူၣ်စရီ ဒီး ပှၤတမှံၤဟဲမံလၢဟံၣ်မ့ၢ်အိၣ် ကဘၣ်ဒုးသ့ၣ်ည... ...
News
ခီဖျိ သုးမီၤစိရိၤအသုးတဖၣ် ခးလီၤကျိဖးဒိၣ် လၢသဝီပူၤအဃိ ဒူသဝီကမျၢၢ်တဖၣ် ဘၣ်ဃ့ၢ်မှံဟးဖျိး
၂၀၂၁ နံၣ်, လါစဲးပထ့ဘၢၣ် ၂၇ သီ, ခ့ၣ်အဲၣ်ယူၣ်-လီၢ်ခၢၣ်သးဖဲလါစဲးပထ့ဘၢၣ် ၂၆ သီ ဟါလီၤခီအဆၢကတီၢ်န့ၣ် သုးမီၤစိရိၤအသုးတဖၣ် ခးလီၤဝဲကျိဖးဒိၣ် လၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, မူကီၢ်ဆၣ်, ကၠီၤပၠၤသဝီ မုၢ်ထီၣ်တကပၤအဃိ သဝီဖိတဖၣ် ပျံၤတၢ်ဖုးတၢ် ဒီး ဘၣ်ဃ့ၢ်ထီၣ်ကွံၥ်လၢသဝီပူၤ ဒီး ဃ့ၢ်အိၣ်လၢတၢ်အိၣ်သဒၢအလီၢ်န့ၣ်လီၤ.သုးမီၤစိရိၤအသုး ခမရ (၅၉၉), ခမရ (၅၉၀) ဒီး ခမရ (၃၄၉) ပၥ်ဖှိၣ်သုးဂံၢ်ဘါ ကအိၣ် ၂၀၀ ဘျဲၣ် တဖၣ် ခးလီၤဝဲကျိဖးဒိၣ် လၢကၠီၣ်ပၠၤသဝီမုၢ်ထီၣ်, နၣ်တ့ၤ တၢ်လီၢ် လၢကျိဖးဒိၣ် ၃ ဖျၢၣ် ဒီး ကျိဖိတဖၣ်အဃိ ကမျၢၢ်တဖၣ် ပျံၤတၢ်ဖုးတၢ် ဒီး ဘၣ်ဃ့ၢ်မှံဟးဖျိးဝဲဒၣ်န့ၣ်လီၤ. ကမျၢၢ်လၢအအိၣ်ဘူး ဒီး သုးမီၤစိရိၤအသုး ခးလီၤကျိဖးဒိၣ်အလီၢ်တဖၣ် ဘၣ်ဃ့ၢ်မှံဟးဖျိးဝဲ ဟံၣ်ခိၣ်ခဲလၢၥ် ၂၀ ဘျဲၣ် ဒီး ပှၤနီၣ်ဂံၢ်ကအိၣ်ဝဲ ၈၀ ဂၤဃၣ်ဃၣ်န့ၣ်လီၤ. ခီဖျိသုးမီၤစိရိၤအသုးတဖၣ် ခးနါစိၤဝဲကျိဒ်အံၤအဃိ ကမျၢၢ်တဖၣ် ဘၣ်ပျံၤတၢ်ဖ... ...