တၢ်မၤဝဲ တၢ်တၢၣ်ပီၣ်တဲသကိး ဘၣ်ထွဲ ကီၢ်သူလ့ၤ တၢ်သူၣ်တၢ်ဖျး အဖီလ်စံၣ်သနူ (ပတြီၥ်) အဂ့ၢ်

လါဒံၣ်စ့ဘၢၣ် ၂၄ သီ, ၂၀၂၃ နံၣ် ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သး စံၥ်ပှဲၤသူၣ်ဖျးဝဲၤကျိၤ တီခိၣ်ရိၣ်မဲ ဒီး မၤဝဲဒၣ် တၢ်တၢၣ်ပီၣ်တဲသကိး ကီၢ်သူလ့ၤ တၢ်သူၣ်တၢ်ဖျး အဖီလ်စံၣ်သနူ- ပတြီၥ် (Draft) တဘ့ၣ်အဂ့ၢ် ဖဲ ၂၀၂၃ နံၣ် လါဒံၣ်စ့ဘၢၣ် ၂၀ တုၤ ၂၁ သီ လၢ ၂ သီအတီၢ်ပူၤန့ၣ်လီၤ.

လၢတၢ်တၢၣ်ပီၣ်တဲသကိးဘျီဝဲအံၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သး ထီဘိကမံးတံၥ်တဖၣ်, ကီၢ်သူလ့ၤ သ့ၣ်ပှၢ်ဝဲၤကျိၤ ခိၣ်နၢ်တဖၣ်, စၢၢ်ပူၤထးပူၤဝဲၤကျိၤခိၣ်နၢ်တဖၣ်, ဘုၣ်ဖီၣ်မၤညၣ်ဝဲၤကျိၤ ခိၣ်နၢ်တဖၣ်, ဝံစိၥ်တီဆှၢ ဒီးတၢ်ဆဲးကျိးကျဲဝဲၤကျိၤ ခိၣ်နၢ်တဖၣ်, သဲစးဝဲၤကျိၤ ခိၣ်နၢ်တဖၣ်, ကညီသးစၢ်ကရၢ ခိၣ်နၢ်တဖၣ်, ကညီပှၤဂ့ၢ်ဝီခွဲးယၥ်ကရူၢ် (KSNG) ခိၣ်နၢ်တဖၣ်, (KESAN) ခိၣ်နၢ်တဖၣ် ဒီး (KORD) ခိၣ်နၢ်တဖၣ် ဟဲထီၣ်ဝဲ တၢ်တၢၣ်ပီၣ်တဲသကိးတဘျီအံၤန့ၣ်လီၤ.