Notice
လီၢ်ခၢၣ်သး
တၢ်မၤလၤကပီၤဝဲ ၂၇၆၃ နံၣ် ကညီနံၣ်ထီၣ်သီမုၢ်နံၤအမူး ဖဲကညီဒီကလုၥ် ဂၢၤသးကရၢ ဝဲၤလီၢ်ခိၣ်သ့ၣ်
လါယနူၤအါရံၤ ၁၁ သီ ၂၀၂၄ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ဖဲ ၂၀၂၄ နံၣ် လါယနူၤအါရံၤ ၁၁ သီအနံၤန့ၣ် တၢ်မၤလၤကပီၤဝဲ ၂၇၆၃ နံၣ် ကညီနံၣ်ထီၣ်သီအမူး ဖဲကညီဒီကလုၥ်ဂၢၤသးကရၢ ဂၢၤသးဝဲၤလီၢ်ခိၣ်သ့ၣ် န့ၣ်လီၤ. တၢ်မၤလၤကပီၤ ကညီဒီကလုၥ် နံၣ်ထီၣ်သီ တၢ်ရဲၣ်တၢ်ကျဲၤအမူးအံၤ ဘၣ်တၢ်စးထီၣ်အီၤဖဲ ဂီၤခီ ၆း၃၀ ဒီး ပှၤဆှၢတၢ်ရဲၣ်တၢ်ကျဲၤမ့ၢ်ဝဲ သရၣ်စီၤကၠဲၣ်ပစံၣ် န့ၣ်လီၤ. တၢ်မၤလၤကပီၤ အတၢ်ရဲၣ်တၢ်ကျဲၤအပူၤ ပၣ်ဃုၥ်ဝဲဒီး တၢ်ဟ့ၣ်ထီၣ်တၢ်ယူးယီၣ်ဆူ ကညီဒီကလုၥ်အနီၣ်တယၢ် ဒီး သုးခိၣ်တဂၤဟ့ၣ်ဝဲ တၢ်ကလုၢ်လၢ တၢ်ကဟ့ၣ်တၢ်ယူးယီၣ် ကညီဒီကလုၥ်အနီၣ်တယၢ် အဂီၢ်န့ၣ်လီၤ.
ဝံၤအလီၢ်ခံ တၢ်ကတိၤအိးထီၣ်ဝဲ မူးအတၢ်ရဲၣ်တၢ်ကျဲၤဝံၤ တၢ်တဲဖျါထီၣ်ဝဲ ကညီနံၣ်ထီၣ်သီ ကဲထီၣ်အဂ့ၢ်အကျိၤ ဒ်သိးခိၣ်နၢ်, ကမျၢၢ်, သိၣ်ဒူ ဒီး ဖိဒံဖိသၣ် လၢဟဲထီၣ်တၢ်မၤလၤကပီၤအမူးတဖၣ် ကသ့ၣ်ညါဘၣ်ဝဲ ကညီနံၣ်ထီၣ်သီ ကဲထီၣ်အဂ့ၢ် အတၢ်စံၣ်စိၤတဲစိၤ န့ၣ်လီၤ. ဝံၤ အလီၢ်သရၣ်စီၤဆၣ်လါမုၢ် ဖးဖျါထီၣ်ဝဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကရၢခိၣ် ပဒိၣ်စီၤကွဲၤထူဝ့ အလံၥ်ဟ့ၣ်ယုၢ် လၢအဟ့ၣ်ယုၢ်ဝဲတနံၣ်အံၤ ကညီနံၣ်ထီၣ်သီ အဂီၢ်န့ၣ်လီၤ.
ပိၥ်ထွဲထီၣ်အခံလၢ ခိၣ်နၢ်အတၢ်ကတိၤ ဟ့ၣ်ဂံၢ်ဟ့ၣ်ဘါ အဆၢကတီၢ် ဒီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သးပၢဆှၢတၢ်ကမံးတံၥ် ပဒိၣ်စီၤအဲၣ်ကလုၥ်စ့ ကတိၤဟ့ၣ်ဂံၢ်ဟ့ၣ်ဘါ ခိၣ်နၢ်, ဒိၣ်ဒူ ဒီးကမျၢၢ်တဖၣ်ဝံၤ ကညီဒီကလုၥ်ဂၢၤသးကရၢ, ကရၢခိၣ် သုးခိၣ်ကျၢၢ်ဖိ စီၤရှံလ့ၣ် ကတိၤဟ့ၣ်ဂံၢ်ဟ့ၣ်ဘါတၢ်ဝံၤ, တၢ်ဘူၣ်တၢ်ဘါခိၣ်နၢ် လၢအမ့ၢ် သရၣ်စီၤဘီထူ စ့ၢ်ကီးကတိၤဟ့ၣ်ဂံၢ်ဟ့ၣ်ဘါဝဲ တၢ်ဖဲတၢ်မၤလၤကပီၤအမူး တဘျီအံၤန့ၣ်လီၤ.
တၢ်ရဲၣ်လီၤကျဲၤလီၤတဖၣ်ဝံၤ ဒီး သရၣ်စီၤကၠဲးပစံၣ် ကတိၤကျၢၢ်တံၢ် ဒီးစံးဘျူးစံးဖှိၣ်ဝဲ ခိၣ်နၢ်, သိၣ်ဒူ, ကမျၢၢ် လၢဟဲထီၣ်တၢ်မၤလၤကပီၤအမူးတဖၣ်ဝံၤ တၢ်မၤလၤကပီၤမူး အတၢ်ရဲၣ်တၢ်ကျဲၤအံၤ ဘၣ်တၢ်ပျၢ်ကွံၥ်အီၤလၢ ကညီဒီကလုၥ်အတၢ်သးဝံၣ်န့ၣ်လီၤ. လၢအမူးအတၢ်ရဲၣ်တၢ်ကျဲၤတဘျီအံၤ ပှၤဟဲထီၣ်မၤလၤကပီၤတၢ် ခဲလၢၥ်အိၣ်ဝဲ ၂၀၀ ဂၤဃၣ်ဃၣ်န့ၣ်လီၤ. ဒ်န့ၣ်အသိး သူၣ်ဘီၣ်သးစၢ် ဒီးကၠိဖိမုၣ်ခွါတဖၣ် ဟဲမၤလၤကပီၤ ကညီနံၣ်ထီၣ်သီ ဃုၥ်ဒီးတၢ်သူၣ်ဝံၣ်သးဆၢ တဖၣ်န့ၣ်လီၤ.
တၢ်မၤလၤကပီၤ ကညီနံၣ်ထီၣ်သီ အမူးတဘျီအံၤ ဝံၤဝဲဒၣ်ဂ့ၤဂ့ၤဘၣ်ဘၣ်န့ၣ်လီၤ.
ဖဲ ၂၀၂၄ နံၣ် လါယနူၤအါရံၤ ၁၁ သီအနံၤန့ၣ် တၢ်မၤလၤကပီၤဝဲ ၂၇၆၃ နံၣ် ကညီနံၣ်ထီၣ်သီအမူး ဖဲကညီဒီကလုၥ်ဂၢၤသးကရၢ ဂၢၤသးဝဲၤလီၢ်ခိၣ်သ့ၣ် န့ၣ်လီၤ. တၢ်မၤလၤကပီၤ ကညီဒီကလုၥ် နံၣ်ထီၣ်သီ တၢ်ရဲၣ်တၢ်ကျဲၤအမူးအံၤ ဘၣ်တၢ်စးထီၣ်အီၤဖဲ ဂီၤခီ ၆း၃၀ ဒီး ပှၤဆှၢတၢ်ရဲၣ်တၢ်ကျဲၤမ့ၢ်ဝဲ သရၣ်စီၤကၠဲၣ်ပစံၣ် န့ၣ်လီၤ. တၢ်မၤလၤကပီၤ အတၢ်ရဲၣ်တၢ်ကျဲၤအပူၤ ပၣ်ဃုၥ်ဝဲဒီး တၢ်ဟ့ၣ်ထီၣ်တၢ်ယူးယီၣ်ဆူ ကညီဒီကလုၥ်အနီၣ်တယၢ် ဒီး သုးခိၣ်တဂၤဟ့ၣ်ဝဲ တၢ်ကလုၢ်လၢ တၢ်ကဟ့ၣ်တၢ်ယူးယီၣ် ကညီဒီကလုၥ်အနီၣ်တယၢ် အဂီၢ်န့ၣ်လီၤ.
ဝံၤအလီၢ်ခံ တၢ်ကတိၤအိးထီၣ်ဝဲ မူးအတၢ်ရဲၣ်တၢ်ကျဲၤဝံၤ တၢ်တဲဖျါထီၣ်ဝဲ ကညီနံၣ်ထီၣ်သီ ကဲထီၣ်အဂ့ၢ်အကျိၤ ဒ်သိးခိၣ်နၢ်, ကမျၢၢ်, သိၣ်ဒူ ဒီး ဖိဒံဖိသၣ် လၢဟဲထီၣ်တၢ်မၤလၤကပီၤအမူးတဖၣ် ကသ့ၣ်ညါဘၣ်ဝဲ ကညီနံၣ်ထီၣ်သီ ကဲထီၣ်အဂ့ၢ် အတၢ်စံၣ်စိၤတဲစိၤ န့ၣ်လီၤ. ဝံၤ အလီၢ်သရၣ်စီၤဆၣ်လါမုၢ် ဖးဖျါထီၣ်ဝဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကရၢခိၣ် ပဒိၣ်စီၤကွဲၤထူဝ့ အလံၥ်ဟ့ၣ်ယုၢ် လၢအဟ့ၣ်ယုၢ်ဝဲတနံၣ်အံၤ ကညီနံၣ်ထီၣ်သီ အဂီၢ်န့ၣ်လီၤ.
ပိၥ်ထွဲထီၣ်အခံလၢ ခိၣ်နၢ်အတၢ်ကတိၤ ဟ့ၣ်ဂံၢ်ဟ့ၣ်ဘါ အဆၢကတီၢ် ဒီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သးပၢဆှၢတၢ်ကမံးတံၥ် ပဒိၣ်စီၤအဲၣ်ကလုၥ်စ့ ကတိၤဟ့ၣ်ဂံၢ်ဟ့ၣ်ဘါ ခိၣ်နၢ်, ဒိၣ်ဒူ ဒီးကမျၢၢ်တဖၣ်ဝံၤ ကညီဒီကလုၥ်ဂၢၤသးကရၢ, ကရၢခိၣ် သုးခိၣ်ကျၢၢ်ဖိ စီၤရှံလ့ၣ် ကတိၤဟ့ၣ်ဂံၢ်ဟ့ၣ်ဘါတၢ်ဝံၤ, တၢ်ဘူၣ်တၢ်ဘါခိၣ်နၢ် လၢအမ့ၢ် သရၣ်စီၤဘီထူ စ့ၢ်ကီးကတိၤဟ့ၣ်ဂံၢ်ဟ့ၣ်ဘါဝဲ တၢ်ဖဲတၢ်မၤလၤကပီၤအမူး တဘျီအံၤန့ၣ်လီၤ.
တၢ်ရဲၣ်လီၤကျဲၤလီၤတဖၣ်ဝံၤ ဒီး သရၣ်စီၤကၠဲးပစံၣ် ကတိၤကျၢၢ်တံၢ် ဒီးစံးဘျူးစံးဖှိၣ်ဝဲ ခိၣ်နၢ်, သိၣ်ဒူ, ကမျၢၢ် လၢဟဲထီၣ်တၢ်မၤလၤကပီၤအမူးတဖၣ်ဝံၤ တၢ်မၤလၤကပီၤမူး အတၢ်ရဲၣ်တၢ်ကျဲၤအံၤ ဘၣ်တၢ်ပျၢ်ကွံၥ်အီၤလၢ ကညီဒီကလုၥ်အတၢ်သးဝံၣ်န့ၣ်လီၤ. လၢအမူးအတၢ်ရဲၣ်တၢ်ကျဲၤတဘျီအံၤ ပှၤဟဲထီၣ်မၤလၤကပီၤတၢ် ခဲလၢၥ်အိၣ်ဝဲ ၂၀၀ ဂၤဃၣ်ဃၣ်န့ၣ်လီၤ. ဒ်န့ၣ်အသိး သူၣ်ဘီၣ်သးစၢ် ဒီးကၠိဖိမုၣ်ခွါတဖၣ် ဟဲမၤလၤကပီၤ ကညီနံၣ်ထီၣ်သီ ဃုၥ်ဒီးတၢ်သူၣ်ဝံၣ်သးဆၢ တဖၣ်န့ၣ်လီၤ.
တၢ်မၤလၤကပီၤ ကညီနံၣ်ထီၣ်သီ အမူးတဘျီအံၤ ဝံၤဝဲဒၣ်ဂ့ၤဂ့ၤဘၣ်ဘၣ်န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
