Notice
ကီၢ်ရ့ၣ်တဖၣ်
ချၢၣ်လွံၢ်ထူၣ်ကီၢ်ရ့ၣ်ပူၤ တၢ်ရဲၣ်ကျဲၤမၤဝဲ ကညီလုၢ်လၢ်ထူသထူလါခူးကံၢ်စုအမူး ဆှုၣ်ဆှုၣ်ဘှဲၣ်ဘှဲၣ်
လါအီကူး ၂၆ သီ ၂၀၂၄ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ဖဲ ၂၀၂၄ နံၣ် လါအီကူး ၂၄ သီအနံၤ ဂီၤခီ (၇) နၣ်ရံၣ်အဆၢကတီၢ်န့ၣ် ကညီလုၢ်လၢ်ထူသနူ လါခူးကံၢ်စုမူးတၢ်ကဲထီၣ်လိၥ်ထီၣ်ကမံးတံၥ် ရဲၣ်ကျဲၤမၤဝဲ ကညီလုၢ်လၢ်ထူသနူ လါခူးကံၢ်စုအမူးဖဲ ချၢၣ်လွံၢ်ထူၣ်ကီၢ်ရ့ၣ် ဟီၣ်ကဝီၤပူၤန့ၣ်လီၤ. လါခူးကံၢ်စုမူးတဘျီအံၤ ခိၣ်နၢ်ဘၣ်မူဘၣ်ဒါတဖၣ်, ကၠိဖိမုၣ်ခွါတဖၣ် ဒီး ကမျၢၢ် ခဲလၢၥ်ကအိၣ် ၄၀၀ ဂၤဃၣ်ဃၣ် ဟဲထီၣ်ဝဲဒၣ်န့ၣ်လီၤ.
ကညီလုၢ်လၢ်ထူသနူ လါခူးကံၢ်စုမူးတၢ်ရဲၣ်တၢ်ကျဲၤအံၤ ဘၣ်တၢ်မၤအီၤလၢ တၢ်ရဲၣ်လီၤကျဲၤလီၤ ၂ ပတီၢ်န့ၣ်လီၤ. တၢ်ရဲၣ်လီၤကျဲၤလီၤအခီၣ်ထံးတပတီၢ်န့ၣ် မ့ၢ်ဝဲ တၢ်အိးထီၣ်မူးတၢ်ရဲၣ်တၢ်ကျဲၤ ခီဖျိ တၢ်သးဝံၣ်ဝဲ လါခူးကံၢ်စုမူးအတၢ်သူၣ်ဝံၣ်သးဆၢဝံၤ, တၢ်ဖးဖျါထီၣ်ဝဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သး အလံၥ်ဟ့ၣ်ယုၢ် ဒီး ပိၥ်ထွဲထီၣ်အခံလၢ ခိၣ်နၢ်တၢ်ကတိၤဟ့ၣ်ဂံၢ်ဟ့ၣ်ဘါန့ၣ်လီၤ. တၢ်ရဲၣ်တၢ်ကျဲၤတၢတပတီၢ် ဘၣ်တၢ်ကျၢၢ်တံၢ်က့ၤအီၤလၢ ကညီဒီကလုၥ်တၢ်သးဝံၣ်န့ၣ်လီၤ.
တၢ်ရဲၣ်တၢ်ကျဲၤ ၂ ပတီၢ်တပတီၢ်မ့ၢ်ဝဲ တၢ်မၤဝဲ ကညီလုၢ်လၢ်ထူသနူတၢ်ဂဲၤကလံၣ်, တၢ်သးဝံၣ်ကညီလုၢ်လၢ်ထူသနူတၢ်သူၣ်ဝံၣ်သးဆၢဒီးတၢ်ဂဲၤကလံၣ်, ဒီး ကညီလုၢ်လၢ်ထူသနူ လါခူးကံၢ်စုမူး ကဲထီၣ်အဂ့ၢ်အကျိၤအတၢ်စံၣ်စိၤတဲစိၤန့ၣ် ဘၣ်တၢ်တဲဖျါထီၣ်အီၤလၢ မူးတၢ်ကဲထီၣ်လိၥ်ထီၣ်ကမံးတံၥ် စီၤဘျီစ့ ဝံၤတၢ်ကံၢ်န့ၢ် လိၥ်သးစုတဂၤဘၣ်တဂၤ, တၢ်ဆၢဂ့ၤဆၢဝါလိၥ်သး တဂၤဘၣ်တဂၤ ဝံၤတၢ်ပျၢ်ကွံၥ်ဝဲတၢ်ရဲၣ်တၢ်ကျဲၤန့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
