ကညီတၢ်ဆီၣ်ထွဲမၤစၢၤသဲစးဝဲၤလီၢ် တီခိၣ်ရိၣ်မဲဒီး ရဲၣ်ကျဲၤမၤဝဲ တၢ်မၤဖျါထီၣ်သဲစးတၢ်ဒိၣ်စိတၢ်ဖံးတၢ်မၤအဂီၢ် တၢ်မၤဂ့ၤထီၣ်ကံၢ်စီ တၢ်မၤလိဝံၤဝဲ

ကညီတၢ်ဆီၣ်ထွဲမၤစၢၤသဲစးဝဲၤလီၢ် တီခိၣ်ရိၣ်မဲဒီး ရဲၣ်ကျဲၤမၤဝဲ တၢ်မၤဖျါထီၣ်သဲစးတၢ်ဒိၣ်စိတၢ်ဖံးတၢ်မၤအဂီၢ် တၢ်မၤဂ့ၤထီၣ်ကံၢ်စီ တၢ်မၤလိဝံၤဝဲ

၂၀၂၄ နံၣ် လါအီကူး (၁၄) သီ, ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်ကတီၤပူၤ ဖဲ ၂၀၂၄ နံၣ် လါယူၤလံ ၁၅ သီ တုၤ ၃၁ သီအနံၤတဖၣ်န့ၣ် ကညီတၢ်ဆီၣ်ထွဲမၤစၢၤသဲစးဝဲၤလီၢ် (KLAC) တီခိၣ်ရိၣ်မဲဒီး ရဲၣ်ကျဲၤမၤဝဲ တၢ်မၤဖျါထီၣ်သဲစး အတၢ်ဖံးတၢ်မၤ ဒီး ပှၤဆီၣ်ထွဲမၤစၢၤသဲစးလၢပှၤတဝၢပူၤ (Community Legal Volunteer-CLV) ပှၤမၤတၢ်ဖိသ့ၣ်တဖၣ် အကံၢ်အစီကဂ့ၤ ထီၣ်ဝဲအဂီၢ်န့ၣ်လီၤ. တၢ်မၤလိအံၤ တၢ်မၤအီၤဖဲ ခ့ၣ်အဲၣ်ယူၣ် လီၢ်ခၢၣ်သးဝဲၤလီၢ်ခိၣ်သ့ၣ် ဒီး တၢ်မၤလိယံၥ်ဝဲ ၁၇ သီန့ၣ်လီၤ.

လၢတၢ်မၤလိတဘျီအီၤ (CLV) ပှၤမၤတၢ်ဖိတဖၣ် ဒ်သိးကသ့ၣ်ညါနၢ်ပၢၢ် အဝဲသ့ၣ်အတၢ်ဖံးတၢ်မၤမူဒါ ဒီး မၤဖျါထီၣ်ဝဲအမိၢ်လံၤမိၢ်ပှၢ် ကသ့အဂီၢ် တၢ်ဟ့ၣ်အီၤကံၢ်စီတၢ်မၤလိန့ၣ်လီၤ. တကးဒံးဘၣ် တၢ်တိၥ်ကျဲၤတဖၣ်အပူၤ ကဘၣ်ပၣ်ဃုၥ်ပၣ်ဂီၢ်ဝဲ အက့ၢ်အဂီၤဒ်လဲၣ်န့ၣ် ကနၢ်ပၢၢ်ဝဲအဂီၢ် ဒီး ဖဲတၢ်ပၥ်လီၤတၢ်တိၥ်ကျဲၤအ ဆၢကတီၢ် အဝဲသ့ၣ်ကနုၥ်လီၤပၣ်ဃုၥ်ပၣ်ဂီၢ် ဟ့ၣ်ကူၣ်ဟ့ၣ်ဖးဝဲကသ့အဂီၢ် တၢ်ပညိၣ်အိၣ်အသိး တၢ်မၤဝဲတၢ်မၤလိအံၤအဂ့ၢ် ပှၤလၢအတီခိၣ်ရိၣ်မဲရဲၣ်ကျဲၤတၢ်မၤလိတဖၣ်အကျါ တဂၤလၢအမ့ၢ် သရၣ်စီၤဖျါဝါစံးဝဲဒၣ်န့ၣ်လီၤ. တၢ်မၤလိအံၤ ပှၤဟဲထီၣ်မၤလိမၤဒိးတၢ်အိၣ်ဝဲ ခဲလၢၥ် ၄၉ ဂၤန့ၣ်လီၤ.

တၢ်မၤလိတဘျီအံၤအပူၤ တၢ်သိၣ်လိဝဲတၢ်ဂ့ၢ်ခိၣ်တီတဖၣ် မ့ၢ်ဝဲ

- တကီၢ်ခါထံရူၢ်ကီၢ်သဲးတၢ်အိၣ်သး

- ဟီၣ်ခိၣ်ဖိခွဲးယၥ်

- ARM SOP

- ကီၢ်သူလ့ၤ ကွီၢ်မ့ၣ်သဲစး ဒီး ကီၢ်သူလ့ၤကွီၢ်မ့ၣ်သဲစးတၢ်မၤကျဲ

- ကီၢ်သူလ့ၤ ကွီၢ်ထံသဲစး ဒီး တၢ်ဃိထံဃုသ့ၣ်ညါကွီၢ် တၢ်မၤကျဲ

- တၢ်ဒီသဒၢ ပိၥ်မုၣ် ဒီး ဖိသၣ် သဲစး

- GBV အဂ့ၢ်အခၢး ဒီး သဲစးဘၣ်ထွဲတဖၣ်

- တၢ်တၢၣ်ထီၣ်တၢ် ဒီး တၢ်ပၥ်ဖျါထီၣ်တၢ် အကျိၤအကျဲ

-၁/၂၀၂၄ တၢ်မၤလီၤမၢ်ကသံၣ်မူၤဘှီး သဲစးလီၤဆီ

- တၢ်အူတၢ်လိၢ်တၢ် သဲစးလီၤဆီ

- တၢ်ထဲသိးတုၤသိး အရ့ဒိၣ်ဝဲ အဂ့ၢ်အကျိၤ

- Safety and Security တဖၣ်န့ၣ်လီၤ.

အဆိုပါ သင်တန်းဆင်းပွဲတွင် ကေအဲန်ယူ-တရားရေးဌာန၊ ဌာနမှူး ပဒိုနော်လွယ်ထူးစေးမှ သင်တန်းအား အောင်မြင်စွာ ကျင်းပနိုင်သည့်အတွက် ကျေးဇူးတင်ကြောင်းနှင့်သင်တန်းမှ ပို့ချခဲ့သော ဘာသာရပ်များအား ချိတ်ဆက်မှုအားကောင်းစွာဖြင့် လက်တွေ့ အကောင်အထည်ဖော်ဆောင်ရွက်နိုင်ရန် မျှော်လင့်ကြောင်းအားပေးစကားပြောကြားခဲ့ပြီး ဗဟို တရားသူကြီးချုပ် ပဒိုနော်မြိုင်ဖိုးမှ လူငယ်များ တရားရေးတွင် တက်ကြွစွာ ပါဝင်လာမှုအား အထူးဝမ်းမြောက်ကြောင်းနှင့်အတူ တိုက်တွန်းစကားများအားလည်း ပြောကြားခဲ့သည်။

ဖဲတၢ်မၤလိဝံၤဒီး တၢ်ပျၢ်ကွံၥ်တၢ်မၤလိမူးတၢ်ရဲၣ်တၢ်ကျဲၤအဆၢကတီၢ်န့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ သဲစးဝဲၤကျိၤခိၣ် ပဒိၣ်နီၢ်လွဲထူစ့ စံးဝဲဒၣ်လၢ တၢ်မၤလိအံၤ ပမၤအီၤဝံၤဝဲဒၣ်ဂ့ၤဂ့ၤဘၣ်ဘၣ်အဃိ မ့ၢ်ဝဲတၢ်ဘျူးတၢ်ဖှိၣ်ဖးဒိၣ် ဒီး တၢ်ဂ့ၢ်ခိၣ်တီလၢပမၤလိအီၤတဖၣ် ဒ်သိးပမၤဖျါထီၣ်အမိၢ်လံၤမိၢ်ပှၢ်ကန့ၢ်အဂီၢ် မ်ပကအိၣ်ဒီး တၢ်ဖီၣ်လိၥ်စုမၤသကိးတၢ်လၢအဂ့ၤ အဂ့ၢ် ကတိၤဟ့ၣ်ဂံၢ်ဟ့ၣ်ဘါဝဲ ပှၤထီၣ်တၢ်မၤလိသ့ၣ်တဖၣ်န့ၣ်လီၤ. ဒ်န့ၣ်အသိး လီၢ်ခၢၣ်သး စံၣ်ညီၣ်ကွီၢ်ခိၣ်ကျၢၢ် ပဒိၣ်နီၢ်မၠဲၣ်ဖိ စ့ၢ်ကီး ခီဖျိထံၣ်ဘၣ် သူၣ်ဘီၣ်သးစၢ်တဖၣ် အသူၣ်ဆူၣ်သးဂဲၤလၢ သဲစးတၢ်ဖံးတၢ်မၤအဃိ မ့ၢ်တၢ်သးခုဖးဒိၣ် ဒီး ဟ့ၣ်ဂံၢ်ဟ့ၣ်ဘါဝဲလၢ ကဖီၣ်လိၥ်စု မၤသကိးတၢ်ဆူၣ်ထီၣ်ဂ့ၤထီၣ်န့ၣ်လီၤ.