ပၢၤကီၢ်ခိၣ် သုးခိၣ်ဒိၣ်ဂီၢ်ဂ့ၢ်စီၤအဲၣ်ကလုၥ်ဖိ အတၢ်ကတိၤဟ့ၣ်ဂံၢ်ဟ့ၣ်ဘါ ပၢၤကီၢ်သုးခိၣ်နၢ်တဖၣ် ဖဲပၢၤကီၢ်သုးမုၢ်နံၤပှဲၤထီၣ် ၃၃ ဝီတဝီ

Notice

"From the Karen National Political Dialogue to ward the Political Will of the Karen National"

"From the Karen National Political Dialogue to establish a Federal Democratic Union"

တၢ်ဂ့ၢ်အလၢအပှဲၤ

ပၢၤကီၢ်ခိၣ် သုးခိၣ်ဒိၣ်ဂီၢ်ဂ့ၢ်စီၤအဲၣ်ကလုၥ်ဖိ အတၢ်ကတိၤဟ့ၣ်ဂံၢ်ဟ့ၣ်ဘါ ပၢၤကီၢ်သုးခိၣ်နၢ်တဖၣ် ဖဲပၢၤကီၢ်သုးမုၢ်နံၤပှဲၤထီၣ် ၃၃ ဝီတဝီ

၂၀၂၄ နံၣ် လါစဲးပထ့ဘၢၣ် ၉ သီ, ခ့ၣ်အဲၣ်ယူၣ်-လီၢ်ခၢၣ်သး

"တနံၤအံၤမ့ၢ်ဝဲ ကညီဒီကလုၥ်ပၢၤကီၢ်သုးမုၢ်နံၤ ပှဲၤထီၣ်ဝဲဒၣ် ၃၃ နံၣ်န့ၣ်လီၤ. လၢကညီဒီကလုၥ်ပၢၤကီၢ်သုးအမုၢ်နံၤအံၤ ဆၢဂ့ၤဆၢဝါဘၣ် ပၢၤကီၢ်သုးခိၣ်နၢ်တဖၣ် ဒီး သုးဖိတဖၣ် လၢကပှဲၤဒီးတၢ်ဂံၢ်တၢ်ဘါ ဒီး မၤလၢပှဲၤကညီဒီကလုၥ်ပၢၤကီၢ်သုး အမူအဒါကန့ၢ်အဂီၢ်န့ၣ်လီၤ. တဘျီဃီ သးခုဒီးပၥ်ကဖၢယသးလၢ ပၢၤကီၢ်သုး ခိၣ်နၢ်ဒီးသုးမုၢ်သံၣ်ဘိတဖၣ် လၢအဆဲးဟံးဃၥ်ဒီးမၤလၢပှဲၤ ကညီဒီကလုၥ်ပၢၤကီၢ်သုး အမူဒါတၢ်ဖံးတၢ်မၤ လၢခိၣ်နၢ်လၢမဲၥ်ညါတစိၤ ပၥ်လီၤဃၥ်ဝဲတဖၣ်န့ၣ်လီၤ.

တချုးလၢ တၢ်ကရၢကရိဒုးအိၣ်ထီၣ် ကညီဒီကလုၥ်ပၢၤကီၢ်သုးဒံးဘၣ်န့ၣ် လၢသဲစးတၢ်ဒိၣ်စိအဂီၢ် ဒီး ကကဲထီၣ်တၢ်မၤစၢၤလၢ စံၣ်ညီၣ်ကွီၢ်အတၢ်ဖံးတၢ်မၤကသ့ အဂီၢ် ပၢၤကီၢ်အမူဒါတၢ်ဖံးတၢ်မၤန့ၣ် တၢ်ဟ့ၣ်လီၤဝဲဒၣ်လၢ ကညီဒီကလုၥ်ဂၢၤသးကရၢ အစုပူၤလၢကဖံးမၤဝဲဒၣ်န့ၣ်လီၤ. ဖဲတၢ်ကရၢကရိဒုးအိၣ်ထီၣ် ကညီဒီကလုၥ်ပၢၤကီၢ်သုးသီသီခါန့ၣ် ခီဖျိသုးဖိဂံၢ်ဘါလိၣ်ဝဲဒၣ်အဃိ တၢ်ဃုထၢထီၣ်ဝဲ ကညီဒီကလုၥ်ဂၢၤသးကရၢ သုးဖိသ့ၣ်တဖၣ် လၢကဟဲနုၥ်ဖံးမၤတၢ်လၢ ကညီဒီကလုၥ် ပၢၤကီၢ်သုးတၢ်ကရၢကရိပူၤန့ၣ်လီၤ.

ယနေ့အချိန်မှာ တိုးတက်လာသော ကမ္ဘာကြီးနှင့်အတူ လူသားတွေလည်း အတွေးအခေါ်တိုးတက်လာ သည့်အပေါ်မှာ ရာဇဝတ်မှုများစွာရှိလာကြသည်။ ကမ္ဘာ့လူထုဆက်ဆံရေးအပေါ်မှာ ကျွန်ုပ်တို့၏ အမျိုးသား ယဉ်ကျေးမှု၊ ရိုးရာအစဉ်အလာများ ထိခိုက်လာပြီး တရားဥပဒေချိုးဖောက်မှုများလည်း ရှိလာသည်။

တကးဒံးဘၣ် တကီၢ်ခါခဲအံၤ ခီဖျိတၢ်လဲၤထီၣ်လဲၤထီ ဒီး ပှၤဟီၣ်ခိၣ်ဖိသ့ၣ်တဖၣ် အတၢ်ထံၣ်တၢ်ဆိကမိၣ်ဆိကမး လဲၤထီၣ်လဲၤထီဝဲဒၣ်အသိး တၢ်မူးတၢ်ရၢ်တဖၣ်စ့ၢ်ကီး အါထီၣ်ဂီၢ်ထီၣ်ဝဲဒၣ်န့ၣ်လီၤ. ခီဖျိ ဟီၣ်ခိၣ်ချၢတၢ်ရ့လိၥ်ဘျးစဲလိၥ်အသးအဖီခိၣ် တၢ်ဟဲမၤဘၣ်ဒိဝဲ ပလုၢ်လၢ်ထူသနူတၢ်ဆဲးတၢ်လၤ ဒီး တၢ်မၤကမၣ်ဝဲသဲစးတၢ်သိၣ် တၢ်သီတၢ်ဘျၢ အိၣ်ထီၣ်ဝဲဒၣ်စ့ၢ်ကီးန့ၣ်လီၤ.

ကညီဒီကလုၥ်ပၢၤကီၢ်သုးအံၤ ဘၣ်တၢ်ကရၢကရိဒုးအိၣ်ထီၣ်အီၤလၢ အဲၣ်ကလုၥ်ပှၤပၢၢ်ဆၢတၢ်ဖိတဖၣ် အဃိ ဒ်သိးတၢ်ကမၤလၢပှဲၤ မူဒါတၢ်ဖံးတၢ်မၤအဂီၢ် ပကရၢကရိသူထီၣ်ကဒီးအီၤလၢ အဲၣ်ကလုၥ်ပှၤပၢၢ်ဆၢတၢ်ဖိတဖၣ်န့ၣ်လီၤ. ပဝဲဒၣ်တဂၤဘၣ်တဂၤစုၥ်စုၥ် ပအိၣ်ဒီး ပတၢ်ဖံးတၢ်မၤတၢ်လဲၤခီဖျိဒၣ်ဝဲအဃိ ဒ်သိးပတၢ်ဖံး တၢ်မၤကလဲၤသးဘၣ်ဂ့ၢ်ဘၣ်ဝီ လဲၤထီၣ်လဲၤထီအဂီၢ် ပကဘၣ်ပၥ်ဖှိၣ်ထီၣ်ပတၢ်လဲၤခီဖျိတဖၣ် ဒီး မၤလိန့ၢ်တၢ်လၢ ပတၢ်လဲၤခီဖျိတဖၣ်န့ၣ်လီၤ.

ဒ်သိးပကအိၣ်ဒီး ပဂံၢ်ပဘါ, တၢ်သ့ၣ်ညါနၢ်ပၢၢ် ဒီး တၢ်သ့တၢ်ဘါကအါထီၣ်အဂီၢ် ထံဖိကီၢ်ဖိကမျၢၢ်တဖၣ် မ့ၢ်ဝဲဒၣ်ပဂံၢ်ပဘါမုၢ်ကျၢၢ်တခါန့ၣ်လီၤ. ပမၤလၢပှဲၤပမူ ပဒါတၢ်ဖံးတၢ်မၤန့ၢ်ထဲလဲၣ်န့ၣ် ဒိးသန့ၤထီၣ်အသးလၢ ထံဖိကီၢ်ဖိတဖၣ် အတၢ်ပၣ်ဃုၥ်ပၣ်ဂီၢ်အဖီခိၣ်န့ၣ်လီၤ. ဒ်သိး ထံဖိကီၢ်ဖိသ့ၣ်တဖၣ် ကနၢ်ပၢၢ်ပတၢ်ဖံးတၢ်မၤ ဒီး ပၥ်ဖှိၣ်မၤသကိးတၢ်ကအိၣ်အဂီၢ် ပကဘၣ်ကရၢကရိအဝဲသ့ၣ်အသိး လၢတၢ်မၤဖျါထီၣ်တၢ်ဖံးတၢ်မၤ အမိၢ်လံၤမိၢ်ပှၢ်အဂီၢ် ပကဘၣ်ပၥ်ဖှိၣ်မၤသကိးတၢ်ဒီး သုး မုၢ်ဒိၣ်, ပၢပြး ဒီး ဝဲၤကျိၤဝဲၤဒ့တဖၣ် န့ၣ်လီၤ.

လီၢ်ခံကတၢၢ် ယဟ့ၣ်ထီၣ်တၢ်ယူးယီၣ်ဆူ ခိၣ်နၢ်သိၣ်ဒူ လၢဂဲၤလိၥ်တ့ၢ်တၢ်တဖၣ် ဒီး ခိၣ်နၢ်သိၣ်ဒူ လၢဂဲၤလိၥ်ဒံးတၢ်လၢ ဆၢကတီၢ်ခဲအံၤတဖၣ် ခီဖျိအဝဲသ့ၣ် အဝဲသ့ၣ်တဖၣ် အိၣ်ဒီးတၢ်အဲၣ်ကလုၥ်သးပှဲၤတုၥ် လၢအသးပူၤဒီး ဂုၥ်ကျဲးစၢးဂဲၤလိၥ်သကိးတၢ်အဃိန့ၣ်လီၤ. ဒ်သိး ကညီဒီကလုၥ်ပၢၤကီၢ်သုးအံၤ ကအိၣ်ဒီးအကံၢ်အစီ ဒီး ဂၢၢ်ကျၢၤခၢၣ်သနၢၣ်အဂီၢ် မူဒါအိၣ်ဝဲဒၣ်လၢ ကညီဖိကိးဂၤဒဲးအစုပူၤန့ၣ်လီၤ.”