Notice

  "From the Karen National Political Dialogue to ward the Political Will of the Karen National" 

  "From the Karen National Political Dialogue to establish a Federal Democratic Union" 

  • English
  • Karen
  • Myanmar

တၢ်ဂ့ၢ်အလၢအပှဲၤ

  • ကဘျံးမိၢ်ပှၢ်
  • တၢ်ဟူးတၢ်ဂဲၤ
  • တၢ်ဂ့ၢ်အလၢအပှဲၤ
ကီၢ်ရ့ၣ်တဖၣ်

ဘျံးဒဝဲၢ်ကီၢ်ရ့ၣ်ပူၤ တၢ်မၤဝဲ တၢ်တီခိၣ်ရိၣ်မဲ, တၢ်ပၢတၢ်ပြးဒီး တၢ်ပၢဆှၢကမျၢၢ် တၢ်မၤလိတၢ်ရဲၣ်တၢ်ကျဲၤ

၂၀၂၄ နံၣ် လါအီးကထိဘၢၣ် ၁ သီ, ခ့ၣ်အဲၣ်ယူၣ်-လီၢ်ခၢၣ်သး
ဖဲ ၂၀၂၄ နံၣ် လါစဲးပထ့ဘၢၣ် ၂၃ သီ တုၤ ၂၉ သီအနံၤတဖၣ်န့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်ကဝီၤပူၤ ဘျံးဒဝဲၢ်ကီၢ်ရ့ၣ် ရဲၣ်ကျဲၤမၤဝဲ တၢ်တီခိၣ်ရိၣ်မဲ, တၢ်ပၢတၢ်ပြးဒီး တၢ်ပၢဆှၢရဲၣ်ကျဲၤကမျၢၢ် တၢ်မၤလိတၢ်ရဲၣ်တၢ်ကျဲၤန့ၣ်လီၤ. တၢ်မၤလိအံၤအပူၤ ကီၢ်ရ့ၣ်ဝဲၤကျိၤ ၁၁ ဘိခိၣ်နၢ်ခၢၣ်စး တဖၣ်ဟဲထီၣ်မၤလိမၤဒိးတၢ်ဒီး ပှၤမၤလိတၢ်ဖိဒီးပှၤဟ့ၣ်နီၤဟ့ၣ်နီၤတၢ် ခဲလၢၥ်အိၣ်ဝဲ ၄၈ ဂၤန့ၣ်လီၤ.
တၢ်မၤလိအံၤအတၢ်ပညိၣ်မ့ၢ်ဝဲ ဝဲၤကျိၤခိၣ်နၢ် ဒီး ခိၣ်နၢ်ဘၣ်မူဘၣ်ဒါတဖၣ် အကံၢ်အစီကဂ့ၤထီၣ်လၢ တၢ်ပၢတၢ်ပြး ဒီး တၢ်ပၢဆှၢရဲၣ်ကျဲၤကမျၢၢ်ဂ့ၢ်ဝီ အတၢ်သ့ တၢ်ဘၣ်တဖၣ်န့ၣ်လီၤ.
ပှၤလၢအသိၣ်လိဟ့ၣ်ခီဟ့ၣ်နီၤတၢ်လၢ တၢ်သိၣ်လိတဘျီအံၤအပူၤ သရၣ်/သရၣ်မုၣ်တဖၣ် မ့ၢ်ပှၤတဖၣ်လၢ အတၢ်လဲၤခီဖျိအိၣ်ဝဲဒၣ်လၢ တၢ်ပၢတၢ်ပြးဒီးတၢ်ပၢဆှၢ ရဲၣ်ကျဲၤတၢ်ဖံးတၢ်မၤတဖၣ်န့ၣ်လီၤ. တၢ်မၤလိအပူၤ တၢ်သိၣ်လိနဲၣ်ယုၤဝဲ တၢ်ဂ့ၢ်တၢ်ကျိၤဒ်အမ့ၢ် ခိၣ်နၢ်လၢအဂ့ၤတဂၤအကံၢ်အစီ, တၢ်ပဲၥ်ထံနီၤဖးက့ၤ တၢ်ပၢတၢ် ပြးအတၢ်ဂံၢ်ဆူၣ်/တၢ်ဂံၢ်စၢ်-တၢ်စူးကါသူဝဲ SWOT analysis, Conflict Resolution, Time Management, Strategic Thinking သ့ၣ်တဖၣ်န့ၣ်လီၤ. တကး ဒံးဘၣ် ဒ်သိးကကဲထီၣ်ပဒိၣ်လၢလၢအဂ့ၤတဖၣ်ကသ့အဂီၢ် က့ၢ်ဂီၤပနီၣ်လၢကြၢးအိၣ်တဖၣ် မ့ၢ်တၢ်မနုၤလဲၣ်, ဒီး ဝဲၤကျိၤဝဲၤဒ့တဖၣ် အဖီလ်စံၣ် အိၣ်ဒ်လဲၣ်သ့ၣ်တဖၣ်စ့ၢ်ကီး တၢ်သိၣ်လိမၤလိယုၤစ့ၢ်ကီးန့ၣ်လီၤ.
တၢ်သိၣ်လိမၤလိတဘျီအံၤ မ့ၢ်ဒ်သိး တၢ်ကဒုးအိၣ်ထီၣ် လီၢ်ကဝီၤတၢ်ပၢတၢ်ပြးလၢအဂ့ၤ, တၢ်ပၢဆှၢရဲၣ်ကျဲၤကမျၢၢ်ဂ့ၢ်ဝီ ဒီး တၢ်ပၢတၢ်ပြးသနူလၢအဂ့ၤတခါက အိၣ်ထီၣ်ဖျါထီၣ်အဂီၢ်န့ၣ်လီၤ.

တၢ်ဟူးတၢ်ဂဲၤလၢအဘၣ်ထွဲတဖၣ်

တၢ်ဃုထံၣ်တၢ်ဂ့ၢ်တၢ်ကျိၤဂီၢ်

ကွဲၤဟူဖျါသနၢၣ်