(Kler Lwee Htu Junior College) ချၢၣ်လွံၢ်ထူၣ်ဖၠၣ်စိမိၤ (၁၀) ၀ီတ၀ီ တၢ်ပျၢ်ကၠိဒီး တၢ်ဟ့ၣ်လၤကပီၤ ဖျိကၠိလံၥ်အုၣ်သး တၢ်ရဲၣ်တၢ်ကျဲၤ၀ံၤ၀ဲဂ့ၤဂ့ၤဘၣ်ဘၣ်

(Kler Lwee Htu Junior College) ချၢၣ်လွံၢ်ထူၣ်ဖၠၣ်စိမိၤ (၁၀) ၀ီတ၀ီ တၢ်ပျၢ်ကၠိဒီး တၢ်ဟ့ၣ်လၤကပီၤ ဖျိကၠိလံၥ်အုၣ်သး တၢ်ရဲၣ်တၢ်ကျဲၤ၀ံၤ၀ဲဂ့ၤဂ့ၤဘၣ်ဘၣ်

လါအ့ဖြ့ၣ် (၁၄) သီ, ၂၀၂၅ နံၣ်, ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤ, ချၢၣ်လွံၢ်ထူၣ်ကီၢ်ရ့ၣ်အပူၤ ဖဲ ၂၀၂၅ နံၣ်, လါအ့ဖြ့ၣ် (၁၁) သီ တၢ်ရဲၣ်ကျဲၤမၤ၀ဲ ချၢၣ်လွံၢ်ထူၣ်ဖၠၣ်စိမိၤ (၁၀) ၀ီတ၀ီ ကၠိပျၢ်တၢ်ရဲၣ်တၢ်ကျဲၤဒီး တၢ်ဟ့ၣ်လီၤ ဖျိကၠိလံၥ်အုၣ်သး ၀ံၤ၀ဲဂ့ၤဂ့ၤဘၣ်ဘၣ်န့ၣ်လီၤ

လၢတၢ်ရဲၣ်တၢ်ကျဲၤတဘျီအံၤ ကီၢ်ရ့ၣ်ခိၣ်နၢ်တဖၣ်, ကီၢ်ဆၣ်ခိၣ်နၢ်တဖၣ်, ကၠိကမံးတံၥ်တဖၣ်ဒီး သရၣ်, သရၣ်မုၣ် လၢတၢ်ကွဲမုၥ်အီၤတဖၣ် ဟဲမၤလၤကပီၤ ကတိၤဟ့ၣ်ဂံၢ်ဟ့ၣ်ဘါ ဒီးဟံစုနဲၣ်ကျဲကၠိဖိသ့ၣ်တဖၣ်အိၣ်၀ဲန့ၣ်လီၤ

(Kler Lwee Htu Junior College) ချၢၣ်လွံၢ်ထူၣ်ဖၠၣ်စိမိၤ ၂၀၂၃-၂၀၂၅ တၢ်မၤလိနံၣ်အတီၢ်ပူၤ ကၠိဖိမုၣ်, ခွါ တဖၣ် ဒီး ကၠိသရၣ်, ကၠိသရၣ်မုၣ်တဖၣ် ဘၣ်ကွၢ်ဆၢၣ်မဲၥ်ဒီး သုးမီၤစိရိၤတၢ်မၤပျံၤမၤဖုး ခီဖျိကဘီယူၤဒုးသုးမ့ၢ်ဂ့ၤ, ခိၣ်ဃၢၤန့ဆၢၣ်(မူခိၣ်ကလံၤသီၣ်ဂီၤ) တၢ်ဆီသနံးတဖၣ် အိၣ်၀ဲဘၣ်ဆၣ် တနံၣ်အံၤ ကၠိဖိမုၣ်, ခွါ ခဲလၢၥ် ဖျိကၠိအိၣ်၀ဲ (၄၃) ဂၤန့ၣ်လီၤ

ကၠိပျၢ်ဒီး တၢ်ဟ့ၣ်လၤကပီၤဖျိကၠိလံၥ်အုၣ်သး တၢ်ရဲၣ်တၢ်ကျဲၤတဘျီအံၤ ခိၣ်နၢ်ဒီး ကၠိဖိမိၢ်ပၢ် ဃုၥ်ဒီးကၠိဖိမုၣ်ခွါ, သရၣ်/သရၣ်မုၣ်တဖၣ် ဟဲထီၣ်မၤလၤကပီၤ တၢ်ရဲၣ်တၢ်ကျဲၤအံၤ ပှၤနီၣ်ဂံၢ်ခဲလၢၥ် အိၣ်၀ဲ (၁၅၀) ဂၤဘျဲၣ်န့ၣ်လီၤ.