Notice
ကီၢ်ရ့ၣ်တဖၣ်
ခ့ၣ်အဲၣ်ယူၣ်-ဒူသထူၣ်ကီၢ်ရ့ၣ်, ကီၢ်ရ့ၣ်ခိၣ်မၤတ့ၢ်တၢ် ပဒိၣ်စီၤကိၣ်လ့ တၢ်ပၥ်လီၤအဒဲဟီၣ်ခိၣ်(အစိၥ်) တၢ်မၤနီၣ်တဖၣ်
လါအ့ဖြ့ၣ် (၁၄) သီ, ၂၀၂၅ နံၣ်, ခ့ၣ်အဲၣ်ယူၣ်-လီၢ်ခၢၣ်သး ။
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် ကီၢ်ရ့ၣ်ခိၣ်မၤတ့ၢ်တၢ် ပဒိၣ်စီၤကိၣ်လ့ န့ၣ် အိၣ်ဖျဲၣ်၀ဲဒၣ်ဖဲ ၁၉၄၉ နံၣ်, လါအီးကထိဘၢၣ် (၃၀) သီ ဒီးတနံၣ်အံၤ ၂၀၂၅ နံၣ်,လါအ့ဖြ့ၣ် (၇) သီအနံၤ လဲၤပူၤကွံၥ်ဟီၣ်ခိၣ်န့ၣ်လီၤ.
ကီၢ်ရ့ၣ်ခိၣ်မၤတ့ၢ်တၢ် ပဒိၣ်စီၤကိၣ်လ့ တၢ်လဲၤပၥ်လီၤအဒဲဟီၣ်ခိၣ်(အစိၥ်) ဖဲ ၂၀၂၅ နံၣ်, လါအ့ဖြ့ၣ် (၉) သီကတီၢ် ပၢပြးခိၣ်နၢ် ဒီးသုးမုၢ်ဒိၣ်ခိၣ်နၢ် ဃုၥ်ဒီးဒူသ၀ီကမျၢၢ်ဖိတဖၣ် ဟဲပၥ်ဃုၥ်ပၥ်ဂီၢ်လၢ တၢ်ပၥ်လီၤဒဲဟီၣ်ခိၣ်(အစိၥ်) တၢ်ရဲၣ်တၢ်ကျဲၤ ပှၤနီၣ်ဂံၢ်ခဲလၢၥ် အိၣ်၀ဲ (၂၀၀) ဂၤ ဘျဲၣ်န့ၣ်လီၤ.
ပဒိၣ်စီၤကိၣ်လ့ အံၤနုၥ်လီၤမၤ တၢ်ပၢၢ်ဆၢဖဲ ၁၉၇၂ နံၣ် ဒီးမၤတၢ်ပၢၢ်ဆၢကတီၢ် မူဒါလၢတၢ်ဟ့ၣ်အီၤတဖၣ်မ့ၢ်၀ဲ ဘံလ့ကီၢ်ဆၣ် ကူၣ်သ့ဆဲးလၤ၀ဲၤကျိၤခိၣ် တဆီဆူ ဒူသထူၣ်ကီၢ်ရ့ၣ် ကူၣ်သ့ဆဲးလၤ၀ဲၤကျိၤခိၣ်, တကတီၢ်ဃီ ဟံးမူဒါ ကီၢ်ရ့ၣ်နဲၣ်ရွဲၣ်သဃဲၤ ဖဲ ၁၉၈၆ နံၣ် တုၤ ၁၉၉၈ ဒီး ဖဲ ၁၉၉၉ နံၣ် တုၤ ၂၀၁၇ နံၣ်န့ၣ် ဟံးမူဒါလၢ ကီၢ်ရ့ၣ်နဲၣ်ရွဲန့ၣ်လီၤ. ဖဲ ၂၀၁၈ နံၣ်တုၤ ၂၀၂၂ နံၣ်န့ၣ် ဟံးမူဒါလၢ ကီၢ်ရ့ၣ်ခိၣ် ဒီးဖဲ ၂၀၂၂ နံၣ်အလီၢ်ခံ ဟံးမူဒါလၢ ကီၢ်ရ့ၣ်ပှၤဟ့ၣ်ကူၣ် ဟ့ၣ်ဖး တုၤလၢအသးသမူဟးထီၣ်တစုန့ၣ်လီၤ.
ကီၢ်ရ့ၣ်ခိၣ်မၤတ့ၢ်တၢ် ပဒိၣ်စီၤကိၣ်လ့ စးထီၣ်နုၥ်လီၤမၤတၢ်ပၢၢ်ဆၢ တုၤ အသးသမူဟးထီၣ်တစုန့ၣ် တၢ်ပၢၢ်ဆၢ သးနံၣ် မ့ၢ်၀ဲ (၅၃) နံၣ် န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
