Notice
ကီၢ်ရ့ၣ်တဖၣ်
မုၢ်တြီၢ်ကီၢ်ရ့ၣ်-ကညီသးစၢ်ကရၢ ပၢဆှၢတၢ်ကမံးတံၥ် တၢ်ဒုးထီထီၣ်ခိၣ်နၢ်တၢ်တီခိၣ်ရိၣ်မဲတၢ်မၤလိ
လါအ့ဖြ့ၣ် (၁၅) သီ, ၂၀၂၅ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢဟီၣ်က၀ီၤ, မုၢ်တြီၢ်ကီၢ်ရ့ၣ်-ကညီသးစၢ်ကရၢ ရဲၣ်ကျဲၤ မၤတၢ်မၤလိဘၣ်ထွဲ တၢ်ဒုးထီထီၣ်ခိၣ်နၢ်တၢ်တီခိၣ်ရိၣ်မဲတၢ်မၤလိ ၀ံၤ၀ဲအဖီခိၣ် ဖဲ ၂၀၂၅ နံၣ်, လါအ့ဖြ့ၣ် (၁၂) သီအနံၤ တၢ်မၤလိ၀ံၤ၀ဲဂ့ၤဂ့ၤဘၣ်ဘၣ်န့ၣ်လီၤ.
တၢ်မၤလိတၢ်ပညိၣ်မ့ၢ်ဒ်သိး ကညီသးစၢ်တဖၣ် လၢတီခိၣ်ရိၣ်မဲ ကညီတၢ်ပၢၢ်ဆၢတၢ်ဖံးတၢ်မၤအပူၤ ကနၢ်ပၢၢ်အါထီၣ် ကညီတၢ်ပၢၢ်ဆၢ ဂံၢ်ခီၣ်ထံသဲးစးတၢ်ဘျၢခိၣ်သ့ၣ်ဒီး တၢ်မၤကျဲအဂီၢ် တၢ်ရဲၣ်ကျဲၤဟ့ၣ်တၢ်မၤလိ လၢအပၥ်ဃုၥ် လံၥ်မိၢ်ပှၢ်(တၢ်မၤလိခိၣ်တီ) ၁၂ ဘ့ၣ်န့ၣ်လီၤ.
ကညီသးစၢ်ကရၢ ပၢဆှၢတၢ်ကမံးတံၥ် တၢ်ဒုးထီထီၣ်ခိၣ်နၢ်တၢ်တီခိၣ်ရိၣ်မဲအံၤ ဘၣ်တၢ်ဆီၣ်သခူ, ဟ့ၣ်ဂံၢ်ဟ့ၣ်ဘါ ဒီးတိစၢၤမၤစၢၤအီၤခီဖျိ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒီး လီၢ်ခၢၣ်သး-ကညီသးစၢ်ကရၢန့ၣ်လီၤ.
မုၢ်တြီၢ်ကီၢ်ရ့ၣ် ပဒိၣ်စီၤမၤန့ၢ်ကီၢ်ဂ့ၤ, တၢ်ကရၢကရိဒီးတၢ်ဘိးဘၣ်ရၤလီၤ ၀ဲၤကျိၤခိၣ် ပဒိၣ်စီၤထူးအဲၣ်, လီၢ်ခၢၣ်သး-ကညီသးစၢ်ကရၢ ကရၢခိၣ်စီၤဆဲခုၣ်ကီၢ်, မုၢ်တြီၢ်ကီၢ်ရ့ၣ်-ကညီသးစၢ် ကရၢခိၣ် စီၤသ့လးထူ, ကီၢ်ရ့ၣ်၀ဲၤဒၢး ပှၤဘၣ်မူဘၣ်ဒါ နီၢ်ထံကမှံ ခိၣ်နၢ်သ့ၣ်တဖၣ် ဟဲကတိၤဟ့ၣ်ဂံၢ်ဟ့ၣ်ဘါ ဒီး ဟံးစုနဲၣ်ကျဲ လၢတၢ်မၤလိပျၢ် တၢ်ရဲၣ်တၢ်ကျဲၤဘျီ၀ဲအံၤ စ့ၢ်ကီးန့ၣ်လီၤ.
မုၢ်တြီၢ်ကီၢ်ရ့ၣ်-ကညီသးစၢ်ကရၢ ပၢဆှၢတၢ်ကမံးတံၥ် တၢ်ဒုးထီထီၣ်ခိၣ်နၢ် တၢ်တီခိၣ်ရိၣ်မဲတၢ်မၤလိအံၤ ဘၣ်တၢ်မၤ အီၤအဆိကတၢၢ်တဘျီဒီး လၢတၢ်မၤလိပျၢ်တၢ်ရဲၣ်တၢ်ကျဲၤဘျီ၀ဲအံၤ တၢ်မၤလိဖိဒီးခိၣ်နၢ် သ့ၣ်တဖၣ်လၢဟဲထီၣ်၀ဲ (၅၇) ဂၤ န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
