သုးမီၤစိရိၤအသုး ဒီး သုးခိးကီၢ်ဆၢ (BGF-1014) တဖၣ် ခးသံဝဲ သဝီဖိတဂၤ အဂ့ၢ်

၂၀၂၁ နံၣ် လါအီးကထိဘၢၣ် ၁၄ သီ, ဒူသထူၣ် ကီၢ်ရ့ၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ဖၣ်အၣ်ကီၢ်ဆၣ်, တကီၤဘိကရူၢ်, မံပိသဝီ သီခါဖၠၣ် ကပၤ ကျဲမုၢ်ခိၣ် န့ၣ် သုးမီၤစိရိၤ ဒီး သုးခိးကီၢ်ဆၢ (BGF-1014) သုးပၥ်ဖှိၣ်တဖၣ် ခးသံဝဲ သဝီဖိတဂၤ ဖဲလါအီးကထိဘၢၣ် ၁၀ သီ ဟါလီၤခီ ၅ နၣ်ရံၣ် အဆၢကတီၢ်န့ၣ်လီၤ.
သဝီဖိလၢ သုးမီၤစိရိၤအသုး ဒီး သုးခိးကီၢ်ဆၢ (BGF) တဖၣ် ခးသံဝဲတဂၤအံၤန့ၣ် အမံၤမ့ၢ်ဝဲ စီၤမီၤတ့ၤလ့ ဒီး အသးနံၣ်အိၣ်ဝဲ ၅၀ နံၣ် န့ၣ်လီၤ. စီၤမီၤတ့ၤလ့အံၤ လၢအပူၤကွံၥ် အိၣ်ဆိးဝဲလၢ သုးက့ ၅ တၢ်ပၢဟီၣ်ကဝီၤတကပၤ လၢအမ့ၢ် ဝါကီသဝီ ဒီး ခဲအံၤအိၣ်ဆိးဝဲလၢ မံပိသဝီလီၤအဂ့ၢ်န့ၣ် ခ့ၣ်အဲၣ်ယူၣ်-ဖၣ်အၣ်ကီၢ်ဆၣ် တၢ်ကစီၣ်ဒီးတၢ်ဘိးဘၣ်ရၤလီၤဝဲၤဒ့ခိၣ် ပၥ်ဖျါဝဲဒၣ်န့ၣ်လီၤ.
ဒ်န့ၣ်အသိး ဖဲလါအီးကထိဘၢၣ် ၇ သီအနံၤန့ၣ် သုးမီၤစိရိၤအသုး ဒီး သုးခိးကီၢ်ဆၢ (BGF) သုးတဖၣ် နဲၣ်လီၤတၢ်ကလုၢ် ဒီး မၢဆူၣ်ဝဲသဝီဖိ လၢအအိၣ်ဆိးလၢ ဖၣ်အၣ်ကီၢ်ဆၣ် ဟီၣ်ကဝီၤပူၤတဖၣ် လၢကဆိးကါသူဝဲ ၃ လါတဘျီ တၢ်ကဲသဝီသးပှၢ်သနူ န့ၣ်လီၤ.