Notice
တၢ်ကစီၣ်တဖၣ်
သုးမီၤစိရိၤအသုးတဖၣ် ခးလီၤကျိဖးဒိၣ်လၢ သဝီပူၤအဃိ ဘၣ်ဒိဝဲသဝီဖိ ၃ ဂၤ ဒီး သဝီဖိတဖၣ် အိၣ်လၢသဝီပူၤ တဘူၣ်လၢၤအဃိ ဘၣ်ဃ့ၢ်အိၣ်ကဒုလၢ ပှၢ်လၢ်ကျါ
၂၀၂၁ နံၣ်, လါဒံၣ်စ့ဘၢၣ် ၂၃ သီ, ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ချၢၣ်လွံၢ်ထူၣ်, ကီၢ်ဆၣ်လၢၢ်ဒိၣ် ဟီၣ်ကဝီၤ ဖဲ ၁၉၇၄ နံၣ်အဆၢကတီၢ် ဒုၣ်ဒါ (မဆလ) ပၢတၢ်အစိၤ အဆၢကတီၢ် ထံဖိကီၢ်ဖိကမျၢၢ်လၢ အအိၣ်ဆိးလၢ ကစၢၢ်ကျါ ဒ်အမ့ၢ် (၁) ပီၣ်ဖီခံ, (၂) ထံပနၢ်အ့ၣ်ခံ, (၃) စ့ဘီလူၢ်, (၄) ဃဲၣ်ကၢ်ခိၣ် သဝီဖိတဖၣ် နီဆူၣ်ဝဲ ဒီး ပၥ်ဖှိၣ်ဝဲလၢ သ့ၣ်နွဲၤထၣ်သဝီ (ကိး) မုၢ်သဲၤ (မူသယ်) ဒီး ကတီၢ်အံၤ သ့ၣ်နွဲၤထၣ်သဝီအံၤ ဟံၣ်ခိၣ်အိၣ်ဝဲ (၈၇) ဖျၢၣ် ဒီး ပှၤနီၣ်ဂံၢ်ခဲလၢၥ်အိၣ်ဝဲ (၅၅၈) ဂၤန့ၣ်လီၤ.
ကတီၢ်အံၤ သုးမီၤစိရိၤ လၢဟံးဆူၣ်ထံကီၢ်တၢ်စိတၢ်ကမီၤ (စကခ) သုး ခလရ-၇၅ ဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (ဇေၥ်ဇေၥ်နိုင်) ဒီး ခမရ-၅၉၈ ဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (လှိုင်ညှို) လၢအဟဲအိၣ်သူၣ်လီၤအသးလၢ ခိၣ်သ့ၣ်စိ သုးကလၢၤ (ကိး) မူသယ်စခန်း တဖုအံၤ ဖဲ( ၇.၁၂.၂၀၂၁) နံၤဟါ (၇း၀၄) မံးနံးအဆၢကတီၢ် အပှၤဟံးတၢ်ဘံၣ်တၢ်ဘၢ လၢသိလ့ၣ်ကျဲခိၣ်တဖၣ် ဘၣ်သဂၢၢ်ခးလိၥ်သး ဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် အသုးတဖၣ်အဃိ သုးမီၤစိရိၤအသုးတဖၣ် ခးလီၤဝဲကျိဖိ, ကျိဖးဒိၣ်ဆူ သ့ၣ်နွဲၤထၣ်သဝီ (ကိး) မူသယ် အပူၤအဃိ ကမျၢၢ်ဖိဘၣ်ဒိဝဲ ၃ ဂၤန့ၣ်လီၤ. ဒီးဖဲ (၁၈.၁၂.၂၀၂၁) အနံၤဟါ (၇း၅၀) မံးနံးအဆၢကတီၢ် ဒုၣ်ဒါတဖုအံၤ ခးလီၤကဒီးဝဲကျိဖိ, ကျိဖးဒိၣ် ဖဲသ့ၣ်နွဲၤထၣ်သဝီအဃိ သဝီဖိတဖၣ် ပျံၤတၢ်ဖုးတၢ်, ဘၣ်ယိၢ်ဘၣ်ဘှီတၢ်လၢ အသးသမူ တၢ်ဘံၣ်တၢ်ဘၢအဂီၢ်န့ၣ်လီၤ. လၢတၢ်န့ၣ်အဃိ လၢၢ်ဒိၣ်ကီၢ်ဆၣ်, ဃဲၣ်ကၢ်ခိၣ်ကရူၢ် ထံဖိကီၢ်ဖိကမျၢၢ်သ့ၣ်တဖၣ် ဘၣ်ဃ့ၢ်မှံဟးဖျိး, ဟးအိၣ်ကဒုဝဲလၢ ခိခိၣ်ပှၢ်လၢ်ကျါ လၢအသးသမူတၢ်ဘံၣ်တၢ်ဘၢ အဂီၢ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ချၢၣ်လွံၢ်ထူၣ်, ကီၢ်ဆၣ်လၢၢ်ဒိၣ် ဟီၣ်ကဝီၤ ဖဲ ၁၉၇၄ နံၣ်အဆၢကတီၢ် ဒုၣ်ဒါ (မဆလ) ပၢတၢ်အစိၤ အဆၢကတီၢ် ထံဖိကီၢ်ဖိကမျၢၢ်လၢ အအိၣ်ဆိးလၢ ကစၢၢ်ကျါ ဒ်အမ့ၢ် (၁) ပီၣ်ဖီခံ, (၂) ထံပနၢ်အ့ၣ်ခံ, (၃) စ့ဘီလူၢ်, (၄) ဃဲၣ်ကၢ်ခိၣ် သဝီဖိတဖၣ် နီဆူၣ်ဝဲ ဒီး ပၥ်ဖှိၣ်ဝဲလၢ သ့ၣ်နွဲၤထၣ်သဝီ (ကိး) မုၢ်သဲၤ (မူသယ်) ဒီး ကတီၢ်အံၤ သ့ၣ်နွဲၤထၣ်သဝီအံၤ ဟံၣ်ခိၣ်အိၣ်ဝဲ (၈၇) ဖျၢၣ် ဒီး ပှၤနီၣ်ဂံၢ်ခဲလၢၥ်အိၣ်ဝဲ (၅၅၈) ဂၤန့ၣ်လီၤ.
ကတီၢ်အံၤ သုးမီၤစိရိၤ လၢဟံးဆူၣ်ထံကီၢ်တၢ်စိတၢ်ကမီၤ (စကခ) သုး ခလရ-၇၅ ဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (ဇေၥ်ဇေၥ်နိုင်) ဒီး ခမရ-၅၉၈ ဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (လှိုင်ညှို) လၢအဟဲအိၣ်သူၣ်လီၤအသးလၢ ခိၣ်သ့ၣ်စိ သုးကလၢၤ (ကိး) မူသယ်စခန်း တဖုအံၤ ဖဲ( ၇.၁၂.၂၀၂၁) နံၤဟါ (၇း၀၄) မံးနံးအဆၢကတီၢ် အပှၤဟံးတၢ်ဘံၣ်တၢ်ဘၢ လၢသိလ့ၣ်ကျဲခိၣ်တဖၣ် ဘၣ်သဂၢၢ်ခးလိၥ်သး ဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် အသုးတဖၣ်အဃိ သုးမီၤစိရိၤအသုးတဖၣ် ခးလီၤဝဲကျိဖိ, ကျိဖးဒိၣ်ဆူ သ့ၣ်နွဲၤထၣ်သဝီ (ကိး) မူသယ် အပူၤအဃိ ကမျၢၢ်ဖိဘၣ်ဒိဝဲ ၃ ဂၤန့ၣ်လီၤ. ဒီးဖဲ (၁၈.၁၂.၂၀၂၁) အနံၤဟါ (၇း၅၀) မံးနံးအဆၢကတီၢ် ဒုၣ်ဒါတဖုအံၤ ခးလီၤကဒီးဝဲကျိဖိ, ကျိဖးဒိၣ် ဖဲသ့ၣ်နွဲၤထၣ်သဝီအဃိ သဝီဖိတဖၣ် ပျံၤတၢ်ဖုးတၢ်, ဘၣ်ယိၢ်ဘၣ်ဘှီတၢ်လၢ အသးသမူ တၢ်ဘံၣ်တၢ်ဘၢအဂီၢ်န့ၣ်လီၤ. လၢတၢ်န့ၣ်အဃိ လၢၢ်ဒိၣ်ကီၢ်ဆၣ်, ဃဲၣ်ကၢ်ခိၣ်ကရူၢ် ထံဖိကီၢ်ဖိကမျၢၢ်သ့ၣ်တဖၣ် ဘၣ်ဃ့ၢ်မှံဟးဖျိး, ဟးအိၣ်ကဒုဝဲလၢ ခိခိၣ်ပှၢ်လၢ်ကျါ လၢအသးသမူတၢ်ဘံၣ်တၢ်ဘၢ အဂီၢ်န့ၣ်လီၤ.
ပူၤကွံၥ်တယံၥ်ဒံးဘၣ်
