ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်ရ့ၣ်တီအူ ရဲၣ်ကျဲၤ ဒီး ဟ့ၣ်နီၤလီၤဝဲ တၢ်ဒီသဒၢ Covid-19 တၢ်ဆါ အတၢ်ဖိတၢ်လံၤ လီၤလၢစ့ပယီၤ အကလီၢ် ခံကယၤဘျဲၣ်

၂၀၂၀ နံၣ် လါမးရှး ၃၁ သီ

၂၀၂၀ နံၣ် လါမးရှး ၃၁ သီ အနံၤ ကညီဒီကလုၥ်စၢဖှိၣ်ကရၢ ကီၢ်ရ့ၣ်တီအူ ပၥ်ဖှိၣ်မၤသကိး တၢ်ဒီး The Consortium of Dutch NGOs (CDN) ဒီး LIFT (The Livelihoods and Food Security Trust Fund)  ကရၢသဘျ့ အတၢ်ကရၢကရိသ့ၣ်တဖၣ် ဒီး ရဲၣ်ကျဲၤမၤဝဲ တၢ်ဟူးတၢ်ဂဲၤ လၢအဘၣ်ဃးဒီး တၢ်ဟ့ၣ်တၢ်သ့ၣ်ညါ ဘၣ်ဃး Covid -19  တၢ်ဆါအဂ့ၢ် အကျိၤ ဒီး ရဲၣ်ကျဲၤဟ့ၣ်လီၤဝဲ တၢ်ဒီးသဒၢဝဲ Covid -19  တၢ်ဆါ အတၢ်ပီးတၢ်လီ သ့ၣ်တဖၣ် လီၤလၢစ့ပယီၤ အကလီၢ်ခံကယၤဘျဲၣ် ဃၣ်ဃၣ်န့ၣ်လီၤ. တၢ်ဒီသဒၢ Covid -19  တၢ်ဆါ အတၢ်ဖိတၢ်လံၤသ့ၣ်တဖၣ်အံၤ တၢ်ဟ့ၣ်နီၤလီၤအီၤဆူ ကီၢ်ရ့ၣ်တီအူ အတၢ်တီ ခိၣ်ရိၣ်မဲ အဖီလၥ် ကီၢ်ဆၣ်ခံဘ့ၣ် လၢအမ့ၢ် ထီတထူၣ်ကီၢ်ဆၣ် ဒီး ဒီၣ်ဖးခိၣ်ကီၢ်ဆၣ် အက မျၢၢ်ဖိ သ့ၣ်တဖၣ်န့ၣ်လီၤ. တၢ်ရဲၣ်တၢ်ကျဲၤ လၢတၢ်ဟ့ၣ်နီၤလီၤ တၢ်ဒီသဒၢ အတၢ်ဖိတၢ်လံၤ အံၤ တၢ်ဒီသဒၢ အတၢ်ပီးတၢ်လီ အစူၣ်ခဲလၢၥ် အိၣ်ဝဲ ၁၅၀၀ ဒီး တၢ်ဟ့ၣ်တၢ်သ့ၣ်ညါ အလံၥ်ဘိးဘၣ်ရၤလီၤ ခဲလၢၥ် ၅၅၀၀ ဘၣ်တၢ်ဟးကျးလီၤလၢ ဒူသဝီပူၤန့ၣ်လီၤ.

တၢ်ဒီသဒၢ အပီးအလီသ့ၣ်တဖၣ် မ့လိၣ်အါထီၣ်ဒံးန့ၣ် ကညီဒီကလုၥ်စၢဖှိၣ်ကရၢ ကီၢ်ရ့ၣ် တီအူ ကရဲၣ်ကျဲၤဒီး ဟ့ၣ်လီၤကဒီးဝဲ အသီတဘျီန့ၣ်လီၤ.

ကမျၢၢ်ဖိလၢ အိၣ်လၢကီၢ်ကၠီၣ်တဲၣ်ဒီး ဟဲက့ၤဟးဆူ အသဝီတဖၣ် ဘၣ်တၢ်ရဲၣ်ကျဲၤအီၤ ဒ်တၢ်သိၣ်တၢ်သီ ပၥ်လီၤဝဲအသိး ကဘၣ်အိၣ်ဝဲလၢ တၢ်အိၣ်ခိးကွၢ်အလီၢ် ၁၄ သီ န့ၣ်လီၤ.