Notice
တၢ်ကစီၣ်တဖၣ်
သုးမီၤစိရိၤအသုး ဒီး သုးခိးကီၢ်ဆၢ (BGF) သုး လၢအအိၣ်ဖဲ လ့က့ၣ်သုးကလၢၤတဖၣ် ဖီၣ်ဃၥ်ဝဲပှၤသဝီဖိ ဃုၥ်ဒီး ဖိဒံဖိသၣ် ခဲလၢၥ် (၉၂) ဂၤလၢ အသုးကလၢၤပူၤ
၂၀၂၂ နံၣ် လါမ့ၤ ၁၂ သီ, ဒူသထူၣ်ကီၢ်ရ့ၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘံလ့ကီၢ်ဆၣ်ဟီၣ်ကဝီၤပူၤ သုးမီၤစိရိၤအသုး ဒီး သုးခိးကီၢ်ဆၢ (BGF-၁၀၁၄) အသုး လၢအအိၣ်ဖဲ လ့က့ၣ်သုးကလၢၤတဖၣ် ဖီၣ်ဃၥ်ဝဲသဝီဖိ ခဲလၢၥ် (၉၂) ဂၤ လၢအသုးကလၢၤပူၤန့ၣ်လီၤ. သဝီဖိ (၉၂) ဂၤအကျါ ပၣ်ဃုၥ်ဝဲဒီး ဖိသၣ် လၢအသးနံၣ်တပှဲၤ (၁၈) နံၣ်ဘၣ် (၄) ဂၤအဂ့ၢ် သ့ၣ်ညါဘၣ်န့ၣ်လီၤ. သဝီဖိလၢတၢ်ဖီၣ်ဃၥ်အီၤတဖၣ် မ့ၢ်ဝဲ သဝီဖိလၢ ခ့ၣ်အဲၣ်ယူၣ် ဖၣ်အၣ်ကီၢ်ဆၣ်တၢ်ပၢဟီၣ်ကဝီၤပူၤ (၇၀) ဂၤ ဒီး သဝီဖိလၢ ဘ့လ့ကီၢ်ဆၣ်ဟီၣ်ကဝီၤပူၤ (၂၂) ဂၤန့ၣ်လီၤ.
"သုးမီၤစိရိၤအသုး ဒီး သုးခိးကီၢ်ဆၢ (BGF-၁၀၁၄) လၢ တ့ၤဝ့ တီခိၣ်ရိၣ်မဲဝဲတဖၣ် ဖဲအဟဲမၤစၢၤအသကိးလၢ လ့က့ၣ်သုးကလၢၤအဆၢကတီၢ် ဖဲအဟဲလၢကျဲအခါ မ့ၢ်ထံၣ်ပှၤန့ၣ် ဖီၣ်ဝဲခဲလၢၥ်လီၤ. ဖီၣ်ဝဲအကျါ ပၣ်ဃုၥ်ဒီး ကၠီၣ်ဖၠၣ်သဝီဖိ (၄) ဂၤ လၢအသးနံၣ်တပှဲၤ (၁၈) နံၣ်ဒံးဘၣ် တဖၣ်န့ၣ်လီၤ. ဖီၣ်ဝဲခဲလၢၥ် (၉၂) ဂၤန့ၣ်လီၤ. တုၤခဲအံၤအဝဲသ့ၣ်တပျၢ်ကွံၥ်ဒံးပှၤတဖၣ်န့ၣ်ဘၣ်. ဖီၣ်ထၢနုၥ်ဃၥ်ဝဲလၢ လ့က့ၣ်သုးကလၢၤပူၤ အဖၢမုၢ်န့ၣ်လီၤ" အဂ့ၢ်န့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်, ဘံလ့ကီၢ်ဆၣ် တၢ်ကစီၣ်ဒီးတၢ်ဘိးဘၣ်ရၤလီၤ ပှၤဘၣ်မူဘၣ်ဒါတဂၤ ပၥ်ဖျါဝဲဒၣ်န့ၣ်လီၤ. စံးအါထီၣ်စ့ၢ်ကီးဝဲဒၣ်လၢ သုးမီၤစိရိၤအသုး ဒီး သုးခိးကီၢ်ဆၢ (BGF) တဖၣ် သူအီၣ်ဝဲကမျၢၢ်ဖိတဖၣ် လၢအတၢ်ဘံၣ်တၢ်ဘၢအဂီၢ် ဒီး သုးဂ့ၢ်ဝီတၢ်ဘၣ်ဘျူးအဂီၢ် န့ၣ်လီၤ.
ဖဲလါမ့ၤ ၈ သီအနံၤန့ၣ် ကညီဒီကလုၥ်ဂၢၤသးကရၢအသုး ဒီး သုးမီၤစိရိၤအသုး, သုးခိးကီၢ်ဆၢ (BGF) သုးတဖၣ် အဘၢၣ်စၢၤ တၢ်ဒုးကဲထီၣ်ဝဲဖဲ လ့က့ၣ်သဝီဃၢၤတဘျီအဃိ သုးမီၤစိရိၤအသုး ဒီး သုးခိးကီၢ်ဆၢ (BGF) သုးတကပၤ သံဝဲ ၄ ဂၤ ဒီး ဘၣ်ဒိဝဲ ၁ ဂၤန့ၣ်လီၤ. မ့မ့ၢ်လၢ ကညီဒီကလုၥ်ဂၢၤသးကရၢတခီ ဘၣ်ဒိဝဲ ၁ ဂၤန့ၣ်လီၤ.
သုးမီၤစိရိၤအသုး ဒီး သုးခိးကီၢ်ဆၢ (BGF) အသုး ဖဲအအိၣ်ဖဲ လ့က့ၣ်သုးကလၢၤပူၤတဖၣ် ထီၣ်ဝဲလၢကမျၢၢ်အဟံၣ်ပူၤ, ကျးပူၤ ဒီး ဟံးဟုၣ်ဝဲ တၢ်ဖိတၢ်လံၤတဖၣ် ဒ်အမ့ၢ် တၢ်အီၣ်တၢ်အီအပီးအလီ တဖၣ်န့ၣ်လီၤ. ဒ်အန့ၣ်အသိး ဖဲလါမ့ၤ ၁၀ အနံၤစ့ၢ်ကီး သုးမီၤစိရိၤ ဒီး သုးခိးကီၢ်ဆၢ ဖဲအအိၣ်ဖဲ ဝ့တပၣ်သုးကလၢၤတဖၣ် နုၥ်လီၤဝဲလၢ ဝ့တပၣ်သဝီပူၤ ဒီး ဟုၣ်အီၣ်ဝဲကမျၢၢ်အဘုသးထၢၣ် ၂၀ ထၢၣ် အဂ့ၢ် လီၢ်ကဝီၤပှၤဟံးတၢ်ကစီၣ်တဖၣ် ပၥ်ဖျါဝဲဒၣ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ဘံလ့ကီၢ်ဆၣ် ဟီၣ်ကဝီၤပူၤ သုးမီၤစိရိၤအသုး, သုးခိးကီၢ်ဆၢ (BGF) သုးတဖၣ် ဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးအဘၢၣ်စၢၤ သုးဂ့ၢ်ဝီတၢ်ဖ့ၣ်ဆၢ အိၣ်ထီၣ်ဝဲအဃိ ကမျၢၢ် (၁၀၀၀၀) ဘျဲၣ် ဘၣ်ပၥ်တ့ၢ်ကွံၥ်ဟံၣ်ဃီ ဒီး ဘၣ်ဃ့ၢ်မှံဟးဖျိး အဆၢကတီၢ် သုးမီၤစိရိၤအသုး ဒီး သုးခိးကီၢ်ဆၢ (BGF) သုးတဖၣ် ဟံးန့ၢ်ဝဲတၢ်ခွဲးတၢ်ယၥ် ဒီး ဟုၣ်အီၣ်ဝဲကမျၢၢ်အတၢ်ဖိတၢ်လံၤ ဒီး မၤဟးဂုၥ်ဟးဂီၤဝဲ အိၣ်စ့ၢ်ကီးန့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘံလ့ကီၢ်ဆၣ်ဟီၣ်ကဝီၤပူၤ သုးမီၤစိရိၤအသုး ဒီး သုးခိးကီၢ်ဆၢ (BGF-၁၀၁၄) အသုး လၢအအိၣ်ဖဲ လ့က့ၣ်သုးကလၢၤတဖၣ် ဖီၣ်ဃၥ်ဝဲသဝီဖိ ခဲလၢၥ် (၉၂) ဂၤ လၢအသုးကလၢၤပူၤန့ၣ်လီၤ. သဝီဖိ (၉၂) ဂၤအကျါ ပၣ်ဃုၥ်ဝဲဒီး ဖိသၣ် လၢအသးနံၣ်တပှဲၤ (၁၈) နံၣ်ဘၣ် (၄) ဂၤအဂ့ၢ် သ့ၣ်ညါဘၣ်န့ၣ်လီၤ. သဝီဖိလၢတၢ်ဖီၣ်ဃၥ်အီၤတဖၣ် မ့ၢ်ဝဲ သဝီဖိလၢ ခ့ၣ်အဲၣ်ယူၣ် ဖၣ်အၣ်ကီၢ်ဆၣ်တၢ်ပၢဟီၣ်ကဝီၤပူၤ (၇၀) ဂၤ ဒီး သဝီဖိလၢ ဘ့လ့ကီၢ်ဆၣ်ဟီၣ်ကဝီၤပူၤ (၂၂) ဂၤန့ၣ်လီၤ.
"သုးမီၤစိရိၤအသုး ဒီး သုးခိးကီၢ်ဆၢ (BGF-၁၀၁၄) လၢ တ့ၤဝ့ တီခိၣ်ရိၣ်မဲဝဲတဖၣ် ဖဲအဟဲမၤစၢၤအသကိးလၢ လ့က့ၣ်သုးကလၢၤအဆၢကတီၢ် ဖဲအဟဲလၢကျဲအခါ မ့ၢ်ထံၣ်ပှၤန့ၣ် ဖီၣ်ဝဲခဲလၢၥ်လီၤ. ဖီၣ်ဝဲအကျါ ပၣ်ဃုၥ်ဒီး ကၠီၣ်ဖၠၣ်သဝီဖိ (၄) ဂၤ လၢအသးနံၣ်တပှဲၤ (၁၈) နံၣ်ဒံးဘၣ် တဖၣ်န့ၣ်လီၤ. ဖီၣ်ဝဲခဲလၢၥ် (၉၂) ဂၤန့ၣ်လီၤ. တုၤခဲအံၤအဝဲသ့ၣ်တပျၢ်ကွံၥ်ဒံးပှၤတဖၣ်န့ၣ်ဘၣ်. ဖီၣ်ထၢနုၥ်ဃၥ်ဝဲလၢ လ့က့ၣ်သုးကလၢၤပူၤ အဖၢမုၢ်န့ၣ်လီၤ" အဂ့ၢ်န့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်, ဘံလ့ကီၢ်ဆၣ် တၢ်ကစီၣ်ဒီးတၢ်ဘိးဘၣ်ရၤလီၤ ပှၤဘၣ်မူဘၣ်ဒါတဂၤ ပၥ်ဖျါဝဲဒၣ်န့ၣ်လီၤ. စံးအါထီၣ်စ့ၢ်ကီးဝဲဒၣ်လၢ သုးမီၤစိရိၤအသုး ဒီး သုးခိးကီၢ်ဆၢ (BGF) တဖၣ် သူအီၣ်ဝဲကမျၢၢ်ဖိတဖၣ် လၢအတၢ်ဘံၣ်တၢ်ဘၢအဂီၢ် ဒီး သုးဂ့ၢ်ဝီတၢ်ဘၣ်ဘျူးအဂီၢ် န့ၣ်လီၤ.
ဖဲလါမ့ၤ ၈ သီအနံၤန့ၣ် ကညီဒီကလုၥ်ဂၢၤသးကရၢအသုး ဒီး သုးမီၤစိရိၤအသုး, သုးခိးကီၢ်ဆၢ (BGF) သုးတဖၣ် အဘၢၣ်စၢၤ တၢ်ဒုးကဲထီၣ်ဝဲဖဲ လ့က့ၣ်သဝီဃၢၤတဘျီအဃိ သုးမီၤစိရိၤအသုး ဒီး သုးခိးကီၢ်ဆၢ (BGF) သုးတကပၤ သံဝဲ ၄ ဂၤ ဒီး ဘၣ်ဒိဝဲ ၁ ဂၤန့ၣ်လီၤ. မ့မ့ၢ်လၢ ကညီဒီကလုၥ်ဂၢၤသးကရၢတခီ ဘၣ်ဒိဝဲ ၁ ဂၤန့ၣ်လီၤ.
သုးမီၤစိရိၤအသုး ဒီး သုးခိးကီၢ်ဆၢ (BGF) အသုး ဖဲအအိၣ်ဖဲ လ့က့ၣ်သုးကလၢၤပူၤတဖၣ် ထီၣ်ဝဲလၢကမျၢၢ်အဟံၣ်ပူၤ, ကျးပူၤ ဒီး ဟံးဟုၣ်ဝဲ တၢ်ဖိတၢ်လံၤတဖၣ် ဒ်အမ့ၢ် တၢ်အီၣ်တၢ်အီအပီးအလီ တဖၣ်န့ၣ်လီၤ. ဒ်အန့ၣ်အသိး ဖဲလါမ့ၤ ၁၀ အနံၤစ့ၢ်ကီး သုးမီၤစိရိၤ ဒီး သုးခိးကီၢ်ဆၢ ဖဲအအိၣ်ဖဲ ဝ့တပၣ်သုးကလၢၤတဖၣ် နုၥ်လီၤဝဲလၢ ဝ့တပၣ်သဝီပူၤ ဒီး ဟုၣ်အီၣ်ဝဲကမျၢၢ်အဘုသးထၢၣ် ၂၀ ထၢၣ် အဂ့ၢ် လီၢ်ကဝီၤပှၤဟံးတၢ်ကစီၣ်တဖၣ် ပၥ်ဖျါဝဲဒၣ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ဘံလ့ကီၢ်ဆၣ် ဟီၣ်ကဝီၤပူၤ သုးမီၤစိရိၤအသုး, သုးခိးကီၢ်ဆၢ (BGF) သုးတဖၣ် ဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးအဘၢၣ်စၢၤ သုးဂ့ၢ်ဝီတၢ်ဖ့ၣ်ဆၢ အိၣ်ထီၣ်ဝဲအဃိ ကမျၢၢ် (၁၀၀၀၀) ဘျဲၣ် ဘၣ်ပၥ်တ့ၢ်ကွံၥ်ဟံၣ်ဃီ ဒီး ဘၣ်ဃ့ၢ်မှံဟးဖျိး အဆၢကတီၢ် သုးမီၤစိရိၤအသုး ဒီး သုးခိးကီၢ်ဆၢ (BGF) သုးတဖၣ် ဟံးန့ၢ်ဝဲတၢ်ခွဲးတၢ်ယၥ် ဒီး ဟုၣ်အီၣ်ဝဲကမျၢၢ်အတၢ်ဖိတၢ်လံၤ ဒီး မၤဟးဂုၥ်ဟးဂီၤဝဲ အိၣ်စ့ၢ်ကီးန့ၣ်လီၤ.
ပူၤကွံၥ်တယံၥ်ဒံးဘၣ်
