လီၢ်ကဝီၤကမျၢၢ်တဖၣ် ပၥ်ဖျါထီၣ်အတၢ်ဘၣ်သး ဖဲတၢ်မၤလၤကပီၤဝဲ ဟီၣ်ခိၣ်ဒီဘ့ၣ် ပှၤထူလံၤဖိမုၢ်နံၤ

လါအီကၢးထီၣ် (၉) သီ ၂၀၂၀ နံၣ်
လူၤသီကီၢ်ဆၣ် လီၢ်ကဝီၤကမျၢၢ် ဒူဖိသဝီဖိ လၢအကထိတဖၣ် ပၥ်ဖျါထီၣ်အတၢ်ဘၣ်သးဖဲ လါအီကၢးထီၣ် (၉) သီ ၂၀၂၀ နံၣ် အနံၤ, ဂီၤခီ (၈ နၣ်ရံၣ် တုၤ ၁၂ နၣ်ရံၣ်) အဆၢကတီၢ် ဖဲတၢ်မၤလၤကပီၤဝဲ ဟီၣ်ခိၣ်ဒီဘ့ၣ် ပှၤထူလံၤဖိမုၢ်နံၤ အခါန့ၣ်လီၤ.
ဖဲတနံၤညါအံၤ (လါအီကၢးထီၣ် ၉) သီအနံၤန့ၣ် ဘီမုၢ်စၢဖှိၣ်ကရၢ ပၥ်ပနီၣ်အီၤလၢအမ့ၢ် ဟီၣ်ခိၣ်ဒီဘ့ၣ် ပှၤထူလံၤဖိအမုၢ်နံၤအသိး လၢမုၢ်တြီၢ်ကီၢ်ရ့ၣ်-ဃိၣ်လိၥ်တၢ်မုၥ်တၢ်ခုၣ်ကရၢၢ်အပူၤစ့ၢ်ကီး မ့ၢ်ဝဲ တၢ်လီၢ်ကဝီၤတခါလၢ လီၢ်ကဝီၤပှၤထူလံၤဖိတဖၣ် အိၣ်ဆိးတ့ၢ်လံ လၢမိၢ်ပၢ်ဖံဖုလၢပျၢၤတဖၣ် အစိၤလံၤလံၤအဃိ လၢတၢ်ပၥ်ပနီၣ် မုၢ်နံၤဒ်အံၤအဖီခိၣ် မုၢ်တြီၢ်ကီၢ်ရ့ၣ်-လူၤသီကီၢ်ဆၣ် လီၢ်ကဝီၤကမျၢၢ် လၢအကထိတဖၣ် ပၥ်ဖှိၣ်ထီၣ်အသးဒီး မၤလၤကပီၤစ့ၢ်ကီးဝဲ လီၢ်ကဝီၤပှၤထူလံၤဖိတဖၣ် အမုၢ်နံၤန့ၣ်လီၤ.

ဒီး လၢအဝဲသ့ၣ်တဖၣ် ပၥ်ဖှိၣ်ထီၣ်အသးဒီး မၤလၤကပီၤသကိးဝဲ လီၢ်ကဝီၤ ပှၤထူလံၤဖိ မုၢ်နံၤဒ်အံၤအဖီခိၣ် အိၣ်ဃုၥ်ဝဲဒၣ်ဒီး တၢ်ပၥ်ဖျါဃ့ထီၣ်တၢ်ဘၣ်သး အတၢ်ဟူးတၢ်ဂဲၤတဖၣ် ဒီး ပၥ်ဖျါဃ့ထီၣ်ဒီး ကိးသတြီထီၣ်ဝဲ တၢ်ဂ့ၢ် (၈) ထံၣ် ဒ်အမ့ၢ်
(၁)    မိၢ်ပၢ်ဖံဖုဒ့ပီၤလီၢ်-မ့ၢ်ပကီၢ်
(၂)    တၢ်ပၥ်လုၢ်ပၥ်ပှ့ၤ ပှၤထူလံၤဖိတၢ်ခွဲးတၢ်ယၥ်-ပၥ်ပနီၣ်
(၃)    တၢ်မၤဟးဂီၤ ပှၤထူလံၤဖိဒီး တၢ်သ့ၣ်ညါထူလံၤ-ပတုၥ်ကွံၥ်
(၄)    ပယီၤသုးကလၢၤလၢ ဆီလီၤသးဟးထီၣ်ကွံၥ်-တဘျီဃီ
(၅)    ပယီၤပဒိၣ်သုး တၢ်မၤသံပှၤထူလံၤဖိ, ဒူဖိသဝီဖိ-ပတုၥ်ကွံၥ်
(၆)    ပယီၤပဒိၣ်သုး ခးလီၤကျိဆူ ကမျၢၢ်ကျါ-ပတုၥ်ကွံၥ်
(၇)    ပယီၤပဒိၣ်သုး ဒွဲၣ်လဲးမ့ၣ်အူ-ပတုၥ်ကွံၥ် ဒီး
(၈)    ပယီၤပဒိၣ်သုး, သုးကျိၤဟူးဂဲၤ လဲၤတလၢတၢ်ပၥ်ပနီၣ်လီၢ်-ပတုၥ်ကွံၥ် သ့ၣ်တဖၣ်န့ၣ်လီၤ.
မ့မ့ၢ်ပယီၤသုးကလၢၤလၢ လီၢ်ကဝီၤကမျၢၢ် ပှၤထူလံၤဖိတဖၣ် ဃ့ထီၣ်ဝဲလၢ ကဘၣ်ထုးကွံၥ်အသးတဖၣ် မ့ၢ်ဝဲ ကိၣ်ကိၤဒ့, ၀ၣ်ကျ့ၣ်တူၢ်, ဃိၣ်ဒီခိၣ်, ဆၣ်လီၤကၠိ, ထိၣ်မိၢ်ပျဲၢ်မဲ ဒီး ပိၥ်ဃ့ခိၣ် ခဲလၢၥ် ၆ ဖျၢၣ်န့ၣ်လီၤ.

မုၢ်တြီၢ်ကီၢ်ရ့ၣ်-ဃိၣ်လိၥ်တၢ်မုၥ်တၢ်ခုၣ်ကရၢၢ်ပူၤအံၤ တၢ်မၤလၤကပီၤ လီၢ်ကဝီၤပှၤထူလံၤဖိမုၢ်နံၤ အိၣ်ဝဲ (၂) ဘျီ ဒီး (၁) တဘျီန့ၣ် တၢ်မၤလၤကပီၤအီၤဖဲ အံတူၢ်ထၣ်ဒဲကဝီၤ ဒီး (၂) ဘျီတဘျီ လၢခဲအံၤန့ၣ် တၢ်မၤလၤကပီၤအီၤဖဲ လူၤသီကီၢ်ဆၣ်, နီၢ်ယိးထၣ်ကရူၢ် ဖဲ သံနၢၤပျီ ဒီး လၢတၢ်မၤလၤကပီၤ ပှၤထူလံၤဖိမုၢ်နံၤတဘျီအံၤ လၢစီၤမုၢ်ပျီ, လၢၢ်မုၢ်ပျီ, ခ့ပူၤ ဒီး နီၢ်ယိးထီၣ် ကရူၢ် ၄ ဘ့ၣ်အပူၤ, သဝီ ၆၅ ဖျၢၣ် အပှၤလီၢ်ကဝီၤကမျၢၢ် ပှၤထူလံၤဖိခဲလၢၥ် (၂၈၈၅) ဂၤဟဲထီၣ်ပၥ်ဖှိၣ် မၤလၤကပီၤသကိးဝဲ ပှၤထူလံၤဖိမုၢ်နံၤ လၢဘျီဝဲအံၤန့ၣ်လီၤ.

by Mutraw DOI