ဖဲ ၂၀၂၁ နံၣ်, လါယနူၤအါရံၤ ၁၂ သီ ဟါခီ ၈ နၣ်ရံၣ်အဆၢကတီၢ် ပယီၤသုး စကခ (၈) စုတီၤဖီလၥ် ခမရ-၄၀၄ လၢအအိၣ်ဖဲ ကိကိၣ်ခိၣ်ဆၢလၥ် တယီကျီး တၢ်လီၢ်တဖၣ် ထံၣ်စိဝဲသဝီဖိ လၢအဟးလၢသံၣ်ပူၤ ဒီး ခးစိဝဲဒီးကျိဒိၣ် ၂ ထံၣ် အဃိ သဝီဖိလၢအမံၤမ့ၢ် စီၤမီၣ်သၣ်ဆၢ တဂၤဘၣ်သံဝဲဒၣ်န့ၣ်လီၤ. တၢ်ကဲထီၣ်အသးအလီၢ် မ့ၢ်ဝဲဖဲ မုၢ်တြီၢ်ကီၢ်ရ့ၣ်, ဒွဲၣ်လိကီၢ်ဆၣ်, မဲၤခၠိၣ် (ကိး) တန့ကရူၢ် ဟီၣ်ကဝီၤန့ၣ်လီၤ. သဝီဖိလၢ ပယီၤသုးခးသံဝဲတဂၤအံၤ အိၣ်သဝီဖဲ တန့တီသဝီ ဒီး အသးနံၣ်အိၣ်ဝဲ ၃၅ နံၣ်န့ၣ်လီၤ. စီၤမီၣ်သၣ်ဆၢ ပၥ်လီၤတဲၥ်ကွံၥ်ဝဲ အမၢၤ နီၢ်မုၣ်တီ ဒီးအဖိ ၆ ဂၤလၢအမ့ၢ် မုၣ် ၂ ဂၤ ဒီး ခွါ ၄ ဂၤန့ၣ်လီၤ. စီၤမီၣ်သၣ်ဆၢ အမိၢ်မံၤမ့ၢ် နီၢ်သံၣ် ဒီး အပၢ်အမံၤတခီမ့ၢ်ဝဲ စီၤဖးထိ န့ၣ်လီၤ.