Notice
ကီၢ်ရ့ၣ်တဖၣ်
ဒူသထူၣ်ကီၢ်ရ့ၣ် ကညီသးစၢ်ကရၢ တီခိၣ်ရိၣ်မဲ ဒီးရဲၣ်ကျဲၤမၤဝဲ ("Nation Building & Political Empowerment Program (T.O.T))" တၢ်မၤလိ တၢတဘျီဝံၤဝဲအဂ့ၢ်
လါအီးကထိဘၢၣ် ၂၇ သီ ၂၀၂၃ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ဖဲ ၂၀၂၃ နံၣ် လါစဲးပထ့ဘၢၣ် ၆ သီတုၤလါအီးကထိဘၢၣ် ၂၃ သီအတီၢ်ပူၤန့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် ကညီသးစၢ်ကရၢ တီခိၣ်ရိၣ်မဲ ဒီးရဲၣ်ကျဲၤမၤဝဲ ("Nation Building & Political Empowerment Program (T.O.T)" -တၢ်သူၣ်ထီၣ်ထံကီၢ် ဒီး ထံရူၢ်ကီၢ်သဲးတၢ်မၤလိ) ဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် တၢ်ပၢဟီၣ်ကဝီၤပူၤန့ၣ်လီၤ. တၢ်မၤလိတဘျီအံၤ ဒူသထူၣ်ကီၢ်ရ့ၣ်ပူၤ ကီၢ်ရ့ၣ်ကညီသးစၢ်ကရၢ ခိၣ်နၢ်, ကီၢ်ဆၣ် (၅) ဘ့ၣ်အပူၤ ကီၢ်ဆၣ်ကညီသးစၢ်ကရၢခိၣ်နၢ်, ကီၢ်ရ့ၣ်ခိၣ်နၢ်ဘၣ်မူဘၣ်ဒါတဖၣ်, ကီၢ်ဆၣ်ခိၣ်နၢ်ဘၣ်မူဘၣ်ဒါတဖၣ်, သုးခိၣ်သုးနၢ်တဖၣ် ခဲလၢၥ် (၃၅) ဂၤ ဟဲထီၣ်ဝဲ တၢ်မၤလိတဘျီအံၤန့ၣ်လီၤ.
"Nation Building & Political Empowerment Program (T.O.T)" တၢ်မၤလိအဆိကတၢၢ်တဘျီအံၤ အတၢ်ပညိၣ် မ့ၢ်ဒ်သိး ဒူသထူၣ်ကီၢ်ရ့ၣ်ပူၤ ထံဖိကီၢ်ဖိကမျၢၢ်တဖၣ် ဒ်သိးကသ့ၣ်ညါနၢ်ပၢၢ်ဝဲ ခ့ၣ်အဲၣ်ယူၣ် ပၥ်လီၤထံရူၢ်ကီၢ်သဲး တၢ်ပညိၣ်ကွၢ်စိ, ကျဲသနူ ဒီး တၢ်မၤရဲၣ်ကျဲၤတဖၣ် ဒီး ပၥ်ဖှိၣ်မၤသကိးတၢ်အါထီၣ်လၢ တၢ်မၤဖျါထီၣ် တၢ်ဖံးတၢ်မၤအပူၤအသ့အဂီၢ်, တၢ်ကဒုးအိၣ်ဖျဲၣ်ထီၣ်န့ၢ် ခိၣ်နၢ်စၢၤသွဲၣ်သီတဖၣ် လၢကကဲထီၣ်တၢ်မၤစၢၤလၢ ကလုၥ်တၢ်ပၢၢ်ဆၢ ဒီး ဒံၣ်မိၣ်ကရ့ၣ်စံၣ် အတၢ်ဒုးပၢၢ်ဆၢအဂီၢ်, တၢ်ကသ့ၣ်ညါအါထီၣ် ဟီၣ်ခိၣ်ဒီဘ့ၣ် အထံရူၢ်ကီၢ်သဲးတၢ်အိၣ်သးဝံၤ ကဟံးန့ၢ်တၢ်မၤလိ ဒီးစိၥ်မူစိၥ်ဂဲၤအီၤလၢ ကညီတၢ်ပၢၢ်ဆၢတၢ်ဂဲၤလိၥ်အပူၤအဂီၢ်, တၢ်ကဃုသ့ၣ်ညါက့ၤ ကညီကလုၥ် အတၢ်စံၣ်စိၤတဲစိၤ, တၢ်ကသ့ကတီၤဃၥ် လုၢ်လၢ်ထူသနူ လံၥ်လဲၢ် ဒီး တၢ်ဆဲးတၢ်လၤ သ့ၣ်တဖၣ်န့ၣ်လီၤ.
တၢ်မၤလိတဘျီအံၤ တၢ်ဂ့ၢ်ခိၣ်တီလၢ တၢ်သိၣ်လိအီၤတဖၣ် မ့ၢ်ဝဲ (၁) ခ့ၣ်အဲၣ်ယူၣ် ဂံၢ်ခီၣ်ထံးကျဲသနူ, (၂) ကညီသးစၢ်ကရၢ အတၢ်ဘျၢခိၣ်သ့ၣ်, (၃) တကီၢ်ခါထံရူၢ်ကီၢ်သဲးတၢ်အိၣ်သး, (၄) Nation Building to State Building, (၅) SOP&TOR Writing, (၆) တၢ်ကွဲးလံၥ်ဘိးဘၣ်ရၤလီၤ, (၇) တၢ်သ့စံးသ့ကတိၤတၢ်လၢပှၤမဲၥ်ညါ, (၈) Community mobilization, (၉) ဟီၣ်ခိၣ်ဖိခွဲးယၥ်, (၁၀) ကညီတၢ်စံၣ်စိၤတဲစိၤ, (၁၁) သ့ၣ်ပှၢ်အဖီလ်စံၣ် (၁၂) တၢ်ပၢဆှၢရဲၣ်ကျဲၤ ဟီၣ်လၥ်တၢ်ထူးတၢ်တီၤ,(၁၃) Social Media, (၁၄) ဖဲၣ်ဒရၢၣ်ဒီးဒံၣ်မိၣ်ကရ့ၣ်စံၣ် ဒီး (၁၄) တၢ်တီခိၣ်ရိၣ်မဲသ့ၣ်တဖၣ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သးခိၣ်နၢ်တဖၣ်, ကီၢ်ရ့ၣ်ခိၣ်နၢ်တဖၣ်, ကညီသးစၢ်ကရၢခိၣ်နၢ်တဖၣ် ဒီး ကညီတ၀ၢခိၣ်နၢ်တဖၣ် သိၣ်လိနဲၣ်ယုၤဝဲ ပှၤဟဲထီၣ်တၢ်မၤလိဖိတဖၣ် ဖဲတၢ်မၤလိတၢ်ရဲၣ်တၢ်ကျဲၤတဘျီအံၤန့ၣ်လီၤ.
ပှၤလၢအဟဲထီၣ်တၢ်မၤလိတဘျီအံၤတဖၣ် တၢ်ရဲၣ်တၢ်ကျဲၤအိၣ်စ့ၢ်ကီးလၢ အဝဲသ့ၣ်တဖၣ် ကဘၣ်က့ၤတီခိၣ်ရိၣ်မဲ ဒီးဟ့ၣ်ခီဟ့ၣ်နီၤတၢ်လၢအမၤလိန့ၢ်ဝဲတဖၣ် ဆူလီၢ်ကဝီၤအပူၤအဖီခိၣ် ဒ်တၢ်ရဲၣ်တၢ်ကျဲၤအိၣ်အသိး အဝဲသ့ၣ်တဖၣ် လဲၤဟ့ၣ်နီၤလီၤကဒါက့ၤတၢ်မၤလိဆူ ထံလ့ခီၣ် ဒူသထူၣ်ခီလံးကၠိ, ကၠိဝဲတီၤထီကၠိ ဒီး မဲၢ်သဲခံတီၤထီကၠိ သ့ၣ်တဖၣ်န့ၣ်လီၤ.
"Nation Building & Political Empowerment Program (T.O.T)" တၢ်မၤလိတဘျီအံၤ တၢ်စးထီၣ်မၤအီၤဖဲ လါစဲးပထ့ဘၢၣ် ၆ သီ ဒီး ဖဲလါအီးကထိဘၢၣ် ၂၃ သီအနံၤန့ၣ် တၢ်မၤလိဝံၤဝဲဂ့ၤဂ့ၤဘၣ်ဘၣ်အဃိ တၢ်မၤဝဲတၢ်ပျၢ်တၢ်မၤလိအမူး ဒီး တၢ်ဟ့ၣ်လီၤလံၥ်အုၣ်သးဆူ ပှၤမၤလိတၢ်ဖိတဖၣ် အစုပူၤန့ၣ်လီၤ.
ဖဲ ၂၀၂၃ နံၣ် လါစဲးပထ့ဘၢၣ် ၆ သီတုၤလါအီးကထိဘၢၣ် ၂၃ သီအတီၢ်ပူၤန့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် ကညီသးစၢ်ကရၢ တီခိၣ်ရိၣ်မဲ ဒီးရဲၣ်ကျဲၤမၤဝဲ ("Nation Building & Political Empowerment Program (T.O.T)" -တၢ်သူၣ်ထီၣ်ထံကီၢ် ဒီး ထံရူၢ်ကီၢ်သဲးတၢ်မၤလိ) ဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် တၢ်ပၢဟီၣ်ကဝီၤပူၤန့ၣ်လီၤ. တၢ်မၤလိတဘျီအံၤ ဒူသထူၣ်ကီၢ်ရ့ၣ်ပူၤ ကီၢ်ရ့ၣ်ကညီသးစၢ်ကရၢ ခိၣ်နၢ်, ကီၢ်ဆၣ် (၅) ဘ့ၣ်အပူၤ ကီၢ်ဆၣ်ကညီသးစၢ်ကရၢခိၣ်နၢ်, ကီၢ်ရ့ၣ်ခိၣ်နၢ်ဘၣ်မူဘၣ်ဒါတဖၣ်, ကီၢ်ဆၣ်ခိၣ်နၢ်ဘၣ်မူဘၣ်ဒါတဖၣ်, သုးခိၣ်သုးနၢ်တဖၣ် ခဲလၢၥ် (၃၅) ဂၤ ဟဲထီၣ်ဝဲ တၢ်မၤလိတဘျီအံၤန့ၣ်လီၤ.
"Nation Building & Political Empowerment Program (T.O.T)" တၢ်မၤလိအဆိကတၢၢ်တဘျီအံၤ အတၢ်ပညိၣ် မ့ၢ်ဒ်သိး ဒူသထူၣ်ကီၢ်ရ့ၣ်ပူၤ ထံဖိကီၢ်ဖိကမျၢၢ်တဖၣ် ဒ်သိးကသ့ၣ်ညါနၢ်ပၢၢ်ဝဲ ခ့ၣ်အဲၣ်ယူၣ် ပၥ်လီၤထံရူၢ်ကီၢ်သဲး တၢ်ပညိၣ်ကွၢ်စိ, ကျဲသနူ ဒီး တၢ်မၤရဲၣ်ကျဲၤတဖၣ် ဒီး ပၥ်ဖှိၣ်မၤသကိးတၢ်အါထီၣ်လၢ တၢ်မၤဖျါထီၣ် တၢ်ဖံးတၢ်မၤအပူၤအသ့အဂီၢ်, တၢ်ကဒုးအိၣ်ဖျဲၣ်ထီၣ်န့ၢ် ခိၣ်နၢ်စၢၤသွဲၣ်သီတဖၣ် လၢကကဲထီၣ်တၢ်မၤစၢၤလၢ ကလုၥ်တၢ်ပၢၢ်ဆၢ ဒီး ဒံၣ်မိၣ်ကရ့ၣ်စံၣ် အတၢ်ဒုးပၢၢ်ဆၢအဂီၢ်, တၢ်ကသ့ၣ်ညါအါထီၣ် ဟီၣ်ခိၣ်ဒီဘ့ၣ် အထံရူၢ်ကီၢ်သဲးတၢ်အိၣ်သးဝံၤ ကဟံးန့ၢ်တၢ်မၤလိ ဒီးစိၥ်မူစိၥ်ဂဲၤအီၤလၢ ကညီတၢ်ပၢၢ်ဆၢတၢ်ဂဲၤလိၥ်အပူၤအဂီၢ်, တၢ်ကဃုသ့ၣ်ညါက့ၤ ကညီကလုၥ် အတၢ်စံၣ်စိၤတဲစိၤ, တၢ်ကသ့ကတီၤဃၥ် လုၢ်လၢ်ထူသနူ လံၥ်လဲၢ် ဒီး တၢ်ဆဲးတၢ်လၤ သ့ၣ်တဖၣ်န့ၣ်လီၤ.
တၢ်မၤလိတဘျီအံၤ တၢ်ဂ့ၢ်ခိၣ်တီလၢ တၢ်သိၣ်လိအီၤတဖၣ် မ့ၢ်ဝဲ (၁) ခ့ၣ်အဲၣ်ယူၣ် ဂံၢ်ခီၣ်ထံးကျဲသနူ, (၂) ကညီသးစၢ်ကရၢ အတၢ်ဘျၢခိၣ်သ့ၣ်, (၃) တကီၢ်ခါထံရူၢ်ကီၢ်သဲးတၢ်အိၣ်သး, (၄) Nation Building to State Building, (၅) SOP&TOR Writing, (၆) တၢ်ကွဲးလံၥ်ဘိးဘၣ်ရၤလီၤ, (၇) တၢ်သ့စံးသ့ကတိၤတၢ်လၢပှၤမဲၥ်ညါ, (၈) Community mobilization, (၉) ဟီၣ်ခိၣ်ဖိခွဲးယၥ်, (၁၀) ကညီတၢ်စံၣ်စိၤတဲစိၤ, (၁၁) သ့ၣ်ပှၢ်အဖီလ်စံၣ် (၁၂) တၢ်ပၢဆှၢရဲၣ်ကျဲၤ ဟီၣ်လၥ်တၢ်ထူးတၢ်တီၤ,(၁၃) Social Media, (၁၄) ဖဲၣ်ဒရၢၣ်ဒီးဒံၣ်မိၣ်ကရ့ၣ်စံၣ် ဒီး (၁၄) တၢ်တီခိၣ်ရိၣ်မဲသ့ၣ်တဖၣ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လီၢ်ခၢၣ်သးခိၣ်နၢ်တဖၣ်, ကီၢ်ရ့ၣ်ခိၣ်နၢ်တဖၣ်, ကညီသးစၢ်ကရၢခိၣ်နၢ်တဖၣ် ဒီး ကညီတ၀ၢခိၣ်နၢ်တဖၣ် သိၣ်လိနဲၣ်ယုၤဝဲ ပှၤဟဲထီၣ်တၢ်မၤလိဖိတဖၣ် ဖဲတၢ်မၤလိတၢ်ရဲၣ်တၢ်ကျဲၤတဘျီအံၤန့ၣ်လီၤ.
ပှၤလၢအဟဲထီၣ်တၢ်မၤလိတဘျီအံၤတဖၣ် တၢ်ရဲၣ်တၢ်ကျဲၤအိၣ်စ့ၢ်ကီးလၢ အဝဲသ့ၣ်တဖၣ် ကဘၣ်က့ၤတီခိၣ်ရိၣ်မဲ ဒီးဟ့ၣ်ခီဟ့ၣ်နီၤတၢ်လၢအမၤလိန့ၢ်ဝဲတဖၣ် ဆူလီၢ်ကဝီၤအပူၤအဖီခိၣ် ဒ်တၢ်ရဲၣ်တၢ်ကျဲၤအိၣ်အသိး အဝဲသ့ၣ်တဖၣ် လဲၤဟ့ၣ်နီၤလီၤကဒါက့ၤတၢ်မၤလိဆူ ထံလ့ခီၣ် ဒူသထူၣ်ခီလံးကၠိ, ကၠိဝဲတီၤထီကၠိ ဒီး မဲၢ်သဲခံတီၤထီကၠိ သ့ၣ်တဖၣ်န့ၣ်လီၤ.
"Nation Building & Political Empowerment Program (T.O.T)" တၢ်မၤလိတဘျီအံၤ တၢ်စးထီၣ်မၤအီၤဖဲ လါစဲးပထ့ဘၢၣ် ၆ သီ ဒီး ဖဲလါအီးကထိဘၢၣ် ၂၃ သီအနံၤန့ၣ် တၢ်မၤလိဝံၤဝဲဂ့ၤဂ့ၤဘၣ်ဘၣ်အဃိ တၢ်မၤဝဲတၢ်ပျၢ်တၢ်မၤလိအမူး ဒီး တၢ်ဟ့ၣ်လီၤလံၥ်အုၣ်သးဆူ ပှၤမၤလိတၢ်ဖိတဖၣ် အစုပူၤန့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
