ဒူပျၥ်ယၥ်ကီၢ်ရ့ၣ် ခိၣ်နၢ် ဒီး နိၣ်တကီကီၢ်ရ့ၣ် ခိၣ်နၢ်တဖၣ် တီခိၣ်ရိၣ်မဲ ဒီးရဲၣ်ကျဲၤမၤဝဲ တၢ်သ့ၣ်နီၣ်မၤလၤကပီၤ ကညီဒီကလုၥ် မၤထူရၤမုၢ်နံၤ ပှဲၤထီၣ် (၇၃) ဝီတဝီ

လါအီကူး (၁၃) သီ ၂၀၂၃ နံၣ်, ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ကီၢ်ရ့ၣ်ခိၣ်နၢ်ဘၣ်မူဘၣ်ဒါ ဒီး နိၣ်တကီကီၢ်ဆၣ် ကီၢ်ဆၣ်ဘၣ်မူဘၣ်ဒါတဖၣ် တီခိၣ်ရိၣ်မဲဒီး ရဲၣ်ကျဲၤမၤလၤကပီၤဝဲ ကညီဒီကလုၥ်မၤထူရၤမုၢ်နံၤ ပှဲၤထီၣ် (၇၃) ဝီတဝီအမူး ဖဲနိၣ်တကီကီၢ်ဆၣ် မဲၢ်ပယၣ်သဝီ, ဖဲလါအီကူး ၁၂ သီအနံၤန့ၣ်လီၤ. လၢတၢ်မၤလၤကပီၤ အတၢ်ရဲၣ်တၢ်ကျဲၤတဘျီအံၤ ဒူပျၥ်ယၥ်ကီၢ်ရ့ၣ် ခိၣ်နၢ်ဘၣ်မူဘၣ်ဒါတဖၣ်, ကီၢ်ဆၣ်ခိၣ်နၢ်ဘၣ်မူဘၣ်ဒါတဖၣ်, လီၢ်ကဝီၤကမျၢၢ်တဖၣ် ဒီးကၠိဖိမုၣ်ခွါတဖၣ်ခဲလၢၥ် ပှၤနီၣ်ဂံၢ် (၃၀၀) ဂၤဃၣ်ဃၣ် ဟဲထီၣ်မၤလၤကပီၤဝဲန့ၣ်လီၤ.