Notice
ကီၢ်ရ့ၣ်တဖၣ်
ဒူပျၥ်ယၥ်ကီၢ်ရ့ၣ် ဆူၣ်ချ့မၤစၢၤဝဲၤကျိၤ ခိၣ်နၢ်ဘၣ်မူဘၣ်ဒါတဖၣ် လၢကမျၢၢ်ဃ့ၢ်မှံဟးဖျိးတဖၣ် အတၢ်အိၣ်ဆူၣ်အိၣ်ချ့ ဒီး တၢ်ဆီၣ်ထွဲမၤစၢၤအဂီၢ် ဂုၥ်ကျဲးစၢး တီခိၣ်ရိၣ်မဲ ရဲၣ်ကျဲၤန့ၢ်ဝဲ
လါဒံၣ်စ့ဘၢၣ် ၁၉ သီ ၂၀၂၃ နံၣ် ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဟီၣ်ကဝီၤ ဒူပျၥ်ယၥ်ကီၢ်ရ့ၣ် ဟီၣ်ကဝီၤပူၤ ခီဖျိတၢ်ဒုးတၢ်ယၤကဲထီၣ် ဒီး သုးမီၤစိရိၤအသုးတဖၣ် အတၢ်မၤထီဒါ ပှၤဟီၣ်ခိၣ်ဖိခွဲးယၥ် တၢ်ဖံးတၢ်မၤတဖၣ်အဃိ ကမျၢၢ်ထံဖိကီၢ်ဖိတဖၣ် ဘၣ်ဃ့ၢ်မှံဟးဖျိး ဒီး ဃုထံၣ်န့ၢ်တၢ်အိၣ်ကဒုအလီၢ် လၢအဟ့ၣ်သးသမူ တၢ်ဘံၣ်တၢ်ဘၢန့ၢ်အလီၢ်န့ၣ်လီၤ.
ခီဖျိတၢ်ဒုးတၢ်ယၤ ဒီး သုးမီၤစိရိၤတဖၣ် အတၢ်မၤထီဒါ ပှၤဟီၣ်ခိၣ်ဖိခွဲးယၥ် လၢ ဒူပျၥ်ယၥ်ကီၢ်ရ့ၣ် ဟီၣ်ကဝီၤပူၤအဃိ ဒ်လါနိၣ်ဝ့ဘၢၣ် အပူၤ တၢ်ထၢန့ၢ်ဝဲ စရီအတၢ်မၤနီၣ်မၤဃါအသိး ကမျၢၢ်လၢဘၣ်ဃ့ၢ်မှံဟးဖျိး ဖဲ ဒူပျၥ်ယၥ်ကီၢ်ရ့ၣ် ဟီၣ်ကဝီၤပူၤ အိၣ်ဝဲ ၈ ကလးဘျဲၣ် တုၤလၢ ၉ ကလး ဃၣ်ဃၣ်ညါန့ၣ်လီၤ. ကမျၢၢ်ဃ့ၢ်မှံဟးဖျိးသ့ၣ်တဖၣ်အံၤ အိၣ်ဝဲဒၣ်လၢ ကီးကရံးကီၢ်ဆၣ် ဟီၣ်ကဝီၤ ၃ ကလးဘျဲၣ်, ကြုၢ်တုကီၢ်ဆၣ် ဟီၣ်ကဝီၤ ၂ ကလးဘျဲၣ်, ဝီၢ်ရ့ၣ်ကီၢ်ဆၣ် ဟီၣ်ကဝီၤ ၂ ကလးဘျဲၣ် ဒီး နိၣ်တကီကီၢ်ဆၣ် ဟီၣ်ကဝီၤ ၂ ကလးဘျဲၣ် န့ၣ်လီၤ. တကးဒံးဘၣ် ဖဲတနံၣ်အံၤ လါဒံၣ်စဲဘၢၣ် အဆၢကတီၢ် တၢ်ဒုးတၢ်ယၤ ကဲထီၣ် ဝဲလၢ ဒူပျၥ်ယၥ်ကီၢ်ရ့ၣ်ပူၤ တၢ်လီၢ်အါတီၤအဃိ ကမျၢၢ်လၢဘၣ်ဃ့ၢ်မှံဟးဖျိးတဖၣ် အနီၣ်ဂံၢ်နီၣ်ဒွး ဟဲအါထီၣ်ဝဲဒၣ် ကွ့ၢ်ကွ့ၢ်န့ၣ်လီၤ.
ကမျၢၢ်ထံဖိကီၢ်ဖိ လၢဘၣ်ဃ့ၢ်မှံဟးဖျိး ဖဲဒူပျၥ်ယၥ်ကီၢ်ရ့ၣ်ပူၤတဖၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ခိၣ်နၢ်ဘၣ်မူဘၣ်ဒါတဖၣ် ထၢန့ၢ်စရီပတီၢ် မၤနီၣ်မၤဃါ ပှၤနီၣ်ဂံၢ်နီၣ်ဒွးဝံၤ လၢပှၤဃ့ၢ်မှံဟးဖျိးတဖၣ်အဂီၢ် ရဲၣ်ကျဲၤန့ၢ်ဝဲ တၢ်လီၢ်တၢ်ကျဲ လၢတၢ်ဘံၣ်တၢ်ဘၢအိၣ်အလီၢ် အိၣ်ဝဲအသိး ကမျၢၢ် လၢအဲၣ်ဒိးအိၣ်ဆိးလၢ ဒူသဝီဘူးတံၢ်တဖၣ် ရဲၣ်ကျဲၤဆှၢလဲၤဆှၢက့ၤဝဲ ဒီး ရဲၣ်ကျဲၤန့ၢ်ဝဲ တၢ်လီၢ်တၢ်ကျဲအိၣ်ဝဲဒၣ်စ့ၢ်ကီးန့ၣ်လီၤ.
ခီဖျိဂ့ၢ်ဝီၢ်အူတၢ်အိၣ်သးဒ်အံၤအဃိ လၢကမျၢၢ်ဃ့ၢ်မှံဟးဖျိးတဖၣ်အဂီၢ် တၢ်အိၣ်ဆိးလီၢ်ကျဲ, တၢ်အီၣ်တၢ်အီ ဒီး တၢ်အိၣ်ဆူၣ်အိၣ်ချ့အဂီၢ် ကသံၣ်ကသီတဖၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ခိၣ်နၢ်ဘၣ်မူဘၣ်ဒါတဖၣ် ဒ်တၢ်သ့အိၣ်ဒီးအီၤအသိး ရဲၣ်ကျဲၤန့ၢ်ဝဲန့ၣ်လီၤ. ဒ်န့ၣ်အသိး ကီၢ်ပူၤကီၢ်ချၢ ပှၤလၢအမၤစၢၤတၢ်တဖၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တူၢ်လိၥ်ဟံးန့ၢ်ဝဲ၀ံၤ ဟ့ၣ်လီၤမူဒါဆူ ဆူၣ်ချ့မၤစၢၤဝဲၤကျိၤ လၢကဟ့ၣ်နီၤလီၤ တၢ်ဆီၣ်ထွဲ မၤစၢၤ ဆူကမျၢၢ်ထံဖိကီၢ်ဖိ လၢအလိၣ်ဘၣ် တၢ်ဆီၣ်ထွဲမၤစၢၤတဖၣ် အအိၣ်န့ၣ်လီၤ.
ဒူပျၥ်ယၥ်ကီၢ်ရ့ၣ် တၢ်ပၢဟီၣ်ကဝီၤ ကီၢ်ဆၣ်တဘ့ၣ်စုၥ်စုၥ်အပူၤ ကမျၢၢ်ထံဖိကီၢ်ဖိ လၢဘၣ်ဃ့ၢ်မှံဟးဖျိးတဖၣ် ကီၢ်ရ့ၣ်ပၢပြးခိၣ်နၢ်တဖၣ် လဲၤထံၣ်လိၥ်ဒီး အဝဲသ့ၣ် ဒီး ကတိၤဟ့ၣ်ဂံၢ်ဟ့ၣ်ဘါအဝဲသ့ၣ် အိၣ်စ့ၢ်ကီးန့ၣ်လီၤ. ဒ်န့ၣ်အသိး ဆူၣ်ချ့မၤစၢၤဝဲၤကျိၤ တီခိၣ်ရိၣ်မဲ ဒီး တၢ်မၤစၢၤလၢ ပှၤဆီၣ်ထွဲမၤစၢၤ ခီဖျိကီၢ်ပူၤ ကီၢ်ချၢတဖၣ် တၢ်လဲၤစိၥ်ဒီး ဟ့ၣ်နီၤလီၤဆူ ပှၤဃ့ၢ်မှံဟးဖျိးတဖၣ်အအိၣ် ဒ်အမ့ၢ် တၢ်အီၣ်တၢ်အီ, တၢ်ပီးတၢ်လီ, ကသံၣ်ကသီ ဒီး တၢ်ပီးတၢ်လီအဂုၥ်အဂၤ တဖၣ်န့ၣ်လီၤ.
ဘၣ်ဆၣ် ဒူပျၥ်ယၥ်ကီၢ်ရ့ၣ်ဟီၣ်ကဝီၤပူၤ ကမျၢၢ်ဃ့ၢ်မှံဟးဖျိးတဖၣ် အါထီၣ်ဝဲဒၣ်ကွ့ၢ်ကွ့ၢ်အဃိ တၢ်ဆီၣ်ထွဲမၤစၢၤလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဆီၣ်ထွဲဝဲမ့ၢ်ဂ့ၤ, ကီၢ်ပူၤကီၢ်ချၢ တၢ်ဆီၣ်ထွဲမၤစၢၤတဖၣ်မ့ၢ်ဂ့ၤ တလၢတလီၣ်လၢၤဘၣ်အဃိ လၢကမျၢၢ်ဃ့ၢ်မှံဟးဖျိးတဖၣ်အံၤအဂီၢ် တၢ်ဆီၣ်ထွဲမၤစၢၤ ဒ်အမ့ၢ် တၢ်အိၣ်ဆိးလီၢ်ကျဲပီးလီ, တၢ်အီၣ်တၢ်အီ, တၢ်အိၣ်ဆူၣ်အိၣ်ချ့အဂီၢ် ကသံၣ်ကသီတဖၣ် လိၣ်အါထီၣ်ဝဲဒၣ်န့ၣ်လီၤ.
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဟီၣ်ကဝီၤ ဒူပျၥ်ယၥ်ကီၢ်ရ့ၣ် ဟီၣ်ကဝီၤပူၤ ခီဖျိတၢ်ဒုးတၢ်ယၤကဲထီၣ် ဒီး သုးမီၤစိရိၤအသုးတဖၣ် အတၢ်မၤထီဒါ ပှၤဟီၣ်ခိၣ်ဖိခွဲးယၥ် တၢ်ဖံးတၢ်မၤတဖၣ်အဃိ ကမျၢၢ်ထံဖိကီၢ်ဖိတဖၣ် ဘၣ်ဃ့ၢ်မှံဟးဖျိး ဒီး ဃုထံၣ်န့ၢ်တၢ်အိၣ်ကဒုအလီၢ် လၢအဟ့ၣ်သးသမူ တၢ်ဘံၣ်တၢ်ဘၢန့ၢ်အလီၢ်န့ၣ်လီၤ.
ခီဖျိတၢ်ဒုးတၢ်ယၤ ဒီး သုးမီၤစိရိၤတဖၣ် အတၢ်မၤထီဒါ ပှၤဟီၣ်ခိၣ်ဖိခွဲးယၥ် လၢ ဒူပျၥ်ယၥ်ကီၢ်ရ့ၣ် ဟီၣ်ကဝီၤပူၤအဃိ ဒ်လါနိၣ်ဝ့ဘၢၣ် အပူၤ တၢ်ထၢန့ၢ်ဝဲ စရီအတၢ်မၤနီၣ်မၤဃါအသိး ကမျၢၢ်လၢဘၣ်ဃ့ၢ်မှံဟးဖျိး ဖဲ ဒူပျၥ်ယၥ်ကီၢ်ရ့ၣ် ဟီၣ်ကဝီၤပူၤ အိၣ်ဝဲ ၈ ကလးဘျဲၣ် တုၤလၢ ၉ ကလး ဃၣ်ဃၣ်ညါန့ၣ်လီၤ. ကမျၢၢ်ဃ့ၢ်မှံဟးဖျိးသ့ၣ်တဖၣ်အံၤ အိၣ်ဝဲဒၣ်လၢ ကီးကရံးကီၢ်ဆၣ် ဟီၣ်ကဝီၤ ၃ ကလးဘျဲၣ်, ကြုၢ်တုကီၢ်ဆၣ် ဟီၣ်ကဝီၤ ၂ ကလးဘျဲၣ်, ဝီၢ်ရ့ၣ်ကီၢ်ဆၣ် ဟီၣ်ကဝီၤ ၂ ကလးဘျဲၣ် ဒီး နိၣ်တကီကီၢ်ဆၣ် ဟီၣ်ကဝီၤ ၂ ကလးဘျဲၣ် န့ၣ်လီၤ. တကးဒံးဘၣ် ဖဲတနံၣ်အံၤ လါဒံၣ်စဲဘၢၣ် အဆၢကတီၢ် တၢ်ဒုးတၢ်ယၤ ကဲထီၣ် ဝဲလၢ ဒူပျၥ်ယၥ်ကီၢ်ရ့ၣ်ပူၤ တၢ်လီၢ်အါတီၤအဃိ ကမျၢၢ်လၢဘၣ်ဃ့ၢ်မှံဟးဖျိးတဖၣ် အနီၣ်ဂံၢ်နီၣ်ဒွး ဟဲအါထီၣ်ဝဲဒၣ် ကွ့ၢ်ကွ့ၢ်န့ၣ်လီၤ.
ကမျၢၢ်ထံဖိကီၢ်ဖိ လၢဘၣ်ဃ့ၢ်မှံဟးဖျိး ဖဲဒူပျၥ်ယၥ်ကီၢ်ရ့ၣ်ပူၤတဖၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ခိၣ်နၢ်ဘၣ်မူဘၣ်ဒါတဖၣ် ထၢန့ၢ်စရီပတီၢ် မၤနီၣ်မၤဃါ ပှၤနီၣ်ဂံၢ်နီၣ်ဒွးဝံၤ လၢပှၤဃ့ၢ်မှံဟးဖျိးတဖၣ်အဂီၢ် ရဲၣ်ကျဲၤန့ၢ်ဝဲ တၢ်လီၢ်တၢ်ကျဲ လၢတၢ်ဘံၣ်တၢ်ဘၢအိၣ်အလီၢ် အိၣ်ဝဲအသိး ကမျၢၢ် လၢအဲၣ်ဒိးအိၣ်ဆိးလၢ ဒူသဝီဘူးတံၢ်တဖၣ် ရဲၣ်ကျဲၤဆှၢလဲၤဆှၢက့ၤဝဲ ဒီး ရဲၣ်ကျဲၤန့ၢ်ဝဲ တၢ်လီၢ်တၢ်ကျဲအိၣ်ဝဲဒၣ်စ့ၢ်ကီးန့ၣ်လီၤ.
ခီဖျိဂ့ၢ်ဝီၢ်အူတၢ်အိၣ်သးဒ်အံၤအဃိ လၢကမျၢၢ်ဃ့ၢ်မှံဟးဖျိးတဖၣ်အဂီၢ် တၢ်အိၣ်ဆိးလီၢ်ကျဲ, တၢ်အီၣ်တၢ်အီ ဒီး တၢ်အိၣ်ဆူၣ်အိၣ်ချ့အဂီၢ် ကသံၣ်ကသီတဖၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ခိၣ်နၢ်ဘၣ်မူဘၣ်ဒါတဖၣ် ဒ်တၢ်သ့အိၣ်ဒီးအီၤအသိး ရဲၣ်ကျဲၤန့ၢ်ဝဲန့ၣ်လီၤ. ဒ်န့ၣ်အသိး ကီၢ်ပူၤကီၢ်ချၢ ပှၤလၢအမၤစၢၤတၢ်တဖၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တူၢ်လိၥ်ဟံးန့ၢ်ဝဲ၀ံၤ ဟ့ၣ်လီၤမူဒါဆူ ဆူၣ်ချ့မၤစၢၤဝဲၤကျိၤ လၢကဟ့ၣ်နီၤလီၤ တၢ်ဆီၣ်ထွဲ မၤစၢၤ ဆူကမျၢၢ်ထံဖိကီၢ်ဖိ လၢအလိၣ်ဘၣ် တၢ်ဆီၣ်ထွဲမၤစၢၤတဖၣ် အအိၣ်န့ၣ်လီၤ.
ဒူပျၥ်ယၥ်ကီၢ်ရ့ၣ် တၢ်ပၢဟီၣ်ကဝီၤ ကီၢ်ဆၣ်တဘ့ၣ်စုၥ်စုၥ်အပူၤ ကမျၢၢ်ထံဖိကီၢ်ဖိ လၢဘၣ်ဃ့ၢ်မှံဟးဖျိးတဖၣ် ကီၢ်ရ့ၣ်ပၢပြးခိၣ်နၢ်တဖၣ် လဲၤထံၣ်လိၥ်ဒီး အဝဲသ့ၣ် ဒီး ကတိၤဟ့ၣ်ဂံၢ်ဟ့ၣ်ဘါအဝဲသ့ၣ် အိၣ်စ့ၢ်ကီးန့ၣ်လီၤ. ဒ်န့ၣ်အသိး ဆူၣ်ချ့မၤစၢၤဝဲၤကျိၤ တီခိၣ်ရိၣ်မဲ ဒီး တၢ်မၤစၢၤလၢ ပှၤဆီၣ်ထွဲမၤစၢၤ ခီဖျိကီၢ်ပူၤ ကီၢ်ချၢတဖၣ် တၢ်လဲၤစိၥ်ဒီး ဟ့ၣ်နီၤလီၤဆူ ပှၤဃ့ၢ်မှံဟးဖျိးတဖၣ်အအိၣ် ဒ်အမ့ၢ် တၢ်အီၣ်တၢ်အီ, တၢ်ပီးတၢ်လီ, ကသံၣ်ကသီ ဒီး တၢ်ပီးတၢ်လီအဂုၥ်အဂၤ တဖၣ်န့ၣ်လီၤ.
ဘၣ်ဆၣ် ဒူပျၥ်ယၥ်ကီၢ်ရ့ၣ်ဟီၣ်ကဝီၤပူၤ ကမျၢၢ်ဃ့ၢ်မှံဟးဖျိးတဖၣ် အါထီၣ်ဝဲဒၣ်ကွ့ၢ်ကွ့ၢ်အဃိ တၢ်ဆီၣ်ထွဲမၤစၢၤလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဆီၣ်ထွဲဝဲမ့ၢ်ဂ့ၤ, ကီၢ်ပူၤကီၢ်ချၢ တၢ်ဆီၣ်ထွဲမၤစၢၤတဖၣ်မ့ၢ်ဂ့ၤ တလၢတလီၣ်လၢၤဘၣ်အဃိ လၢကမျၢၢ်ဃ့ၢ်မှံဟးဖျိးတဖၣ်အံၤအဂီၢ် တၢ်ဆီၣ်ထွဲမၤစၢၤ ဒ်အမ့ၢ် တၢ်အိၣ်ဆိးလီၢ်ကျဲပီးလီ, တၢ်အီၣ်တၢ်အီ, တၢ်အိၣ်ဆူၣ်အိၣ်ချ့အဂီၢ် ကသံၣ်ကသီတဖၣ် လိၣ်အါထီၣ်ဝဲဒၣ်န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
