Notice

  "From the Karen National Political Dialogue to ward the Political Will of the Karen National" 

  "From the Karen National Political Dialogue to establish a Federal Democratic Union" 

  • English
  • Karen
  • Myanmar

တၢ်ဂ့ၢ်အလၢအပှဲၤ

  • ကဘျံးမိၢ်ပှၢ်
  • တၢ်ဟူးတၢ်ဂဲၤ
  • တၢ်ဂ့ၢ်အလၢအပှဲၤ
ကီၢ်ရ့ၣ်တဖၣ်

ချၢၣ်လွံၢ်ထူၣ်ကီၢ်ရ့ၣ် တၢ်လီၢ်အါတီၤအပူၤ တၢ်မၤလၤကပီၤဝဲ ကညီမၤထူရၤမုၢ်နံၤ ပှဲၤထီၣ် ၇၄ ဝီတဝီအမူး

၂၀၂၄ နံၣ် လါအီကူး ၁၃ သီ, ခ့ၣ်အဲၣ်ယူၣ်-လီၢ်ခၢၣ်သး

ဖဲ ၂၀၂၄ နံၣ် လါအီကူး ၁၂ သီအနံၤန့ၣ် မ့ၢ်ဝဲဒၣ် ကညီဒီကလုၥ်မၤထူရၤမုၢ်နံၤ ပှဲၤထီၣ် ၇၄ ဝီတဝီန့ၣ်လီၤ. လၢမုၢ်နံၤဒိၣ်မုၢ်နံၤထီအနံၤအံၤန့ၣ် ခ့ၣ်အဲၣ်ယူၣ်-ကညီဒီ ကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤ, ချၢၣ်လွံၢ်ထူၣ်ကီၢ်ရ့ၣ် ပူၤ ကီၢ်ဆၣ်တဖၣ်, သုးရ့ၣ်တဖၣ် ဒီး ဒူသဝီတဖၣ် တီခိၣ်ရိၣ်မဲဒီး မၤလၤကပီၤဝဲ ကညီဒီကလုၥ်မၤထူရၤအအမူး လၢတၢ်လီၢ်အါတီၤန့ၣ်လီၤ.

ဒ်န့ၣ်အသိး ချၢၣ်လွံၢ်ထူၣ်ကီၢ်ရ့ၣ် ကီၢ်ရ့ၣ်ဝဲၤလီၢ်စ့ၢ်ကီး တၢ်မၤလၤကပီၤဝဲ ကညီဒီကလုၥ်မၤထူရၤမုၢ်နံၤစ့ၢ်ကီးန့ၣ်လီၤ. လၢတၢ်မၤလၤကပီၤ ကညီဒီကလုၥ်မၤထူရၤ မုၢ်နံၤ တၢ်ရဲၣ်တၢ်ကျဲၤအံၤ ပှၤပၢၤလီၢ်ဆ့ၣ်နီၤမ့ၢ်ဝဲ ပဒိၣ်စီၤအဲၣ်ကလုုၥ်သ့ (ကီၢ်ရ့ၣ်ခိၣ်), ပှၤကယၢကယဲမူးမ့ၢ်ဝဲ ပဒိၣ်စီၤလါဖိ န့ၣ်လီၤ. တၢ်ရဲၣ်တၢ်ကျဲၤအပူၤ လၢကီၢ်ရ့ၣ်ခၢၣ်စး ပဒိၣ်စီၤနဲထူပၠဲ (ကီၢ်ရ့ၣ်နဲၣ်ရွဲၣ်သဃဲၤ), ပဒိၣ်စီၤထူဖီ (ကီၢ်ရ့ၣ်ခိၣ်လီၢ်လံၤ) တဖၣ် ကတိၤဟ့ၣ်ဂံၢ်ဟ့ၣ်ဘါဝဲ ခိၣ်နၢ်, သိၣ်ဒူလၢဟဲထီၣ်တဖၣ်န့ၣ်လီၤ. ကညီပၢၤကီၢ်သုး ဒီး သူၣ်ဘီၣ်သးစၢ်တဖၣ် ဖးဖျါထီၣ်ဝဲ လံၥ်ဟ့ၣ်ယုၢ်လၢ တၢ်ဆှၢလီၤအီၤဖဲ ကညီဒီကလုၥ်မၤထူရၤမုၢ်နံၤ တၢ်ရဲၣ်တၢ်ကျဲၤအပူၤတဖၣ်န့ၣ်လီၤ.
တၢ်စးထီၣ်ဝဲ တၢ်မၤလၤကပီၤမူးတၢ်ရဲၣ်တၢ်ကျဲၤခီဖျိ တၢ်ဟ့ၣ်ထီၣ်တၢ်ယူးယီၣ်ဆူ ကညီဒီကလုၥ်နီၣ်တယၢ်, တၢ်ဟ့ၣ်ထီၣ်တၢ်ယူးယီၣ်ဆူ ခိၣ်နၢ်, သိၣ်ဒူ, ထံဖိကီၢ်ဖိလၢအဟ့ၣ်လီၤသးလၢ ထံကီၢ်ဒီးကလုၥ်ဂီၢ်တဖၣ်န့ၣ်လီၤ. ဝံၤအလီၢ်ခံ ချၢၣ်လွံၢ်ထူၣ်ကီၢ်ရ့ၣ် ကညီပိၥ်မုၣ်ကရၢ တီခိၣ်ရိၣ်မဲဒီး မၤလၤကပီၤဝဲ ခိၣ်နၢ်, သိၣ်ဒူ လၢအဟ့ၣ်လီၤတ့ၢ်အသးလၢ ထံကီၢ်ဒီးကလုၥ်ဂီၢ်တဖၣ် အဖိအမါလၢအိၣ်လီၤတဲၥ်တဖၣ် ခီဖျိအဝဲသ့ၣ်မ့ၢ်ဝဲ မၢၤ/မိၢ် လုၢ်ပှ့ၤဒိၣ်တဖၣ် လၢအဘၣ်ဟံးမူဒါကွၢ်ထွဲဟံၣ်ဖိဃီဖိ, ဆၢထၢၣ်ဂၢၢ်ကျၢၤဝဲလၢ အဟံၣ်ဖိဃီဖိအဂီၢ်အဃိန့ၣ်လီၤ.
လၢၢ်ဒိၣ်ကီၢ်ဆၣ်-ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် သုးရ့ၣ် (၉), ကညီဒီကလုၥ်ဂၢၤသးကရၢ သုးရ့ၣ် (၃) ဒီး ဒူသဝီကရူၢ် (၆) ကရူၢ် ရဲၣ်ကျဲၤမၤလၤကပီၤဝဲ ကညီဒီကလုၥ်မၤထူရၤမုၢ်နံၤ ပှဲၤထီၣ် ၇၄ ဝီတဝီ လၢအလီၢ်ကဝီၤဒၣ်ဝဲ စုၥ်စုၥ်န့ၣ်လီၤ. လၢကညီဒီကလုၥ်မၤထူရၤမုၢ်နံၤအံၤ လၢၢ်ဒိၣ်ကီၢ်ဆၣ် ဟီၣ်ကဝီၤပူၤ တၢ်မၤဝဲတၢ်ဒုၣ်တၢ်အီၣ် ဒီး တၢ်ဘါထုကဖၣ် စ့ၢ်ကီးန့ၣ်လီၤ.
ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် သုးက့ (၉) မၤလၤကပီၤဝဲ ကညီဒီကလုၥ်မၤထူရၤမုၢ်နံၤ တၢ်ရဲၣ်တၢ်ကျဲၤအပူၤ အိၣ်စ့ၢ်ကီးဒီး တၢ်ရဲၣ်တၢ်ကျဲၤလၢ တၢ်လဲၤပၥ်လီၤတၢ်သးအုၣ်ဖီကွီၤ လၢသုးရ့ၣ် (၉) တၢ်သွၣ်ခိၣ်, လၢခိၣ်နၢ်, သိၣ်ဒူ လၢလုၢ်ထီၣ်တ့ၢ်သးလၢ ထံကီၢ်ဒီးကလုၥ်ဂီၢ်တဖၣ်န့ၣ်လီၤ. ကညီဒီကလုၥ်ဂၢၤသးကရၢ သုးက့ (၃) မၤလၤကပီၤ ကညီဒီကလုၥ်မၤထူရၤမုၢ်နံၤ တၢ်ရဲၣ်တၢ်ကျဲၤအပူၤ အိၣ်စ့ၢ်ကီးဒီး တၢ်ဟ့ၣ်ထီၣ်တၢ်ယူးယီၣ်ဆူ ကညီဒီကလုၥ်နီၣ်တယၢ်, တၢ်ဟ့ၣ်ထီၣ် တၢ်ယူးယီၣ်ဆူ ခိၣ်နၢ်, သိၣ်ဒူ, ထံဖိကီၢ်ဖိလၢ လုၢ်ထီၣ်တ့ၢ်အသးလၢ ထံကီၢ်ဒီးကလုၥ်ဂီၢ်တဖၣ် ဒီး ဂၢၤသးသုးရ့ၣ် ၃ ခိၣ်နၢ်, သိၣ်ဒူလၢ အဟ့ၣ်လီၤတ့ၢ်သးလၢ ထံကီၢ်ဒီးကလုၥ်ဂီၢ်တဖၣ် အဟံၣ်ဖိဃီဖိလၢအိၣ်လီၤတဲၥ်တဖၣ် တၢ်မၤလၤကပီၤအဝဲသ့ၣ်တဖၣ်န့ၣ်လီၤ. ဒူသဝီလၢအဂၤတဖၣ် မၤလၤကပီၤဝဲ မၤထူရၤ လၢတၢ်ကတိၤဟ့ၣ်ဂံၢ်ဟ့ၣ်ဘါ တဖၣ်န့ၣ်လီၤ.
မူကီၢ်ဆၣ်ဟီၣ်ကဝီၤပူၤ မီခိၣ်ကရူၢ် ဒီး STB ကရူၢ်ပူၤ ဒူသဝီဒ်အမ့ၢ် ကညီၤတ့သဝီ, ဆီထံးကီၢ်ဆၣ်ဟီၣ်ကဝီၤပူၤ မဲၢ်ကတီကရူၢ်, ထံခ့လီၤကရူၢ်, ကိၤကၤသဝီ, ဒီး သဝီအဂုၥ်အဂၤအါမး မၤလၤကပီၤဝဲ ကညီဒီကလုၥ်မၤထူရၤမုၢ်နံၤအံၤန့ၣ်လီၤ. ဖဲတၢ်မၤလၤကပီၤ ကညီဒီကလုၥ်မၤထူရၤမုၢ်နံၤ ပှဲၤထီၣ် ၇၄ ဝီတဝီ မူးတၢ်ရဲၣ် တၢ်ကျဲၤဝံၤဝဲအလီၢ်ခံန့ၣ် သုးမီၤစိရိၤအသုးတဖၣ် ခးလီၤဝဲကျိဖးဒိၣ်လၢ မူကီၢ်ဆၣ် ဟီၣ်ကဝီၤပူၤန့ၣ်လီၤ.

တၢ်ဟူးတၢ်ဂဲၤလၢအဘၣ်ထွဲတဖၣ်

တၢ်ဃုထံၣ်တၢ်ဂ့ၢ်တၢ်ကျိၤဂီၢ်

ကွဲၤဟူဖျါသနၢၣ်