Notice
ကီၢ်ရ့ၣ်တဖၣ်
တၢ်တြဲၢ်ကီၢ်ဆၣ် ကညီသးစၢ်ကရၢ ဒီး သဲစးဝဲၤကျိၤ ပၥ်ဖှိၣ်ထီၣ်အသးဒီး ဟးဟ့ၣ်ဝဲ ကသံၣ်မူၤဘှီးတၢ်လီၤဘၣ်ယိၢ်တၢ်သ့ၣ်ညါနၢ်ပၢၢ် တၢ်ရဲၣ်တၢ်ကျဲၤ
၂၀၂၄ နံၣ် လါစဲးပထ့ဘၢၣ် ၁၂ သီ, ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဖၣ်အၣ်ကီၢ်ရ့ၣ်, တၢ်တြဲၢ်ကီၢ်ဆၣ် ကညီသးစၢ်ကရၢ ဒီး သဲစးဝဲၤကျိၤ ပၥ်ဖှိၣ်ထီၣ်အသးဒီး လီၤဟ့ၣ်ဝဲ ကသံၣ်မူၤဘှီးတၢ် လီၤဘၣ်ယိၢ် တၢ်သ့ၣ်ညါနၢ်ပၢၢ်ဆူ ပံၢ်တခးသဝီတီၤထီကၠိ ဖဲ ၂၀၂၄ နံၣ် လါစဲးပထ့ဘၢၣ် ၁ သီတဘျီ ဒီး ဖဲ ၂၀၂၄ နံၣ် လါစဲးပထ့ဘၢၣ် ၅ သီန့ၣ် ဟ့ၣ်ကဒီးဝဲတၢ်သ့ၣ်ညါနၢ်ပၢၢ်ဖဲ ကနဲဃီဝါကၠိတဘျီန့ၣ်လီၤ.
တၢ်လီၤဟ့ၣ်ဝဲ ကသံၣ်မူၤဘှီးတၢ်လီၤဘၣ်ယိၢ် တၢ်သ့ၣ်ညါနၢ်ပၢၢ် တၢ်တၢၣ်ပီၣ်တဲသကိးတဘျီအံၤ အတၢ်ပညိၣ်တဖၣ်ဒီး ကသံၣ်မူၤဘှီးအကလုၥ်, ဒီး ခီဖျိကသံၣ် မူၤဘှီးတဖၣ်အဃိ တၢ်ဂ့ၢ်ကီလၢအဟဲပိၥ်ထွဲထီၣ်အခံတဖၣ် ဒ်သိးကၠိဖိမုၣ်ခွါသ့ၣ်တဖၣ် ကသ့ညါဘၣ်ဝဲအဂီၢ် သဲစးဝဲၤကျိၤခၢၣ်စး သရၣ်စီၤစဲနိၣ်ဘၢၣ် ကတိၤဒုးသ့ၣ်ညါဝဲဒၣ်န့ၣ်လီၤ. ဝံၤအလီၢ်ခံ ကညီသးစၢ်ကရၢ ခၢၣ်စး သရၣ်မုၣ် နီၢ်ယၣ်ဒ့ၣ်ဖီ တီခိၣ်ရိၣ်မဲဒီး ဟ့ၣ်ခီဟ့ၣ်နီၤဝဲတၢ်သ့ၣ်ညါနၢ်ပၢၢ် ဘၣ်ဃး ကီၢ်သူလ့ၤသဲစးတၢ် ဘျၢတဖၣ် လၢအဘၣ်ထွဲဒီး ကသံၣ်မူၤဘှီးအတၢ်သိၣ်တၢ်သီသဲစးသ့ၣ်တဖၣ်န့ၣ်လီၤ.
တၢ်လီၤဟ့ၣ်ဝဲ ကသံၣ်မူၤဘှီးတၢ်လီၤဘၣ်ယိၢ် တၢ်သ့ၣ်ညါနၢ်ပၢၢ်တၢ်တၢၣ်ပီၣ်တဲသကိးဘျီဝဲအံၤ ဘၣ်တၢ်တီခိၣ်ရိၣ်မဲအီၤလၢ တၢ်တြဲၢ်ကီၢ်ဆၣ် ကညီသးစၢ်ကရၢန့ၣ်လီၤ. ဒ်တၢ်တြဲၢ် ကီၢ်ဆၣ် ကညီသးစၢ်ကရၢ ခီကရဲးတၢ်ပၥ်လီၤခါဆူညါတၢ်မၤကျဲအိၣ်ဝဲအသိး သးစၢ်လၢအစူးကါကသံၣ်မူၤဘှီးကလီၤစှၤဝဲအဂီၢ် ဒ်တၢ်ပၥ်လီၤတၢ်မၤကျဲအိၣ်ဝဲအ သိး လီၤဟ့ၣ်ဝဲတၢ်သ့ၣ်ညါနၢ်ပၢၢ်ဆူ သးစၢ်တဖၣ် အိၣ်ဝဲ ၂ ဘျီလံန့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
