တၢ်ကစီၣ်တဖၣ်
သုးမီၤစိရိၤ အကဘီယူၤ ဟဲတ့ၢ်လီၤမ့ၣ်ပိၢ်လၢ လ့က့ၣ်ကိၥ်ဟီၣ်ကဝီၤပူၤ
၂၀၂၁ နံၣ်, လါဒံၣ်စ့ဘၢၣ် ၂၄ သီ, ခ့ၣ်အဲၣ်ယူၣ်-လီၢ်ခၢၣ်သးဖဲ ၂၀၂၁ နံၣ် လါဒံၣ်စ့ဘၢၣ် ၂၃ သီ ဟါခီ (၁၀း၁၀) မံးနံးအဆၢကတီၢ် သုးမီၤစိရိၤ လၢဟံးန့ၢ်ဆူၣ် ထံကီၢ်တၢ်စိတၢ်ကမီၤတဖၣ် သူဝဲကဘီယူၤ ဒီး ဟဲတ့ၢ်လီၤဝဲ မ့ၣ်ပိၢ် ၂ ဖျၢၣ် ဖဲလ့က့ၣ်ကိၥ် ဟီၣ်ကဝီၤပူၤ န့ၣ်လီၤ. တကးဒံးဘၣ် ဟီၣ်ကဝီၤသုးတဖၣ်စ့ၢ်ကီး ခးဝဲကျိဖးဒိၣ် အါအါဂီၢ်ဂီၢ် တပယူၥ်ဃီန့ၣ်လီၤ.လ့က့ၣ်ကိၥ် ဟီၣ်ကဝီၤပူၤ သုးမီၤစိရိၤအသုး ကဘီယူၤတဖၣ် တၢ်ဘၣ်ယိၢ်အိၣ်လၢ ကဟဲခးလီၤတၢ် ဒီး ကဘၣ်ဒိဘၣ်ထံး ပှၤကမျၢၢ်သ့ၣ်အဖၣ်အဃိ ဒ်သိးလ့က့ၣ်ကိၥ် ဟီၣ်ကဝီၤ တၢ်သုတပျဲယူၤတဘီယူၤတဂ့ၤအဂီၢ် ဖဲလါဒံၣ်စ့ဘၢၣ် ၂၀ သီန့ၣ် ခ့ၣ်အဲၣ်ယူၣ် ဃ့ထီၣ်ဝဲလၢ ဘီမုၢ်စၢဖှိၣ်ကရၢ ကကိးဂ့ၢ်ဝီၢ်အူ တၢ်အိၣ်ဖှိၣ် ဒီး ကပၥ်ပနီၣ် လ့က့ၣ်ကိၥ်တၢ်လီၢ်အံၤ ဒ်အမ့ၢ် ကဘီယူၤပူၤဖျဲး ဟီၣ်ကဝီၤန့ၣ်လီၤ.ခ့ၣ်အဲၣ်ယူၣ် အတၢ်ဃ့ထီၣ်အံၤ အဆၢကတီၢ် သုးမီၤစိရိၤအသုးတဖၣ် သူဝဲကဘီယူၤ ဒီး ဟဲခးလီၤတၢ်လၢ ကဘီယူၤတဖၣ်အဃိ ဘီမုၢ်စၢဖှိၣ်ကရၢ ဃုၥ်ဒီး ထ... ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ် ဘံလ့ကီၢ်ဆၣ် ဟီၣ်ကဝီၤ သုးမီၤစိရိၤအသုးတဖၣ် ခးသံဝဲ ဟီၣ်ကဝီၤကမျၢၢ် သးနံၣ် (၆၀) နံၣ်တဂၤ အဂ့ၢ်
၂၀၂၁ နံၣ်, လါဒံၣ်စ့ဘၢၣ် ၂၄ သီ, ဒူသထူၣ်ကီၢ်ရ့ၣ်ဖဲ လါဒံၣ်စ့ဘၢၣ် ၂၁ သီဂီၤခီ ၁၀ နၣ်ရံၣ်အဆၢကတီၢ် သုးမီၤစိရိၤအသုး တပ်မ (၂၂) စုတီၤဖီလၥ် ခလရ-၁၀၁ အသုးတဖၣ် ခးသံဝဲ ဟီၣ်ကဝီၤကမျၢၢ်တဂၤ လၢအမ့ၢ် နီၢ်ခံး, အသးနံၣ်အိၣ်ဝဲ (၆၀) နံၣ်န့ၣ်လီၤ. နီၢ်ခံး အံၤ ဘၣ်တၢ်ခးသံအီၤဖဲ ဘံလ့ကီၢ်ဆၣ်, နိၣ်ဘၢၣ်ဘီကရူၢ်, လ့ခီၣ်ထံးသဝီ ဒီး ထိးကျိးခံသဝီ ဘၢၣ်စၢၤ ယၤခိးကျိ တၢ်လီၢ်န့ၣ်လီၤ. ဖံနီၢ်ခံးအံၤ မ့ၢ်ဝဲ ထိးကျိးခံသဝီဖိ န့ၣ်လီၤ.သုးမီၤစိရိၤအသုး လၢအခးသံ ဖံနီၢ်ခံးအံၤ ဖဲလါဒံၣ်စ့ဘၢၣ် ၂၀ သီအနံၤန့ၣ် အိၣ်ဟးထီၣ်ဝဲလၢ ကတၢတံးသဝီ ပၥ်ဖှိၣ်ထီၣ်အသးဒီး သုးခိးကီၢ်ဆၢ (BGF) ဂံၢ်ဘါကအိၣ် (၆၀) ဂၤတဖၣ် ဟဲလီၤဝဲဒၣ် သုးကျိၤလၢ ထိးကျိးခံသဝီတကပၤ ဒီး ထံၣ်ဝဲ ဖံနီၢ်ခံး ဒီး ခးသံဝဲဒၣ်န့ၣ်လီၤ.သုးမီၤစိရိၤအသုးတဖုအံၤ ခးသံဝဲ ဖံနီၢ်ခံးဝံၤ ဆဲးလဲၤဝဲဒၣ်လၢ ယိၤကျါသဝီ ဒီး ဖဲလါဒံၣ်စ့ဘၢၣ် ၂၁ သီဟါခီ ၇း၃၀ မံးနံးန့ၣ် ဆီလီၤအသုးဖဲ ယိၤကျါသီခါဖၠၣ် ကရၢၢ်ပူၤန့ၣ်လီၤ. သုးမီၤ... ...
တၢ်ကစီၣ်တဖၣ်
သုးမီၤစိရိၤအသုးတဖၣ် ခးလီၤကျိဖးဒိၣ်လၢ သဝီပူၤအဃိ ဘၣ်ဒိဝဲသဝီဖိ ၃ ဂၤ ဒီး သဝီဖိတဖၣ် အိၣ်လၢသဝီပူၤ တဘူၣ်လၢၤအဃိ ဘၣ်ဃ့ၢ်အိၣ်ကဒုလၢ ပှၢ်လၢ်ကျါ
၂၀၂၁ နံၣ်, လါဒံၣ်စ့ဘၢၣ် ၂၃ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ချၢၣ်လွံၢ်ထူၣ်, ကီၢ်ဆၣ်လၢၢ်ဒိၣ် ဟီၣ်ကဝီၤ ဖဲ ၁၉၇၄ နံၣ်အဆၢကတီၢ် ဒုၣ်ဒါ (မဆလ) ပၢတၢ်အစိၤ အဆၢကတီၢ် ထံဖိကီၢ်ဖိကမျၢၢ်လၢ အအိၣ်ဆိးလၢ ကစၢၢ်ကျါ ဒ်အမ့ၢ် (၁) ပီၣ်ဖီခံ, (၂) ထံပနၢ်အ့ၣ်ခံ, (၃) စ့ဘီလူၢ်, (၄) ဃဲၣ်ကၢ်ခိၣ် သဝီဖိတဖၣ် နီဆူၣ်ဝဲ ဒီး ပၥ်ဖှိၣ်ဝဲလၢ သ့ၣ်နွဲၤထၣ်သဝီ (ကိး) မုၢ်သဲၤ (မူသယ်) ဒီး ကတီၢ်အံၤ သ့ၣ်နွဲၤထၣ်သဝီအံၤ ဟံၣ်ခိၣ်အိၣ်ဝဲ (၈၇) ဖျၢၣ် ဒီး ပှၤနီၣ်ဂံၢ်ခဲလၢၥ်အိၣ်ဝဲ (၅၅၈) ဂၤန့ၣ်လီၤ.ကတီၢ်အံၤ သုးမီၤစိရိၤ လၢဟံးဆူၣ်ထံကီၢ်တၢ်စိတၢ်ကမီၤ (စကခ) သုး ခလရ-၇၅ ဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (ဇေၥ်ဇေၥ်နိုင်) ဒီး ခမရ-၅၉၈ ဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (လှိုင်ညှို) လၢအဟဲအိၣ်သူၣ်လီၤအသးလၢ ခိၣ်သ့ၣ်စိ သုးကလၢၤ (ကိး) မူသယ်စခန်း တဖုအံၤ ဖဲ( ၇.၁၂.၂၀၂၁) နံၤဟါ (၇း၀၄) မံးနံးအဆၢကတီၢ် အပှၤဟံးတၢ်ဘံၣ်တၢ်... ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူပျၥ်ယၥ်ကီၢ်ရ့ၣ် သုးက့ (၆) ကီးတရံးကီၢ်ဆၣ် ဒီး ဝီၢ်ရ့ၣ်ကီၢ်ဆၣ် ဟီၣ်ကဝီၤပူၤ လါဒံၣ်စ့ဘၢၣ် ၁၅ သီ ဒီး ၁၆ သီ လၢခံသီအကတီၢ်ပူၤ တၢ်ဒုးကဲထီၣ်ဝဲ (၇) ဘျီ ဒီး သုးမီၤစိရိၤအသုး သံဝဲ (၁၅) ဂၤဘၣ်ဒိဝဲ (၉) ဂၤ
ခ့ၣ်အဲၣ်ယူၣ်-လီၢ်ခၢၣ်သး (၁၉-၁၂-၂၀၂၁)ဒူပျၥ်ယၥ်ကီၢ်ရ့ၣ်, ကီးတရံးကီၢ်ဆၣ်အပူၤ ဖဲလါဒံၣ်စ့ဘၢၣ် ၁၅ သီအနံၤ သုးမီၤစိရိၤအသုး စကခ (၁၃) စုဒုၣ်တီၤဖီလၥ် ခမရ (၅၆၀) လၢအဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (ထင်လင်းအေၥင်) အသုးတဖၣ် နုၥ်လီၤလၢလ့က့ၣ်ကိၥ်ဝ့ၢ်ပူၤ ဒီး ဘၣ်သဂၢၢ်ခးလိၥ်သးဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးရ့ၣ် (၂၇) လီၢ်ကဝီၤသုး ပၥ်ဖှိၣ်သးဒီး (PDF) တဖၣ်န့ၣ်လီၤ. တၢ်ဘၣ်သဂၢၢ်ခးလိၥ်သး စးထီၣ်ကဲထီၣ်ဝဲ ဖဲဂီၤခီ (၁၁း၁၅) မံးနံးအဆၢကတီၢ် တဘျီန့ၣ်လီၤ. သုးမီၤစိရိၤအသုးတဖုအံၤ ဟဲထီၣ်လူၤဝဲ ပပှၤအဃိ ဖဲဟါခီ (၆း၀၀) နၣ်ရံၣ်အဆၢကတီၢ် တၢ်ဘၣ်သဂၢၢ်ခးလိၥ်သး ကဲထီၣ်ကဒီးဝဲ တဘျီန့ၣ်လီၤ. တၢ်ဒုးခံဘျီလၢၥ် သုးမီၤစိရိၤအသုး သံဝဲ (၄) ဂၤအကျါ ပၣ်ဃုၥ်ဒီး သုးဒ့ခိၣ် (၁) ဂၤ, သုးကသံၣ်သရၣ် (၁) ဂၤန့ၣ်လီၤ. သုးမီၤစိရိၤအသုး ဘၣ်ဒိဝဲ (၂) ဂၤအကျါ ပၣ်ဃုၥ်ဒီး သုးရ့ၣ်ခိၣ် (ထင်လင်းအေၥင်) ဘၣ်ဒိဝဲ အကံၣ်ဒုၣ်န့ၣ်လီၤ. ပပှၤမၤန့ၢ်ဝဲ သုးမီၤစ... ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤ (၁၅) သီကတီၢ်ပူၤ တၢ်ဒုးကစီၣ် ဒီး သုးမီၤစိရိၤအသုး တၢ်မၤထီဒါကမျၢၢ်ဖိခွဲးယၥ် သ့ၣ်တဖၣ်
ခ့ၣ်အဲၣ်ယူၣ်-လီၢ်ခၢၣ်သး၂၀၂၁ နံၣ်, လါဒံၣ်စ့ဘၢၣ် ၁၇ သီခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ် ဝီၢ်ရ့ၣ်ကီၢ်ဆၣ် သုးရ့ၣ် (၁၆) ဟီၣ်ကဝီၤပူၤ ဖဲလါဒံၣ်စ့ဘၢၣ် (၂) သီအနံၤ သုးမီၤစိရိၤအသုး (ခလရ-၁၀၆) အသုးသ့ၣ်တဖၣ် ဖီၣ်ကိးဆူၣ်ဝဲ တခါသံၣ်သဝီဖိ (၁) ဂၤ, ပနဲၣ်တီၣ် သဝီဖိ (၇) ဂၤ, ရွၥသၥအေး သဝီဖိ (၃) ဂၤ, ၀ၣ်ပီၣ်သဝီဖိ (၁) ဂၤ, ခဲလၢၥ် (၁၂) ဂၤ ဒီး မၢဝဲသဝီဖိတဖၣ် ဟးဒုးနဲၣ်န့ၢ်အကျဲ ဒီး သူဝဲသဝီဖိလၢ ကကဲထီၣ်တၢ်ဒီသဒၢ လၢအသုးကျိၤဟးဟူးဂဲၤ အဂီၢ်န့ၣ်လီၤ. သဝီဖိလၢ သုးမီၤစိရိၤ ကွဲဆူၣ်အီၤတဖၣ် ဘၣ်ဟးပိၥ်အဝဲသ့ၣ်အခံ တုၤလါဒံၣ်စ့ဘၢၣ် (၇) သီအနံၤ ဒီး ပျၢ်ကွံၥ်ဝဲ သဝီဖိတဖၣ်န့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, မုၢ်တြီၢ်ကီၢ်ရ့ၣ်, ဒွဲၣ်လိကီၢ်ဆၣ် ဟီၣ်ကဝီၤပူၤ ဖဲလါဒံၣ်စ့ဘၢၣ် (၃) သီအနံၤ သုးမီၤစိရိၤအသုး (စကခ-၈), (ခမရ-၄၀၉-၄၀၈) အပှၤ ဒီး (တပ်မ-၂၂) အပှၤ လၢဟဲထီၣ်ဟံကျဲတၢ်ဘံၣ်တၢ်ဘၢ ဖဲကစၢၢ်သၢဖျၢၣ် ဒီး မးထီ ဘၢၣ်စၢၤတဖၣ် ခးနါစိၤကျိဒိၣ် (၄၀) ဘျဲၣ... ...
တၢ်ကစီၣ်တဖၣ်
သုးမီၤစိရိၤအသုး နုၥ်လီၤဆူၣ်လၢ လ့က့ၣ်ကိၥ်ဝ့ၢ်ပူၤအဃိ တၢ်ဘၣ်သဂၢၢ်ခးလိၥ်သး ဟဲအိၣ်ထီၣ်
ခ့ၣ်အဲၣ်ယူၣ်-လီၢ်ခၢၣ်သး ၁၆-၁၂-၂၀၂၁၂၀၂၁ နံၣ် လါဒံၣ်စ့ဘၢၣ် (၁၃) သီအနံၤ သုးမီၤစိရိၤအသုး စကခ (၈) စုဒုၣ်တီၤဖီလၥ် ခမရ (၅၆၀) အသုးတဖၣ် လဲၤထီၣ်ဝဲဆူ ဖလူ တကပၤ ဒီး ဟဲက့ၤသရံးဃီၤဆူ လ့က့ၣ်ကိၥ်ဝ့ၢ် အလီၢ်ခံတကပၤ ဒီး ဆီလီၤအလီၢ်ဖဲ လ့က့ၣ်ကိၥ် တၢ်ကွၢ်ကီအလီၢ် ကစၢၢ်ဒီခိၣ်န့ၣ်လီၤ. သုးမီၤစိရိၤအသုးတဖုအံၤ အတၢ်ရဲၣ်တၢ်ကျဲၤအိၣ်ဝဲလၢ ကနုၥ်လီၤဃိကွၢ်တၢ်လၢ လ့က့ၣ်ကိၥ်ဝ့ၢ်ပူၤ ဒီး ကဖီၣ်ဝဲကမျၢၢ် လၢဟဲဃ့ၢ်အိၣ်ကဒုလၢ လ့က့ၣ်ကိၥ်သ့ၣ်တဖၣ်န့ၣ်လီၤ. လ့က့ၣ်ကိၥ် ပှၤဘၣ်မူဘၣ်ဒါသ့ၣ်တဖၣ် သ့ၣ်ညါတၢ်ဂ့ၢ်အံၤအဖီခိၣ် လ့က့ၣ်ကိၥ်ပှၤဘၣ်မူဘၣ်ဒါတဖၣ် တဲဘၣ်ဝဲ ကမျၢၢ်ဖိလၢအိၣ်ဆိးဖဲ လ့က့ၣ်ကိၥ်ဝ့ၢ်ပူၤတဖၣ် လၢကသုးကပၤကွံၥ်အသးန့ၣ်လီၤ. ကမျၢၢ်ဖိလၢအိၣ်ဖဲ လ့က့ၣ်ကိၥ်တဖၣ် သုးကပၤကွံၥ်အသးတနီၤ ဒီး တနီၤ တသုးကပၤကွံၥ်အသးဘၣ်န့ၣ်လီၤ. ဖဲ ၁၄ သီအနံၤ သုးမီၤစိရိၤအသုးတဖၣ် နုၥ်လီၤလၢ လ့က့ၣ်ကိၥ်ဝ့ၢ်ပူၤ ဒီး ဟးလူၤဃုတၢ်လၢ ပှၤဟံၣ်ပူၤ ဒီး ပသ့ၣ်ညါဘၣ်လၢ က့ၤဖီၣ်ဝဲကမျၢၢ်ဖိ... ...