တၢ်ကစီၣ်တဖၣ်
သုးခိၣ်ကျၢၢ်ဖိ စီၤမဲအ့ၣ်စ့ၣ် အဂ့ၢ်ဖုၣ်ကိၥ်
၂၀၂၁ နံၣ် လါဒံၣ်စ့ဘၢၣ် ၁၃ သီသုးခိၣ်ကျၢၢ်ဖိ စီၤမဲအ့ၣ်စ့ၣ် နုၥ်လီၤမၤတၢ်ပၢၢ်ဆၢ ဒ်သုးဖိတဂၤအသိး ဟ့ၣ်လီၤအသးလၢ တၢ်ပၢၢ်ဆၢတၢ်မၤအပူၤ ဒ်တၢ်ပၢၢ်ဆၢဟ့ၣ်အီၤမူဒါအသိး တဂ့ၢ်လိၥ်ဝဲဘၣ် ကျဲးစၢးဟ့ၣ်လီၤအသး လၢတၢ်ပၢၢ်ဆၢတၢ်မၤအပူၤ မ့ၢ်ဘၣ်ကွၢ်ဆၢၣ်မဲၥ်ဒီး တၢ်ကီတၢ်ခဲ, တၢ်ဃံးတၢ်စ့ၤအကလုၥ်ကလုၥ် ဘၣ်ဆၣ်သနၣ်က့ တစူၥ်ကွံၥ်ညိကွံၥ် တၢ်ပၢၢ်ဆၢအတၢ်မၤဘၣ် ဒီး မၤတၢ်ပၢၢ်ဆၢ တုၤအမူဒါလၢပှဲၤဝဲတစု န့ၣ်လီၤ. အဝဲစးထီၣ်နုၥ်လီၤတၢ်ပၢၢ်ဆၢ လၢသုးဝဲၤလီၢ်ခိၣ်သ့ၣ် ဒီး တၢ်ဟ့ၣ်အီၤမူဒါလၢ ကဘၣ်ကဲဝဲ သုးခိၣ်ကၠီၣ်မၠးသါ အ (Personal Assistant) န့ၣ်လီၤ. တကတီၢ်ဃီ ဘၣ်ဟံးဃုၥ်မူဒါလၢ ဝဲၤဒၢးတကပၤ ဒီး တၢ်ဟ့ၣ်အီၤမူဒါလၢ (Staff Captain) န့ၣ်လီၤ. ဖဲ ၁၉၆၃ နံၣ် အဝဲက့ၤလီၤဟံးက့ၤမူဒါလၢ သုးက့ ၂ တကပၤ ဒီး ဖဲ ၁၉၇၀ နံၣ် ဘၣ်တၢ်သုးထီၣ်အလီၢ်အလၤဆူ သုးခိၣ်အပတီၢ် ဒီး ဖဲ ၁၉၇၇ နံၣ်န့ၣ် ဘၣ်တၢ်ဟ့ၣ်အီၤမူဒါဒ် ဒုးယၤခိၣ်တဂၤအသိး န့ၣ်လီၤ. ဖဲ ၁၉၉၂ နံၣ်န့ၣ် ဘၣ်တၢ်ဟ့ၣ်အီၤမူဒါဒ် သ... ...
တၢ်ကစီၣ်တဖၣ်
သုးခိၣ်ဒိၣ်စိ စီၤဖိလးဝ့ (ပိၤမံ) အဂ့ၢ်အကျိၤဖုၣ်ကိၥ်
၂၀၂၁ နံၣ် လါဒံၣ်စ့ဘၢၣ် ၁၃ သီသုးခိၣ်ဒိၣ်စိ စီၤဖိလးဝ့ (ပိၤမံ-စိကမီၤနီၣ်ဂံၢ်-ဂသ ၁၉၄) နုၥ်လီၤမၤတၢ်ပၢၢ်ဆၢဖဲ (၁၉၈၄) ဖဲဘုသိၣ်ကီၢ်ဆၣ်, ပၣ်ဟဲးကရူၢ် ဒီးတၢ်ဟ့ၣ်အီၤမူဒါဒ် ကရူၢ်ဂၢၤသးခိၣ်တဂၤအသိး န့ၣ်လီၤ. ဖဲ ၁၉၈၆ နံၣ် ဘၣ်တၢ်သုးထီၣ်အလီၢ်အလၤဆူ ဂၢၤသးသုးရ့ၣ် (၁) ပၢၤသုးပီးလီခိၣ် တဂၤအသိးန့ၣ်လီၤ. ဖဲ ၂၀၀၁ နံၣ်န့ၣ် ဘၣ်တၢ်ဟ့ၣ်အီၤမူဒါ လၢဃိၣ်လိၥ်တြီၤ ဒုးယၤဟီၣ်ကဝီၤ မူဒါခိၣ်တဂၤအသိး ဒီးတကတီၢ်ဃီ ဘၣ်ဟံးဃုၥ်စ့ၢ်ကီးမူဒါ လၢကီၢ်ဆၢတၢ်ရ့လိၥ်မုၥ်လိၥ် မူဒါခိၣ်တဂၤအသိး န့ၣ်လီၤ. ဖဲ ၂၀၀၃ နံၣ်န့ၣ် အဝဲဟဲက့ၤဆီလီၤအလီၢ်ဖဲ အံတူၢ်ထၣ် ဒီး တၢ်ဟ့ၣ်အီၤမူဒါလၢ ကဘၣ်ဟံးန့ၢ်မူဒါလၢ ဒဲကဝီၤတၢ်ဘံၣ်တၢ်ဘၢ န့ၣ်လီၤ. ဖဲ ၂၀၁၃ နံၣ်န့ၣ် ဘၣ်တၢ်ကိးထီၣ်က့ၤအီၤဆူ ဂၢၤသးဝဲၤလီၢ်ခိၣ်သ့ၣ် ဒီး ဘၣ်တၢ်ဟ့ၣ်အီၤမူဒါ ဒ်ဂၢၤသးဝဲၤလီၢ်ခိၣ်သ့ၣ် သုးဂ့ၢ်ဝီခိၣ် တဂၤအသိးန့ၣ်လီၤ. ၀ံၤအလီၢ်ခံ ဘၣ်တၢ်ဟ့ၣ်က့ၤအီၤမူဒါ ဒ်ဂၢၤသးခိၣ်ကျၢၢ် ၂ တဂၤအသိးန့ၣ်လီၤ. ဖဲ ၂၀၂၁ နံၣ်န့ၣ် ဘ... ...
တၢ်ကစီၣ်တဖၣ်
၂၀၂၁ နံၣ် လါနိၣ်ဝ့ဘၢၣ် တလါကတီၢ်ပူၤ တၢ်ဒုးကစီၣ်
၂၀၂၁ နံၣ် လါနိၣ်ဝ့ဘၢၣ် ၄ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤ တၢ်ပၢအဟီၣ်ကဝီၤပူၤ လါနိၣ်ဝ့ဘၢၣ် တလါအကတီၢ်ပူၤ တၢ်ဘၣ်အဂၢၢ် ခးလိၥ်သးအိၣ်ထီၣ်ဝဲ လၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA), ကညီဒီကလုၥ်ဂၢၤသးကရၢ (KNDO) ဒီး သုးမီၤစိရိၤအသုး, သုးခိးကီၢ်ဆၢအသုး (BGF) သ့ၣ်တဖၣ် အဘၢၣ်စၢၤ ခဲလၢၥ်အိၣ်ဝဲ (၂၀၉) ဘျီန့ၣ်လီၤ. သုးမီၤစိရိၤအသုး သံဝဲခဲလၢၥ် (၁၉၀) ဂၤဒီး ဘၣ်ဒိဝဲခဲလၢၥ် (၁၅၉) ဂၤန့ၣ်လီၤ. သုးမီၤစိရိၤအသုး သံအကျါ ပၣ်ဃုၥ်ဒီး သုးရ့ၣ်ခိၣ် တဂၤ, သုးရ့ၣ်ခိၣ်-၂ တဂၤ, သုးခိၣ်စိ (၄) ဂၤ, သုးစကီၤတဂၤ, သုးစကီၤဖိ တဂၤ ဒီး ဘၣ်ဒိအကျါ ပၣ်ဃုၥ်ဒီး သုးရ့ၣ်ခိၣ်တဂၤ, သုးဒ့ခိၣ် (၃) ဂၤ, သုးခိၣ်ဖိတဂၤ, သုးစကီၤဖိတဂၤန့ၣ်လီၤ. ကညီဒီကလုၥ်တၢ်ထူၣ်ဖျဲး သုးမုၢ်ဒိၣ် တကပၤ သံဝဲခဲလၢၥ် (၇) ဂၤ ဒီး ဘၣ်ဒိဝဲ (၁၀) ဂၤန့ၣ်လီၤ. ခီဖျိသုးမီၤစိရိၤအသုး ခးနါစိၤကျိဖးဒိၣ်မ့ၢ်ဂ့ၤ, ဟးဒိးလီၤမ့ၣ်ပိၢ်မ့ၢ်ဂ့ၤအဃိ ဘၣ်သံဝဲ... ...
တၢ်ကစီၣ်တဖၣ်
(၁၅) သီအကတီၢ်ပူၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤပူၤ တၢ်ဒုးကစီၣ်
ခ့ၣ်အဲၣ်ယူၣ်-လီၢ်ခၢၣ်သး ၁၇-၁၁-၂၀၂၁ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤပူၤ သုးမီၤစိရိၤအသုး, သုးခိးကီၢ်ဆၢအသုး သ့ၣ်တဖၣ် ဟူးဂဲၤအါထီၣ်ဝဲ ဒုးယၤဂ့ၢ်ဝီအတၢ်ရဲၣ်တၢ်ကျဲၤအဃိ လၢ (၁၅) သီအကတီၢ်ပူၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲလၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢအသုး အဘၢၣ်စၢၤခဲလၢၥ်အိၣ်ဝဲ (၈၇) ဘျီ ဒီး သုးမီၤစိရိၤအသုး သံဝဲ (၆၉) ဂၤအကျါပၣ်ဃုၥ်ဒီး သုးရ့ၣ်ခိၣ် (၁) တဂၤ, သုးခိၣ်စိတဂၤ ဒီး ဘၣ်ဒိဝဲ (၆၉) ဂၤအကျါပၣ်ဃုၥ်စ့ၣ်ကီးဒီး သုးခိၣ်စိ (၁) ဂၤန့ၣ်လီၤ.သုးမီၤစိရိၤအသုးသ့ၣ်တဖၣ် ခးလီၤဝဲကျိဖးဒိၣ် လၢကမျၢၢ်ဖိအဒူသဝီပူၤ, ကမျၢၢ်ဖိအတၢ်ဖံးအီၣ်မၤအီၣ်လီၢ်ကျဲ လၢ (၁၅) သီအကတီၢ်ပူၤ အိၣ်ဝဲ (၃၁) ထံၣ် ဒီး ကမျၢၢ်ဖိသံဝဲ (၁) ဂၤ ဒီး ဘၣ်ဒိဝဲ (၄) ဂၤန့ၣ်လီၤ. ...
တၢ်ကစီၣ်တဖၣ်
လါနိၣ်ဝ့ဘၢၣ်ထီၣ် (၁) သီတုၤ (၁၁) သီ ကတီၢ်ပူၤ သုးမီၤစိရိၤအသုး, သုးခိးကီၢ်ဆၢအသုး တၢ်မၤထီဒါ ဟီၣ်ခိၣ်ဖိခွဲးယၥ် ဒီး တၢ်ဒုးကစီၣ် ခ့ၣ်အဲၣ်ယူၣ်-လီၢ်ခၢၣ်သး ၁၅-၁၁-၂၀၂၁
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ် သုးက့ (၁), ကီၢ်ရ့ၣ်တီအူ သုးက့ (၂), မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤပူၤ သုးမီၤစိရိၤအသုး ဒီး သုးခိးကီၢ်ဆၢအသုးသ့ၣ်တဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤ ဒီး လီၢ်ကဝီၤတၢ်ဒိၣ်စိ တကးဘၣ် မၤဘၣ်ဒိဃုၥ်စ့ၢ်ကီးဝဲ ဟီၣ်ခိၣ်ဖိခွဲးယၥ် တၢ်မၤသ့ၣ်တဖၣ်န့ၣ်လီၤ.၅-၁၁-၂၀၂၁ နံၤ, ခ့ၣ်အဲၣ်ယူၣ် ဖၣ်အၣ်ကီၢ်ဆၣ် အဟီၣ်ကဝီၤပူၤ သုးမီၤစိရိၤအသုး ခမရ (၄၀၉) ပၥ်ဖှိၣ်ထီၣ်အသး ဒီး သုးခိးကီၢ်ဆၢ BGF-၁၀၁၄ အသုးသ့ၣ်တဖၣ် ဒီး ဟဲထီၣ်ဝဲဆူ မဲးပူၣ်သဝီဃၢၤ ဒီး ခးလီၤဝဲကျိဖးဒိၣ်ဆူ မဲးပူၣ်သဝီပူၤ ဒီး လီၤဘၣ်ဝဲ စီၤခၠံးဝ့အဟံၣ်, အဟံၣ်ခိၣ်လီၤပှီၢ်ကွံၥ်ဝဲ တကပၤန့ၣ်လီၤ.၆-၁၁-၂၀၂၁ နံၤ ခ့ၣ်အဲၣ်ယူၣ် ဖၣ်အၣ်ကီၢ်ဆၣ် အဟီၣ်ကဝီၤပူၤ သုးမီၤစိရိၤ အထံသုး အိၣ်ဖဲဃိၣ်လိၥ်ကျိ တိၤဆၢလၥ်တဖၣ် ဟဲထီၣ်ဝဲဒီးကဘီထံဒုးသုး ဆူမဲၢ်တရီလ့ ဒီး ခးနါစိၤကျိဖးဒိၣ် အထံၣ် (၃၀) အဃိ ကမျၢၢ်ဖိလၢ အိၣ်ဘူးဒီး မဲၢ်တရီလ့ တၢ်လ... ...
တၢ်ကစီၣ်တဖၣ်
၂၀၂၁ နံၣ်, လါအီးကထိဘၢၣ် တလါအကတီၢ်ပူၤ တၢ်ဒုးကဲထီၣ်ဝဲ လၢကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢအသုး အဘၢၣ်စၢၤ
ခ့ၣ်အဲၣ်ယူၣ်-လီၢ်ခၢၣ်သး ၅-၁၁-၂၀၂၁ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ဒူသထူၣ်, သုးက့ (၁) ဟီၣ်ကဝီၤ, တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၄၇) ဘျီ ဒီး သုးမီၤစိရိၤအသုး သံဝဲခဲလၢၥ် (၉၅) ဂၤ, ဘၣ်ဒိဝဲ (၈၀) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်တီအူ, သုးက့ (၂) ဟီၣ်ကဝီၤ တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၅) ဘျီ ဒီး သုးမီၤစိရိၤအသုး သံဝဲခဲလၢၥ် (၃၀) ဂၤ, ဘၣ်ဒိဝဲ (၉) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်ရ့ၣ်ချၢၣ်လွံၢ်ထူၣ်, သုးက့ (၃) ဟီၣ်ကဝီၤ တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၆) ဘျီ ဒီး သုးမီၤစိရိၤအသုး သံဝဲခဲလၢၥ် (၁၇) ဂၤ, ဘၣ်ဒိဝဲ (၃၀) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤ တလါအကတီၢ်ပူၤ တၢ်ဒုးကဲထီၣ်ဝဲ ခဲလၢၥ် (၂၀၄) ဘျီ ဒီး သုးမီၤစိရိၤအသုး သံဝဲခဲလၢၥ် (၉၃) ဂၤ, ဘၣ်ဒိဝဲ (၉၆) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်က... ...