တၢ်ကစီၣ်တဖၣ်
လၢၢ်ဒိၣ် ဒီး မုၢ်သဲၤ သိလ့ၣ်ကျဲအပူၤ တၢ်ဒုးကဲထီၣ်လၢ ကညီတၢ်ထူၣ်ဖျဲးသုးမုၢ်ဒိၣ် ဒီး ပယီၤမီၤစိရိၤသုး အဘၢၣ်စၢၤ
လါမ့ၤ ၂၆ သီ, ၂၀၂၁ နံၣ်, သူလ့ၤတၢ်ကစီၣ်ဖဲ ၂၀၂၁ နံၣ် လါမ့ၤ ၂၅ သီ, ဟါလီၤခီ ၃ နၣ်ရံၣ်အဆၢကတီၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် ဟီၣ်ကဝီၤပူၤ လၢၢ်ဒိၣ်-မုၢ်သဲၤ ကါကျဲပူၤန့ၣ် ပယီၤမီၤစိရိၤအသုးကရူၢ်တဖၣ် စိၥ်ဆှၢဝဲ အပှၤဆါ ၇ ဂၤကတီၢ် ဒီး ဖဲအတုၤလၢ ကဲၤဘါတၢ်လီၢ်န့ၣ် ဘၣ်သဂၢၢ်လိၥ်သးဒီး ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် သုးက့ ၃ သုးဖိတဖၣ်အဃိ တၢ်ဒုးကဲထီၣ်ဝဲဒၣ်န့ၣ်လီၤ.ဖဲတၢ်ဒုးကဲထီၣ်တၢ်လီၢ်န့ၣ် အိၣ်ဘူးဝဲဒၣ်ဒီး ကိၤနဲၤဝ့ ဒီး ကိၤဝ့တ့ၤ တဖၣ် အကျးအဃိ ကျိဖးဒိၣ်ကျံလီၤတဲၥ်ဝဲလၢ ကိၤနဲၤဝ့ ကျးပူၤဒီး ကျးတၢ်သူၣ်ထီၣ် ဒီး တၢ်ဖိတၢ်လံၤတဖၣ် ဟးဂီၤကွံၥ်ဝဲ တကးဘၣ် ကိၤဝ့တ့ၤ အမၢၤစ့ၢ်ကီး ဘၣ်ဒိဝဲဒီး ကျိဖးဒိၣ်အက့ န့ၣ်လီၤ. လၢန့ၣ်အမဲၥ်ညါ ကျိဖးဒိၣ်ချံတနီၤ လီၤတဲၥ်ဝဲလၢ ကမျၢၢ်တဖၣ်အကရၢၢ်ပူၤ ဒီး ပိၢ်ဖးထီၣ်ဝဲဒၣ်အိၣ်ဝဲဒၣ်စ့ၢ်ကီးန့ၣ်လီၤ. လၢပယီၤမီၤစိရိၤအသုးတဖၣ်တခီ တၢ်ဘၣ်ဒိဘၣ်ထံးအိၣ်ဒ်လဲၣ်န့ၣ်... ...
တၢ်ကစီၣ်တဖၣ်
တကီၢ်ခါ တၢ်ဒုးကဲထီၣ်လၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် ဒီး သုးမီၤစိရိၤအဘၢၣ်စၢၤ
လါမ့ၤ ၂၆ သီ, ၂၀၂၁ နံၣ်မုၢ်တြီၢ်ကီၢ်ရ့ၣ် သုးက့ ၅ အပူၤ တၢ်ဒုးကဲထီၣ်လၢ ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်ဒီး ပယီၤသုးတဖၣ်အဘၢၣ်စၢၤ ကိးမုၢ်နံၤဒဲးန့ၣ်လီၤ. တကးဒံးဘၣ် ပယီၤသုးတဖၣ် ခးလီၤကျိဖးဒိၣ်ဆူ သဝီဖိတဖၣ် တၢ်ဖံးအီၣ်မၤအီၣ်အလီၢ် ဒီး တၢ်အိၣ်တၢ်ဆိးအလီၢ်အကျဲ ကိးမုၢ်နံၤဒဲးစ့ၢ်ကီးန့ၣ်လီၤ.စးထီၣ်ဖဲ လါမ့ၤ ၅ သီ, ၂၀၂၁ နံၣ် တုၤလါမ့ၤ ၂၆ သီ, ၂၀၂၁ နံၣ် တၢ်ဒုးကဲထီၣ်ဝဲလၢ ကညီဒီကလုၥ်တၢ်ထူၣ်ဖျဲးသုး မုၢ်ဒိၣ်ဒီး ပယီၤသုးတဖၣ်အဘၢၣ်စၢၤ ခဲလၢၥ်အိၣ်ဝဲ (၁၉၃) ဘျီန့ၣ်လီၤ. ဒ်န့ၣ်အသိး ပယီၤသုးသံခဲလၢၥ်အိၣ်ဝဲ (၁၂၈) ဂၤ, ဘၣ်ဒိခဲလၢၥ်အိၣ်ဝဲ (၁၈၀) ဂၤ, ပယီၤသုးကသ့ၣ်သံခဲလၢၥ် (၁၂) ဒု ဒီး အသိလ့ၣ်ဟးဂီၤ ခဲလၢၥ် (၉) ခိၣ်န့ၣ်လီၤ. တကးဒံးဘၣ် ပယီၤသုးသံခဲလၢၥ်အကျါ ပၣ်ဃုၥ်ဝဲဒၣ်ဒီး အသုးခိၣ် ၃ ဂၤဒ်အမ့ၢ် သုးစကီၤဖိ (၁) ဂၤ, သုးခိၣ်ဖိ (၁) ဂၤ ဒီး သုးခိၣ်စိ (၁) ဂၤန့ၣ်လီၤ. လၢကညီဒီကလုၥ်တၢ်ထူၣ်ဖျဲးသုးမုၢ်ဒိၣ်တကပၤ သံဝဲဒၣ် (၂) ဂၤ, ဘၣ်ဒိဝဲ (၉) ဂၤဒ... ...
တၢ်ကစီၣ်တဖၣ်
ပယီၤသုးခးလီၤကျိဖးဒိၣ်လၢ ကမျၢၢ်တၢ်ဖံးအီၣ်မၤအီၣ်အလီၢ်
လါမ့ၤ ၂၅ သီ ၂၀၂၁ နံၣ်ဖဲမဟါတနံၤ ဟါလီၤခီ ၂း၃၀ မံးနံးဆၢကတီၢ် ပယီၤသုးကလၢၤ (တပခ-ခမရ-၂၀) အိၣ်ဆီလီၤအသး ကိကီၢ်ဒ့ ခးလီၤဝဲကျိဖးဒိၣ် ၂ ဖျၢၣ်လၢ လူၤသီကီၢ်ဆၣ်, စီၤမုၢ်ပျီကရူၢ်, ဝါခိၣ်ထၣ် ဟီၣ်ကဝီၤပူၤန့ၣ်လီၤ.ပယီၤသုးခးလီၤကျိဖးဒိၣ်အံၤ ဘၣ်ဝဲကမျၢၢ် တၢ်ဖံးအီၣ်မၤအီၣ်အလီၢ် လၢအဘူးဒီး ဝါခိၣ်ထၣ်သဝီအဃိ ဝါခိၣ်ထၣ် သဝီပှၤနီၣ်ဂံၢ်အိၣ်ဝဲ ၃၉၃ ဂၤ ဘၣ်အိၣ်ဝဲလၢ တၢ်ပျံၤတၢ်ဖုးဒီး တၢ်ဘၣ်ယိၢ်ဘၣ်ဘှီအပူၤဒိၣ်မးန့ၣ်လီၤ.ပှၤလီၢ်ကဝီၤဖိတဂၤ လၢအမ့ၢ် စီၤဒံးဆၢ စံးဝဲ "ပယီၤသုးခးကျိဖးဒိၣ်အဆၢကတီၢ် ဘၣ်ဖဲ ဖီအီၣ်တ့ၤအီၣ် ဒီး ကျိဖးဒိၣ်လီၤတဲၥ်လၢ သဝီကပၤအဃိ ပဘၣ်ပျံၤဘၣ်ဖုးတၢ် တုၤဒၣ်လဲၣ် ဖီအီၣ်တ့ၤအီၣ်က့ၤ တဘူၣ်လၢၤဘၣ်."ပယီၤသုးကလၢၤလၢ မုၢ်တြီၢ်ကီၢ်ရ့ၣ်, လူၤသီကီၢ်ဆၣ်တဖၣ် ဟူးဂဲၤအါထီၣ်ဝဲ ကိးမုၢ်နံၤဒဲး ဆှၢအါထီၣ်အပှၤဂံၢ်ဘါ စုကဝဲၤဂံၢ်ဘါ ဆှၢအါထီၣ်ဝဲ တၢ်အီၣ်ကိးမုၢ်နံၤဒဲးန့ၣ်လီၤ. ...
တၢ်ကစီၣ်တဖၣ်
တၢ်ဘၣ်သဂၢၢ် ခးလိၥ်သး အိၣ်ထီၣ်ဝဲလၢ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် ဒီး ပယီၤသုးအဘၢၣ်စၢၤ
လါမ့ၤ ၂၅ သီ, ၂၀၂၁, သူလ့ၤတၢ်ကစီၣ်ဖဲလါမ့ၤ ၂၂ သီ, ၂၀၂၁ နံၣ် အနံၤဂီၤခီ ၁၁း၄၅ မံးနံးအဆၢကတီၢ် ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် လၢအမ့ၢ် သုးက့ ၅ ဒီး သုးက့ ၃ တဖၣ်ပၥ်ဖှိၣ်ထီၣ်သးဒီး ဘၣ်သဂၢၢ်ခးဝဲပယီၤသုးလၢ အဟဲထီၣ်ဖဲဃဲဒၢကရူၢ်, လၢၢ်ပူၤထၣ်, ၀ၣ်မံၤလူၢ် ဟီၣ်ကဝီၤတဘျီဒီး ပယီၤသုး တကပၤသံဝဲ ၃ ဂၤ” ဘၣ်ဒိ ၆ ဂၤ ဒီး လၢကညီဒီကလုၥ် တၢ်ထူၣ်ဖျဲးသုးမုၢ်ဒိၣ် တကပၤ တၢ်ဘၣ်ဒိဘၣ်ထံးတအိၣ်ဘၣ် ဒီး မၤန့ၢ်ဝဲ ပယီၤသုးအစုကဝဲၤ ဒ်အမ့ၢ် (MA-1) တခိၣ် ဒီး (MA-2) တခိၣ်န့ၣ်လီၤ. မၤကဒီးဖဲ ၂၄ သီ, ၂၀၂၁ နံၣ်အနံၤ ဂီၤခီ ၁၁း၃၆ မံးနံးအဆၢကတီၢ် ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် ဒီး ပယီၤ သုးအဘၢၣ်စၢၤ ဘၣ်သဂၢၢ်ခးလိၥ်သး ကဲထီၣ်ကဒီးဖဲ ဘုသိၣ်ကီၢ်ဆၣ် ပၣ်ဟဲးကရူၢ်, ကိၤဘီဒၢ ဟီၣ်ကဝီၤတဘျီ ဒီး ပယီၤသုးဘၣ်ဒိဝဲဒၣ် ၃ ဂၤအဂ့ၢ်န့ၣ် လီၢ်ကဝီၤတၢ်ကစီၣ် ဂံၢ်ခီၣ်ထံး စံးဝဲဒၣ်န့ၣ်လီၤ.တၢ်ကဲထီၣ်ကဒီးအသးဖဲ ဟါခီ ၆း၃၀ မံး... ...
တၢ်ကစီၣ်တဖၣ်
BGF ဒီး ပယီၤသုးအတၢ်ဟူးတၢ်ဂဲၤ တကီၢ်ခါ ဖဲမုၢ်တြီၢ်ကီၢ်ရ့ၣ်, သုးက့ ၅ ဟီၣ်ကဝီၤပူၤ
လါမ့ၤ ၁၄ သီ, ၂၀၂၁ နံၣ် အနံၤ (BGF) သုးတဖၣ် ဟဲထီၣ်ဟူးဂဲၤအါထီၣ်လၢ မုၢ်တြီၢ်ကီၢ်ရ့ၣ်, သုးက့ ၅ ဟီၣ်ကဝီၤပူၤ ဒ်သုးရ့ၣ်တဖၣ် လၢအမ့ၢ် ၁၀၁၃, ၁၀၁၄, ၁၀၁၁, ၁၀၁၈, ၁၀၁၉ အပှၤနီၣ်ဂံၢ် ခဲလၢၥ်ကအိၣ် ၅၀၀ ဃၣ်ဃၣ်န့ၣ်လီၤ. တၢ်သ့ၣ်ညါဘၣ်ကဒီး ဖဲလါမ့ၤထီၣ် ၁၃ သီ, ၂၀၂၁ နံၣ် အနံၤ (BGF) သုးတဖၣ် ဟူးဂဲၤအါထီၣ်လၢ ကမးမိၢ်ပူၤ ဒီး လူၤသံကွၢ်သံဒိးတၢ်လၢ ကမျၢၢ်ထံဖိကီၢ်ဖိအကျါ အါထီၣ်ဒီး ကဲထီၣ်တၢ်ပျံၤတၢ်ဖုးလၢ ကမျၢၢ်ထံဖိကီၢ်ဖိတဖၣ်အဂီၢ်န့ၣ် လီၢ်ကဝီၤဖိ လၢတအဲၣ်ဒိးပၥ်ဖျါအမံၤတဂၤ စံးဝဲဒၣ်န့ၣ်လီၤ. "ခီဖျိ (BGF) သုးတဖၣ် ဟဲအါထီၣ် ဒီး သံကွၢ်သံဒိးတၢ်လၢ ပအိၣ်အဃိ ကဲထီၣ်တၢ်ပျံၤတၢ်ဖုးလၢ ပဝဲလီၢ်ကဝီၤဖိသ့ၣ်တဖၣ်အဂီၢ် ဒိၣ်မးန့ၣ်လီၤ. အဝဲသ့ၣ် မ့ၢ်ဆဲးမၤဝဲ တၢ်ဟူးတၢ်ဂဲၤ ဒ်သိးအံၤ ခါဆူညါဒု ကကဲထီၣ်တၢ်ကီတၢ်ခဲလၢ ပတၢ်လုၢ်အီၣ်သးသမူ ဒ်အမ့ၢ် တၢ်ထူစံၣ်မၤဝဲၤ ဒီး တၢ်ဖဲးခုးကျီနီၣ် အဂီၢ်လီၤ"မၤကဒီးဖဲ တနံၤအံၤ လါမ့ၤ ၁၄ သီ, ၂၀၂၁ နံၣ် ဖဲ ၀၉း၀၀ ဆၢကတီၢ် ပယီၤသုးကလၢၤ လၢအအိၣ်ဆီလီၤအသးဖဲ... ...
တၢ်ကစီၣ်တဖၣ်
ပယီၤသုး ခးနါစိၤတၢ်လၢကဘီယူၤ ဒီး ကမျၢၢ်ဖိဘၣ် ဃ့ၢ်မှံဟးဖျိး
ပယီၤသုး ခးနါစိၤတၢ်လၢကဘီယူၤ ဒီး ကမျၢၢ်ဖိဘၣ် ဃ့ၢ်မှံဟးဖျိးဖဲ လါအ့ဖြ့ၣ် ၂၇ သီ ၂၀၂၁ နံၣ် အနံၤ မုၢ်တြီၢ်ကီၢ်ရ့ၣ် ဘုသိၣ်ကီၢ်ဆၣ် ခီပူးကရူၢ် ဒီး ဘုအါဒၢကရူၢ် တၢ်ဆၢထံး ဖဲဖီထၣ်သဝီခံလီၤ ဖုမဲစံၥ်ပျီပူၤ ပယီၤသုး ဟဲခးလီၤတၢ်လၢ ကဘီယူၤအဃိ ကမျၢၢ်ထံဖိကီၢ်ဖိသ့ၣ်တဖၣ် ဘၣ်ဃ့ၢ်အိၣ်သဒၢအသးဆူ မံၤခိၣ်ပှၢ်ကျါ ဘၣ်ပျံၤဘၣ်ဖုးတၢ် ဒိၣ်ဒိၣ်မုၢ်မုၢ် န့ၣ်လီၤ.ပယီၤသုးခးလီၤတၢ်လၢ ကျိဖးဒိၣ် တကးဒံးဘၣ် အမဲၥ်ညါ ဟဲခးဃုၥ်တၢ်လၢ ကဘီယူၤအဃိ ကမျၢၢ်ထံဖိကီၢ်ဖိသ့ၣ်တဖၣ် အိၣ်ဒီးတၢ်ပျံၤတၢ်ဖုး တၢ်ဘၣ်ယိၣ်သးအုး တကးဒံးဘၣ်အမဲၥ်ညါ ဘၣ်ဃ့ၢ်အိၣ်သဒၢအသးဆူ တၢ်လူၢ်တၢ်တြီၤ လၢၢ်ကဆူးလ့ကဆူး အဃိ ကဲထီၣ်က့ၤတၢ်ကီတၢ်ခဲလၢ အဝဲသ့ၣ်ကဖံးအီၣ်မၤအီၣ်လၢ တၢ်လုၢ်အီၣ်နီၢ်ခိ သးသမူန့ၣ်လီၤ. တနီၤပထံၣ်ဘၣ်လၢ ဘၣ်ကွၢ်ဆၢၣ်မဲၥ်ဒီး တၢ်ကီတၢ်ခဲ တနီၤအိၣ်ဒီးဟုသး ဒၢပှၢ်ထီၣ်ဝဲ တနီၤဖိဆံးအိၣ်န့ၢ် ၂ သီအဃိ ခီဖျိတၢ်စူၤလီၤဆၢကတီၢ်အဃိ ကဲထီၣ်တၢ်ကီတၢ်ခဲ လၢမိၢ်ဖိဆံးသ့ၣ်တဖၣ် အဂီၢ်န့ၣ်လီ... ...