၇ ၀ီတဝီ ဒူသထူၣ်ကီၢ်ရ့ၣ် ကညီသးစၢ်ကရၢခီကရဲး

လါအ့ဖြ့ၣ် ၁၁ သီ ၂၀၂၃ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ကညီသးစၢ်ကရၢ ရဲၣ်ကျဲၤမၤဝဲ ခီကရဲး ၇ ၀ီတဝီ ဖဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ဘံလ့ကီၢ်ဆၣ်ဟီၣ်ကဝီၤန့ၣ်လီၤ. ဒူသထူၣ်ကီၢ်ရ့ၣ် ကညီသးစၢ်ကရၢ ခီကရဲး (၇) ဝီတဝီအံၤ ဘၣ်တၢ်စးထီၣ်မၤအီၤဖဲ လါအ့ဖြ့ၣ် ၇ သီ ဒီး ဝံၤဝဲဒၣ်ဖဲ လါအ့ဖြ့ၣ် ၈ သီအနံၤန့ၣ်လီၤ.
လၢခီကရဲးတဘျီအံၤအပူၤ ခိၣ်နၢ်လၢဟဲထီၣ် ဟ့ၣ်ကူၣ်ဟ့ၣ်ဖးတၢ်မ့ၢ်ဂ့ၤ, ဟဲဒ်ခၢၣ်စးတဖၣ်အသိးမ့ၢ်ဂ့ၤ ခဲလၢၥ်ဟဲထီၣ်ဝဲ ကအိၣ်အဂၤ (၈၀) န့ၣ်လီၤ. ခိၣ်နၢ်လၢဟဲတဖၣ် မ့ၢ်ဝဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ခိၣ်နၢ်တဖၣ်, လီၢ်ခၢၣ်သး ကညီသးစၢ်ကရၢ ခိၣ်နၢ်တဖၣ်, ဒူသထူၣ်ကီၢ်ရ့ၣ် ကညီသးစၢ်ကရၢ ခိၣ်နၢ်တဖၣ်, ဘံလ့ကီၢ်ဆၣ် ကညီသးစၢ်ကရၢ ခိၣ်နၢ်တဖၣ်, သထူၣ်ကီၢ်ဆၣ် ကညီသးစၢ်ကရၢ ခိၣ်နၢ်တဖၣ်, ကၠဲးထိၣ်ကီၢ်ဆၣ် ကညီသးစၢ်ကရၢ ခိၣ်နၢ်တဖၣ်, ဖၣ်အၣ်ကီၢ်ဆၣ် ကညီသးစၢ်ကရၢ ခိၣ်နၢ်တဖၣ် ဒီး မီၤစကိၣ်ကီၢ်ဆၣ် ကညီသးစၢ်ကရၢ ခိၣ်နၢ်တဖၣ်န့ၣ်လီၤ.
လၢခီကရဲးတဘျီအံၤအပူၤ တၢ်တၢၣ်ပီၣ်တဲသကိး ဒီး ပဲၥ်ထံနီၤဖးက့ၤဝဲ တၢ်ဖံးတၢ်မၤ တၢ်ပၥ်ဖျါတဖၣ် ဒ်ကီၢ်ဆၣ်တဘ့ၣ်စုၥ်စုၥ် ပၥ်ဖျါထီၣ်ဝဲအဖီခိၣ်အသိးန့ၣ်လီၤ. ခီကရဲးခိၣ်နၢ်ခၢၣ်စးတဖၣ် တၢၣ်ပီၣ်တဲသကိးဝဲ တၢ်မၤလၢဘၣ်တၢ်ပၥ်လီၤဃၥ်အီၤလၢ ၆ ဘျီတဘျီ ခီကရဲးအပူၤတဖၣ်, တၢ်မၤအီၤဝံၤတဝံၤအဂ့ၢ်အခၢးတဖၣ်ဝံၤ ခီကရဲးခိၣ်နၢ်တဖၣ် ဆၢတဲၥ်ပၥ်လီၤဝဲ တၢ်ဖံးတၢ်မၤ လၢခါဆူညါတၢ်မၤအဂီၢ် ၁၁ ထံၣ် လၢတၢ်ကမၤလိၣ်ထီၣ်ဖးထီၣ်အီၤဖဲ ခီကရဲး ၇ ၀ီတဝီ အံၤန့ၣ်လီၤ.
ဒူသထူၣ်ကီၢ်ရ့ၣ်, ကညီသးစၢ်ကရၢ ခီကရဲး ၇ ၀ီတဝီအံၤ တၢ်ဃုထၢပၥ်လီၤဝဲ ထီဘိကမံးတံၥ် ၂၁ ဂၤ ဒ်အဖီလၥ်အသိးန့ၣ်လီၤ.
၁. စီၤလွါမိနဲၤ
၂. စီၤညံၤညံၤထဲၣ်
၃. စီၤထူစီ
၄.စီၤတၢ်န့ၢ်သါ
၅. စီၤဆၢန့ၢ်
၆. နီၢ်ခ့ၤခ့ၤခၠ့ၣ်
၇. နီၢ်ယမ့ၤစိ
၈. နီၢ်ကၠံၤဝ့
၉. စီၤဝိၤနၣ်ထိ
၁၀. စီၤသဲပိၤ
၁၁. စီၤကၠီၣ်ဝ့ထဲၣ်
၁၂. စီၤဘိၤဘိၤစါ
၁၃. စီၤဝိၤနၣ်အီၤ
၁၄. နီၢ်စၤဒၤ
၁၅. နီၢ်ယူၣ်ယူၣ်ခဲၤ
၁၆. နီၢ်ပိအံၣ်စၤ
၁၇. စီၤကဘှဲ
၁၈. နီၢ်တ့ၤယုၣ်နွဲၤ
၁၉. နီၢ်မံမံဆူၣ်
၂၀. စီၤဆၣ်မုၢ်ဖီ
၂၁. စီၤမီၤခၠဲ
ဒူသထူၣ်ကီၢ်ရ့ၣ် ကညီသးစၢ်ကရၢ ခီကရဲး ၇ ၀ီတဝီ ဃုထၢပၥ်လီၤဝဲ ပၢဆှၢတၢ်ကမံးတံၥ်တဖၣ် ဒ်လၥ်အသိးန့ၣ်လီၤ.
၁. စီၤလွါမိနဲၤ-ကရၢခိၣ်
၂. စီၤဆၢန့ၢ်-ကရၢခိၣ်-၂
၃. စီၤတၢ်န့ၢ်သါ-နဲၣ်ရွဲၣ်
၄. စီၤထူစီ-နဲၣ်ရွဲၣ်သဃဲၤ
၅. စီၤညံၤညံၤထဲၣ်-တၢ်ကရၢကရိဒီးတၢ်ဘိးဘၣ်ရၤလီၤမူဒါခိၣ်
၆. နီၢ်ကၠံၤဝ့-ပှၤဂ့ၢ်ဝီမူဒါခိၣ်
၇. စီၤကၠီၣ်ဝ့ထဲၣ်-တၢ်ပၢၤဃၥ်ခိၣ်ဃၢၤန့ဆၢၣ်ဒီးပှၤတဝီတၢ်ဂုၤထီၣ်ပသီထီၣ်မူဒါခိၣ်
၈. နီၢ်ခ့ၤခ့ၤခၠ့ၣ်-ကျိၣ်စ့ဂ့ၢ်ဝီမူဒါခိၣ်
၉. နီၢ်ယမ့ၤစိ-ပှၤသမံသမိးစရီမူဒါခိၣ်
     တဖၣ်န့ၣ်လီၤ.