ကီၢ်ရ့ၣ်တဖၣ်
ခ့ၣ်အဲၣ်ယူၣ် - ဒူပျၥ်ယၥ်ကီၢ်ရ့ၣ် ကီးတရံးကီၢ်ဆၣ် ကီၢ်ဆၣ်ခီကရဲး (၁၀) ဝီတဝီ တၢ်မၤအီၤဝံၤဝဲအဂ့ၢ်
လါနိၣ်ဝ့ဘၢၣ် ၂၄ သီ ၂၀၂၃ နံၣ်, ခ့ၣ်အဲၣ်ယူၣ်-လီၢ်ခၢၣ်သး
ဖဲ ၂၀၂၃ နံၣ် လါနိၣ်ဝ့ဘၢၣ် ၂၀ သီတုၤ ၂၂ သီအနံၤန့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူပျၥ်ယၥ်ကီၢ်ရ့ၣ်, ကီးတရံးကီၢ်ဆၣ် တၢ်ရဲၣ်ကျဲၤမၤဝဲ ကီၢ်ဆၣ်တၢ်အိၣ်ဖှိၣ်ဖးဒိၣ် ခီကရဲး ပှဲၤထီၣ် (၁၀) ဝီတဝီ အတၢ်ရဲၣ်တၢ်ကျဲၤန့ၣ်လီၤ. ကီၢ်ဆၣ်တၢ်အိၣ်ဖှိၣ်ဖးဒိၣ်အံၤ ဒ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ဘျၢခိၣ်သ့ၣ် ကွဲးပၥ်အသိး တၢ်ဘၣ်မၤအီၤ ၄ နံၣ်တဘျီအဃိ တၢ်မၤအီၤလၢ ၃ သီအတီၢ်ပူၤ ဒီး ဝံၤဝဲဒၣ်လံန့ၣ်လီၤ. ကီၢ်ဆၣ်တၢ်အိၣ်ဖှိၣ်ဖးဒိၣ်အံၤ အိၣ်ဃုၥ် စ့ၢ်ကီးဒီး တၢ်ဃုထၢထီၣ် ခိၣ်နၢ်အသီ ဒီး တၢ်ဃုထၢအံၤ ဘၣ်တၢ်တီခိၣ်ရိၣ်မဲအီၤလၢ ကီၢ်ရ့ၣ်ခိၣ်နၢ် ပှၤဘၣ်မူဘၣ်ဒါတဖၣ် ဒီး ဒ်ခ့ၣ်အဲၣ်ယူၣ်-ကညီဒီကလုၥ်စၢ ဖှိၣ်ကရၢ တၢ်ဘျၢခိၣ်သ့အသိး တၢ်ဃုထၢထီၣ်ဝဲ ကီၢ်ဆၣ်ခိၣ်နၢ် ပှၤဘၣ်မူဘၣ်ဒါတဖၣ် န့ၣ်လီၤ.
တၢ်အိၣ်ဖှိၣ်ဖးဒိၣ်အံၤအပူၤ ဒ်ခ့ၣ်အဲၣ်ယူၣ် တၢ်ဘျၢခိၣ်သ့ၣ်အိၣ်ပၥ်အသိး တၢ်ဃုထၢထီၣ်ဝဲ ကီၢ်ဆၣ်ခိၣ်နၢ်ဒိၣ်ထီ ၅ ဂၤလၢအမ့ၢ် (၁) ပဒိၣ်စီၤဖါတယါ-ကီၢ်ဆၣ်ခိၣ်, (၂) သုးခိၣ်ဒိၣ်ဂီၢ်ဂ့ၢ် စီၤစါတ့ၤ-ကီၢ်ဆၣ်ခိၣ်-၂, (၃) ပဒိၣ်မါမၠၣ်အ့-နဲၣ်ရွဲၣ်, (၄) ပဒိၣ်စီၤဟဲခု-နဲၣ်ရွဲၣ်သဃဲၤ, (၅) ပဒိၣ်နါယ့ၤမ့လွ့ၤ-စံၣ်ညီၣ်ကွီၢ် ခိၣ် တဖၣ်န့ၣ်လီၤ.
ကီၢ်ဆၣ်တၢ်အိၣ်ဖှိၣ်ဖးဒိၣ် ခီကရဲးတဘျီအံၤ ခိၣ်နၢ်ခၢၣ်စး ခဲလၢၥ်ဟဲထီၣ်ဝဲဒၣ် (၁၂၆) ဂၤန့ၣ်လီၤ. တၢ်ဃုထၢထီၣ်ဝဲ ကီၢ်ဆၣ်ထီဘိကမံးတံၥ် ၃၀ ဂၤအကျါ ပိၥ်မုၣ်ပၣ်ဃုၥ်ဝဲ ၁၁ ဂၤန့ၣ်လီၤ. ဒ်န့ၣ်အသိး တၢ်ပၢတၢ်ပြး တၢ်ဖံးတၢ်မၤ လၢအမ့ၢ် ဝဲၤကျိၤဝဲၤဒ့ ဒီး ထီဘိကမံးတံၥ်တဖၣ် အကျါ ပှၤသူၣ်ဘီၣ်သးစၢ်တဖၣ် အတၢ်ပၥ်ဃုၥ်ပၣ်ဂီၢ် အါထီၣ်ဝဲ ဒီးဝဲၤကျိၤတဖၣ် အါတက့ၢ် ဘၣ်တၢ်တီခိၣ်ရိၣ်မဲအီၤလၢ သးစၢ်တဖၣ်န့ၣ်လီၤ.
တၢ်ဟူးတၢ်ဂဲၤလၢအဘၣ်ထွဲတဖၣ်
