ဒူပျၥ်ယၥ်ကီၢ်ရ့ၣ်ပူၤ တၢ်ရဲၣ်ကျဲၤမၤဝဲ တၢ်တၢၣ်ပီၣ်တဲသကိး ဘၣ်ထွဲ ဟီၣ်ခိၣ်ကမံးတံၥ်ကမံးတံၥ် အတၢ်ဖံးတၢ်မၤ ဒီး သ့ၣ်ပှၢ်ဝဲၤကျိၤ အတၢ်ဖံးတၢ်မၤ အတၢ်ရဲၣ်တၢ်ကျဲၤ ဝံၤဝဲအဂ့ၢ်

Notice

"From the Karen National Political Dialogue to ward the Political Will of the Karen National"

"From the Karen National Political Dialogue to establish a Federal Democratic Union"

တၢ်ဂ့ၢ်အလၢအပှဲၤ

ဒူပျၥ်ယၥ်ကီၢ်ရ့ၣ်ပူၤ တၢ်ရဲၣ်ကျဲၤမၤဝဲ တၢ်တၢၣ်ပီၣ်တဲသကိး ဘၣ်ထွဲ ဟီၣ်ခိၣ်ကမံးတံၥ်ကမံးတံၥ် အတၢ်ဖံးတၢ်မၤ ဒီး သ့ၣ်ပှၢ်ဝဲၤကျိၤ အတၢ်ဖံးတၢ်မၤ အတၢ်ရဲၣ်တၢ်ကျဲၤ ဝံၤဝဲအဂ့ၢ်

လါအီးကထိဘၢၣ် ၃၀ သီ, ၂၀၂၃ နံၣ်, ခ့ၣ်အဲၣ်ယူၣ်-လီၢ်ခၢၣ်သး

ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤပူၤ ဒူပျၥ်ယၥ်ကီၢ်ရ့ၣ် သုးက့ (၆), နိၣ်တကီကီၢ်ဆၣ်ပူၤ တၢ်မၤဝဲ ဟီၣ်ခိၣ်ကပံၥ်ကမံးတံၥ် ဒီး သ့ၣ်ပှၢ်ဝဲၤကျိၤ တၢ်ဖံးတၢ်မၤဘၣ်ထွဲတဖၣ် တၢ်တၢၣ်ပီၣ်တဲသကိးအမူးတကတီၢ် ဖဲ ၂၀၂၃ နံၣ် လါအီးကထိဘၢၣ် ၂၃ သီ တုၤ ၂၆ သီအနံၤန့ၣ်လီၤ. တၢ်တၢၣ်ပီၣ်တဲသကိးတဘျီအံၤ ဘၣ်တၢ်ရဲၣ်ကျဲၤမၤအီၤလၢ ၄ သီအတီၢ်ပူၤ ဒီးဝံၤဝဲဒၣ် ဂ့ၤဂ့ၤဘၣ်ဘၣ်န့ၣ်လီၤ.

လၢတၢ်တၢၣ်ပီၣ်တဲသကိးတဘျီအံၤ တၢ်တၢၣ်ပီၣ်တဲသကိးဝဲ ဘၣ်ဃး ဟီၣ်ခိၣ်ကပံၥ်ကမံးတံၥ် ပှၤမၤသကိးတၢ် လၢလီၢ်ခၢၣ်သး ဒီးကီၢ်ရ့ၣ်ပတီၢ်တဖၣ် အတၢ်ဖံးတၢ်မၤအမူအဒါ, တၢ်ကဒုးအိၣ်ထီၣ် တၢ်ဘှါရှဲဟီၣ်ခိၣ်ကပံၥ်တၢ်ဂ့ၢ်ကီ ကရူၢ်တဖု, ဟီၣ်ခိၣ်ကပံၥ် တၢ်ဂ့ၢ်ကီလၢအအိၣ်ထီၣ်တဖၣ် တၢ်ကတနီၤဖးအီၤအပတီၢ် ဒ်သိးတၢ်ကဘှါရှဲအီၤ လၢကီၢ်ရ့ၣ်ပတီၢ် ဒီး လီၢ်ခၢၣ်သးပတီၢ် ကသ့အဂီၢ်, တၢ်ဘှါရှဲဟီၣ်ခိၣ်ကပံၥ် တၢ်ဂ့ၢ်ကီကရူၢ် အတၢ်မၤမူဒါသ့ၣ်တဖၣ် တၢ်ကသ့ၣ်ညါနၢ်ပၢၢ်အီၤ တုၤလီၤတီၤလီၤအဂီၢ် ဒီး ခါဆူညါတၢ်ဖံးတၢ်မၤလၢ တၢ်ပၥ်လီၤဃၥ်လၢ တၢ်ကမၤလိၣ်ထီၣ်ဖးထီၣ်အီၤတဖၣ် ကီၢ်သူလ့ၤ စံၥ်ပှဲၤသူၣ်ဖျးဝဲၤကျိၤ ဝဲၤကျိၤခိၣ် ပဒိၣ်စီၤလ့ၣ်စ့ ကတိၤတဲရှဲဝဲဒၣ်န့ၣ်လီၤ. ဝံၤအလီၢ်ခံ ဝဲၤကျိၤဘၣ်ထွဲတဖၣ် အတၢ်သံကွၢ်လၢအဘၣ်ထွဲ ဒီးဟီၣ်ခိၣ်ကပံၥ်အဂ့ၢ်အကျိၤတဖၣ်န့ၣ် ပဒိၣ်စီၤလ့ၣ်စ့ စံးဆၢက့ၤဝဲန့ၣ်လီၤ.

ဒ်န့ၣ်အသိး သ့ၣ်ပှၢ်ဝဲၤကျိၤ ပှၤဘၣ်မူဘၣ်ဒါတဖၣ်စ့ၢ်ကီး ပၥ်ဖျါထီၣ်ဝဲ အတၢ်ဖံးတၢ်မၤတဖၣ်, သ့ၣ်ပှၢ်အတၢ်တိၥ်ကျဲၤတဖၣ်, ၄ နံၣ်အတီၢ်ပူၤ တၢ်ပၥ်လီၤတၢ်ပညိၣ် (၆) ထံၣ် လၢတၢ်ကမၤဖျါထီၣ်အီၤတဖၣ်, သ့ၣ်ပှၢ် ဒီး ဟီၣ်လၥ်တၢ်ထူးတၢ်တီၤတဖၣ် တၢ်ရဲၣ်သဲကတီၤတီခိၣ်ရိၣ်မဲအီၤအက့ၢ်အဂီၤ, တၢ်ဟ့ၣ်တၢ်သ့ၣ်ညါနၢ်ပၢၢ် တၢ်ဖံးတၢ်မၤတဖၣ်ဒီး တၢ်ဖံးတၢ်မၤတၢ်ကသ့ဒိၣ်ထီၣ်အဂီၢ် တၢ်မၤအါထီၣ်ပှၤကညီကံံၢ်စီ တၢ်ရဲၣ်တၢ်ကျဲၤတဖၣ် ပၥ်ဖျါဒုးသ့ၣ်ညါဝဲဒၣ်န့ၣ်လီၤ. တကးဒံးဘၣ် ဘၣ်ထွဲဒီးတၢ်ဒီသဒၢ တၢ်ဖိတၢ်လံၤ လၢအဘူးကလီၤတူၥ်တဖၣ်, ခ့ၣ်အဲၣ်ယူၣ်ဟီၣ်ကဝီၤပူၤ တၢ်ကမၤဂ့ၤထီၣ်ဆူၣ်ထီၣ် တၢ်ဒီသဒၢသ့ၣ်ပှၢ် တၢ်ဟူးတၢ်ဂဲၤအဂ့ၢ်အခၢးတဖၣ် ကီၢ်သူလ့ၤသ့ၣ်ပှၢ်ဝဲၤကျိၤ ဝဲၤကျိၤခိၣ် ပဒိၣ်မါဘးထိ ကတိၤရှဲပၠးဝဲဒၣ်န့ၣ်လီၤ.

တၢ်ပၢဆှၢရဲၣ်ကျဲၤထံကျိထံကွၥ် ဒီးခီၣ်တဃၥ်ကျဲတနူတဖၣ်, အတၢ်ပညိၣ်ဒီး တၢ်ဒီသဒၢအီၤ ဒ်သိးတၢ်သုတမၤလၢၥ်ဂီၤကလီအဂီၤတဂ့ၤ, တၢ်လီၢ်လၢတၢ်ကြၢးဒီသဒၢအီၤ ဒီး တၢ်ရဲၣ်သဲကတီၤက့ၢ်ဂီၤ တၢ်တိၥ်ကူၣ်ကျဲၤခိၣ်သ့ၣ်တဖၣ် တၢ်ပၥ်ဖျါဒုးသ့ၣ်ညါအီၤဝံၤ ဝဲၤကျိၤဘၣ်ထွဲတဖၣ် အတၢ်သံကွၢ်သံဒိးန့ၣ် ပှၤဘၣ်မူဘၣ်ဒါ လၢဝဲၤကျိၤဒၣ်ဝဲတဖၣ်စုၥ်စုၥ် စံးဆၢက့ၤဝဲဒၣ်န့ၣ်လီၤ.

တၢ်မၤမူဒါတပတီၢ်ဘၣ်တပတီၢ် ဒီးတၢ်ဆီၣ်ထွဲမၤစၢၤ တၢ်ဖံးတၢ်မၤတဖၣ်အဂီၢ် တၢ်သိၣ်တၢ်သီတၢ်ဘျၢ လၢတၢ်ကဘၣ်လူၤပိၥ်မၤထွဲအီၤတဖၣ် တၢ်ပၥ်ဖျါဒုးသ့ၣ်ညါဝဲန့ၣ်လီၤ. ဟီၣ်ခိၣ်ကပံၥ်ကမံးတံၥ် ဒီးသ့ၣ်ပှၢ်ဝဲၤကျိၤ တၢ်ဖံးတၢ်မၤဘၣ်ထွဲတဖၣ် တၢ်ပၥ်ဖျါဒုးသ့ၣ်ညါအီၤဆူ ကီၢ်ရ့ၣ်ပှၤဘၣ်မူဘၣ်ဒါတဖၣ် လၢ (အီၣ်လဲ) အပူၤ ဝံၤဝဲလံဘၣ်ဆၣ် မ့မ့ၢ်တၢ်လီၤလၢပျီပူၤ ဒီးဒုးသ့ၣ်ညါ လၢမဲၥ်သကိးမဲၥ် တၢ်ထံၣ်လိၥ်အိၣ်သကိးန့ၣ် တၢ်မၤအီၤဝံၤဒၣ်ထဲ ကီၢ်ရ့ၣ် ၂ ဘ့ၣ်ဧိၤ လၢအပၣ်ဃုၥ်ဒီး ဒူပျၥ်ယၥ်ကီၢ်ရ့ၣ် အံၤန့ၣ်လီၤ.

တၢ်တၢၣ်ပီၣ်တဲသကိး ဒီး တၢ်ပၥ်ဖျါဒုးသ့ၣ်ညါတၢ်ရဲၣ်တၢ်ကျဲၤတဘျီအံၤ ကီၢ်သူလ့ၤသ့ၣ်ပှၢ်ဝဲၤကျိၤ ဝဲၤကျိၤခိၣ် ပဒိၣ်မါဘးထိ, ကီၢ်သူလ့ၤ စံၥ်ပှဲၤသူၣ်ဖျးဝဲၤကျိၤ ဝဲၤကျိၤခိၣ် ပဒိၣ်စီၤလ့ၣ်စ့, ဒူပျၥ်ယၥ်ကီၢ်ရ့ၣ် နဲၣ်ရွဲၣ် ပဒိၣ်စီၤလံးစတၢၣ်, သုးက့ (၆) သုးက့ခိၣ် သုးခိၣ်ကျၢၢ်ဖိ စီၤကိၣ်ထူ, ဒူပျၥ်ယၥ်ကီၢ်ရ့ၣ်, ကီၢ်ဆၣ်ပူၤ သ့ၣ်ပှၢ်ဝဲၤကျိၤ ပှၤဘၣ်မူဘၣ်ဒါတဖၣ်, စံၥ်ပှဲၤသူၣ်ဖျးဝဲၤကျိၤ ပှၤဘၣ်မူဘၣ်ဒါတဖၣ်, ဟီၣ်ခိၣ်ကပံၥ်ကမံးတံၥ် ပှၤဘၣ်မူဘၣ်ဒါတဖၣ် ဒီး ဘုၣ်ဖီၣ်မၤညၣ်ဝဲၤကျိၤ ပှၤဘၣ်မူဘၣ်ဒါတဖၣ် ခဲလၢၥ် (၅၀) ဘျဲၣ် ဟဲထီၣ်ဝဲတၢ်တၢၣ်ပီၣ်တဲသကိးဒီး တၢ်ဒုးသ့ၣ်ညါ တၢ်ရဲၣ်တၢ်ကျဲၤ တဘျီအံၤန့ၣ်လီၤ.