၂၀၂၂ နံၣ်, လါမ့ၤ ၂၁ သီ, ခ့ၣ်အဲၣ်ယူၣ်-လီၢ်ခၢၣ်သး
သုးမီၤစိရိၤအသုး လၢသုးရ့ၣ်ခိၣ် သုးခိၣ်စိ စ့ၤယၤလ့ တီခိၣ်ရိၣ်မဲဝဲ သုးကရူၢ်တဖၣ် လၢအမ့ၢ် ခမရ-၃၅၁, ခမရ-၄၃၉, ခလရ-၆၀, (ပၠူၤစီထံ) ဒီး (ပၠံၤသူၣ်စ့ၣ်) အသုးပၥ်ဖှိၣ်တဖၣ် နုၥ်လီၤဟူး ဂဲၤဝဲဒၣ်လၢ ချၢၣ်လွံၣ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် အ့နဲၣ်ကရူၢ် ဒီး နယွဲပ့ၤကရူၢ်တဖၣ်အပူၤ ဆီလီၤဝဲအသုးဖဲ ညီၤကိသဝီပူၤ ဝံၤ ဖဲလါမ့ၤ ၂၀ သီ ဂီၤ ၁၁ နၣ်ရံၣ် ၄၅ မံးနံး အဆၢကတီၢ် ခးလီၤဝဲကျိဖိ ကျိဖးဒိၣ် ဒီး ကျိစဲးတဖၣ်ဆူ နယွဲပ့ၤ သဝီပူၤ တပယူၥ်ဃီ တံၥ်တၥ် ၃ နၣ်ရံၣ်ဃၣ်ဃၣ်န့ၣ်လီၤ. ခးဝဲကျိတပယူၥ်ဃီ ယံၥ်ဝဲ ၃ နၣ်ရံၣ်အတီၢ်ပူၤဝံၤ ပတူၥ်ဝဲတခီနၣ်ရံၣ် ဒီး ခးကဒီးဝဲကျိ တခီနၣ်ရံၣ်တဘျီ တုၤဝဲဒၣ်လၢ မုၢ်နၤခီ ၂ နၣ်ရံၣ် အဆၢကတီၢ်န့ၣ်လီၤ.
ခီဖျိလၢ သုးမီၤစရိၤအသုးတဖၣ် ခးနါစိၤကျိဒ်အံၤအဃိ ဘၣ်ဝဲသဝီဖိ ၂ ဂၤ ဒီး ဆၣ်ဖိကီၢ်ဖိတဖၣ်န့ၣ်လီၤ. စီၤကၠီၣ်ဝ့ ဒီး နီၢ်ဒူဒူ အဖိခွါ စီၤထိသ့ၣ်စၤ သးနံၣ် (၁၆) နံၣ်ကျိဘၣ်အကိၥ်ဘိအဃိ တၢ်ဘၣ်ယိၢ်အိၣ်ဝဲဒၣ်န့ၣ်လီၤ. ဒ်န့ၣ်အသိး စီၤမီၣ်စဲၣ် ဒီး နီၢ်လၣ်မၠ့ၣ် အဖိခွါ စီၤထိထိစဲၣ် သးနံၣ် (၃၈) နံၣ်တဂၤစ့ၢ်ကီး ကျိဘၣ်ဝဲအခီၣ်န့ၣ်လီၤ. တကးဒံးဘၣ် ဒူဖိသဝီဖိ အတၢ်ဖိတၢ်လံၤ လၢအမ့ၢ် မဲၥ်တဲးလဲး ၂ ဒု ဒီး ကျီၢ် ၁ ဒု ဘၣ်ကျိအဃိ သံဝဲဒၣ်န့ၣ်လီၤ.
ခီဖျိလၢ သုးမီၤစိရိၤအသုးတဖၣ် ခးကျိဒ်အံၤအဃိ နယွဲပ့ၤသဝီ, ညီၤကိသဝီ ဒီး ကၠိၤကိသဝီ ကမျၢၢ်နီၣ်ဂံၢ် (၁၁၁၀) ဂၤ ဘၣ်ဃ့ၢ်အိၣ်လၢ တၢ်ပူၤဖျဲးအလီၢ်န့ၣ်လီၤ.