သုးမီၤစိရိၤ လၢအဟံးန့ၢ်ဆူၣ် ထံကီၢ်တၢ်စိတၢ်ကမီၤတဖုအံၤ အသုးတဖၣ် ဟဲခးဝဲ မုၢ်တြီၢ်ကီၢ်ရ့ၣ် ဝဲၤလီၢ်ခိၣ်သ့ၣ်လၢ ဒုးသုးကဘီယူၤ

လါမးရှး ၂၈ သီ, ၂၀၂၁ နံၣ်, သူလ့ၤတၢ်ကစီၣ်
ဖဲလါမးရှး ၂၇ သီ, ၂၀၂၁ နံၣ် ဟါခီ ၇ နၣ်ရံၣ် ဒီး တုၤလၢ ၂၈ သီဂီၤခီ ၂ နၣ်ရံၣ် အဆၢကတီၢ် သုးမီၤစိရိၤ အကဘီယူၤဒုးသုးခံဘ့ၣ် ဟဲခးဝဲ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ ၅ ၀ဲၤလီၢ်ခိၣ်သ့ၣ် န့ၣ်လီၤ. လၢမီၤစိရိၤသုး ဟဲခးလီၤတၢ်တဘျီအံၤ ဘၣ်အူထီၣ်ဝဲ ဟံၣ်တဖျၢၣ်, ပှၤအိၣ်လၢဟံၣ်ပူၤတဂၤ တၢ်ဘၣ်ဃုၥ်အီၤအဃိ သံတ့ၢ်ဝဲဖဲန့ၣ် ဒီး မ့ၣ်အူအီၣ်ထီၣ်ကွံၥ်အီၤန့ၣ်လီၤ. တကးဒံးဘၣ် ကမျၢၢ်အဂၤတဖၣ်စ့ၢ်ကီး ဘၣ်ဒိဘၣ်ထံး ဒီး သံဝဲအိၣ်ဝဲဒၣ်န့ၣ်လီၤ.