တၢ်ကစီၣ်တဖၣ်
သုးမီၤစိရိၤအသုး ခလရ-၂၀ သုးရ့ၣ်ခိၣ်-၂ နၤဒၣ်အီၣ် တီခိၣ်ရိၣ်မဲ သုးကရူၢ်တဖၣ် ဖီၣ်ဝဲ ရွ့ၣ်ခါမိ သဝီဖိ ဒီဖိပၢ်ခံဂၤ အဂ့ၢ်
၂၀၂၂ နံၣ် လါမ့ၤ ၂၅ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ် - ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ်, ဒလၤစ့ၣ်ကရူၢ်, ရွ့ၣ်ခါသဝီဖိ ဒီဖိပၢ်ခံဂၤ လၢအမ့ၢ် မီၣ်ကၠီၣ်မ့စိ (သးနံၣ် ၄၅) နံၣ် ဒီး အဖိခွါ မီၣ်ထဲၣ်လ့စိ (ကိး) ဖိတီၤယိ (သးနံၣ် ၂၀) နံၣ် တဖၣ် သုးမီၤစိရိၤအသုး ဖီၣ်အဝဲသ့ၣ် ဖဲ ၂၀၂၂ နံၣ်, လါမ့ၤ ၂၃ သီ, ဟါခီ ၄ နၣ်ရံၣ် ဖဲလၢ သုးမီၤစိရိၤအသုး အသုးရ့ၣ်ခိၣ်-၂ နၤဒၣ်အီၣ် အသုးတဖၣ် လဲၤဟ့ၣ်လံၥ်ကွဲမုၥ်လၢ ကၠိကၠံသဝီ အဆၢကတီၢ် ဖီၣ်ဝဲဒၣ်သဝီဖိ ၂ ဂၤအံၤန့ၣ်လီၤ.သုးမီၤစိရိၤအသုးတဖၣ် စံးဝဲဒၣ်လၢ ပှၤဒီဖိပၢ်ခံဂၤအံၤ မ့ၢ်ပှၤလၢ အစံၣ်လီၤ (PDF) တၢ်မၤလိ ဒီး ခီဖျိ တၢ်ဖီခိၣ်တၢ်နဲၣ်လီၤအဃိ တၢ်ဖီၣ်ဝဲပှၤခံဂၤအံၤလီၤ အဂ့ၢ် ပှၤလၢအဘူးဒီး ပှၤလၢတၢ်ဖီၣ်အီၤတဖၣ် စံးဝဲဒၣ်န့ၣ်လီၤ. ပှၤဒီဖိပၢ်ခံဂၤအံၤ မ့ၢ်ပှၤပတီၢ်မုၢ် ဒီး ဖံးအီၣ်မၤအီၣ်ဒၣ် လၢတနံၤဘၣ်တနံၤ န့ၣ်လီၤ. ဒီး အဝဲသ့ၣ် နုၥ်လီၤမၤလဲအီၣ်ဝဲတၢ်ဖဲ တၢ်ခူၣ်ထူအလီၢ် ဖဲ ခ့ၣ်အဲၣ်ယူၣ်- ကညီ... ...
တၢ်ကစီၣ်တဖၣ်
သုးမီၤစိရိၤအသုး ခမရ-၄၃၄ အပှၤသုးဖိတဖၣ် နုၥ်လီၤဃုဘံဘူတၢ်လၢ ကမျၢၢ်ဟံၣ်ပူၤဃီပူၤ
၂၀၂၂ နံၣ်, လါမ့ၤ ၂၃ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ် ဒၤလၣ်စ့ၣ်ကရူၢ်ပူၤ သဝီလၢအမ့ၢ် လ့ၤပ့ၤဝဲသဝီ, ၀ဲမူသဝီ, အလဲၤကၠိသဝီ ဒီး သ့ၣ်ဖးယီတါသဝီ တဖၣ်အပူၤ သုးမီၤစိ ရိၤအသုး ခမရ-၄၃၄ အသုးတဖၣ် နုၥ်လီၤဟူးဂဲၤဝဲ ဒီး ဖဲအဝဲသ့ၣ်နုၥ်လီၤလၢ သ့ၣ်ဖးယီတါသဝီပူၤအဆၢကတီၢ် နုၥ်လီၤဃုဝဲတၢ်လၢ ဖါတံၢ်မီၣ်မီၣ်လ့ ဒီး ဖါတံၢ် မီၣ်အ့လဲၤ အဟံၣ်တဖၣ်အပူၤန့ၣ်လီၤ.ဒူဖိသဝီဖိတဖၣ် ဖဲအထံၣ်ဝဲ သုးမီၤစိရိၤအသုး နုၥ်လီၤလၢ သဝီပူၤ ဒီး အဝဲသ့ၣ်တဖၣ် ပျံၤတၢ်ဖုးတၢ်အဃိ ဃ့ၢ်ဝဲဒၣ် ဒီး သုးမီၤစိရိၤအသုးတဖၣ် လူၤဖီၣ်သဝီဖိလၢအဃ့ၢ်တဖၣ် အဂ့ၢ်သ့ၣ်ညါဘၣ်န့ၣ်လီၤ.စးထီၣ်ဖဲ ၂၀၂၂ နံၣ် လါမ့ၤ ၁၂ သီအနံၤန့ၣ် သုးမီၤစိရိၤအသုးတဖၣ် နုၥ်လီၤဟူးဂဲၤဝဲ လၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ် ဟီၣ်ကဝီၤအပူၤ ဒီး ခးလီၤဝဲကျိ ဖးဒိၣ်ကျိဖိတဖၣ် လၢသဝီပူၤအိၣ်ဝဲဒၣ်န့ၣ်လီၤ. ...
တၢ်ကစီၣ်တဖၣ်
သုးမီၤစိရိၤအသုးတဖၣ် ခးနါစိၤဝဲကျိဖိကျိဖးဒိၣ် သ့ၣ်တဖၣ်အဃိ ဘၣ်သံဝဲကမျၢၢ်ဖိ ၂ ဂၤဒီး ဆၣ်ဖိကီၢ်ဖိတဖၣ်
၂၀၂၂ နံၣ်, လါမ့ၤ ၂၁ သီ, ခ့ၣ်အဲၣ်ယူၣ်-လီၢ်ခၢၣ်သးသုးမီၤစိရိၤအသုး လၢသုးရ့ၣ်ခိၣ် သုးခိၣ်စိ စ့ၤယၤလ့ တီခိၣ်ရိၣ်မဲဝဲ သုးကရူၢ်တဖၣ် လၢအမ့ၢ် ခမရ-၃၅၁, ခမရ-၄၃၉, ခလရ-၆၀, (ပၠူၤစီထံ) ဒီး (ပၠံၤသူၣ်စ့ၣ်) အသုးပၥ်ဖှိၣ်တဖၣ် နုၥ်လီၤဟူး ဂဲၤဝဲဒၣ်လၢ ချၢၣ်လွံၣ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ် အ့နဲၣ်ကရူၢ် ဒီး နယွဲပ့ၤကရူၢ်တဖၣ်အပူၤ ဆီလီၤဝဲအသုးဖဲ ညီၤကိသဝီပူၤ ဝံၤ ဖဲလါမ့ၤ ၂၀ သီ ဂီၤ ၁၁ နၣ်ရံၣ် ၄၅ မံးနံး အဆၢကတီၢ် ခးလီၤဝဲကျိဖိ ကျိဖးဒိၣ် ဒီး ကျိစဲးတဖၣ်ဆူ နယွဲပ့ၤ သဝီပူၤ တပယူၥ်ဃီ တံၥ်တၥ် ၃ နၣ်ရံၣ်ဃၣ်ဃၣ်န့ၣ်လီၤ. ခးဝဲကျိတပယူၥ်ဃီ ယံၥ်ဝဲ ၃ နၣ်ရံၣ်အတီၢ်ပူၤဝံၤ ပတူၥ်ဝဲတခီနၣ်ရံၣ် ဒီး ခးကဒီးဝဲကျိ တခီနၣ်ရံၣ်တဘျီ တုၤဝဲဒၣ်လၢ မုၢ်နၤခီ ၂ နၣ်ရံၣ် အဆၢကတီၢ်န့ၣ်လီၤ.ခီဖျိလၢ သုးမီၤစရိၤအသုးတဖၣ် ခးနါစိၤကျိဒ်အံၤအဃိ ဘၣ်ဝဲသဝီဖိ ၂ ဂၤ ဒီး ဆၣ်ဖိကီၢ်ဖိတဖၣ်န့ၣ်လီၤ. စီၤကၠီၣ်ဝ့ ဒီး နီၢ်ဒူဒူ အဖိခွါ စီၤထိသ့ၣ်စၤ သးနံၣ် (၁၆) နံၣ်ကျိဘၣ်အကိၥ်ဘိအဃိ တၢ်ဘၣ်ယိၢ်အိၣ်ဝဲဒၣ... ...
တၢ်ကစီၣ်တဖၣ်
သုးမီၤစိရိၤအသုး ဒီး သုးခိးကီၢ်ဆၢ (BGF) တဖၣ်ဃ့န့ၢ်ဆူၣ် ကမျၢၢ်ထံဖိကီၢ်ဖိ အစ့ ဒီး မၤဘၣ်ဒိပှၤဟီၣ်ခိၣ်ဖိခွဲးယၥ် အိၣ်ထီၣ်လၢ ဖၣ်အၣ်ကီၢ်ဆၣ်အပူၤ
လါမ့ၤ ၁၃ သီ ၂၀၂၂ နံၣ်, ဒူသထူၣ်ကီၢ်ရ့ၣ်သုးမီၤစိရိၤအသုး ဒီး သုးခိးကီၢ်ဆၢ (BGF) လၢအအိၣ်လၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ဖၣ်အၣ်ကီၢ်ဆၣ်, မ့ၣ်ထံၤလၤ (ဖယါကိ (BGF) သုးကလၢၤ) တဖၣ် ဖဲလါမ့ၤ ၁၂ သီ အနံၤန့ၣ် ကိးထံၣ်ဝဲ သဝီ ၁၅ ဖျၢၣ် အသဝီသးပှၢ်တဖၣ် ဒီး ဃ့န့ၢ်ဆူၣ်ဝဲ ကျိၣ်စ့လၢ သဝီသးပှၢ်တဖၣ် အအိၣ်န့ၣ်လီၤ."ဖဲလါမ့ၤ ၁၂ သီအနံၤန့ၣ် (BGF-၁၀၁၄) အသုး လၢအအိၣ်လၢ မ့ၣ်ထံၤလၤသုးကလၢၤတဖၣ် ကိးထံၣ်ဝဲ သဝီ ၁၅ ဖျၢၣ် အသဝီသးပှၢ်တဖၣ် ဒီး ဃ့န့ၢ်ဆူၣ်ဝဲ သဝီသးပှၢ် လၢကဟ့ၣ်အီၤစ့ (၁၄၃) ကလီၢ် န့ၣ်လီၤ. စ့အံၤ တၢ်ကဘၣ်ဟ့ၣ်အီၤ လၢ ၃ သီအတီၢ်ပူၤန့ၣ်လီၤ. ဃ့စ့ဒီး ဒုးနဲၣ်ဃုၥ်ဒီးကျိဒီး၀ၣ်အဃိ ပှၤတဟ့ၣ်အီၤဘၣ်ဒု တမ့ၢ်ပှၤအိၣ်တဘူၣ်ဘၣ်. ကတီၢ်ခဲအံၤ လၢထံဖိကီၢ်ဖိအဂီၢ် မ့ၢ်စ့ၢ်ကီးတၢ်ဃံးတၢ်စ့ၤ အဆၢကတီၢ်အဃိ ကဲထီၣ်တၢ်ကီတၢ်ခဲလၢ အဝဲသ့ၣ်အဂီၢ်လီၤ" အဂ့ၢ်န့ၣ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ဒူသထူၣ်ကီၢ်ရ့ၣ်, ဖၣ်အၣ်ကီၢ်ဆၣ်, တၢ်ကစီၣ်ဒီးတၢ်ဘိးဘၣ်ရၤလီၤဝဲၤ... ...
တၢ်ကစီၣ်တဖၣ်
သုးမီၤစိရိၤအသုး ခမရ (၃၄၉) သုးတဖၣ် သူဝဲကဘီယူၤဖိ (Drone) ဒီး တ့ၢ်လီၤဝဲကျိဖးဒိၣ်ချံ (၆၀ မးမး) လၢသဝီပူၤအဃိ ဘၣ်ဝဲဖိသၣ်ပိၥ်မုၣ် (၈) နံၣ်တဂၤ အဂ့ၢ်
၂၀၂၂ နံၣ်, လါမ့ၤ ၁၂ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ် အ့နဲၣ်ကရူၢ်ပူၤ ဖဲ ၂၀၂၂ နံၣ် လါမ့ၤ ၁၀ သီ ဟါခီ (၅) နၣ်ရံၣ် အဆၢကတီၢ် သုးမီၤစိရိၤအသုး ခမရ (၃၄၉) သုးတဖၣ် သူဝဲကဘီယူၤဖိ (Drone) ဒီး တ့ၢ်လီၤဝဲကျိဖးဒိၣ်အချံ (၆၀ မးမး) တဖျၢၣ် လၢ အ့နဲၣ်သဝီပူၤ သီခါဖၠၣ် အမဲၥ်ညါန့ၣ်လီၤ. သုးမီၤစိရိၤအကဘီယူၤဖိ (Drone) တ့ၢ်လီၤကျိချံဒ်အံၤအဃိ ဘၣ်ဝဲ ကိၤဝ့နဲၤ ဒီး မၣ်သၤဒၤဝ့ အဖိမုၣ် မၣ်ထဲၣ် ထဲၣ်စၤ လၢအသးနံၣ်အိၣ်ဝဲ (၈) နံၣ်တဂၤ န့ၣ်လီၤ.ဖဲ မၣ်ထဲၣ်ထဲၣ်စၤ ဘၣ်ဒိဝဲအဆၢကတီၢ် ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ လၢၢ်ဒိၣ်ကီၢ်ဆၣ် ပှၤဘၣ်မူဘၣ်ဒါတဖၣ် ယါဘျါဝဲ မၣ်ထဲၣ်ထဲၣ်စၤ န့ၣ်လီၤ. မၣ်ထဲၣ်ထဲၣ်စၤ အံၤ ကျိဘၣ်အီၤအဃိ ဘၣ်ဒိဝဲအဖီခိၣ် လၢၢ် ဒိၣ်ကီၢ်ဆၣ် ဘၣ်မူဘၣ်ဒါတဖၣ် ယါဘျါအီၤဝံၤ အမိၢ်အပၢ် ဟဲကိးက့ၤအီၤ ဒ်သိးကကူဆါယါဘျါဝဲ လၢအကစၢ်ဒၣ်ဝဲ အဂီၢ်န့ၣ်လီၤ. ...
တၢ်ကစီၣ်တဖၣ်
သုးမီၤစိရိၤအသုး ဒီး သုးခိးကီၢ်ဆၢ (BGF) သုး လၢအအိၣ်ဖဲ လ့က့ၣ်သုးကလၢၤတဖၣ် ဖီၣ်ဃၥ်ဝဲပှၤသဝီဖိ ဃုၥ်ဒီး ဖိဒံဖိသၣ် ခဲလၢၥ် (၉၂) ဂၤလၢ အသုးကလၢၤပူၤ
၂၀၂၂ နံၣ် လါမ့ၤ ၁၂ သီ, ဒူသထူၣ်ကီၢ်ရ့ၣ်ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဘံလ့ကီၢ်ဆၣ်ဟီၣ်ကဝီၤပူၤ သုးမီၤစိရိၤအသုး ဒီး သုးခိးကီၢ်ဆၢ (BGF-၁၀၁၄) အသုး လၢအအိၣ်ဖဲ လ့က့ၣ်သုးကလၢၤတဖၣ် ဖီၣ်ဃၥ်ဝဲသဝီဖိ ခဲလၢၥ် (၉၂) ဂၤ လၢအသုးကလၢၤပူၤန့ၣ်လီၤ. သဝီဖိ (၉၂) ဂၤအကျါ ပၣ်ဃုၥ်ဝဲဒီး ဖိသၣ် လၢအသးနံၣ်တပှဲၤ (၁၈) နံၣ်ဘၣ် (၄) ဂၤအဂ့ၢ် သ့ၣ်ညါဘၣ်န့ၣ်လီၤ. သဝီဖိလၢတၢ်ဖီၣ်ဃၥ်အီၤတဖၣ် မ့ၢ်ဝဲ သဝီဖိလၢ ခ့ၣ်အဲၣ်ယူၣ် ဖၣ်အၣ်ကီၢ်ဆၣ်တၢ်ပၢဟီၣ်ကဝီၤပူၤ (၇၀) ဂၤ ဒီး သဝီဖိလၢ ဘ့လ့ကီၢ်ဆၣ်ဟီၣ်ကဝီၤပူၤ (၂၂) ဂၤန့ၣ်လီၤ."သုးမီၤစိရိၤအသုး ဒီး သုးခိးကီၢ်ဆၢ (BGF-၁၀၁၄) လၢ တ့ၤဝ့ တီခိၣ်ရိၣ်မဲဝဲတဖၣ် ဖဲအဟဲမၤစၢၤအသကိးလၢ လ့က့ၣ်သုးကလၢၤအဆၢကတီၢ် ဖဲအဟဲလၢကျဲအခါ မ့ၢ်ထံၣ်ပှၤန့ၣ် ဖီၣ်ဝဲခဲလၢၥ်လီၤ. ဖီၣ်ဝဲအကျါ ပၣ်ဃုၥ်ဒီး ကၠီၣ်ဖၠၣ်သဝီဖိ (၄) ဂၤ လၢအသးနံၣ်တပှဲၤ (၁၈) နံၣ်ဒံးဘၣ် တဖၣ်န့ၣ်လီၤ. ဖီၣ်ဝဲခဲလၢၥ် (၉၂) ဂၤန့ၣ်လီၤ. တုၤခဲအံၤအဝဲသ့ၣ်တပျၢ်ကွံၥ်ဒံးပှၤတဖၣ်န့ၣ်ဘၣ်. ဖီၣ်ထၢနုၥ်ဃၥ်ဝဲလၢ လ... ...