ခ့ၣ်အဲၣ်ယူၣ် - ကညီဒီကလုၥ် စၢဖှိၣ်ကရၢအံၤ မ့ၢ်ထံရူၢ်ကီၢ်သဲးကရၢတဖုလၢ အခၢၣ်စးဝဲကညီဒီကလုၥ်န့ၣ်လီၤ. ခ့ၣ်အဲၣ်ယူၣ် - ကညီဒီကလုၥ် စၢဖှိၣ်ကရၢအံၤ ဘၣ်တၢ်ဒုးအိၣ်ထီၣ်အီၤ ဖဲ ၁၉၄၇ နံၣ် န့ၣ်လီၤ. ကရၢအံၤ အတၢ်ပညိၣ်မ့ၢ်ဒ်သိး ကသူၣ်ထီၣ် ဖဲၣ်ဒရၢၣ် ကီၢ်စၢဖှိၣ်လၢ အမ့ၢ်အတီလၢ အအိၣ်လၢပှဲၤဒီး တၢ်တုၤသိးထဲသိး ဒီး နီၣ်ကစၢ် တၢ်စံၣ်ညီၣ်ပၢလီၤသးန့ၣ်လီၤ. ပတၢ်မုၢ်လၢ်ကွၢ်စိတခီ မ့ၢ်ဒ်သိး ပကသူၣ်ထီၣ် ဖဲၣ်ဒရၢၣ် ကီၢ်စၢဖှိၣ်အမ့ၢ်အတီလၢ ကလုၥ်ဒူၣ် လၢကီၢ်ပယီၤပူၤခဲလၢၥ် ကမၤသကိး၊ ကအိၣ်သကိးတပူၤဃီ ဃူဃူဖိးဖိးလၢ တၢ်သးတဖျၢၣ်ဃီ ပှဲၤဒီးတၢ်အဲၣ်တၢ်ကွံ၊ တၢ်မုၥ်တၢ်ခုၣ်၊ တၢ်ဃူတၢ်ဖိး ဒီး တၢ်ဂၢၢ်တၢ်ကျၢၤ န့ၣ်လီၤ.