တၢ်ကစီၣ်တဖၣ်
သုးမီၤစိရိၤ ဟံးဆူၣ်ထံကီၢ်တၢ်စိတၢ်ကမီၤ အပၢၤကီၢ်သုးတဖၣ် သူဝဲအတၢ်စိတၢ်ကမီၤ ဒီး မၢဆူၣ်ဝဲ သဝီဖိတဖၣ် တ့ထီၣ်န့ၢ်ဂၢၤ လၢအသုးကလၢၤအဂီၢ်
လါစဲးပထ့ဘၢၣ် ၆ သီ, ၂၀၂၁ နံၣ်, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, လၢၢ်ဒိၣ်ကီၢ်ဆၣ်, ဘီကထၣ်ကရူၢ်, ကိမၠ့ၣ် သဝီဖိတဖၣ် သုးမီၤစိရိၤ ဟံးဆူၣ်ထံကီၢ် တၢ်စိတၢ်ကမီၤ အပၢၤကီၢ်သုးတဖၣ် မၢန့ၢ်ဆူၣ်ဝဲ သဝီဖိတဖၣ် လၢကတ့ထီၣ်န့ၢ် ဂၢၤလၢအသုးကလၢၤအဂီၢ် ဖဲ လါစဲးပထ့ဘၢၣ် ၄ သီ ဒီး ၅ သီ အနံၤအဂ့ၢ်န့ၣ် လီၢ်ကဝီၤဖိတဂၤ ပၥ်ဖျါဝဲဒၣ်န့ၣ်လီၤ.ဖဲ လါစဲးပထ့ဘၢၣ် ၄ သီအနံၤန့ၣ် ပၢၤကီၢ်သုး လၢအအိၣ်ဖဲ ကိမၠ့ၣ်သၤယၤ သဝီပူၤတဖၣ် အပၢၤကီၢ်ခိၣ် လၢအမ့ၢ် စ့ၤဟ့ထိၣ်, တီခိၣ်ရိၣ်မဲ ဒီး မၢ်ဆူၣ်ဝဲ သဝီဖိလၢ အအိၣ်ဘူးဒီး ပၢၤကီၢ်သုးကလၢၤတဖၣ် လၢကဂၢၤန့ၣ် အသုးကလၢၤ လၢထးဆှုၣ်န့ၣ်လီၤ.ဒီးဖဲ လါစဲးပထ့ဘၢၣ် ၅ သီအနံၤန့ၣ် မၢဝဲသဝီဖိတဖၣ် ထုးလီၤက့ၤ ထးဆှုၣ်တဖၣ်န့ၣ် ဒီး မၢအဂၢၤက့ၤ သုးကလၢၤအံၤလၢ (အုတ်) အသီတဘျီ အဂ့ၢ်န့ၣ် သ့ၣ်ညါဘၣ်လၢ သဝီဖိတဂၤ အအိၣ်န့ၣ်လီၤ.တကီၢ်ခါတၢ်အိၣ်သးခဲအံၤ ခီဖျိ ခိဝံး-၁၉ တၢ်ဆါအံၤ ဘၣ်ကူဘၣ်ဂၥ်တၢ် အဆၢကတီၢ်အဃိ ဒူဖိသဝီဖိတဖၣ်... ...
တၢ်ကစီၣ်တဖၣ်
ပယီၤသုးမီၤစိရိၤ ဟံးန့ၢ်ဆူၣ် ထံကီၢ်တၢ်စိတၢ်ကမီၤ အသုးသိလ့ၣ်တဖၣ် ဘၣ်တၢ်ထုးဟးဂီၤအဝဲသ့ၣ် အသိလ့ၣ်ဒီးမ့ၣ်ပိၢ်အဃိ အသိလ့ၣ်ဟးဂီၤဝဲ ၂ ခိၣ် ဒီး အသုးဖိတဂၤ ဘၣ်ဒိဝဲနးနးကလဲၥ် အဂ့ၢ်
၂၀၂၁ နံၣ်, လါစဲးပထ့ဘၢၣ် ၄ သီ, ခ့ၣ်အဲၣ်ယူၣ်-လီၢ်ခၢၣ်သးမီၤစိရိၤအသုး စကခ-၈ အသုး လၢအအိၣ်ဝဲဖဲ ပနွဲၢ်ကျါ သုးကလၢၤတဖၣ် ဒိးထီၣ်ဝဲ သုးသိလ့ၣ် (သုးကါ) ၄ ခိၣ် ဒီး လဲၤထီၣ်ဝဲဆူ လ့က့ၣ်သဝီ လၢအမ့ၢ် ဒူသထူၣ်ကီၢ်ရ့ၣ် ၀့တပၢ်ကရူၢ် တၢ်ပၢဟီၣ်ကဝီၤပူၤန့ၣ်လီၤ. သုးသိလ့ၣ် ၄ ခိၣ်အံၤ ဖဲအလဲၤလၢကျဲ အဆၢကတီၢ် ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် အသုးတဖၣ် ခိးထုးအဝဲသ့ၣ် ဒီး မ့ၣ်ပိၢ် ဖဲဘံလ့ကီၢ်ဆၣ်, တးပီကရူၢ်အဃိ မီၤစိရိၤအသုးကါ ဟးဂီၤဝဲ ၂ ခိၣ် ဒီး အသုးဖိတဂၤ ဘၣ်ဒိဝဲ နးနးကလဲၥ်န့ၣ်လီၤ.ခ့ၣ်အဲၣ်ယူၣ် လီၢ်ကဝီၤခိၣ်နၢ် ဘၣ်မူဘၣ်ဒါတဂၤ စံးဝဲဒၣ်လၢ "ဖဲမဟါကၢၥ် ဟါခီ ၃ နၣ်ရံၣ် ၄၀ မံးနံး အဆၢကတီၢ်န့ၣ် မီၤစိရိၤအသုးတဖၣ် အိၣ်ဟးထီၣ်ဝဲလၢ ပနွဲၢ်ကျါ သုးကလၢၤ ဒီး ဒိးထီၣ်ဝဲကါ ၄ ခိၣ် အဂ့ၢ်န့ၣ် ပဒိးန့ၢ်ဘၣ် တၢ်ကစီၣ်န့ၣ်လီၤ. ဒီး ခီဖျိအဝဲသ့ၣ်တဖၣ် ဟဲနုၥ်လီၤလၢ ပတၢ်လီၢ်တၢ်ကျဲအဃလၢကမျၢၢ်တဖၣ် အတၢ်ဘံၣ်တၢ်ဘၢအဂီၢ် ပဝဲဒၣ်သ့ၣ်တဖၣ် ပကဘၣ်တြီဆၢ မီၤစိရိၤအသုးတဖၣ်အံၤ န့ၣ်လီၤ." တချုးကါ... ...
တၢ်ကစီၣ်တဖၣ်
၂၀၂၁ နံၣ် လါအီကၢး(စ်) တလါအကတီၢ်ပူၤ တၢ်ဒုးကစီၣ် ဒီး သုးမီၤစိရိၤ အသုးတၢ်ဟူးတၢ်ဂဲၤ လၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢဟီၣ်ကဝီၤပူၤ
လါစဲးပထ့ဘၢၣ် ၃ သီ, ၂၀၂၁ နံၣ်. ခ့ၣ်အဲၣ်ယူၣ်-လီၢ်ခၢၣ်သး၂၀၂၁ နံၣ် လါအီကၢး(စ်) တလါအကတီၢ်ပူၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢဟီၣ်ကဝီၤပူၤ ဒ်အမ့ၢ် ဒူသထူၣ်ကီၢ်ရ့ၣ် သုးက့ (၁), တီအူကီၢ်ရ့ၣ် သုးက့ (၂), ချၢၣ်လွံၢ်ထူၣ်ကီၢ်ရ့ၣ် သုးက့ (၃), မုၢ်တြီၢ်ကီၢ်ရ့ၣ် သုးက့ (၅), ဒူပျၥ်ယၥ်ကီၢ်ရ့ၣ် သုးက့ (၆) ဟီၣ်ကဝီၤပူၤသ့ၣ်တဖၣ် ခီဖျိလၢ သုးမီၤစိရိၤအသုး သ့ၣ်တဖၣ် ဟူးဂဲၤဝဲ ဒုးယၤအတၢ်ရဲၣ်တၢ်ကျဲၤအဃိ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် (KNLA), ကညီဒီကလုၥ်ဂၢၤသးကရၢ (KNDO) ဒီး သုးမီၤစိရိၤအသုးသ့ၣ်တဖၣ် အဘၢၣ်စၢၤ တၢ်ဒုးကဲထီၣ်ဝဲဒၣ်န့ၣ်လီၤ. ဒူသထူၣ်ကီၢ်ရ့ၣ် သုးက့ (၁) ဟီၣ်ကဝီၤ တၢ်ဒုးကဲထီၣ်ဝဲ (၂၄) ဘျီ, တီအူကီၢ်ရ့ၣ် သုးက့ (၂) ဟီၣ်ကဝီၤ တၢ်ဒုးကဲထီၣ်ဝဲ (၆) ဘျီ, ချၢၣ်လွံၢ်ထူၣ်ကီၢ်ရ့ၣ် သုးက့ (၃) တၢ်ဒုးကဲထီၣ်ဝဲ (၂) ဘျီ, မုၢ်တြီၢ်ကီၢ်ရ့ၣ် သုးက့ (၅) တၢ်ဒုးအကလုၥ်ကလုၥ် ကဲထီၣ်ဝဲ (၁၈၁) ဘျီ, ဒူပျၥ်ယၥ်ကီၢ်ရ့ၣ် သုးက့ (၆) တၢ်ဒုးကဲထီၣ်ဝဲ (၄) ဘျီ န့ၣ်... ...
တၢ်ကစီၣ်တဖၣ်
ကီၢ်ပယီၤသုး ဟံဆူၣ်တၢ်စိတၢ်ကမီၤတဖု ပၥ်ဖှိၣ်သးဒီး ကီၢ်ပယီၤပၢၤကီၢ် ဃုၥ်ဒီး (ဒလန်-ပှၤလၢအဆှၢန့ၢ် ပယီၤသုးတၢ်ကစီၣ်) သ့ၣ်တဖၣ် ဟံဆူၣ်ဖီၣ်ဆူၣ်ကမျၢၢ် ဆၣ်ဖိကီၢ်ဖိ
လါစဲးပထ့ဘၢၣ် (၂) သီ, ၂၀၂၁ဖဲလါစဲးပထ့ဘၢၣ် (၁) သီနံၤ ကီၢ်ပယီၤသုး ဟံဆူၣ်တၢ်စိတၢ်ကမီၤတဖု ပၥ်ဖှိၣ်ထီၣ်အသး ဃုၥ်ဒီး ပၢၤကီၢ် ဒီး (ဒလန်) ဝံၤ ဟံဆူၣ်ဖီၣ်ဆူၣ်ဝဲ ကမျၢၢ်အဆၣ်ဖိကီၢ်ဖိ ဖဲချၢၣ်လွံၢ်ထူၣ်ကီၢ်ရ့ၣ်, ဆီထံးကီၢ်ဆၣ်, ကွ့ဆ့းသဝီအဂ့ၢ် သဝီဖိတဂၤ ပၥ်ဖျါထီၣ်ဝဲန့ၣ်လီၤ.ကီၢ်ပယီၤသုး ဟံဆူၣ်တၢ်စိတၢ်ကမီၤ သုးနီၣ်ဂံၢ် ခလရ (၂၆၄) ပှၤတီခိၣ်ရိၣ်မဲတၢ် ဝ့ၢ်ဖၠိအီၣ် ပၥ်ဖှိၣ်ထီၣ်အသး ဃုၥ်ဒီး ပၢၤကီၢ် ဒီး (ဒလန်) သ့ၣ်တဖၣ်ဝံၤ ဟံဆူၣ်ဖီၣ်ဆူၣ် ကွ့ဆ့းသဝီဖိ အကျီၢ်, ပနၢ် ဒီး မဲၥ်တဲးလဲး ဝံၤ က့ၤကိးနုၥ်ဝဲဆူၣ် သုးကလၢၤပူၤ လၢသဝီဖိတဖၣ် ကဘၣ်လဲၤထုးထီၣ်က့ၤဝဲ အဂီၢ်န့ၣ်လီၤ.ကျီၢ် ဒီး ပနၢ်န့ၣ် သဝီဖိတဖၣ် ကဘၣ်လဲၤထုးထီၣ်က့ၤ လၢစ့ပယီၤ (၁၀၀၀၀၀-တကလီၢ်ကၠး) ဒီး မဲၥ်တဲးလဲး န့ၣ် စ့ပယီၤ (၅၀၀၀၀-ယဲၢ်ကလးကၠး) အဂ့ၢ် သဝီဖိလၢတအဲၣ်ဒိး ပၥ်ဖျါအမံၤတဂၤ ပၥ်ဖျါတၢ်ဂ့ၢ်တၢ်ကျိၤန့ၣ်လီၤ.ကီၢ်ပယီၤသုး ဟံဆူၣ်တၢ်စိတၢ်ကမီၤတဖုအံၤ ဟးဝံၤဝီၤဟူးဂဲၤဝဲလၢ ဟီၣ်ကဝီၤပူၤ လူၤဃုထံၣ်ဝဲ သဝီဖိမၤအီၣ်တၢ... ...
တၢ်ကစီၣ်တဖၣ်
သုးမီၤစိရိၤ ဟံးန့ၢ်ဆူၣ် တၢ်စိတၢ်ကမီၤ အသုးတဖၣ် ဖီၣ်ဝဲသဝီဖိ ၆ ဂၤဝံၤ ပျၢ်ကွံၥ်ဝဲ ၅ ဂၤ ဒီး ပၥ်တ့ၢ်ဃၥ်ဒံးဝဲ ၁ ဂၤ အဂ့ၢ်
မုၢ်နံၤ- လါစဲးပထ့ဘၢၣ် ၁ သီ, ၂၀၂၁ နံၣ်ဖဲလါအီကၢး ၃၁ သီဂီၤခီ (၈း၅၄) နၣ်ရံၣ် အဆၢကတီၢ် သုးမီၤစိရိၤအသုး ခလရ ၆၀ လၢအဘၣ်တၢ်တီခိၣ်ရိၣ်မဲအီၤလၢ သုးခိၣ်စိ စ့ၤယၤလ့ အသုးတဖၣ် ဖီၣ်ဝဲ ယ့ၤလဲသဝီဖိ ၆ ဂၤန့ၣ်လီၤ. ဒီးဖဲဟါလီၤခီအဆၢကတီၢ် ပျၢ်ကွံၥ်ဝဲ ၅ ဂၤ ဒီး ဖီၣ်ဃၥ်တ့ၢ်ဝဲ ၁ ဂၤန့ၣ်လီၤ. ပှၤလၢတၢ်ဖီၣ်ဃၥ်တ့ၢ်အီၤတဂၤန့ၣ် အမံၤမ့ၢ်ဝဲ အူမၠ့ၣ်ရွ့ၤ န့ၣ်လီၤ.အူမၠ့ၣ်ရွ့ၣ် မ့ၢ်ဝဲကမျၢၢ်ဖိတဂၤ ဒီး မ့ၢ်ပှၤပတီၢ်မုၢ်ဖိလၢ မၤတၢ်လၢတနံၤဘၣ်တနံၤ တၢ်မၤတဖၣ်န့ၣ်လီၤ. ဒီးပသ့ၣ်ညါဘၣ်လၢ မီၤစိရိၤအသုး ခလရ ၆၀ ဖီၣ်ဃၥ်တ့ၢ်ဒံးအီၤ အဖၢမုၢ်န့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ချၢၣ်လွံၢ်ထူၣ်ကီၢ်ရ့ၣ်, မူကီၢ်ဆၣ် ဟီၣ်ကဝီၤပူၤ တၢ်လီၢ်လၢအမ့ၢ် ငထွ့ၤစိၣ် ဒီး သထ့ကိ တၢ်လီၢ်တဖၣ် ခလရ (၃၄၉) အပှၤတဖၣ် ဆီလီၤဝဲ ကျဲတၢ်ဘံၣ်တၢ်ဘၢ ဒီး လီၢ်ကဝီၤကမျၢၢ် လၢအလ့ၢ်ထီၣ်လ့ၢ်လိၤတဖၣ် သမံသမိးဝဲ ဒ်အမ့ၢ် တၢ်လဲၤတၢ်က့ၤလံၥ်အုၣ်သး ဒီး ဃ့ကွၢ်ဝဲအမဲၥ် သ့ၣ်တဖၣ် အိၣ်ဝဲဒၣ်န့ၣ်လီၤ. ...
တၢ်ကစီၣ်တဖၣ်
ပယီၤသုး ခးသဝီဖိလၢ စနဲးဖၢၣ်
မုၢ်နံၤ လါစဲးပထ့ဘၢၣ် ၁ သီ, ၂၀၂၁ နံၣ်ဖဲ လါအီကၢး ၃၀ သီ, ၂၀၂၁ နံၣ်အနံၤ ဂီၤခီ (၈း၄၅) ဆၢကတီၢ် ပယီၤသုး ခမရ-၂၀ အိၣ်ဆီလီၤအသး လူၤသီကီၢ်ဆၣ်, စီၤမုၢ်ပျီ ဟီၣ်ကဝီၤ, ၀ၣ်ကျ့ၣ်တူၢ် တဖၣ် ခးသဝီဖိလၢ စနဲးဖၢၣ် ၅ ထံၣ်န့ၣ်လီၤ.ပယီၤသုး ခးသဝီဖိသ့ၣ်တဖၣ် အဖီခိၣ် သဝီဖိလၢ အတူၢ်ဘၣ်တၢ်တဖၣ် မ့ၢ်ဝဲ စီၤလိၥ်ဘု, စီၤလးယွဲၢ်မူ, နီၢ်မျီၤစ့ၤ, စီၤပၢၤရ့ၣ်ဟဲ, စီၤလီၤလးယံၤ, စီၤတိးမဲၥ်, စီၤဟဲသၣ်လ့ဖု, စီၤတပံ ဒီး စီၤဟဲသၣ်လ့ဖု သ့ၣ်တဖၣ် ဖဲအဝဲသ့ၣ်လဲၤဆူ တၢ်ဖံးအီၣ်မၤအီၣ်အလီၢ်အခါန့ၣ်လီၤ.ပှၤလီၢ်ကဝီၤဖိ လၢအမ့ၢ် နီၢ်မျီၤစ့ စံးဝဲ "ခီဖျိလၢ ပယီၤသုးခးပှၤလၢ စနဲးဖၢၣ် ဘူးကဘၣ်ပှၤ ဘူးကဘၣ်ပှၤအဃိ ပဘၣ်စံၣ်လၢ တၢ်ပစုၣ်ပတ့ၤအပူၤ အမဲၥ်ညါ ကဲထီၣ်တၢ်ပျံၤတၢ်ဖုး ဒိၣ်ကတၢၢ်လၢ ပဂီၢ်န့ၣ်လီၤ.ပယီၤသုးတဖၣ် ဟူးဂဲၤဒီး ခးနါစိၤကျိလၢ သဝီဖိသ့ၣ်တဖၣ် အတၢ်ဖံးအီၣ်မၤအီၣ်အလီၢ် ဒီး ကဲထီၣ်တၢ်ကီတၢ်ခဲလၢ ပှၤကမျၢၢ်ဖိ ဖဲန့ၣ်သ့ၣ်တဖၣ် အဂီၢ်န့ၣ်လီၤ. ...