တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် သုးက့ (၃) ဟီၣ်ကဝီၤပူၤ ပယီၤသုးအတၢ်ဟူးတၢ်ဂဲၤ ဟဲအါထီၣ်
လါအီကူး ၂၅ သီ, ၂၀၂၁ နံၣ်, သူလ့ၤတၢ်ကစီၣ်စးထီၣ်လါအီကူး ၂၀၂၁ နံၣ်န့ၣ် ကီၢ်ပယီၤသုးမုၢ်ဒိၣ် လၢအဟံးန့ၢ်ဆူၣ် ထံကီၢ်တၢ်စိတၢ်ကမီၤတဖၣ် ဟူးဂဲၤအါထီၣ်ဝဲလၢ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် တၢ်ပၢဟီၣ်ကဝီၤပူၤစ့ၢ်ကီးန့ၣ်လီၤ.ဒ်န့ၣ်အသိး ကမျၢၢ်လၢ အပၥ်ဖျါထီၣ်အသး ထီဒါတၢ်ဟံးန့ၢ်ဆူၣ် တၢ်စိတၢ်ကမီၤတဖၣ် ပယီၤသုး လူၤဖီၣ်အဝဲသ့ၣ်, တကတီၢ်ဃီ ပၥ်လီၤစ့ၢ်ကီး တၢ်သမံသမိးအလီၢ် လၢကျဲဒီးဒူသဝီတဖၣ် အိၣ်ထီၣ်ဝဲဒၣ်န့ၣ်လီၤ. ခီဖျိလၢ ပယီၤသုးအတၢ်ဟူးတၢ်ဂဲၤဒ်န့ၣ်အဃိ ကဲထီၣ်တၢ်ပျံၤတၢ်ဖုးလၢ လီၢ်ကဝီၤဒူဖိသဝီဖိတဖၣ် အဂီၢ်န့ၣ်လီၤ.လၢန့ၣ်အမဲၥ်ညါ ဖဲလါအီကူး တလါအံၤအတီၢ်ပူၤ ပယီၤသုးတဖၣ် မၤအါထီၣ် အသုးတၢ်လီၢ်တၢ်ကျဲ, ပၥ်လီၤတၢ်ဘံၣ်တၢ်ဘၢ လၢဒူသဝီ ဒီး သီခါဖၠၣ်တဖၣ်, ပၥ်လီၤကျဲတၢ်ဘံၣ်တၢ်ဘၢ, လၢအသုးကလၢၤပူၤတခီ မၤအါထီၣ်အသုးဂံၢ်ဘါ ဒီး အတၢ်အီၣ်တၢ်အီတဖၣ်, ဟးထီၣ်ဟူးဂဲၤလၢတၢ်ချၢအါထီၣ် အဂ့ၢ်န့ၣ် လီၢ်ကဝီၤဘၣ်မူဘၣ်ဒါတဖၣ် စံးဝဲဒၣ်န့ၣ... ...
တၢ်ကစီၣ်တဖၣ်
ပယီၤသုး ခးပျံၤခးဖုး မုၢ်တြီၢ်ကီၢ်ရ့ၣ် ထံဖိကီၢ်ဖိလၢ ကျိဒိၣ်ကျိဖိ ဒီး တၢ်ခးလိၥ်သး ကဲထီၣ်ဒီး ကညီတၢ်ထူၣ်ဖျဲးသုးမုၢ်ဒိၣ် သုးက့ ၅
မုၢ်နံၤ ၂၃ သီ, လါအီကူး ၂၀၂၁ နံၣ်ပယီၤသုး မီၤစိရိၤ လၢ အဟဲနုၥ်လီၤဟူးဂဲၤဝဲဒၣ်လၢ မုၢ်တြီၢ်ကီၢ်ရ့ၣ် သုးက့ ၅ ဟီၣ်ကဝီၤပူၤတဖၣ် ဟူးဂဲၤအါထီၣ်ဝဲဒၣ်လၢ သုးဂ့ၢ်ဝီတကပၤ အဖီခိၣ် တၢ်ခးလိၥ်သး ကဲထီၣ်ဝဲဒၣ်ဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးက့ ၅ အစုတီၤဖီလၥ် သုးရ့ၣ်တဖၣ် ကိးနံၤဒဲးအဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ် တၢ်ကစီၣ် စံးဝဲဒၣ်န့ၣ်လီၤ.ခီဖျိပယီၤသုး လၢအဟံးန့ၢ်ဆူၣ်ဝဲ ထံကီၢ်တၢ်စိတၢ်ကမီၤတဖုအံၤ အတၢ်ဟူးတၢ်ဂဲၤ အါထီၣ်ဝဲလၢ သုးဂ့ၢ်ဝီအဖီခိၣ် တၢ်ခးလိၥ်သး ကဲထီၣ်ဝဲဒၣ်တလီၢ်လီၢ် ကိးနံၤဒဲး တကးဒံးဘၣ်အမဲၥ်ညါ ပယီၤသုးတဖၣ် ခးလီၤဝဲဒၣ်ကျိဖးဒိၣ်ကျိဖိလၢ ကမျၢၢ်ထံဖိကီၢ်ဖိ တၢ်ဖံးအီၣ်မၤအီၣ်အလီၢ်အဃိ ကဲထီၣ်ဝဲ တၢ်ပျံၤတၢ်ဖုး တၢ်လီၤဘၣ်ယိၣ်လၢ ထံဖိကီၢ်ဖိကမျၢၢ်သ့ၣ်တဖၣ် အဂီၢ်န့ၣ်လီၤ.တလါအံၤ ဖဲလါအီကူး ၂၀ သီ, ၂၀၂၁ နံၣ် ပယီၤသုး စကခ စုတီၤဖီလၥ် ခမရ-၄၀၈, ၄၀၇ ဒီး သုးခိးကီၢ်ဆၢ သုးလၢအဟဲနုၥ်လီၤဟံးဝဲဒၣ် ကျဲတၢ်ဘံၣ်တၢ်ဘၢ ကမးမိၢ... ...
တၢ်ကစီၣ်တဖၣ်
ကညီတၢ်ထူၣ်ဖျဲးသုးမုၢ်ဒိၣ် သုးက့ (၅) ဒီး သုးမီၤစိရိၤအဘၢၣ်စၢၤ တၢ်ခးလိၥ်သး ကဲထီၣ်ဝဲ (၃၀) ဘျီ လၢ (၄) သီအကတီၢ်ပူၤ
သူလ့ၤတၢ်ကစီၣ်, လါအီကူး ၂၁ သီ, ၂၀၂၁ နံၣ်လါအီကူး ၁၇ သီတုၤ ၂၀ သီ လၢလွံၢ်သီအကတီၢ်ပူၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ (၅) အဟီၣ်ကဝီၤပူၤ ကညီတၢ်ထူၣ်ဖျဲး သုးမုၢ်ဒိၣ် ဒီး သုးမီၤစိရိၤအသုးသ့ၣ်တဖၣ် ဘၣ်သဂၢၢ် ခးလိၥ်သး ခဲလၢၥ်အိၣ်ဝဲ အဘျီ (၃၀) န့ၣ်လီၤ. သုးမီၤစိရိၤ အသုးသံဝဲဒၣ် (၂၀) ဂၤ ဒီး ဘၣ်ဒိဝဲ (၃) ဂၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်ရ့ၣ် ဒူသထူၣ် သုးက့ (၁), ကီၢ်ရ့ၣ် တီအူ သုးက့ (၂), ကီၢ်ရ့ၣ် ချၢၣ်လွံၢ်ထူၣ် သုးက့ (၃) အဟီၣ်ကဝီၤပူၤစ့ၢ်ကီး သုးမီၤစိရိၤအသုးသ့ၣ်တဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤအဃိ ကညီတၢ်ထူၣ်ဖျဲး သုးမုၢ်ဒိၣ် ဒီး သုးမီၤစိရိၤအသုးတဖၣ် အဘၢၣ်စၢၤ တၢ်ဘၣ်သဂၢၢ် ခးလိၥ်သး အိၣ်ထီၣ်စ့ၢ်ကီးဝဲ ခဲအံၤခဲအံၤန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ မုၢ်တြီၢ်ကီၢ်ရ့ၣ်အဟီၣ်ကဝီၤပူၤ သုးမီၤစိရိၤတဖၣ် သူဝဲကဘီယူၤ လၢဟးကွၢ်ဃုဝဲ တၢ်လီၢ်တၢ်ကျဲ လၢကမျၢၢ်ဖိတဖၣ် ဃ့ၢ်... ...
တၢ်ကစီၣ်တဖၣ်
လါအီကူး ၁ သီတုၤ ၁၅ သီ အတီၢ်ပူၤ ပယီၤသုး အတၢ်ဟူးတၢ်ဂဲၤ အါထီၣ်လၢ မုၢ်တြီၢ်ကီၢ်ရ့ၣ် ဟီၣ်ကဝီၤပူၤအဂ့ၢ်
လါအီကူး ၁၈ သီ, ၂၀၂၁ နံၣ်, သူလ့ၤတၢ်ကစီၣ်ခီဖျိပယီၤသုးမီၤစိရိၤတဖုအံၤ ဟဲထီၣ်ဟူးဂဲၤအါထီၣ်လၢ မုၢ်တြီၢ်ကီၢ်ရ့ၣ် သုးက့ ၅ ဟီၣ်ကဝီၤပူၤအဖီခိၣ် တၢ်ခးလိၥ်သး ကဲထီၣ်ဝဲဒၣ်အဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်တၢ်ကစီၣ် စံးဝဲဒၣ်န့ၣ်လီၤ.ပယီၤသုးမီၤစိရိၤ လၢအဟဲနုၥ်လီၤဟူးဂဲၤလၢ မုၢ်တြီၢ်ကီၢ်ရ့ၣ် သုးက့ ၅ ဟီၣ်ကဝီၤပူၤတဖၣ် ခီဖျိလၢ အတၢ်ဟဲဆီၣ်သနံးဝဲဒၣ် ထံဖိကီၢ်ဖိကမျၢၢ်, ဟံးန့ၢ်ဆူၣ်ဝဲ အတၢ်လီၢ်တၢ်ကျဲ, အဟီၣ်ခိၣ်ကပံၥ် မၤဘၣ်ဒိဝဲကမျၢၢ်ထံဖိကီၢ်ဖိ လၢတၢ်ဂ့ၢ်ဒ်အံၤအဖီခိၣ် တၢ်ဘၣ်ဂံၥ်ဂုၥ် ခးလိၥ်သး ကဲထီၣ်ဝဲဒၣ်ဒီး ကညီဒီကလုၥ် တၢ်ထူၣ်ဖျဲး သုးမုၢ်ဒိၣ် သုးက့ ၅ အသုး ကိးနံၤဒဲးအဂ့ၢ်န့ၣ် မုၢ်တြီၢ်ကီၢ်ရ့ၣ် သုးက့ ၅ ပှၤကတိၤတၢ်ပၢ သုးခိၣ်ဒိၣ်ဂီၢ်ဂ့ၢ် စီၤကျၢၤဒိၣ် စံးဝဲဒၣ်န့ၣ်လီၤ.တလါအံၤ လါအီကူး ၁ သီ တုၤလါအီကူး ၁၅ သီ ၂၀၂၁ နံၣ် ပယီၤသုးမီၤစိရိၤ ဒီး ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးက့ ၅ စုတီၤဖီလၥ် သုးရ့ၣ်တဖၣ် တၢ်ဘၣ်သဂၢၢ်ခး... ...
တၢ်ကစီၣ်တဖၣ်
သုးမီၤစိရိၤစုတီၤဖီလၥ် (စကခ-၈)(ခမရ-၄၀၇) အသုးတဖၣ် မၤပျံၤမၤဖုးမၤဘၣ်ဒိကမျၢၢ်
၂၀၂၁ နံၣ်, လါအီကူး ၁၇ သီ၂၀၂၁ နံၣ် လါအီကူး ၁၅ သီ အနံၤဂီၤခီ ၈း၃၀ မံးနံးအဆၢကတီၢ် သုးမီၤစိရိၤစုတီၤဖီလၥ် စကခ-၈, ခမရ-၄၀၇ အသုး လၢအဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် (ကၠီၣ်မ့ထဲး) ဟဲအိၣ်ဖဲ မုၢ်တြီၢ်ကီၢ်ရ့ၣ်, ဒွဲၣ်လိကီၢ်ဆၣ်, မးထီကရူၢ်, မးထီသဝီပူၤသ့ၣ်တဖၣ် ခးတပျူၥ်ဝဲကျိဖးဒိၣ်ကျိဖိ လၢမးထီသဝီပူၤ အါထံၣ်ဒီး လီၤဘၣ်ဝဲလၢ ကမျၢၢ်ဖိ အတၢ်ဖံးအီၣ်မၤအီၣ်အလီၢ်အကျဲ (၈ ဖျၢၣ်) လီၤတဲၥ်ဝဲလၢ သီခါဖၠၣ်ကရၢၢ်ပူၤ (၃ ဖျၢၣ်) န့ၣ်လီၤ. သုးမီၤစိရိၤ ခးကျိဖးဒိၣ်ဒီးကျိဖိ ဘျီဝဲအံၤ ဘၣ်ဒိဝဲ သီခါတပါ အစုထွဲတကပၤန့ၣ်လီၤ. တကးဒံးဘၣ် မးထီသဝီဖိလၢအမ့ၢ် စီၤသါညး, စီၤဝ့လ့အူ, စီၤထူလး တဖၣ် သုးမီၤစိရိၤ ထူတံၢ်ယီၢ်တံၢ်ဝဲ ဒီးထံးဝဲအခိၣ်လၢကျိအခံပၣ် ဘၣ်ဒိဆါဝဲနးနးကလဲၥ် န့ၣ်လီၤ. သုးမီၤစိရိၤအသုးတဖၣ် ခးသံအီၣ်စ့ၢ်ကီးဝဲ စီၤထူလးအကျီၢ်တဒု ဒီးမဲၥ်တဲးလဲးတဒုန့ၣ်လီၤ.သုးမီၤစိရိၤအသုးတဖၣ် မၤပျံၤမၤဖုး မၤဘၣ်ဒိဆါကမျၢၢ်ဖိဒ်အံၤအဖီခိၣ်န့ၣ် ခီဖျိလၢ အဝဲသ့ၣ်တ... ...
တၢ်ကစီၣ်တဖၣ်
၂၀၂၁ နံၣ် လါယူၤလံတလါအကတီၢ်ပူၤ တၢ်ဒုးကစီၣ် ဒုၣ်ဒါအတၢ်ဟူးတၢ်ဂဲၤ ဒီး ကမျၢၢ်အတၢ်အိၣ်သး တၢ်ဘၣ်ကွၢ်ဆၢၣ်မဲၥ်တဖၣ်
၂၀၂၁ နံၣ် လါယူၤလံဒီတလါအကတီၢ်ပူၤ ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ တၢ်ပၢဟီၣ်ကဝီၤ ဒ်အမ့ၢ် ကီၢ်ရ့ၣ် ဒူသထူၣ် သုးက့ (၁) ကီၢ်ရ့ၣ်တီအူ သုးက့ (၂) ကီၢ်ရ့ၣ်ချၢၣ်လွံၢ်ထူၣ် သုးက့ (၃) မုၢ်တြီၢ်ကီၢ်ရ့ၣ် သုးက့ (၅) ဟီၣ်ကဝီၤပူၤသ့ၣ်တဖၣ် ခီဖျိလၢ သုးမီၤစိရိၤအသုး ဒီး သုးခိးကီၢ်ဆၢ သ့ၣ်တဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤအဃိ လၢတၢ်ဒီသဒၢ ဒီး ကၢၤက့ၤဟီၣ်ကဝီၤအဂီၢ် ကညီတၢ်ထူၣ်ဖျဲးသုးမုၢ်ဒိၣ် ဒီး ကညီဒီကလုၥ်ဂၢၤသးကရၢ လီၢ်ကဝီၤ သုးသ့ၣ်တဖၣ် ဘၣ်သဂၢၢ်ခးလိၥ်အသးဒီး သုးမီၤစိရိၤ ဒီး သုးခိးကီၢ်ဆၢသ့ၣ်တဖၣ် ခဲအံၤခဲအံၤန့ၣ်လီၤ. လၢတလါအကတီၢ်ပူၤ တၢ်ခးလိၥ်သး ကအိၣ်ဝဲအဘျီလၢ (၁၈၀) ဃၣ်ဃၣ်န့ၣ်လီၤ. သုးမီၤစိရိၤ ဒီး သုးခိးကီၢ်ဆၢ အသုးသ့ၣ်တဖၣ် သံဒီးဘၣ်ဒိဝဲ ကအိၣ်လၢ (၂၅၀) ဃၣ်ဃၣ်န့ၣ်လီၤ. သုးမီၤစိရိၤအသုးဖိ ဃ့ၢ်ဖျိးစ့ၣ်ကီးဝဲ (၁၁) ဂၤန့ၣ်လီၤ.သုးမီၤစိရိၤ အသုးသ့ၣ်တဖၣ် ဒီး သုးခိးကီၢ်ဆၢ အသုးတဖၣ် ခးလီၤဝဲကျိဖးဒိၣ် လၢကမျၢၢ်ဖိ အဒူသဝီ တၢ... ...