တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤ ၂၀၂၂ နံၣ် လါအီးကထိဘၢၣ် တလါအကတီၢ်ပူၤ တၢ်ဒုးကစီၣ်
၂၀၂၂ နံၣ်, လါနိၣ်ဝ့ဘၢၣ် (၇) သီ ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဟီၣ်ကဝီၤပူၤ ၂၀၂၂ နံၣ်, လါအီးကထိဘၢၣ် ဒီတလါအကတီၢ်ပူၤ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢအသုး သ့ၣ်တဖၣ်အဘၢၣ်စၢၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲကိးနံၤဒဲးန့ၣ်လီၤ. တလါအကတီၢ်ပူၤ တၢ်ဒုးဖးဒိၣ်, တၢ်ဒုးဆံး, တၢ်ဒုးစံၥ်ပြဲၥ် ခဲလၢၥ်ကဲထီၣ်ဝဲ (၂၈၆) ဘျီဒီး သုးမီၤစိရိၤအသုး သံဝဲ (၃၆၉) ဂၤ ဒီး ဘၣ်ဒိဝဲ (၃၀၂) ဂၤန့ၣ်လီၤ. ကညီဒီကလုၥ်တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ တကပၤတခီ ဟ့ၣ်လီၤအသးသမူလၢ ထံကီၢ်ဒီးပှၤကလုၥ်အဂီၢ် ခဲလၢၥ် (၆) ဂၤ ဒီး ဘၣ်ဒိဝဲ (၄၆) ဂၤန့ၣ်လီၤ.သုးမီၤစိရိၤအသုး ဟဲက့ၤဟ့ၣ်လီၤသး ဃုၥ်ဒီးတၢ်စုကဝဲၤ (၄) ဂၤ, ပၥ်လီၤတၢ်စုကဝဲၤလၢ တၢ်ဒုးပျီပူၤ (၃၂) ဂၤ ဒီး ပပှၤဖီၣ်န့ၢ် သုးမီၤစိရိၤအသုးဖိ (၁) ဂၤန့ၣ်လီၤ. သုးမီၤစိရိၤအသုး အီသံလီၤအသးလၢ အသုးကလၢၤပူၤ (၂) ဂၤ ဒီး ဆိက့သံလၢအသုး... ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤပူၤ သုးမီၤစိရိၤ အတၢ်မၤထီဒါ ကမျၢၢ်ဖိခွဲးယၥ် လၢ ၂၀၂၂ နံၣ် လါအီကထိဘၢၣ် တလါအကတီၢ်ပူၤ
ခ့ၣ်အဲၣ်ယူၣ်-လီၢ်ခၢၣ်သး ၂၀၂၂ နံၣ်, လါနိၣ်ဝ့ဘၢၣ် (၆) သီခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤပူၤ ခီဖျိလၢ သုးမီၤစိရိၤအသုး, သုးခိးကီၢ်ဆၢအသုးသ့ၣ်တဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤ တပယူၥ်ဃီအဃိ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢ အသုးသ့ၣ်တဖၣ် အဘၢၣ်စၢၤ တၢ်ဒုးကဲထီၣ်ဝဲ ကိးနံၤဒဲးန့ၣ်လီၤ. တၢ်ဘၣ်သဂၢၢ်ခးလိၥ်သး ကဲထီၣ်ဝဲအခါ သုးမီၤစိရိၤအသုး, သုးခိးကီၢ်ဆၢအသုး သ့ၣ်တဖၣ် မၤဘၣ်ဒိဝဲ ကမျၢၢ်ဖိခွဲးယၥ် ဒ်အမ့ၢ် ခးလီၤဝဲကျိဖးဒိၣ်လၢ ကမျၢၢ်ဖိအဒူသဝီပူၤ, ဟဲခးလီၤတၢ်လၢ ကဘီယူၤ လၢကမျၢၢ်ဖိ အတၢ်အိၣ်တၢ်ဆိးအလီၢ်အကျဲန့ၣ်လီၤ. သုးမီၤစိရိၤအသုး, သုးခိးကီၢ်ဆၢ အသုးသ့ၣ်တဖၣ် ထီၣ်ဒွဲၣ်အူကွံၥ်ဝဲ ကမျၢၢ်ဖိအဟံၣ်အဃီ, ထီၣ်ဃိကမျၢၢ်အဟံၣ် ဒီး မၤဟးဂီၤဟံၣ် အတၢ်ပီးတၢ်လီ, ဖီၣ်ကမျၢၢ်လၢအတၢ်ကမၣ်တအိၣ်ဘၣ်တဖၣ်, ဟံဆူၣ်ကမျၢၢ်အကျိၣ်အစ့ ဒီး ကမျၢၢ်ဖိအတၢ်ဖိတၢ်လံၤသ့ၣ်... ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ဟီၣ်ကဝီၤပူၤ ၂၀၂၂ နံၣ် လါစဲးပထ့ဘၢၣ် တလါကတီၢ်ပူၤ တၢ်ဒုးကစီၣ်
၂၀၂၂ နံၣ်, လါအီးကထိဘၢၣ် (၇) သီ ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢဟီၣ်ကဝီၤပူၤ ၂၀၂၂ နံၣ် လါစဲးပထ့ဘၢၣ် တလါအကတီၢ်ပူၤ ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ ဒီး သုးမီၤစိရိၤအသုး, သုးခိးကီၢ်ဆၢ (BGF) အသုးသ့ၣ်တဖၣ် အဘၢၣ်စၢၤ တၢ်ဘၣ်သဂၢၢ်ခးလိၥ်သး ကဲထီၣ်ဝဲခဲလၢၥ် (၃၃၃) ဘျီ ဒီး သုးမီၤစိရိၤအသုးသံဝဲ (၃၆၀) ဂၤ ဒီး ဘၣ်ဒိဝဲ (၂၆၄) ဂၤန့ၣ်လီၤ. ကညီဒီကလုၥ် တၢ်ထူၣ်ဖျဲးသုးမုၢ်ဒိၣ်, ကညီဒီကလုၥ်ဂၢၤသးကရၢ တခီ ဟ့ၣ်လီၤအသးသမူလၢ ထံကီၢ်ဒီးကလုၥ်ဂီၢ် (၇) ဂၤ ဒီး ဘၣ်ဒိဝဲ (၃၇) ဂၤန့ၣ်လီၤ.သုးမီၤစိရိၤအသုး ဟဲခးလီၤတၢ်လၢ ကဘီယူၤအဃိမ့ၢ်ဂ့ၤ, ခးလီၤကျိဖးဒိၣ်လၢ ကမျၢၢ်ဖိအဒူသဝီ တၢ်အိၣ်တၢ်ဆိးလီၢ်ကျဲအဃိမ့ၢ်ဂ့ၤ ဘၣ်သံဝဲကမျၢၢ် (၆) ဂၤ, ဘၣ်ဒိဝဲ (၁၁) ဂၤန့ၣ်လီၤ. ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ချၢၣ်လွံၢ်ထူၣ်ကီၢ်ရ့ၣ် သုးက့ (၃) ဟီၣ်ကဝီၤပူၤ ၂၀၂၂ နံၣ် လါစဲးပထ့ဘၢၣ် တလါကတီၢ်ပူၤ တၢ်ဒုးကစီၣ် ဒီး သုးမီၤစိရိၤအသုး အတၢ်မၤထီဒါ ဟီၣ်ခိၣ်ဖိခွဲးယၥ်
၂၀၂၂ နံၣ်, လါအီးကထိဘၢၣ် ၅ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ, ကီၢ်သူလ့ၤတၢ်ပၢ ချၢၣ်လွံၢ်ထူၣ်ကီၢ်ရ့ၣ် သုးက့ (၃) ဟီၣ်ကဝီၤပူၤ သုးမီၤစိရိၤအသုးသ့ၣ်တဖၣ် ဟူးဂဲၤဝဲ ဒုးယၤဂ့ၢ်ဝီ အတၢ်ရဲၣ်တၢ်ကျဲၤ ဒီး တၢ်မၤထီဒါ ဟီၣ်ခိၣ်ဖိခွဲးယၥ် အိၣ်ဝဲတပယူၥ်ဃီန့ၣ်လီၤ. ကညီဒီကလုၥ် တၢ်ထူၣ်ဖျဲးသုးမုၢ်ဒိၣ် သုးက့ (၃) စုဒုၣ်တီၤဖီလၥ် သုးရ့ၣ် (၇), သုးရ့ၣ် (၈), သုးရ့ၣ် (၉) ဒီး ဂၢၤသးသုးရ့ၣ် (၃) ခိၣ်နၢ်သိၣ်ဒူသ့ၣ်တဖၣ် ဘၣ်ကွၢ်ဆၢၣ်မဲၥ် ဒုးဆၢဝဲ သုးမီၤစိရိၤအသုးသ့ၣ်တဖၣ် ကိးနံၤဒဲးန့ၣ်လီၤ.စးထီၣ်ဖဲ ၂၀၂၂ နံၣ် လါစဲးပထ့ဘၢၣ်ထီၣ် (၇) သီအနံၤ သုးမီၤစိရိၤအသုးရ့ၣ် လၢအမ့ၢ်ဝဲ ခလရ-(၄၈), ခမရ-(၅၉၀), ခမရ-(၅၉၉), ခမရ-(၅၈၂), ခမရ-(၃၄၉) ဒီး သုးတြိၤ-၇၇ စုဒုၣ်တီၤဖီလၥ် သုးရ့ၣ်တဘ့ၣ်, သုးရ့ၣ်ခဲလၢၥ် (၆) ရ့ၣ် ဟဲနုၥ်လီၤဟူးဂဲၤဝဲလၢ KNLA သုးရ့ၣ် (၉) ဒီး ဂၢၤသးသုးရ့ၣ် (၃) အဟီၣ်ကဝီၤပူၤ ဒီး အတၢ်ရဲၣ်တၢ်ကျဲၤ အိၣ်လၢကဒုးဖျိးကွံၥ်ဝဲ... ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ချၢၣ်လွံၢ်ထူၣ်ကီၢ်ရ့ၣ် ဟီၣ်ကဝီၤပူၤ သုးမီၤစိရိၤအသုး ခးလီၤကျိဖးဒိၣ်ဃိ ဘၣ်သံကမျၢၢ်ဖိ, သုးမီၤစိရိၤအသုးတဖၣ် ဖီၣ်ကမျၢၢ်, ဒွဲၣ်အူကမျၢၢ်ဟုသး ဒီး ကမျၢၢ်ဖိအဟံၣ်
၂၀၂၂ နံၣ်, လါစဲးပထ့ဘၢၣ် (၁၉) သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ ချၢၣ်လွံၢ်ထူၣ်ကီၢ်ရ့ၣ်, မူကီၢ်ဆၣ် ဟီၣ်ကဝီၤပူၤ ဖဲ ၂၀၂၂ နံၣ် လါစဲးပထ့ဘၢၣ်ထီၣ် (၁၁) သီ အနံၤ သုးမီၤစိရိၤအသုးရ့ၣ် (၅၉၀) အသုးတဖၣ် ဖီၣ်ဝဲ ထံပူၤဝါ (ရေတွင်းဖြူ) သဝီဖိတဂၤ ခီဖျိလၢ သဝီဖိတဂၤအံၤ တီဝဲဟုသး (၃) ထၢၣ်အဃိန့ၣ်လီၤ. တနံၤဃီ ဖဲဟါခီ (၃း၀၀) နၣ်ရံၣ်အဆၢကတီၢ် သုးမီၤစိရိၤအသုးရ့ၣ် ခမရ (၆၀၃) ဒီး ခမရ (၅၉၉) ပၥ်ဖှိၣ်ထီၣ်လိၥ်အသး ဒီး ပၠံၣ်သူးစ့း (ပြည်သူ့စစ်) တဖၣ် ဖဲအီလီစံၣ်သဝီပူၤဝံၤ ဒီး ဒွဲၣ်အူကွံၥ်ဝဲ အီလီစံၣ်သဝီဖိ (၁) ဂၤ အဟုသး (၅) ထၢၣ် ဒီး ဒွဲၣ်အူဃုၥ်စ့ၢ်ကီးဝဲ ကမျၢၢ်ဖိတဂၤအံၤ အဟံၣ်ဃီတၢ်ပီးတၢ်လီ ခဲလၢၥ်န့ၣ်လီၤ. ဖဲ ၂၀၂၂ နံၣ် လါစဲးပထ့ဘၢၣ်ထီၣ် (၁၁) သီအနံၤ သုးမီၤစိရိၤအသုးရ့ၣ် ခလရ (၆၀) အသုးတဖၣ် ကိးဆူၣ်ဝဲ တီၢ်စူးသဝီ သူၣ်ခ့သးပှၢ်တဖၣ် ဒီး မၢဆူၣ်ဝဲကမျၢၢ်ဖိသ့ၣ်တဖၣ် ဟးထီၣ်ကွံၥ်လၢ အသဝီပူၤအဃိ သဝီဖိ ဟံၣ်ဒူၣ် (၅၈) ဒူၣ် ပှၤန... ...
တၢ်ကစီၣ်တဖၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢ, ချၢၣ်လွံၢ်ထူၣ်ကီၢ်ရ့ၣ် ဟီၣ်ကဝီၤပူၤ သုးမီၤစိရိၤအသုး ခးသံကမျၢၢ်ဖိ, နီဟးထီၣ်ကွံၥ်ကမျၢၢ် ဒီး ဟံဆူၣ်ကမျၢၢ်ဖိ အလီတဲစိ
၂၀၂၂ နံၣ်, လါစဲးပထ့ဘၢၣ် ၁၄ သီ, ခ့ၣ်အဲၣ်ယူၣ်-လီၢ်ခၢၣ်သးခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢချၢၣ်လွံၢ်ထူၣ်ကီၢ်ရ့ၣ် မူကီၢ်ဆၣ် တၢ်ပၢဟီၣ်ကဝီၤပူၤ ဖဲ ၂၀၂၂ နံၣ် လါစဲးပထ့ဘၢၣ်ထီၣ် (၁၂) သီအနံၤ ဟါခီ (၅း၂၉) နၣ်ရံၣ်အဆၢကတီၢ် တခီပှၢ်သဝီဖိ စီၤရီဘ့ၣ်ထူ ဖဲအဝဲဟဲက့ၤဒုးအီၣ် အဆၣ်ဖိကီၢ်ဖိအဆၣ်အခါ သုးမီၤစိရိၤအသုး လၢအိၣ်ဖဲ အီလီစံၣ် သုးကလၢၤသ့ၣ်တဖၣ် ထံၣ်အီၤဒီး အဝဲသ့ၣ်တဖၣ် ခးဝဲ စီၤရီဘ့ၣ်ထူ ဒီး ဘၣ်ဝဲစီၤရီဘ့ၣ်ထူ အကိၥ်ဘိ ဒီး သံဝဲတဘျီဃီန့ၣ်လီၤ.ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ကီၢ်သူလ့ၤတၢ်ပၢချၢၣ်လွံၢ်ထူၣ်ကီၢ်ရ့ၣ် မူကီၢ်ဆၣ် တၢ်ပၢဟီၣ်ကဝီၤပူၤ ဖဲ ၂၀၂၂ နံၣ် လါစဲးပထ့ဘၢၣ်ထီၣ် (၁၃) သီအနံၤ ဟါခီ (၃း၀၀) နၣ်ရံၣ်အဆၢကတီၢ် သုးမီၤစိရိၤအသုး အိၣ်ဟံန့ၢ်တၢ်လီၢ်ဖဲ နိၣ်ကူၤသဝီ သ့ၣ်ခ့မဲၥ်တိၤခိၣ် သ့ၣ်တဖၣ် နီဟးထီၣ်ကွံၥ်ဝဲ နိၣ်ကူၤသဝီဖိ ခဲလၢၥ်န့ၣ်လီၤ. သုးမီၤစိရိၤအသုးသ့ၣ်တဖၣ် တဲပျံၤဝဲ နိၣ်ကူၤသဝီဖိ လၢအဝဲသ့ၣ်အသုးကျိၤ မ့... ...