စာတို
ခရိုင်များ
(၇၆) နှစ်မြောက် ကရင်အမျိုးသားနေ့အား ဖားအံခရိုင်၊ မော်ပယ်ခို့ တွင်ပြုလုပ်ကျင်းပ
၂၀၂၄ ခုနှစ်၊ ဖေဖော်ဝါရီလ ၁၁၊ ကေအဲန်ယူ-ဗဟို။
ယနေ့
၂၀၂၄ ခုနှစ်၊ ဖေဖော်ဝါရီလ ၁၁ ရက်နေ့တွင် ကျရောက်သော (၇၆) နှစ်မြောက်
ကရင်အမျိုးသားနေ့အား ကေအဲန်ယူ-ကရင်အမျိုးသားအစည်းအရုံး၊လှိုင်းဘွဲမြို့နယ်၊
မော်ပယ်ခို့ကျေးရွာ အမှတ်(၁) ဖားအံခရိုင် အထက်တန်းကျောင်းတွင်
ပြုလုပ်ကျင်းပခဲ့ပြီး အခမ်းအနားမှူးများအဖြစ် ဆရာမ နော်အယ်ဖော်ဝါး (
ပညာပေး၊ စည်းရုံးရေးနှင့် ဖွဲ့စည်းတည်ဆောက်ရေးလုပ်ငန်းကော်မတီ-ဗဟို) နှင့်
ဆရာ ဝေယံမင်းသိန်း ( ပညာပေး၊ စည်းရုံးရေးနှင့် ဖွဲ့စည်းတည်ဆောက်ရေးလုပ်ငန်းကော်မတီ-ဗဟို) တို့က ဦးဆောင်ခဲ့ပါသည်။
အခမ်းအနားတွင်
ခေါင်းဆောင်ကြီးများနှင့် ဧည့်သည်တော်များနေရာယူအပြီးတွင် တပ်ရင်း (၂၁)
ရုံးထိုင်မှူး ဗိုလ်ကြီးစောတွံ့တေး ၏ ဦးဆောင်မှုဖြင့်
ကရင်အမျိုးသားအလံတော်အား ဦးညွှတ်ခဲ့ကြပြီး ကျဆုံးသွားသော
အာဇာနည်ခေါင်းဆောင်များ၊ ရဲဘော်များနှင့် ပြည်သူများအား တစ်မိနစ်ခန့်
ငြိမ်သက်အလေးပြုခဲ့ပါသည်။
ထို့နောက်တွင်
ကေအဲန်ယူ-ကရင်အမျိုးသားအစည်းအရုံး တွဲဖက်အတွင်းရေးမှူး(၂)
ပဒိုစောလှထွန်းမှ ကြိုဆိုနှုတ်ခွန်းဆက်စကားပြောကြားခဲ့ပြီး
ကရင်အမျိုးသားနေ့ဖြစ်ပေါ်လာပုံသမိုင်းကြောင်းအား ပဒို စောလွယ်စိုး
(မူတြော်ခရိုင်) မှ ဖတ်ကြားပေးခဲ့ကာ (၇၆) နှစ်မြောက် ကရင်အမျိုးသားနေ့
ဂုဏ်ပြုမိန့်ခွန်းအား ကေအဲန်ယူ-ကရင်အမျိုးသားအစည်းအရုံး ဥက္ကဋ္ဌ
ပဒိုစောကွယ်ထူးဝင်း မှ ပြောကြားခဲ့ပါသည်။
(၇၆)
နှစ်မြောက် ကရင်အမျိုးသားနေ့ သို့ ကေအဲန်ယူ-ကရင်အမျိုးသားအစည်းအရုံး မှ
ပေးပို့သော သဝဏ်လွှာအား ဆရာမ နော်ဂေဂေ ( ပြည်သူ့ဆက်ဆံရေးနှင့်
သတင်းပြန်ကြားရေးလုပ်ငန်းကော်မတီ-ဗဟို) မှဖတ်ကြားပေးခဲ့ပြီး
ပဒိုစောသမိန်ထွန်း (ကေအဲန်ယူ-ကရင်အမျိုးသားအစည်းအရုံး၊
ဗဟိုအမြဲတမ်းကော်မတီ) ၊ ပဒိုနော်စလဲ
(တောင်ငူခရိုင်-ကရင်အမျိုးသမီးအစည်းအရုံး)၊ ဆရာ စောခန့်ဇော်ဝင်း
(ကရင်လူငယ်အစည်းအရုံး-ဗဟို) နှင့် ဖားအံခရိုင် တရားသူကြီးချုပ်
ပဒိုမန်းပန်းသီ တို့မှ အားပေးဂုဏ်ပြုစကားပြောကြားခဲ့ပါသည်။
ထို့ပြင်
အမှတ်(၁) ဖားအံခရိုင် အထက်တန်းကျောင်း ကျောင်းအုပ် ဆရာစောအယ်ကလိုစေးမှ
ကျေးဇူးတင်စကားပြောကြားခဲ့ပြီး အမှတ်(၁) ဖားအံခရိုင် အထက်တန်းကျောင်း မှ
ကျောင်းသူကျောင်းသားများ၊ နိုင်ငံရေးနှင့် စည်းရုံးရေး လုပ်ငန်းကော်မတီ
(TOT) သင်တန်းမှ ဆရာ၊ဆရာမများ၊ ကရင်အနုသုခုမ အသင်း (KAA) ၊
အပျိုစင်ဒုံးနှင့် ဖားအံခရိုင်(နိုင်ငံရေးနှင့်
စည်းရုံးရေးလုပ်ငန်းကော်မတီ) တို့မှ (၇၆) နှစ်မြောက် ကရင်အမျိုးသားနေ့
ဂုဏ်ပြုသီချင်း အဆိုအကများဖြင့် ဖျော်ဖြေခဲ့ကာ အခမ်းအနားသို့ လူဦးရေ (၁၅၀)
ခန့်တက်ရောက်ဂုဏ်ပြုခဲ့ပါသည်။
ဆက်စပ်လုပ်ရှားဆောင်ရွက်မှုများ
