စာတို
ခရိုင်များ
ခလယ်လွီထူခရိုင်အတွင်း ကရင်ရိုးရာ ဝါခေါင်လ လက်ချည်ပွဲအခမ်းအနားအား စည်းကားသိုက်မြိုက်စွာ ကျင်းပ
ဩဂုတ်လ (၂၆) ရက်၊ ၂၀၂၄ ခုနှစ်၊ ကေအဲန်ယူ-ဗဟို
ခလယ်လွီထူခရိုင်အတွင်း ၂၀၂၄ ခုနှစ် ဩဂုတ်လ ၂၄ ရက် မနက် (၇) နာရီအချိန်၌ ကရင်ရိုးရာ လက်ချည် ပွဲအခမ်းအနားကို ကရင်လက်ချည်ပွဲအခမ်းအနား ဖြစ်မြောက်ရေးကော်မတီမှ ဦးဆောင်ကျင်း ပပြုလုပ်ကာ အဆိုပါအခမ်းအနားကို တာဝန်ရှိခေါင်းဆောင်များ၊ ကျောင်းသူကျောင်းသားများနှင့် ပြည်သူလူထု စုစုပေါင်း ၄၀၀ ခန့် ပါဝင်တက်ရောက်ခဲ့သည်။
ကရင်လက်ချည်ပွဲအခမ်းအနားတွင် အစီအစဉ် ၂ ပိုင်းဖြင့် ကျင်းပပြုလုပ်ပြီး ပထမ တစ်ပိုင်းတွင် ကရင်ရိုးရာ လက်ချည်ပွဲသီချင်းဖြင့် သီဆိုဖွင့်လစ်ကာ ကေအဲန်ယူ-ကရင်အမျိုးသားအစည်းအရုံး (ဗဟို) မှပေးပို့သော သဝဏ်လွှာအား ဖတ်ကြားခြင်း၊ တက်ရောက်လာသော တာဝန်ရှိခေါင်းဆောင်များမှ အားပေးစကားပြောကြား ခြင်း၊ အစီအစဉ်ပထမပိုင်းကို ကရင်အမျိုးသားသီချင်းဖြင့် နိဂုံးချုပ်ခဲ့သည်။
ဒုတိယ အစီအစဉ်အနေဖြင့် ကရင်ရိုးရာ ယဉ်ကျေးမှုပြဇာတ်၊ ကရင်ရိုးရာသီချင်းဖြင့် ကပြသီဆိုဖျော်ဖြေခြင်း နှင့် ကရင်ရိုးရာလက်ချည်ပွဲ ဖြစ်ပေါ်လာပုံအကြောင်းကို ကရင်လက်ချည်ပွဲအခမ်းအနားဖြစ်မြောက်ရေးကော်မတီ စောဘလောစေးမှ ရှင်းပြပြီး ကရင်လက်ချည်ပွဲအခမ်းအနားကို တစ်ဦးနှင့်တစ်ဦး ဆုတောင်း မေတ္တာပို့ခြင်းဖြင့် အစီအစဉ်အား ပိတ်သိမ်းခဲ့သည်။
ဆက်စပ်လုပ်ရှားဆောင်ရွက်မှုများ
