စာတို
ခရိုင်များ
ကော်သူးလေ၊ မူတြော်ခရိုင်တွင် ကျင်းပပြုလုပ်သော "ခေါင်းဆောင်မှု၊ အုပ်ချုပ်ရေးနှင့် ပြည်သူ့ရေးရာစီမံခန့်ခွဲရေး" သင်တန်း အောင်မြင်စွာ ပြီးဆုံးခဲ့
၂၀၂၄ ခုနှစ်၊ ဇွန်လိုင်လ (၂၂) ရက်၊ ကေအဲန်ယူ-ဗဟို။
"ခေါင်းဆောင်မှု၊ အုပ်ချုပ်ရေးနှင့် ပြည်သူ့ရေးရာ စီမံခန့်ခွဲရေး" သင်တန်းအစီအစဉ်အား တစ်လတိတိ သေချာစွာ လေ့လာ၊သင်ယူ၊ ဆွေးနွေးခဲ့ကြသည် သာကမ အသုံးချနိုင်မည့်နည်းလမ်းများလည်းဖော်ထုတ်ခဲ့ကြ သည့် သင်တန်းအစီအစဉ် အောင်မြင်စွာပြီးမြောက်ခဲ့သည်။။ လေးပတ်ကြာ လည်ပတ်ခဲ့သည့် ဤသင်တန်းအစီအစဉ်တွင် ပါဝင်တက်ရောက်ခဲ့ကြသည့် ကိုယ်စားလှယ်ခေါင်းဆောင်များအား ဒေသန္တရအဆင့်တွင် ခေါင်းဆောင်မှုနှင့် အုပ်ချုပ်ရေးမြှင့်တင်ရန် မရှိမဖြစ်လိုအပ်သော ကျွမ်းကျင်မှုနှင့် အသိပညာများ နှင့် ပြည်သူ့ရေးများကို စီမံခန့်ခွဲခြင်းအပေါ် အာရုံစိုက်လုပ်ဆောင်နိုင်ရန် ရည်ရွယ်သည်။
ဤ တတိယအကြိမ် ပြုလုပ်သော "ခေါင်းဆောင်မှု၊ အုပ်ချုပ်ရေးနှင့် ပြည်သူ့ရေးရာ စီမံခန့်ခွဲရေး" သင်တန်းအား တော်အူး၊ ခလယ်လွီထူ နှင့် မူတြော် ခရိုင်များမှ ကိုယ်စားလှယ်ခေါင်းဆောင် သင်တန်းသူ/သား စုစုပေါင်း (၃၀) ဦး ပါဝင်တက်ရောက်ခဲ့ပါသည်။ သင်တန်းသို့ တက်ရောက်လာကြသော ကိုယ်စားလှယ် ခရိုင်ခေါင်းဆောင်များသည် ထိရောက်သော ခေါင်းဆောင်မှုစွမ်းရည်များ ဖွံ့ဖြိုးတိုးတက်စေရန်၊ ဗျူဟာမြောက်တွေးခေါ်မှု၊ ဆုံးဖြတ်ချက်ချခြင်းနှင့် ကျင့်ဝတ်ဆိုင်ရာ ခေါင်းဆောင်မှုစသည့် ခေါင်းစဉ်မျာဖြင့် အလေးပေးသည့် အပြန်အလှန်အကျိုးပြုစေမည့် ဆွေးနွေးမှုများအား သင်ယူ၊ ဆွေးနွေးခဲ့ကြသည်။ ဤသင်တန်း အစီအစဉ်တွင် ပါဝင်ကြသည့် ကိုယ်စားလှယ်ခေါင်းဆောင်များအား ၎င်းတို့၏ ဒေသအတွင်း ခေါင်းဆောင်မှုအခန်းကဏ္ဍများတွင် ပါဝင်လုပ်ဆောင်နိုင်ရန် ပြင်ဆင်ခြင်းလည်းဖြစ် သည်။
သင်တန်းအစီအစဉ်များတွင် ရေရှည်တည်တံ့သော သဘာဝပတ်ဝန်းကျင် စီမံခန့်ခွဲမှု အလေ့အကျင့် များကို မီးမောင်းထိုးပြပြီး ဒေသတွင်း သဘာဝအရင်းအမြစ်များကို ကာကွယ်ထိန်းသိမ်း စောင့်ရှောက်ခြင်းအပေါ် အလေးထားဆောင်ရွက်သည့် အခန်းကဏ္ဍလည်းပါဝင်သည်။ ထို့ပပြင် ကိုယ်စာလှယ်ခေါင်းဆောင်များသည် စီးပွားရေးဖွံ့ဖြိုးတိုးတက်မှုကို လှုံ့ဆော်ရန် မဟာဗျူဟာများ စသည့်ခေါင်းစဉ်များ အပါအဝင် မိမိတို့ဒေသတွင်း အစပျိုး မောင်းနှင်သော စီးပွားရေလုပ်ငန်း များနှင့် ပုဂ္ဂလိကကဏ္ဍနှင့် ပူးပေါင်းဆောင်ရွက်သည့် စီပွားရေးကဏ္ဍများ အကြောင်းလည်း လေ့လာ၊ဆွေးနွေး ခဲ့ကြသည်။
သင်တန်းတွင်ပါဝင်ခဲ့ကြသည့် ကိုယ်စားလှယ်ခေါင်းဆောင်များသည် မိမိတို့သက်ဆိုင်ရာဒေသများတွင် ထိရောက်သော အုပ်ချုပ်မှုအလေ့အကျင့်များကို အကောင်အထည်ဖော်ရန် ရည်ရွယ်ချက်အသစ်နှင့် ခိုင်မာသောကျွမ်းကျင်မှုများဖြင့် သင်တန်းမှ ပြန်လည်ထွက်ခွာခဲ့ကြသည်။ ဤသင်တန်းသည် စွမ်းရည်ရှိသော ခေါင်းဆောင်များ၏ ကတိကဝတ်ပြုထားမှု ကွန်ရက်အားဖြင့် ကော်သူးလေတွင် အပြုသဘောဆောင်သော ပြောင်းလဲမှုနှင့် ရေရှည်တည်တံ့သော ဖွံ့ဖြိုးတိုးတက်မှုကို မောင်းနှင်ရန် ဖြစ်သည်။
ဤသင်တန်းအစီအစဉ်ကို အောင်မြင်စွာ ပြီးမြောက်ခြင်းသည် ကော်သူးလေရှိ ဒေသန္တရအုပ်ချုပ်ရေးနှင့် ပြည်သူ့အုပ်ချုပ်ရေးကို အားကောင်းစေရန် ကေအဲန်ယူ-ကရင်အမျိုးသားအစည်းအရုံး၏ စဉ်ဆက်မပြတ်ကြိုးပမ်းမှုတွင် သိသာထင်ရှားသော မှတ်တိုင်တစ်ခုဖြစ်သည်။ အုပ်ချုပ်ရေးနှင့် ပြည်သူ့ရေးရာစီမံခန့်ခွဲရေးကျောင်း၏ တတ်ကျွမ်းပညာရှင်များနှင့် နည်းပညာဆိုင်ရာ ပံ့ပိုးမှုများအတွက် အုပ်ချုပ်ရေးနှင့် ပြည်သူ့ရေးရာစီမံခန့်ခွဲရေးကျောင်း (SGPA) အား ကေအဲန်ယူ-ကရင်အမျိုးသားအစည်းအရုံးမှ လှိုက်လှိုက်လှဲလှဲ ကျေးဇူးတင်ရှိပါသည်။
ဆက်စပ်လုပ်ရှားဆောင်ရွက်မှုများ
