ဒူးပလာယာခရိုင်အတွင်း သတင်းမီဒီယာလုပ်ငန်းများအား ကောင်းလာအောင် ဆောင်ရွက်သွားမည်

ကေအဲန်ယူ- ကရင်အမျိုးသားအစည်းရုံး ဒူးပလာယာခရိုင်အတွင်းရှိ ကေအဲန်ယူ အုပ်ချုပ်ရေး စနစ် အောက်တွင်ရှိသည့် ဌာနဆိုင်ရာများ၏ ပြည်သူအတွက် လုပ်ဆောင်နေမှုများ၊ ဒေသအတွင်းရှိ ဖြစ်ပျက်နေသည့် သတင်းအချက်အလက်များအား ခရိုင်အတွင်းရှိ ပြည်သူများ သိရှိနားလည်လာအောင် ဆောင်ရွက်သွားမည်ဖြစ်ကြောင်း စည်းရုံးရေးနှင့် ပြန်ကြားဌာနမှူး ပဒိုစောထူးထူးအဲ့ ကပြောသည်။

အစည်းအဝေးတွင် ခရိုင်အတွင်းရှိမြို့နယ်လေးမြို့နယ်မှ စည်းရုံးရေးနှင့် ပြန်ကြားရေးလုပ်ငန်းများ အားကောင်းလာအောင် ဆောင်ရွက်မည့် အစီအစဉ်များ ကဏ္ဍအလိုက်တာဝန်ခွဲဝေမှုများ၊ ပညာပေးရေးနှင့် စည်းရုံးဖွဲ့စည်းရေး ၊ သတင်းနှင့် ပြန်ကြားရေး၊ သုတေသနနှင့် မှတ်တမ်း ၊ KWO – ကရင်အမျိုးသမီးအစည်းအရုံး ၊ KYO -ကရင်လူငယ်အစည်းအရုံး ဆိုင်ရာကိစ္စရပ်များ ကို ဆွေးနွေးခဲ့ကြသည်။

ကေအဲန်ယူ-ကရင်အမျိုးသားအစည်းအရုံး ဒူးပလာယာခရိုင် ဖွဲ့စည်းပုံ၏ နယ်မြေအုပ်ချုပ်ရေးစနစ်တွင် စည်းရုံးရေးနှင့်ပြန်ကြားရေးဌာန၊ ကျန်းမာရေးနှင့်ကယ်ဆယ်ရေး ပြန်လည်ထူထောင်ရေးဌာန၊ ပညာရေးနှင့်ယဉ်ကျေးမှုဌာန၊ လယ်ယာစိုက်ပျိုးရေးဌာန၊ သစ်တောဌာန၊ အခွန်နှင့်ဘဏ္ဍာရေးဌာန ၊ သယ်ယူပို့ဆောင်ရေးနှင့်လမ်းပန်းဆက်သွယ်ရေးဌာန၊ မွေးမြူရေးနှင့်ရေလုပ်ငန်းဌာန၊ ကရင်အမျိုးသားရဲတပ်ဖွဲ့ဌာန(KNPF) တို့ရှိသည်။

၂၉-ဖေဖော်ဝါရီလ-၂၀၂၀၊ ဒူးပလာယာ